Drottning Elísabeth og Landsbjörg í einum pakka.

Jæja þá er smá um Queen Elisabeth.  Ég veit ekki hvað eru margir um borð, en þeir eru margir allavega.  Skrýtið þegar göturnar fyllast af fólki.  Þau spranga um og skoða.  Krakkarnir í unglinga vinnunni kölluðu til þeirra og spurðu; How do you like Iceland og fengu góðar viðtökur, fólki brosti og staldraði við.  Sumir töluðu um hvað þau töluðu góða ensku.  Par spurði mig til vegar voru að leita að Faktorshúsinu hennar Áslaugar.  þau sögðu mér að þau væru frá Manchester, og ég gat sagt þeim að stubburinn héldi upp á Manchester United.  Það fannst þeim áhugavert.

Þarna lónaði þetta stóra skip fyrir utan, síðan var bátabrú í land. 

Þeirra biðu líka rútur til að flytja fólkið hvert sem það vildi.  Þá er ferðin ákveðin fyrirfram.

Sumir eru að fara aðrir að koma.  Bretar kunna að fara í biðraðir.  Eitthvað sem við mættum af þeim læra.

Þessi bátur á ekkert skilt við Drottningu Elísabetu, en þetta er gamla uppsátrið við Norðurtangann, sem er snyrtilega haldið við, og alveg steinsnar frá legu drottningar.

En það var fleira um að vera við höfnina.  Þarna má sjá mörg ólík skip.  Og þyrlu.  Enda voru menn að æfa frá Landsbjörgu. 

Þessar kempur.  Þarna er náfrændi minn skipherra um borð.  Þeir hafa verið hér í nokkra daga, og fara ekki fyrr en næsta þriðjudag.  Þar eru sjómenn á æfingum í björgun úr sjó.  Þar gegnir þyrlan tilgangi sínum.

Sem sagt líf og fjör á Ísafirði.

Og svo ein að lokum af galleri himni, tekin um þrjúleytið í dag.  Flott ekki satt.

 

Athugasemdir

[Solla Guðjóns, 14.6.2007 kl. 22:01]

Skemmtilegar myndir sérstaklega af trillunni við Norðuurtangan

[Ásthildur Cesil Þórðardóttir, 14.6.2007 kl. 22:22]

Jamm elskuleg afi þinn og amma áttu heima ekki langt þarna frá.

[Solla Guðjóns, 15.6.2007 kl. 00:25]

Já við lékum okkur þarna og í fjöruni sem nú er búið að fylla upp og byggja blokkir.Það vakna svo margar minningar við að sjá myndirnar þínar.Takk fyrir þær

[Ásthildur Cesil Þórðardóttir, 15.6.2007 kl. 06:49]

Veistu að það er komin fjara fyrir utan uppfyllinguna.