Sól, og gott veður á Ísafirði eins og verið hefur.

Það er sama góða veðrið einn daginn enn.  Það er bara yndislegt. 

Þessi var tekin í gær, en það er sama veður núna.

Ég var ánægð með Austurvöllinn í gær, við unnum í honum í gær, og vökvuðum.  Hér má sjá blómarósirnar mínar taka saman slöngur. 

Hér er garðurinn minn.

Hér vildu svo gista tveir kjarnakarlar ömmu í kúlustrákar.  Hér eru þeir ásamt stubbnum mínum.

Þeir foru svo með afa niður í fjöru að leika sér í og á sjónum. 

Sjáiði sólskinið glampa á haffletinum.  Kvöldsólin.

Það er gaman að fara með afa niður á kajakaðstöðu.

 

Þá er að hoppa í sjóinn.  Fyllsta öryggis er gætt eins og sjá má.

Þetta er nefnilega það dýrmætasta sem við eigum.

Klifur er líka skemmtilegt.

Skyldi vera búið að lagfæra kvótkerfið þegar þessir piltar komast á legg, svo þeir hafi möguleika á að draga fisk úr sjó.  Eða ætli það verði búið að færa L.Í.Ú. fiskinn endanlega á silfurfati, svo þeir geti selt hann til útlanda til að græða nógu mikið í sinn eigin rassvasa. 

Hann er bara sex ára, en rær eins og herforingi.  Hann hefur aldrei farið á námskeið, en hann kann svo sannarlega að róa kajak.

Seinna um kvöldið læddist dalalæðan inn fjörðin og gerði sig heimakomna.  Hún heldur sig eiga heima hér.  En hún er alltaf farin þegar dagar aftur.

Þá er það næturhimininn.  Það er auðvitað ekki  myrkur, en ljósbrotið gerir það.

Jæja ég verð að hlaupa.  langaði bara til að deila þessu með ykkur. 

Athugasemdir

[Katrín Snæhólm Baldursdóttir, 30.6.2007 kl. 11:05]

Ef þetta heitir ekki að lifa lífinu sprelllifandi þá veit ég ekki hvað. Algerlega einstakt og frábærar myndir af mannlífi og náttúru í samhljómi. Takk fyrir þessar skemmtilegu netdagbækur um lífið eins og það getur verið flott.

[Ásthildur Cesil Þórðardóttir, 30.6.2007 kl. 11:09]

Takk Katrín mín.  Ég er að spá í hvernig þetta verður í skammdeginu

[Jenný Anna Baldursdóttir, 30.6.2007 kl. 11:27]

Sammála Katrínu.  Takk fyrir mig og njóttu dagsins.

[Hrönn Sigurðardóttir, 30.6.2007 kl. 12:01]

 Þetta er frábært

[Ásthildur Cesil Þórðardóttir, 30.6.2007 kl. 12:09]

Takk elskulegu mínar.  Ég er að vinna í pappírum núna, ekki mjög skemmtilegt.  En það verður aðgerast eins og annað.  Sem betur fer get ég sest út með pappírana. 

[Ásdís Sigurðardóttir, 30.6.2007 kl. 12:17]

Hér er engin sól í dag, en ég sé að hún er hjá þér svo ég er slök. Verst að ég er ekki með þér í pappírunum, bókhalds genin í mér elska pappíra sem þarf að taka til í. Hef stundum hjálpað fólki sem er í vandræðum með reikningana sína. Fékk einu sinni tvo svarta (stóra) plastpoka fulla af óopnuðum pósti ofl. og tókst að koma því í lag.  Semsagt elska pappírsóreiðu sem ég get lagað. Er ýkt skipulögð sjálf.

[Kristín Katla Árnadóttir, 30.6.2007 kl. 13:29]

Þetta eru frábærar  myndir sem þú tekur alltaf svo fallegar takk fyrir þetta.

[Ásthildur Cesil Þórðardóttir, 30.6.2007 kl. 14:55]

Takk Kristín Katla mín.  Ásdís vildu ekki bara skella þér til mín í sólina og pappírana

[Laufey B Waage, 30.6.2007 kl. 20:15]

Já ég ætla rétt að vona að það náist að færa fiskveiðiástandið í almennilegt horf (má lesast; fyrra horf), áður en þessir kútar vaxa úr grasi.

Gamla góða Lubbu-nafnið er bara notalega krúttlegt og sætt. Eins og Íju-nafnið (með eða án j ?)

[Ásthildur Cesil Þórðardóttir, 30.6.2007 kl. 22:13]

Jamm einmitt mín kæra.  Svo gaman að hitta þig hér.

[Solla Guðjóns, 30.6.2007 kl. 22:21]

Mér finnst svo dásamlegt að sjá myndirnar þínar.Þær eru alveg ljóslifandi fyrir mér..svo gaman að sjá krakkana í og við trilluna.. umm ég finn liktina af sjónum ........svona trillu hef ég róið síðan ég man eftir mér og er það eitt það skemmtilegasta sem við gerum með krökkunum þegar við erum á EyriÞestu þakkir og knús á þig

[Ásthildur Cesil Þórðardóttir, 30.6.2007 kl. 22:24]

Knús til baka elskuleg