Ekki verður feigum forðað né ófeigum í hel komið.

3.6.2007 | 18:49

Ekki verður feigum forðað né ófeigum í hel komið.

Öllum góðum vættum sé þökk fyrir að þau fundust í tíma. Stundum er bara þanng að ekki verður feigum forðað né ófeigum í hel komið. Það er svo margt sem staðfestir þessa kenningu að það er ótrúlegt. Við eigum okkar tíma á jörðinni, og fyrr en sá tími er útrunninn förum við ekki héðan. Ástandið getur samt sem áður breytt aðstöðu okkar, en það er þá líka eitthvað sem við höfum ákveðið að læra í þessari jarðarför okkar.

Afi minn sagði mér einu sinni af manni sem var sjómaður á Agli rauða minnir mig að togarinn héti, hann var á veiðum við Grænland. Manninn dreymdi að skipið færist með manni og mús. Hann munstraði sig þess vegna af skipinu og fór í vegavinnu langt upp í landi. En sagði afi, viti menn, skipið fórst eins og manninn hafði dreymt, en það einkennilega við þetta allt saman var, að sama dag og skipið fórst, grófst maðurinn undir malarhrúgu og dó. Hann var því feigur, þó hann reyndi að komast undan. Viðvörunin var því til að hann gæti undirbúið brottför sína, en ekki til að forða honum frá feigð. En svona er lífið.

	Hjón sem fundust meðvitundarlaus í tjaldvagni eru illa haldin
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Já ég heyrði þetta í fréttum í kvöld þetta er alveg hræðilegt.

Kristín Katla Árnadóttir, 3.6.2007 kl. 20:06

Já, það er margt óútskýranlegt í lífi og dauða.

Ásdís Sigurðardóttir, 3.6.2007 kl. 20:26

Einmitt, enginn veit sína ævina fyrr en öll er

Ásthildur Cesil Þórðardóttir, 3.6.2007 kl. 21:07

Ég er með minn miða heim en letrið á honum er frekar óskýrt og dagsetningin sést ekki. En hann kemur tíminn þegar hann kemur...og það eina sem ég veit er að það er alltaf svo gott að koma heim og sofa í sínu rúmi.

Katrín Snæhólm Baldursdóttir, 3.6.2007 kl. 21:26

Það segirðu satt katrín mín, ekkert er betra en það nákvæmlega þegar allt kemur til alls.

Ásthildur Cesil Þórðardóttir, 3.6.2007 kl. 22:00

Úff ég fæ hroll við lesturinn. Engin fær umflúið dauðann sagði amma mín krúttið og hræddi næstum úr mér líftóruna. Satt er það samt. Takk fyrir pistil.

Jenný Anna Baldursdóttir, 3.6.2007 kl. 22:01

innlitskvitt frá langtíburtistan

Saumakonan, 3.6.2007 kl. 22:05

Takk fyrir þetta Ásthildur. Það eru oft skelfileg slysin, og hættur fylgja flestu ef ekki öllu sem gert er

. Ekkert svo langt frá því að þrjár manneskjur létust í veiðihúsi inni á fjöllum. Þau höfðu gleymt að slökkva á gashitara sem þau notuðu til að kynda hjá sér... -höfðu ekki passað að hafa opinn glugga til að hleypa súrefni inn. Alveg hræðilegt og vont hvað fólk getur verið fljótt að gleyma.

Jón (IP-tala skráð) 3.6.2007 kl. 22:37