Þarf ekki að fara að huga að því hvað er að gerast í heiminum. Er húsið mitt Earthship ?

Ætli maður megi búast við svona fregnum oftar á næstunni.  Dóttir mín sem býr í Austurriki, sagði í vetur að ákveðin svæði í Evrópu væru að verða verr úti í ofsaveðrum en önnur.  England til dæmis og hluti Þýskalands, og landanna þar í kring.  Hver man ekki eftir flóðinu í Praque, þegar dýragarður fór á kaf, og dýrinn flutu burtu.  Er þetta tímabundið, eða varanlegt ástand í okkar tíð.  Er þetta vegna mannanna verka, eða bara náttúrulega sveiflur ? Spyr sú sem ekki veit.

 En hér bankaði ferða maður uppá áðan.  Hann sagði mér að hann hefði komið í gær, til að kíkja en engin hefði verið heima.  Sagði að hann hefði haldið að þetta væri húsgerð sem hann kallaði Earthship.  Það eru ökonomisk hús sem eru byggð í Bandaríkjunum.  Sjálfbær hús, þar sem allt er nýtt, gróðurhús við íbúðina, þar er ræktað allt grænmeti, vatni úr krönum veitt þar inn, og skolpinu veitt í garðinn fyrir utan.  Sólarorka notuð, og húsin að mestu leyti sjálfbær.  Hann gaf mér upp link á þetta set hann inn hér fyrir þá sem vilja.  Þetta er ef til vill framtíðin.    www.earthship.org

 

Hér eiga þýskir vinir mínir sumarhús, hann er sólarorku sérfræðingur og hún arkitekt, þau hafa bæði unnið til Evrópuverðlauna fyrir hönnun sjálfbærra húsa.  Þau eiga eitt sjálf, sem er að mestu sjálfbært nema rétt um dimmasta tíma vetursins.  En þau eru nú að þreyfa sig áfram með sólarsellu í sumarbústaðnum.  Það verður forvitnilegt að vita hvort það gerir sig. 

 

Hundruð manna föst í skrifstofubyggingum í Sheffield vegna flóða

Athugasemdir

[Ragnheiður , 25.6.2007 kl. 21:55]

Það er nokkuð sniðug húsgerð,svona sjálfbær hönnun. Hann hitti nú á rétta húsið til að koma í heimsókn í :D

[Jenný Anna Baldursdóttir, 25.6.2007 kl. 22:10]

Hversu sjálfbært er þitt hús?  Þú mættir alveg blogga um það!

[Árni Gunnarsson, 25.6.2007 kl. 22:11]

Hvað eru nokkur hundruð mannslíf þegar Hagvöxtinn vantar næringu?

Við skulum tala varlega svo við móðgum ekki ármenn Hagvaxtarins.

Nú er Landsvirkjun að særa út leyfið fyrir Urriðafossi. Ég spái því að leyfið fáist ef nóg verður boðið. Flestir Íslendingar geyma hjartað í rassvasanum núorðið.

[Heiða Þórðar, 25.6.2007 kl. 22:42]

Bauðstu ekki upp á kaffi ljúfan? Svona Nescafe Gull -ástarsaga? Innlitsknús á þig Ásthildur(fallegt nafn).

[Ásdís Sigurðardóttir, 25.6.2007 kl. 23:28]

Innlitskvitt.

[Ásthildur Cesil Þórðardóttir, 25.6.2007 kl. 23:30]

Nei ég bauð ekki upp á kaffi, en sé svolítið eftir því Heiða mín .   Þetta var áhugaverður maður, og hafi greinilega áhuga á húsinu mínu.  En það hafa reyndar margir.  Hér kom í gær þjóðverji sem sagðist hafa komið við í fyrra, en ekki hitt á mig.   Hann var mjög áhugasamur og spurði líka margs.  En það koma reyndar margir slíkir á hverju ári.  Svo maður er orðin svolítið ónæmur þegar fólk kemur og vill forvitnast aðeins.

Vonandi ber fólki gæfa til að virkja ekki Urriðafoss Árni minn.  En ég er sammála, allt of margir hafa hjartað í rassvasanum eða veskinu.

Hversu sjálfbært er húsið mitt Jenný mín. Hm... það er vistvænt að því leyti að kyndingarkostnaður er í lágmarki vegna þess hvernig húsið er í laginu.  Minnsta mögulega yfirborð er kúla, og þar fyrir utan er ekki kælingaráhrif þegar vindur skellur á vegg, því vindurinn fer yfir, eins og á væng flugvélarinnar.  Við vorum að spá á tímabili í sólarsellu, en það er of dýrt hér, og rafmagnið er frekar ódýrt á íslandi miðað við.... En ég held að við myndum fá passan um ökonomiskt hús, ef það væri á Evrópustaðli.  Eins og farið er að gera reyndar í Evrópu.  Þar er farið að gefa út passa á hús eftir því hve litlu þau eyða af orku.

Já Hrossið mitt, hann hitti á rétta húsið

Veistu Arna mín að íslendingar eru svo miklir þverhausar, að þeir hreinlega þora ekki að byggja svona hús, nema skrýtið fólk eins og við.  Og það hafa margir af þeim sem hafa byggt sín hús komið hingað til að skoða áður en þau tóku ákvörðun um byggingu, og ekki bara íslendingar heldur líka danir, því Einar Þorsteinn teiknaði fjögur svona kúluhús í ökonmomiska bænum Hundested í Danmörku.  Þar er heilt þorp með sjálfbærum húsum.  Ég kom þar svo í heimsókn, til að skoða.  Það var mjög gaman. 

[Steinunn Helga Sigurðardóttir, 26.6.2007 kl. 09:31]

ég held að við þurfum virkilega að fara að vera meðvituð um þau efni sem við notum, og áhrif þeirra á náttúrunna.

Ljós til þín

steina 

[Kristín Katla Árnadóttir, 26.6.2007 kl. 09:48]

Innlitskvitt  Ásthildur mín.