Sóun á tíma, peningum og sálu þinni?

Þar kom að því að útlendingum blöskrar ránið við Bláa Lónið, íslendingar eru auðvitað löngu síðan hættir að hafa efni á þeim lúxus.  Hér áður fékk maður að fara og skoða sig um og jafnvel setjast niður og fá sér rauðvínsglasl, en nú hef ég heyrt að það sé ekki lengur hægt.  Það er svona þegar græðgin tekur völd.  Auðvitar er miklu skemmtilegra fyrir ferðamenn að fara á fáfarnari staði og njóta náttúrunnar þar í friði, svo lengi það er hægt, því allstaðar eru ferðamenn.  

Ennþá er reyndar hægt að koma á Vestfirðina, en þess verður ekki langt að bíða að það verði trampað um allar trissur.  Held að það þurfi að fara að hafa stjórn á ferðamennskunni, hún er komin úr böndum fyrir löngu síðan.  

En auðvitað er það borin von með þennan ráðherra við völd, sem er löngu fyrirséð að ræður ekki við verkefnið, frekar en heilbrigðisráðherrann okkar, þetta fólk virðist halda að það eigi bara að sitja ðá rassinum og horfa á allt fara til fjandans.

Sóun á tíma, peningum og sálu þinni

Athugasemdir

[halkatla, 6.3.2016 kl. 15:53]

Þeir sem þjóna fjandanum vilja sjá allt fara til hans.

[Ármann Birgisson, 6.3.2016 kl. 16:43]

Ég þekki marga sem eru hættir að fara í þessa okurbúllu. Vetrarverð fyrir einn fullorðin í eitt skifti ofan í er 5800 Kr og sumarverð er 7300 Kr og að auki þarf að bóka aðgang. Eitt skifti fyrir fullorðin í sundlaugarnar í Reykjavík er 900 Kr. Þetta er mikill munur og svo sparar maður akstur alla leið suður eftir. Mín vegna má lónið fara fjandans til.

[Filippus Jóhannsson. (IP-tala skráð) 6.3.2016 kl. 17:32]

Blá Lónið er ekki einu sinni náttúrulegt. Fyrir um þrem árum kom ég þar ásamt konu minni og syni ætluðum að fá okkur kaffi á veitingastaðnum ætlast var til að við greiddum 1500 kr bara fyrir að koma þar inn.

[P.Valdimar Guðjónsson, 6.3.2016 kl. 17:51]

Svona, svona.   Myndast ekki allsstaðar hátt verð þar sem eftirspurn er stöðug og mikil? Endar oftast þannig.

En hlaut að kom'aðí.   Verður ekki endalaust lof og prís oss til handa.  Þarna spilar eflaust inní troðningur og yfirfullt svæði.   Sem er á leiðinni að gerast viðar á stærstu túristasvæðum.    Ef allt var yfirfull í fyrra, stefnir í öngþveiti nú, samkvæmt flugbókunum.

[Sigurður K Hjaltested (IP-tala skráð) 6.3.2016 kl. 19:05]

Ég man þá tíð hvað það var gaman að skreppa úr bænum og

skella sér í Blá Lónið, þegar það var og hét náttúruparadís.

Maður þurfti að hátta sig úti í náttúrinni og aðgangur var ókeypis.

Fljótlega fór að bera á græðgispungum, sem sáu að þarna var

hægt að búa til pening. Færi ég í Blá sundlaugina í dag, þvi

þetta er ekki lengur lón, þyrfti ég að borga fyrir mig og

krakkana 20.000 krónur. Hef ekki farið í mörg ár og mun

aldrei fara aftur. Það er EKKERT eðlilegt við þetta verð,

enda útlendingum farið að blöskra, þó svo við gerðum

það fyrir mörgum árum.

[Aztec, 6.3.2016 kl. 19:07]

Ég hef aldrei á ævinni farið í Bláa lónið og sé ekki eftir því.

[Anna Dóra Gunnarsdóttir, 6.3.2016 kl. 21:36]

Ég fór einu sinni í Bláa lónið og þótti bara gaman. Það var á þeim tíma sem hinn venjulegi launamaður lét sér detta í hug að skreppa þangað, en nú er það liðin tíð, enda mun ég trúlega aldrei aftur stíga þangað fæti.

[Axel Jóhann Hallgrímsson, 6.3.2016 kl. 23:21]

Svo er þessi drullupollur, því drullupollur er þetta, niðurgreiddur af ríkinu. Lónið er undanþegið skilum á virðisaukaskatti! "Aðgangurinn yrði bara sem nemur skattinum dýrari, ef okkur væri gert að skila virðisaukaskatti." - Segja forsvarsmenn lónsins og brosa!

Það verður gaman að lifa, eða hitt þó heldur,  þegar græðgin hefur verðlagt okkur út af markaðnum og öll yfirskuldsetta spilaborgin hrynur. Hvert ætli reikningurinn fyrir allri gjaldþrota ofuruppbyggingunni verði sendur?

[Helga Kristjánsdóttir, 7.3.2016 kl. 04:00]

Hvenær og hvar breyttist ,Blá Lónið, í náttúru fegurðar paradís? Hélt að fólk sækti í það af heylsufarsástæðum. Fólk með Psoriasis svo dæmi séu tekin. 

[Helga Kristjánsdóttir, 7.3.2016 kl. 05:48]

Ég elska ypsilon!!!

[Ásthildur Cesil Þórðardóttir, 7.3.2016 kl. 08:50]

Einmitt Halkatla. 

Ármann þetta eru ótrúlegar upphæðir, og nokkuð ljóst að enginn venjuleg fjölskylda hefur efni á þessu.  Og ef það er eins og Axel segir, að þetta sé niðurgreitt af ríkinu, er alveg ótrúlegt.  Að niðurgreiða lúxus er alveg með ólíkindum og ef þetta er svo ofan á allt erlent fyrirtæki.

Filipus já ég fór með fjölskyldunni minni þangað fyrir  nokkrum árum við fengum að fara upp á þak og skoða okkur um, og svo kaupa okkur kaffi.  Skilst að það sé ekki þannig í dag, ótrúleg. 

P.Valdimar er það eitthvað náttúrlögmál að það sem er vinsælt hækki upp úr öllu valdi?  Held ekki í venjulegu tilfelli.  Það þarf að vera skynsemi í verðlagningu. 

Sigurður algjörlega sammála. 

Aztek það er alveg sjónarmið út af fyrir sig.  

Anna Dóra nákvæmlega.  Þeir geta varla grætt mikið meira á að missa alla venjulegu kúnnana og nú þegar ferðamönnunum er farið að blöskra þá er stutt í algjört stopp.

Axel það er með ólíkindum að ríkið skuli niðurgreiða svona luxus sem bara örfáir hafa efni á.  Og það að auki ef eignahaldið er erlent, sem er eiginlega skammarlegt, en alveg eftir bókinni hjá stjórnvöldum. Hvað varðar hrun spilaborgarinnar hugsa ég til hennar með hryllingi.

Helga mín það var þá, þegar psoriasis sjúklingar fengu að fara þangað sér til heilsu.  Það er sennilega ódýrara að senda það til Tyrklands í heilsuböðin þar.