Börnin okkar sem hráefni fyrir Samtök Atvinnulífsins.

Hef ekki heyrt þvílíka vitleysu árum saman, er þó af nógu að taka. 

 

http://www.ruv.is/frett/5-ara-a-skolabekk

 

"Samtök atvinnulífsins leggja til að skólaskylda hefjist við 5 ára aldur og að framhaldsskólanámi ljúki við 18 ára aldur. Samtökin telja að þjóðhagsbatinn vegna þessa yrði um 70 milljarðar króna á ári". Sem sagt börnunum skal fórnað á altari Mammons, ef þau fara í skólann fimm ára, þá þarf undirbúningur skóla að byrja þegar þau eru fjögurra ára. Alvara lífsins sem sagt að byrja strax, svo atvinnurekendur geti fengið hráefni í vinnuna.

 

 

 

 

 

 

 

 

 

 

 

 

 

 

 

 

 

 

 

Er ekki hægt að hafa afnot af þeim örlítið fyrr, svo græða megi nóg?

 

"Samkvæmt tillögum SA verður skólaskyldan áfram 10 ár en með því að setjast á skólabekk fimm ára lykju nemendur grunnskólanum einu ári fyrr eða 15 ára. Með styttingu framhaldsskólans í þrjú ár væru flestir að útskrifast úr framhaldsskóla 18 ára. Þorgerður Katrín Gunnarsdóttir, forstöðumaður mennta- og nýsköpunarsviðs SA, segir að ýmis efnahagsleg rök mæli með því að þessi breyting verði gerð".

Hélt að þú værir móðir Þorgerður Katrín, en þín börn eru væntanlega orðin eldri en fimm ára. "Ýmis efnahagsleg rök mæli með þessu" segir þú og ég segi skammastu þín.

 

 

 

 

 

 

 

 

 

 

 

 

 

 

5 ára stubbur, sem betur fer býr hann í Austurríki, þar sem engum dettur í hug að láta börnin byrja fimm ára til að auka tekjur samfélagsins.  

„Það eru gríðarlega miklir hagsmunir í húfi fyrir nemendur þannig að þeir flosni ekki upp úr námi og að þeir fái bestu kennslu sem völ er á. Og að við nýtum tímann í leikskóla sem er fyrsta skólastigið, í grunnskóla og framhaldsskóla betur. En ekki síður hitt að við þurfum líka að líta á blákaldar efnahagslegar staðreyndir. Fá fólk fyrr út á vinnumarkaðinn og halda betur utan um fólkið okkar í skólakerfinu,“ segir Þorgerður Katrín.

Og allt þetta á að lagast ef þau byrja í skóla fimm ára en ekki sex? Að þú skulir voga þér að bera þessa vitleysu á borð. Hvaða rannsóknir hafa verið gerðar á þessari fullyrðingu, þ.e. hlutlaus rannsókn fagaðila en ekki samtaka atvinnulífsins, sem sennilega er algjörlega sama um hinn venjulega íslending.

 

 

 

 

 

 

 

 

 

 

 

 

 

"Auk þess að leggja til að skólaskylda hefjist við 5 ára aldur leggja samtökin til að kennaramenntun verði endurskoðuð, framleiðni og samkeppnishæfni skólakerfisins verði efld og eftirfylgni aukin í kennslu og sömuleiðis endurgjöf til kennara. En með því að færa skólaskylduna niður um eitt ár yrði árleg rekstrarhagræðing hjá sveitarfélögunum um 3,2 milljarðar króna. Í stærra samhengi er talið að efnahagsbatinn gæti orðið allt að 70 milljarðar króna á ári. Það helgast meðal annars af því að ungt fólk kæmi fyrr á vinnumarkaðinn. Talið er að landsframleiðsla myndi aukast um 40 milljarða vegna fjölgunar á vinnumarkaði og um 55 milljarða ef helmingur nemenda kláraði grunnskólann 14 ára".

 

Er ekkert ykkur heilagt? Skera niður heilbrigðiskerfið, Almannatryggingakerfið og nú á að skera börnin niður við trog.

Það er margt svo vitlaust í þessu, fyrir nú utan að þetta endar alltaf á þessum efnahagslegu rökum sem virðast skipta öllu máli, þá er látið liggja að því að börn detti út úr skóla af því að þau byrja of seint, þ.e. 6 ára en ekki sjö.  Þið hafið líka staðhæft að vegna þess að börnin byrji 6 ára, þá sé brottfall meira og þar af leiðandi fleiri sem verða öryrkjar.  'Eg á ekki orð yfir svona málflutning. 

Í annan stað þá vill svo til að það eru fáir menntaskólar á landsbyggðinni, og ennþá færri háskólar á landinu, er ætlast tið að börnin flytji að heiman 15 ára á viðkvæmasta aldri til að stunda skóla í stærri samfélögum.  Þú ert að miða við Garðabæ, það vill nú svo til að þar eru nægir skólar í nágrenninu, lengra nær nú ekki hugsun þín.  

Leyfum börnunum okkar að að vera börn á meðan þau eru börn.  Ekki sjá fyrir ykkur börnin okkar sem gróðalind fyrir græðgina sem tröllríður öllu sem þið komið nálægt.  Þau eru framtíð okkar en ekki vinnuforði fyrir atvinnurekendur. 

Hvernig væri að hætta að senda alla sem hingað koma burtu og ráða það fólk sem hér vill starfa og búa í vinnu sem þjóðin virðist virkilega hafa þörf fyrir?  Er það ekki tvískinnungur?

Athugasemdir

[Axel Jóhann Hallgrímsson, 10.1.2016 kl. 16:40]

Hjá SA er allt sett í exel, línurit, hagtölur og hagnað . Fljótlega veður farið að tala um 4 ára sem upphaf skólagöngu. Stúdentsprófið taka börnin svo með fermingarpeningana í vasanum.

Annað nýtt hjá SA er áætlun um að þenja út atvinnulífið í einhverjar himinhæðir og flytja svo inn ódýrt vinnuafl til að fylla upp í störfin og allar ofurgróðavæntingarnar. Hagnaðinn ætla þeir sér, kostnaðinn senda þeir á okkur hin - eins og venjulega, auðvitað!

Enda kaus þjóðin þetta yfir sig.

[Ásthildur Cesil Þórðardóttir, 10.1.2016 kl. 17:14]

Já því er nú fjandans verr.  Þetta er greinilega allt fyrir gróðann og þau kunna ekki að skammast sín. 

[Anna Sigríður Guðmundsdóttir, 11.1.2016 kl. 14:32]

Sæl Áshildur. Ég er sammála þér. Það er algjört brjálæði að láta börn byrja 5 ára í þessum heilaþvottagrunnskóla opinbera ábyrgðarlausa heilaþvottakerfisins.

Börn verða orðin andlega niðurbrotin, vilja/skoðanalaus, og komin nánast í göngugrind/hjólastól eða á langlegu-geðdeild, vegna þroskaheftandi þrælakyrrsetu og kúgunarheilaþvotta-ítroðslu, í lok grunnskólaskyldunnar!

Ekki undarlegt að fullvaxin grunnskóla-kyrrsetu-kerfisskemmd 8 tíma þrælandi börn lendi í dauðagildru hvítflibbagötusalanna.

Gjörsamlega eyðilögð af skylduðu og gagnslausu ofbeldis-grunnskólakerfi hins opinbera græðgibákns!

M.b.kv.

[Ásthildur Cesil Þórðardóttir, 11.1.2016 kl. 21:07]

Anna Sigríður og allt fyrir peninga taktu eftir því.  

[Guðbjörg Snót Jónsdóttir (IP-tala skráð) 13.1.2016 kl. 15:42]

Ég er sammála þessu. Þeir virðast ætla að taka um enskar hefðir í þessum efnum. Einhvern tíma las ég a.m.k., að börn byrjuðu fimm ára í skóla í Englandi. Þetta er náttúrulega algert rugl, hreinasta vitleysa. Nóg eru nú börn og unglingar námsleiðir fyrir, og það jafnvel, áður en þeir fá fullnaðarprófið, hvað þá ef á að fara að skylda þá til að vera frá fimm ára aldri í skólanum. Ég byrjaði sjö ára í skóla, og mér finnst það alveg nóg. Raunar var faðir minn búinn að kenna mér að lesa, þegar ég var á sjöunda árinu, og ég lærði líka skrifa og reikna, áður en ég fór í skólann, en þetta var nú á sjötta áratug síðustu aldar. Öldin er nú eitthvað önnur í dag. Mér fyndist alveg nóg að hafa forkennslu hjá sex ára börnum og láta þau síðan byrja fyrir alvöru sjö ára. Þau hafa ekkert að gera í skóla fyrr, finnst mér. Með þessu er aðeins verið að auka á skólaleiðann og áhugaleysið, og þau detta fyrr út úr skólanum, - en það er kannske það, sem atvinnurekendur vilja, svo að þeir fái fólkið til sín í vinnu, - þ.e.a.s. ef þetta unga fólk mundi þá nenna því, eða hefði áhuga á slíku. Það vilja allir helst verða doktorar í dag, áður en þeir byrja að vinna, svo að þeir geti heimtað sem hæst launin. Að öðrum kosti missum við vinnuaflið úr landinu. Til hvers væri þá verið að lengja námstímann með þessu uppátæki? Ég sé ekki tilganginn.

[Anna Sigríður Guðmundsdóttir, 13.1.2016 kl. 22:07]

Áshildur. það er verið að troða ofurvel mafíulaunaðri og þvingaðri "menntun" í börnin, til að græða á þeim seinna (sem er auðvitað alveg vonlaust)!

Það er ekki verið að sinna einstaklinganna styrkleikum og menntaáhuga í opinbera skyldaða grunnskólakerfinu.

Erum við ekki að skilja þetta á sama hátt, Áshildur mín?

M.b.kv. 

[Ásthildur Cesil Þórðardóttir, 14.1.2016 kl. 12:29]

Jú Anna Sigríður mín, held það.  Guðbjörg ég er alveg sammála því að börnin hafa ekkert að gera í skóla fyrr en 6 til 7 ára.  Þau fá einhverja skólareynslu nú þegar í leikskólanum, fá að heimsækja skólann sem þau eiga að fara í.  Svo sammála því að nógur er nú námsleiðin fyrir þó ekki sé verið að lækka aldurinn niður í fimm ára.  Mér finnst þetta andstyggilegt, einhverskonar kjötvinnsla.  Börnin sjálf skipta ekki máli heldur hvað hægt er að fá út úr þeim.