Mannmergð í miðbæ.

Það hefur verið nóg að gera hjá mér við að vökva í dag.  Slöngur út um allt.  Og er enn að. 

Það er ekki bara sól, heldur líka mjög heitt í veðri.  Svo að bæjarlífið tekur kipp og allstaðar er fullt af fólki.

Veðrið kl. 7 í morgun.  Lofar góðu.

Bátar í höfninni og stelpurnar mínar að gróðursetja blóm við Pollgötuna.  Þar á að vera fínt í sumar.

Þetta er stjórnsýsluhúsið okkar, lögreglustöðvar meginn.  Lengra til hægti er hótel Ísafjörður.

Smá ský úti við Snæfjallaströndina.

Fyrir utan Langa Manga var fjör.  Notalegt að sitja í sólinni.

Þetta er hún Íris óbeisluð sem er að uppvarta.

Já það er margt um manninn þegar veðrið er gott.

Það var ekki bara setið fyrir utan Langa Manga, heldur líka Gamla bakaríið, þar geta menn fengið dýrindis kökur og kaffi að dönskum sið frá frú Ruth Tryggvason, heiðursborgara Ísafjarðar og hennar fólki.

En menn geta líka setið fyrir utan Edinborgarveitingastaðinn hjá henni Helgu Völu bloggara með meiru.  Hún lenti aldeilis í því í morgun, en hún og stelpurnar hennar sem eru í vinnu hjá mér, óku fram á bílslys, þar sem maður hafði velt bílnum sínum.  Ekki skemmtileg uppákoma verð ég að segja.

Sumir sitja bara á tröppum, þetta eru tröppur Alþýðuhússins, en fólk situr gjarnan á tröppum bæjarins, til dæmis Landsbankatröppunum, tröppum Gamla Apóteksins og fyrir framan búðina Þrist er nýr staður til að sitja á, eftir að þar voru gerðar tröppur.

Þessir myndarlegu ungu tölvufræðingar voru á vappi í góða veðrinu, og ég smellti af þeim mynd, sá þriðji hljóp í felur hehehe...

En ég er að fara að taka saman slöngurnar.  Smjúts...

Athugasemdir

[Hrönn Sigurðardóttir, 26.6.2007 kl. 17:41]

[Ásthildur Cesil Þórðardóttir, 26.6.2007 kl. 18:01]

Heheheh Sara mín.  Ég gleymdi nokkrum setustöðum, fín aðstaða við nýju N-stöðina, bekkurinn við kirkjuna, bekkurinn við Alþýðusambandið, og bekkurinn pollgötumegin við hótelið.  Og svo auðvitað á Austurvelli.  Nóg pláss til að sitja og hygge sig.  Takk stelpur mínar.

[Solla Guðjóns, 26.6.2007 kl. 20:49]

Dýrð og dásemd...ég man svo vel eftir bekkjunum sem voru umm fyrir utan Bókhlöðuna og víða

[Ásthildur Cesil Þórðardóttir, 26.6.2007 kl. 21:18]

Já og við hornið á Austurveginum.