Fíflaskapur og reddingar fyrir horn skila engu.

Mikið óskaplega langar þá til að halda völdum alla saman, þeir fórna mannorði sínu og reisn bæði sjálfstæðismenn og framsóknarmenn. 

Það er að vísu skiljanlegt að fólk þori ekki að treysta þeim sem voru við völd í síðustu ríkisstjórn.  Það ber hæst ótti fólks við að ef þeir komast að verði umsóknin um Evrópusambandið sett á oddinn.  Það gæti svo sem alveg gerst, og skýrir af hverju Samfylkinginn er í frjálsu falli. 

En erum við menn eða mýs?  

Að láta hafa sig og heila þjóð að fíflum vegna eins manns er að mínu mati frekar hrikalegt.  

 

Ég er nokkuð viss um að þetta mál er ekki búið, mótmæli munu halda áfram og af meiri þunga eftir því sem þessi langavitleysa heldur áfram. Þessum mönnum er fyrirmunað að skilja hvað er í gangi, eins og ummæli Bjarna Ben sýna, að landinu verði ekki stjórnað með mótmælum. 

Því verður heldur ekki stjórnað með heimskulegum og skammarlegum redderingum fyrir horn eins og verið er að reyna núna.   Og það verður fróðlegt að sjá þegar vantrauststillagan verður borin fram hver raunveruleg reisn meirihlutans er, hvort þau í alvöru ætli að leggja æru sína undir.  

 

Fyrir utan að vera orðin að athlægi heimsins þá er þetta ástand óþolandi.  

Hvar liggur misskilningurinn?

Athugasemdir

[Kolbrún Hilmars, 6.4.2016 kl. 13:19]

Ásthildur, ég vil sjá núverandi ríkisstjórn ljúka þeim verkefnum sem hún hefur lofað. Miðað við fyrri hlutann er hún langt komin með það, að undantekinni afgerandi jarðsetningu á ESB umsókninni.  Hver situr í brúnni er aukaatriði.  Fyrrverandi ríkisstjórn fékk að sitja út sitt kjörtímabil þótt hún hefði illilega svikið kosningaloforð sín og hefði týnt nokkrum þingmönnum sínum í leiðinni.  Þingmeirihluta sínum reyndar.

[Ásthildur Cesil Þórðardóttir, 6.4.2016 kl. 14:12]

Ég er einfaldlega hrædd við hvað þeir ætla sér að gera, hvað með að einkavæða bankana?  Hvað með að halda áfram að hygla vinum frændum og puntudúkkum.  Ég treysti þeim einfaldlega ekki lengur.  Ég er alveg sammála að við vitum ekki hvað tekur við.  En höfum við skap í okkur til að leyfa þessum mönnum að sitja áfram?  Ég þori því ekki. Lýst betur á utanþingsstjórn, eða eins og Birgir sagði að fá utanaðkomandi aðila til að taka við forsætisráðuneytinu, ég gæti sætt mig við það. 

[Agla (IP-tala skráð) 6.4.2016 kl. 14:59]

Búin að leita mig vitlausa að internet blog (?) færslu sem mér skilst að fyrrverandi(?) Forsætisráðherra SDG hafi sent frá sér á leiðinni til fundar við Forseta Íslands á Bessastöðum í gærmorgun í þeirri von að hugsanlega gæti hún varpað einhverju ljósi á "misskilninginn" sem virðist hafa komið upp á fundi Forseta og þáverandi (?) forsætisráðherra.

[Kolbrún Hilmars, 6.4.2016 kl. 15:06]

Er ekki búið að einkavæða bankana?  Mig minnir að það hafi verið gert í tíð fyrri ríkisstjórnar.  Að vísu ekki Landsbankann en það virðast skiptar skoðanir um hvað eigi að gera við hann núna.   Sjálf hefði ég ekkert á móti utanþingsstjórn ef hún væri skipuð fagfólki og tryggt að hún leyfði sér ekki pólitískan mannamun. En þá þyrftum við eflaust að hafa Ólaf áfram sem verkstjóra.  :)

[Ásthildur Cesil Þórðardóttir, 6.4.2016 kl. 16:05]

Nei Kolbrún þeim var skilað til ríkisins af kröfuhöfum nú í vor. 

[Kolbrún Hilmars, 6.4.2016 kl. 16:26]

Formlega? Í umræðunni eru þeir amk ekki enn taldir til ríkiseigna.

[Jóhann Kristinsson, 6.4.2016 kl. 18:25]

Þingrof er það eina í málinu eins og það er komið í og þá verður kosið innan 45 daga, samkvæmt Stjórnarskrá.

Birgitta og Helgi Hrafn verða forsætisráðherra og fjármálaráðherra. Samkvæmt sköðunarkönnunum þá eru Sjóræningjarnir með yfir 40% fylgi og fá jafnvel yfir 50% fylgi í kosningunum.

Þetta lítur bara vel út fyrir Ísland næstu 4 árin.

Kveðja frá Houston

[Ásthildur Cesil Þórðardóttir, 6.4.2016 kl. 18:38]

Ertu að meina þessa færslu Agla mín: Nú í morgun átti ég mjög góðan fund með Bjarna Benediktssyni, formanni Sjálfstæðisflokksins. Við ræddum árangur ríkisstjórnarinnar og mikilvægi þess að klára þau stóru verkefni sem undirbúin hafa verið síðustu misseri og ár. Mörg þeirra eru gríðarlega mikilvæg fyrir íslenskt samfélag. Meðal annars þarf að ljúka afnámi fjármagnshafta, endurskipuleggja fjármálakerfið svo að það virki í þágu almennings, ljúka því sem ríkisstjórnarflokkarnir höfðu samþykkt um afnám verðtryggingar og innleiða umfangsmiklar úrbætur í húsnæðismálum. Mörgum þessara verkefna hefði ég viljað sjá vinda hraðar fram en enn er þó nægur tími til að klára þau, sé viljinn fyrir hendi.

Jafnframt fór ég yfir það með formanni Sjálfstæðisflokksins að ef þingmenn flokksins treystu sér ekki til að styðja ríkisstjórnina við að ljúka sameiginlegum verkefnum okkar myndi ég rjúfa þing og boða til kosninga hið fyrsta.

Ég er stoltur af verkum mínum í stjórnmálum til þessa og óhræddur við að leggja þau í dóm kjósenda hvort sem það verður gert nú eða síðar. Ég er líka stoltur af eiginkonu minni og þeim heiðarleika og fórnfýsi sem hún hefur ætíð sýnt.

Hvort sem litið er til stjórnmálabaráttu undanfarinna ára og alls þess sem þar hefur gengið á, bæði opinberlega og innbyrðis, eða til persónulegra málefna fjölskyldu minnar get ég óhræddur, óhikað og með ánægju svarað fyrir verk mín og ákvarðanir. Þegar ég ákvað að hefja þátttöku í stjórnmálum gerði ég það vegna þess að ég hafði ákveðna sýn á hvað væri nauðsynlegt að gera til að koma íslensku samfélagi á réttan kjöl og gera því kleift að nýta þau óþrjótandi tækifæri sem þjóðin býr yfir, samfélaginu öllu til heilla. Það hefur gengið betur en jafnvel ég þorði að vona að vinna að þeirri framtíðarsýn og henni mun ég fylgja áfram á meðan mér gefst tækifæri til.

[Ásthildur Cesil Þórðardóttir, 6.4.2016 kl. 18:38]

Sammála Jóhann, það er það eina rétta í stöðunni. 

[Ásthildur Cesil Þórðardóttir, 6.4.2016 kl. 18:41]

Kolbrún hér er staðfesting á að ríkið á Íslandabanka: Fjármála- og efnahagsráðuneytið sendi frá sér tilkynningu klukkan 4:10 í nótt þar sem tilkynnt var að íslenska ríkið væri að fara að eignast annan banka, Íslandsbanka, að öllu leyti. Fyrir á ríkið Landsbankann. Eini stóri viðskiptabankinn sem verður ekki nánast að fullu í ríkiseigu að loknu slitaferli gömlu bankanna verður því Arion banki.

Eiga reyndar ekki Arion banka ennþá allavega. http://kjarninn.is/skyring/rikid-eignast-islandsbanka-ad-fullu-a-nu-tvo-af-thremur-staerstu-bonkum-landsins/

[Hörður Þormar (IP-tala skráð) 6.4.2016 kl. 20:08]

Munum að Sigmundur Davíð Gunnlaugsson er pólitískt afkvæmi búsáhaldabyltingarinnar.

Hvers konar afsprengi mun næsta bylting ala af sér?

[Ásthildur Cesil Þórðardóttir, 6.4.2016 kl. 21:37]

Það verður bara að koma í ljós 

[L. (IP-tala skráð) 6.4.2016 kl. 23:28]

 Hvar liggur misskilningurinn?

Jú. hann liggur hjá þjóðinni.

Því þjóðin heldur dauðataki í alþjóðavæðinguna án þess að hafa hugmynd um hvað hún fjallar og heldur að hér sé um þróun að ræða sem engin mannshönd kemur nálægt.

Margir vilja líkja atburðarrásinni hér á landi við " House Of Cards " 

Heldur fólk virkilega að forseti bandaríkjanna hafi einhverja valkosti  að hafna þeim hagsmunaöflum sem í raun stjórna bandaríkjunum? 

Meðan íslendingar tengjast alþjóðavæðingunni þá er ekki spurning að allri bankar verða einkavæddir.

Meðan íslendingar tengjast alþjóðavæðingunni þá munu íslendingar aldrei losna við kvótagreifana.

Veit það á gott að verðandi forsætisráðherra ( landsfaðir? )sé kynntur fyrir alþjóð á tröppum alþingis og fjármálaráðherra fái fyrsta orðið?

Ísland fær fyrsta sætið yfir klaufalegustu alþjóðavæðingu vestræns ríkis.

Aflétting hafta+TISA samningur= annað efnahagslegt hrun=fávitavæðing

[L. (IP-tala skráð) 7.4.2016 kl. 00:25]

Á meðan íslendingar geta ekki troðið því í sinn auma haus að persónuvædd króna hefur ekkert með slæm lífskjör að gera hér á íslandi.

Heldur er það sök rúmlega hálfrar aldar elítu sem grafið hefur undan lífskjörum þjóðarinnar með flutningi síns eigin fjármagns til annars lands í áratugi.

Þetta er tiltölulega einfalt í sögulegu ljósi.

Þeir sem þráast við að segja þjóðinni sannleikann eru einfaldlega innvígðir í annaðhvort sjálfstæðis eða framsóknarflokk.

[L. (IP-tala skráð) 7.4.2016 kl. 01:15]

" Engin vafi er á að sjálfir íslendingar eiga stórfé í bönkum erlendis ..." ( Jón Sólnes 1971 í lesbók morgunblaðsins )

Tæplega öld síðar verður sami gjörningur felufés  forsætisráðherra íslands að falli ...

Ísland er örhagkerfi og er fórnarlamb  alþjóðavæðingar og háttsettrar íslenskrar stjórnmála elítu sem hafa fulla yfirsýn hvert stefnir og þjóna aðeins hagsmunum síns sjálfs, en ekki þjóðar sinnar.

[Ásthildur Cesil Þórðardóttir, 7.4.2016 kl. 09:22]

ég tek alveg undir það L. að við erum betur sett með krónu, það er stjórnun á hagkerfinu sem er kolröng og undanskot ríkafólksins setja þar stórt strik í reikninginn.  Það væri brjálæði að ganga í Evrópusambandi, þess vegna eru ESB flokkarnir í algjöru sögulegu lágmarki, sem ætti að segja þeim að láta af þessari vitleysu.  En það breyti engu um þann fíflagang sem við erum að horfa upp á í dag, og ég vona að forsetinn noti þessa gjá milli þings og þjóðar og stöðvi þessa lönguvitleysu, það er komið nóg. 

[L. (IP-tala skráð) 7.4.2016 kl. 22:58]

Píratar hljóta að teljast til evrópusinna enda stofnaður sem fyrirmynd sænskra pírata til evrópukosninga.

Sá flokkur er eindreginn stuðnings flokkur tillögu nýrrar stjórnarskrár.

Stuðnings flokkur um tillögu stjórnarskrár sem blessar að Ísland lúti yfirþjóðlegu valdi.

Og svo kirfilega passað upp á að fjárlög séu undanþegin þjóðaratkvæðagreiðslu.

Viðurkennt hefur verið að EES samningurinn fari á skjön við stjórnarskránna en samt verður það aðeins á valdi utanríkisráðherra að samþykkja TISA samninginn, án aðkomu þingsins ...

Hver eru þau stóru mál sem núverandi ríkisstjórn verður að ljúka?

Hvaða stólaskipti hafa átt sér stað?

Á TISA "fræðslufundi" í norræna húsinu var sagt að ýmsar tafir hafi orðið á samnings ferlinu, en líklegast að samningurinn yrði tilbúinn til undirskriftar í haust.

Ekki vitlaust að skipa ráðherra sem flýtir fyrir. Hefur viðamikla reynslu, sambönd og kann að toga í spotta til að sigla málinu í örugga höfn með öruggri tímasetningu ...

Hinn vestræni heimur lifir við fjármála-kapitalisma þar sem fjármagnið ræður og hikar ekki við að brytja niður fyrirtæki og senda fólk út á gaddinn.

Framleiðslu-kapitalismi er liðin undir lok vegna "ógnunar" á heimsfriði ... 

[L. (IP-tala skráð) 7.4.2016 kl. 23:07]

" House Of Cards "?

Nei, líklega stimplað sem hugarórar geðsjúklings. :)

[L. (IP-tala skráð) 8.4.2016 kl. 00:19]

Hið vandræðalega mál sem fyrrverandi forsætisráðherra er nefnilega " peanuts " í samanburði við þau stjórnarskrábrot sem hafa átt sér stað í íslensku þjóðfélagi undanfarna áratugi.

" Össur Skarphéðinsson, utanríkisráðherra, hefur gefið í skyn að EES samningurinn sé brot á stjórnarskrá Íslands. Á hverjum degi sé verið að innleiða tilskipanir frá Evrópusambandinu, sem Íslendingar verði að lúta í einu og öllu. Á mannamáli þýðir það að fullveldi Íslands hefur verið framselt að hluta til erlends ríkjasambands. " http://islandsfengur.blog.is/blog/islandsfengur/entry/1170774/

Íslenskir fjölmiðlar hafa gætt þess vel og vandlega að hamra ekki á tilburðum sem geta með sönnu kallast samsæri gegn grunnlögum þjóðfélagsins og hefur í raun tekið sér völd þriðja valdsins og raunverulegi stjórnandi atburðarstjórnandi eins og tíðkast í öðrum vestrænum samfélögum.

" Á hverjum degi sé verið að innleiða tilskipanir frá Evrópusambandinu, sem Íslendingar verði að lúta í einu og öllu "

Greinilegt að ef tillaga um nýja stjórnaskrá verður að beygja sig og bugta fyrir yfirþjóðlegu valdi í framtíðinni ...

[L. (IP-tala skráð) 8.4.2016 kl. 01:22]

Íslenska þjóðin hefur ekki hundsvit hvað stjórnarskráin merkir, hvaða þýðingu hún hefur og hverju hlutverki hún stjórnar!

Og það þýðir einfaldlega að ísland lifir í reikmettuðu skýi spillingar.

[Ásthildur Cesil Þórðardóttir, 8.4.2016 kl. 09:45]

Ég held að flestir deili þeirri skoðun með þér L. Annars get ég upplýst þig um að það voru stjórnmálasamtökin Dögun sem hélt TISAFUNDINN og einnig fund um samfélagsbanka og nokkra fleiri, þau ættu að koma sterk út úr næstu kosningum.  

[L. (IP-tala skráð) 14.4.2016 kl. 22:07]

Veit ég vel Dögun að hélt Tisa-fundinn.

Samningaumleitanir og fyrirhuguð samþykkt TTIP TISA-samningsins hefur ekki verið enn mótmælt á íslandi þótt það hafi verið gert víða um evrópu og víðar...

https://www.youtube.com/watch?v=jEIkg7h1-Zg

[Ásthildur Cesil Þórðardóttir, 15.4.2016 kl. 17:28]

Við þurfum að vera á verði gagnvart svona málum L.