Að kolefnisjafna af hugsjón.

Þessi dagur er eins og aðrir góðir sumardagar.  Dagurinn byrjaði með því að góður vinur okkar droppaði við í morgunkaffi eða þannig, reyndar drekkur hann bara te.

Það var nú ekki amarlegt, og við fengum ferðasögu beint í æð, frá Kína og Tíbet, svo ljóslifandi að það var eins og við hefðum fengið að fara með í ferðina.  Hann var hér að skoða Act alone hátíðina, en annars kemur hann alltaf við í morgunmat, þegar hann kemur með konsert og er alltaf gleðigjafi.

Nýtt sjónarhorn hjá mér.

Reyndar höfum við hjónin verið að planta trjám undanfarin ár, og í dag eftir að Hörður fór, fórum við í göngutúr um trjáræktina okkar.

Þar kennir margra grasa.

Ilmurinn er yndæll og bragðið eftir því.

Þetta er svona yfirlits mynd yfir hluta af skóginum okkar.

Sum trén orðin ansi há.

Eins og sjá má.

Sum bara nokkuð flott.

Hér fara að myndast ber, sem týna má seinna í sumar.

Hér er myndarleg ösp.

Furur hafa komið vel út í vor.

En púkarnir okkar voru ýmislegt að bralla á meðan, meðal annars fundu upp nýjan leik sem er að renna sér á svefnpoka niður kúluna, rosalega skemmtilegur leikur.

Vííí en gaman.

Strákarnir mínir sáu um matinn í kvöld, og það var svo sannarlega flottur matur.

meðal annars var grillaður camenbert ostur, sem er algjört sælgæti snæddur með bláberjasultu.

Nammi namm. 

Svo  bara að slaka á og njóta þess sem eftir er af helginni.  Stubburinn er niður við höfn að veiða, með frænda sínum og afa hans.  Þeir eru örugglega rosalega ánægðir.

Og svo erum við líka hjónin.  Knús til ykkar allra.

Athugasemdir

[Ásdís Sigurðardóttir, 1.7.2007 kl. 21:59]

Yndislegar myndir, ég léttist í lundinni að skoða þetta. Kannski mér mundi batna helling ef ég kæmist vestur 

[Ásthildur Cesil Þórðardóttir, 1.7.2007 kl. 22:27]

Já Ásdís mín hvað um að skoða það mál  Takk líka Arna mín.

[Jenný Anna Baldursdóttir, 1.7.2007 kl. 22:42]

Það er alltaf jafn gaman að horfa á augnablikin þín elsku Ásthildur.

[Torfi Jóhannsson - Framtíðin er okkar., 1.7.2007 kl. 23:21]

alltaf að gaman að skoða hvað pjakkarnir þínir taka sér til bragðs, greinilega mjög duglegir að finna sér hina ýmsu hluti að gera renna sér á svefnpoka, busla í tjörninni og veiða og hvað annað sem hefur komið upp hérna á spjallinu.  Það liggur við að maður finnist þekkja þá við þessa stuttu frásagnir af þeim.

[Katrín Snæhólm Baldursdóttir, 1.7.2007 kl. 23:52]

Hörður Torfa er einstakur maður. Man eftir laginu hans um Lítinn fugl sem ég spilaði mikið þegar ég var útvarpskona....Kæelikskveðja til ykkar.

Verð bara að fara að komast vestur og rifja upp eldheitar minningar.

[Jón Steinar Ragnarsson, 2.7.2007 kl. 00:06]

Þú fefur nú kolefnisjafnað fyrir hverja útöndun alls þíns ættleggs frá upphafi Ía mín og gott betur.  Kannski tekurðu svona eitt puntstrá fyrir hvert púst frá mér líka.

[Hrönn Sigurðardóttir, 2.7.2007 kl. 00:09]

Yndislegt að skoða myndirnar þína Cesil mín. Þú gersamlega geislar.

Hörður er frábær sögumaður, maður dettur alveg inn í karakter hjá honum....

knús

[Kristín Katla Árnadóttir, 2.7.2007 kl. 09:54]

 Það er flottar myndirnar þínar og maturinn er girnilegur hjá þér.

[Ásthildur Cesil Þórðardóttir, 2.7.2007 kl. 15:52]

Takk öll sömul.

Já þeir eru uppátektarsamir þessi piltar.  Nú tókst þeim að dobbla einn afann til að fara með þeim að veiða. Þeir komu í gær með þorsk og ufsa, sem er lagt að ömmu að elda. 

Hörður er flottur.  Hann er listamaður með stóru elli.

Prakkari minn auðvitað skal ég gauka að þér nokkrum stráum, þó það nú væri.

Takk Jenný og Jóna Ingibjörg.  Já lífið er dásamlegt. 

[Solla Guðjóns, 2.7.2007 kl. 22:34]

Sniðugir púkarnir þínir.

[Saumakonan, 3.7.2007 kl. 10:47]

ohh alltaf jafn fallegar myndirnar þínar...  knús á þig frá þreyttri saumakonu

[Ásthildur Cesil Þórðardóttir, 3.7.2007 kl. 18:28]

Knús til ykkar líka frá örþreyttri garðyrkjukonu sem hefur verið eins og útspýtt hundskinn um allann bæ í dag og gær, bæði að vökva og sækja blóm og verkfæri.  Gjörsamlega búinn. 

[Ásthildur Cesil Þórðardóttir, 3.7.2007 kl. 18:28]

Hvar er rigningin ???

[Katrín, 4.7.2007 kl. 10:50]

Elsku kerlingin mín,  vona að þú náir að hvíla þig og safna kröftum.  Rigning á næsta leyti og þá kannski er tóm til að kasta sér niður.  Kveðjur úr Vikinni