Að kveikja í náttúrunni.

Þetta er afar sorglegt mál.  Og leitt til þess að hugsa ef rétt er að um mannanna verk hafi verið að ræða.  Annað hvort af slysni eða ráðnum hug.  Ég vona að það fólk sem kom eldinum af stað kunni að skammast sín. 

Ég sé fyrir mér bæði unga, egg og fugla sem urðu eyðileggingunni að bráð.  BLessuð dýrin, og svo líka aðrar lífverur eins og ánamaðka, kóngulær, maríuhænur og allskonar nytjadýr önnur, sem hafa þarna dáið, algjörlega að óþörfu. 

Það þarf að fara varlega með eld innan um gróður, þegar miklir þurrkar hafa geisað.  Ég held að það kvikni ekki svo auðveldlega í mosa, að ekki sé hægt að slökkva hann, ef menn leggja sig fram um það, áður en eldurinn breiðist út. 

Þessi skaði er svo fyrir utan þá peninga sem slökkvistarf hefur kostað.  Því mér skilst að miklu hafi verið kostað til, m.a. var erfitt að koma vatni að, og þurfti að fá vatnstanka frá einkaaðilum. 

Það þarf auðvitað að rannsaka svona mál, og reyna að komast að því hverjir voru hér að verki og hvernig þetta gat orðið svo mikið sem raun bar vitni.  Skömm þeirra er mikil.

Svæðið á Miðdalsheiði stærra en búist var við

Athugasemdir

[Ásthildur Cesil Þórðardóttir, 24.6.2007 kl. 11:52]

Já, maður getur tárast af að huga um alla litlu ungana sem voru ofurseldir eldi og eimyrju.  Bara fyrir kæruleysi. 

[Solla Guðjóns, 24.6.2007 kl. 14:07]

Já þetta er sorglegt hvernig sem á það er litið

[Einar Þór Strand, 24.6.2007 kl. 23:17]

Eftir brunann á Mýrum þá vitum við að þetta kemur gróðrinum vel og skordýralýfninu líka, þannig að ég segi eins og Þökk að ég græt þetta þurrum tárum og vona að menn beri gæfu til að ausa ekki milljónum í rannsóknir á engu.

[Ásthildur Cesil Þórðardóttir, 25.6.2007 kl. 07:49]

Já vonandi fer þetta allt vel.  En það breytir ekki því, að það þarf að fara varlega með eldinn.