Sautjándi júní okkar dagur fyrir íslenska þjóð.

Já sautjándinn er að renna sitt skeið.  Ég átti yndislegan dag í dag, við hjónin slógum garðinn, eða hann sló og ég horfði á sko !!!

En ég skrapp aðeins niður í bæ til að skoða mannlífið.

Hér er búið að setja upp svið á Silfurtorgi til að hefja skemmtiatriði.

Hér var líka allt á fullu að undirbúa skemmtiaatriði, en á sjúkrahústúninu fer aðalhátíðin fram vanalega. 

Jamm hér er fólkið komið til að skemmta sér.  Þarna kemur fjallkonan fram.  Ég var fjallkona 2004, þegar ég var fimmtug, af því að ég er jafngömul lýðveldinu.  Og er mjög stolt af því reyndar.  Þó ýmsar kerlingar af báðum kynjum hafi signað sig í bak og fyrir af því að ég flutti ekki ljóð eftir Einar Ben, heldur talaði út frá eigin brjósti og fór svo með fallega ljóðið okkar, Í faðmi fjalla blárra.

En hún Isabel mín elskuleg á afmæli í dag, ég bauð þeim þess vegna í mat, El Salvador fjölskyldunni minni og svo pabba gamla.

Hér heilsumst við að heiðursmanna sið.

Pápi minn gamli heilsar líka, hann hefur algjörlega tekið þetta fólk sem fjölskyldu sína, og það er bara gott mál.

Og hér er lærið skorið.  Yndisleg stund með fjölskyldunni.  Og veðrið hreint unaðslegt.

Svo endum við á smáþjóðlegum nótum.    Þetta er nú einu sinni dagurinn okkar.

Athugasemdir

[Ásdís Sigurðardóttir, 17.6.2007 kl. 20:52]

Alltaf jafn gaman hjá þér. Hvernig geturðu veri svona dugleg að setja inn myndir? kanntu eitthva annað ráð en ég, ég er svo lengi.

[Jenný Anna Baldursdóttir, 17.6.2007 kl. 21:22]

Þetta er hið eina sanna kærleiksheimili.

[Ásthildur Cesil Þórðardóttir, 17.6.2007 kl. 21:42]

Mínar elskulegu takk, hvernig ég fer að.  Ég er orðin alræmt á Ísafirði með myndavélina, get svo svarið það hehehe... En mér finnst reyndar gaman að geta fært ykkur lífið á silfurfati.  Því hér er alltaf eitthvað svo mikið að gerast, og það er líka svona eitthvað sem skiptir máli, en einhvernveginn ratar ekki í fréttir.  Svo ég er míns eigin litla fréttastofa

[Kristín Katla Árnadóttir, 17.6.2007 kl. 22:57]

Flottu dagur elskan og þú ert yndisleg og gleðilega hátíð Ásthildur mín.

[Ásthildur Cesil Þórðardóttir, 17.6.2007 kl. 23:25]

Knús til þín Kristín Katla mín.

[Hrönn Sigurðardóttir, 17.6.2007 kl. 23:28]

 Knús

[Ester Júlía, 18.6.2007 kl. 08:45]

Ég held varla vatni yfir myndunum þínum frekar en fyrri daginn . Æðislegur dagur hjá ykkur!  Og  veðrið ekkert smá gott!  Knús til þín

[Ásthildur Cesil Þórðardóttir, 18.6.2007 kl. 11:55]

Takk   Það er ekkert mál að setja myndir inn Hanna Birna mín.  Og í dag er ennþá betra veður en í gær, því nú er meira sólskin. 

[Steinunn Helga Sigurðardóttir, 18.6.2007 kl. 14:22]

ljós til þín og takk fyrir að deila myndum.

steina 

[Guðsteinn Haukur Barkarson, 18.6.2007 kl. 17:15]

Frábærar myndir að venju Áshildur ! Guð blessi þig vinkona !

[Solla Guðjóns, 18.6.2007 kl. 22:43]

Vá ég finn liktina af Ísafirði og nú langar mig vestur