Ísafjörður í beinni.

Já nú get ég sýnt nokkrar himnagallerí myndir aftur.  En undanfarið hefur ekki verið ský dróg á himninum til að sýna neitt.  En þessar bæta það allt upp get ég sagt ykkur.

Þessi var tekin kl. 7 í morgun.

Fallegt ekki satt !

Hér má sjá vætti himinsins æða um hvolfið eins og risastórir drekar.

Hér má sjá baráttu milli himnafugla hina hvítu, og grimmu gráu, það er barist upp á líf og dauða.

Og auðvitað sigrar hið góða, þegar hvíti hvalurinn hrekur allar grimmu gráu himnaverurnar burtu.

Og hvítu himnaverurnar fagna sigrinum með skýjadansi.

En í gær ætlaði ég að steikja lambagúllas, sem ég og gerði, setti feiti á pönnu og ætlað svo aðeins að kíkja á ykkur.  Ég gleymdi mér og afleiðinarnar urðu mikill reykur í húsinu, og svona brást stubburinn við.

Hehehe dálítið dramatísk viðbrögð, en hvað með það.   Hann er náttúrulega að horfa á sjónvarpið í stað þess að fara bara út að leika sér.

En ég hef tekið eftir sætum grænum steinum út um allan bæ, þetta eru jákvæðir yndislegir steinar sem einhverjir hafa málað og skrifað setningar á og farið með á hina og þessa staði.  Mér finnst þetta frábært framtak, og vildi gjarnan vita hverjir gerðu þetta.  Þetta veitir mér gleði í hvert skipti sem ég sé svona stein.

Eins og bros eða kær kveðja frá einhverjum sem lætur sig aðra varða.

Takk þú eða þið sem standið fyrir þessum saklausu gleðigjöfum um allann bæinn.  Ég er viss um að það eru margir sem gleðjast yfir þessu.  Og þið þar með kosnir bestu gleðigjafar Ísafjarðar þetta sumarið af mér.

En svo smá kajak, hér er svo gaman að róa í góða veðrinu.  Smellti af þessum myndum öllum reynar í morgun.

Líf og fjör á yndislegum stað norður við hjara veraldar, en þar sem mannlífið er gott, og allaf nóg um að vera fyrir alla, konur og kalla, börn og gamalmenni.  Kraftur og þor er það sem vættirnir gefa okkur hér.  Það verður aldrei af okkur tekið af manneskjum.  Því gegn tívum og tröllum má enginn mannlegur máttur sín, sem betur fer. 

Athugasemdir

[Torfi Jóhannsson - Framtíðin er okkar., 27.6.2007 kl. 12:59]

Sæl Ásthildur

Ég get upplýst þig að þessir steinar koma frá deild 21 í unglingavinnunni, þessi hugmynd held ég að komi frá henni Önnu Birtu sem er flokkstjóri þar.  Meðal annars er listaverk fyrir aftan skúrana í Fjarðarstræti (hliðina á hvítasunnuhúsinu). Ég vona að fleiri svona skemmtilegar hugmyndi komi fram hjá þessum frjóu krökkum.

Enn og aftur kemur þú með myndir af firðinum okkar fallega eins og hann lítur út dag daglega, þetta er bara frábært að skoða.

[Hrönn Sigurðardóttir, 27.6.2007 kl. 13:40]

Fallegar myndir hjá þér Cesil mín. Og sniðug hugmynd þessi með grænu steinana knús

[Kristín Katla Árnadóttir, 27.6.2007 kl. 15:11]

Mjög fallegar myndir og skemmtilegir og flottir steinar

[Ásthildur Cesil Þórðardóttir, 27.6.2007 kl. 15:20]

Takk öll.  Gott að vita Torfi minn.  Mér finnst þetta alveg frábært framtak, og gleðst í hvert sinn sem ég sé svona stein.  Og beygi mig til að lesa hvað stendur á þeim.  Oft þarf svo lítið til að gleðja aðra.

[Jenný Anna Baldursdóttir, 27.6.2007 kl. 18:12]

Knús frá mér

[Margrét St Hafsteinsdóttir, 27.6.2007 kl. 19:49]

Fallegar myndir eins og alltaf og ótrúlega sniðugt þetta með grænu steinana Knús

[Ásthildur Cesil Þórðardóttir, 27.6.2007 kl. 20:16]

Takk stelpur mínar, já þetta er svo sniðugt með steinana.  Algjörlega frábært.

[Ásdís Sigurðardóttir, 27.6.2007 kl. 20:27]

Segi enn og aftur, lífið er fyrir vestan, allavega virðist þið njóta ykkar vel. kærleikskveðjur.

[Saumakonan, 27.6.2007 kl. 20:38]

ohhh mig langar vestur!!!!!   Húsbóndinn fer að skamma þig bráðum fyrir að æra upp í mér einhverja heimsóknaþörf vestur   ( er alltaf að ýta á eftir honum að plana smá frí)

[Ásthildur Cesil Þórðardóttir, 27.6.2007 kl. 21:53]

Úbbs Saumakona mín,  vonandi hitti ég ekki á hann í þannig skapi.   

Takk fyrir Ásdís mín og knús til þín líka.

[Solla Guðjóns, 28.6.2007 kl. 23:39]

Verð að minnast á grænu steinana.Þetta er tær snilld hjá ungmennunum

[Ásthildur Cesil Þórðardóttir, 29.6.2007 kl. 00:30]

Sammála algjörlega

[Guðrún Emilía Guðnadóttir, 1.7.2007 kl. 10:09]

ÉG hefði nú talið það frábært ef einhver hefði skrifað frétt um þessa steina,
vegna þess að  þetta kemur frá unga fólkinu það er nefnilega afar sjaldan talað um það sem þau gera gott, sem er bara hellingur, heldur bara þetta neikvæða.
Takk fyrir myndirnar Ásthildur mín.