Tvær góðar fréttir af mér og mínum.

Núna fyrir nákvæmlega 40 árum eignaðist ég fyrsta barnið mitt.  Son sem ég skírði Inga Þór, eftir föður mínum, sem heitir Ingólfur Þórður. Drengurinn óx úr grasi og algjört krútt.  Hann er það ennþá.  Fertugur í dag þessi elska. 

Tíminn flýgur áfram ekki satt ?  Þarna er hann með sinn frumburð  Evítu Cesil. 

Dóttir mín hringdi í mig frá Vínarborg í dag, hún stóðst erfiðasta prófið í öllum skólanum.  Hún er að læra til dýralæknis.  Það var yfir 60% brottfall, en mín eigin duglega stúlka stóðst það eins og hetja.  Og hún er með tvö börn og hund, að vísu góða aupair, en að öðru leyti að mestu með sjálfri sér.  Mikið er ég montin af henni.

Fallega duglega stelpan mín og hennar dætur sem verða örugglega líka duglegar bæði Hanna Sól stóra systir og svo litla stelpan okkar Hildur Cesil.

 

Innilega til hamingju bæði tvö stóri strákur með afmælið þitt, og dóttir mín með það að standast erfitt próf.   Ég er svo stolt af ykkur báðum.

Athugasemdir

[Jenný Anna Baldursdóttir, 26.6.2007 kl. 18:45]

Til hamingju með börnin þín og barnabörnin.  Öll hvert öðru fallegra.  Smjúts.

[Hrönn Sigurðardóttir, 26.6.2007 kl. 19:04]

Til hamingju!!

Stórt knús

[Ásthildur Cesil Þórðardóttir, 26.6.2007 kl. 19:12]

Takk elskurnar ég er að springa úr monti alveg hreint.  Og svo hringdi afmælisbarnið: mamma ætlarðu nokkuð að grilla?  hehehehe.... Hvað er betra en að grilla á svona sólríkum degi þá getur maður allt, með svona góðar fréttir í farteskinu.

[Ásdís Sigurðardóttir, 26.6.2007 kl. 20:14]

Innilega til hamingju með þessa frábæru afleggjara þína.  Bestu kveðjur

[Katrín, 26.6.2007 kl. 20:24]

Til lukku vinkona með börnin bæði...verða alltaf börnin manns þrátt fyrir allt

[Ásthildur Cesil Þórðardóttir, 26.6.2007 kl. 20:44]

Takk fyrir já þau verða alltaf börnin manns

[Solla Guðjóns, 26.6.2007 kl. 20:52]

Það er ekki lítils virði að eiga heilbrigð og dugleg börn.Innilega til hamingju með falllegu afkomendur þína.

Bestu kveðjur og takk fyrir myndirnar hér fyrir neðan þær eru hrein dásemd

[Kristín Katla Árnadóttir, 26.6.2007 kl. 21:03]

Til hamingju með soninn og mér Finns dóttir þín lík þér og  og hún er líka dugnaðarforkur. hvernig ferðu að setja svona mynd af syni þínum svo ungum í tölvuna ???????

[Haukur Nikulásson, 26.6.2007 kl. 21:07]

Til hamingju með þetta barnalán. Njóttu dagsins.

[Ásthildur Cesil Þórðardóttir, 26.6.2007 kl. 21:17]

Takk öll sömul.  Dóttir mín hefur alltaf verið sögð lík mér.  En ég held að hún sé fallegri en ég

Það er ekkert mál að skanna inn gamlar myndir. Ég ætla einmitt að fara að vinna í því, þegar mér gefst tóm til og ró og næði.  Ef það þá verður einhverntíma hehehe   ég á svo mikið af myndum. 

[Anna Ólafsdóttir (anno) (IP-tala skráð) 26.6.2007 kl. 21:20]

Til hamingju elsku Ásthildur. Það er fátt sem gleður okkur meir en það þegar börnunum okkar gengur vel og þau vinna sigra, hvort sem þeir eru stórir eða smáir.

[Ásthildur Cesil Þórðardóttir, 26.6.2007 kl. 21:41]

Já það er satt Anna mín.  Börnin okkar eru framtíðin. 

[Ragnheiður , 26.6.2007 kl. 23:55]

Elskuleg, mikið er gaman að lesa þetta. Ohh dýralæknanámið var einn drauma minna sem ég ætla þá að láta rætast í næsta lífi.

Innilega til hamingju með þetta mín kæra

[Ásthildur Cesil Þórðardóttir, 27.6.2007 kl. 08:03]

Takk  Sara mín, þetta er mikið hrós, sérstaklega frá listakonu eins og þér  Hrossið mitt er maður nokkurntíman of gamall til að fara í skóla ? Ég fór í Garðyrkjuskólann yfir fertugt.  Þá langelsti nemandinn. Og mér gekk bara asskoti vel skal ég segja þér.  Því þegar maður er eldri, þá kann maður betur að læra, og veit meira um lífið sem nýtist manni í námi.  Þú ættir bara að drífa þig.  Hefðir gott af því.  Sumir færu þá ef til vill að sjá um sig sjálfir, þegar þeir þyrftu þess virkilega.

[Ester Júlía, 27.6.2007 kl. 08:06]

Innilega til hamingju með þau bæði .  Finnst þér ekki stutt síðan þú eignaðist þennan strák? .  Frábært hjá dóttir þinni..mikið eruð þið líkar :o) Kær kveðja úr Reykjavík.

[Ásthildur Cesil Þórðardóttir, 27.6.2007 kl. 09:28]

Takk Ester mín.  Já við erum sagðar líkar mæðgurnar.  Jú mér finnst svo stutt síðan.  Ég man svo vel tilfinninguna þegar ég hélt á þessu litla kraftaverki og fannst ég vera mesta manneskjan í heiminum.  Það var eitthvað svo stórkostlegt ævintýri að hafa komið í heimin þessum fullkomna litla einstakling.  Ég held að sú tilfinning gleymist aldrei, hve gamall sem maður verður.  Svo hef ég verið svo heppinn að fá að vera viðstödd fæðingu margra af barnabörnunum.  Það er næstum sami hlutur.  Að fá að flylgjast með þeim alveg frá því að þau líta fyrst dagsins ljós.

[Linda Pé, 27.6.2007 kl. 10:22]

Til hamingju með þetta allt :-)

[Ásthildur Cesil Þórðardóttir, 27.6.2007 kl. 11:32]

Takk Linda mín.