Snillingar framtíðarinnar.

 Ég fór á tónleika í dag.  Stubburinn var að spila. Það  er mjög skemmtilegt að fara á tónleikana hjá Tónlistarskólanum.  Það er greinilega mikið í lagt, og allir að gera sitt besta.  En þetta er líka þroskandi fyrir krakkana að læra að meta góða tónlist.  Hér var spilað á ýmis hljóðfæri ýmiskonar tónlist. 

 

Hér er stubburinn þetta var opnunaratriði. Frumsamið Hamradjamm hét verkið. Spilarar með honum voru Sveinn J. Pálmason á bongó, Heiðar Máni Laxdal á trommur, Emma Rúnarsdóttir á Páku, og þetta heitir víst Djembey sem minn maður spilar á.

Þau voru í öllum aldurshópum þessar elskur.  Þessi var að spila Kengúrubanann eftir J. Schaum.

Ömmuprinsessa.  L.v. Beethoven; óðurinn til gleðinnar.  Ólöf Dagmar.

Hér lék ein snaggaraleg stúlka þjóðlag; Arkansas Traveler.

Stubburinn aftur með vini sínum og kennara.  Frumsamið; strákar fíla þungarokk.

Þetta er hún Perla hún spilar hér; Hvers vegna ? höfundur ókunnur.

Hér er blues ílagi. Blús að vori.  Flottur fílingur.  Og kennarinn er dáltið frægur, hefur gefið út plötu. 

Þessi á eftir að ná langt, það þori ég að bóka. Hér tekur hún J. Offenbach; Can Can, en spilaði síðar Sónatínu í F dúr allegro assai.

Þessi ungi maður er bróðir hennar, og þau eru börn Beötu sem er kennari og kórstjóri með meiru.  Hér spilar hann R. Schumann; Traumerei.  Reyndar var einn bróðir í viðbót sem lék á fiðlu og píanó.  Snillingarnir hennar Beötu.

Þetta er hann Hlöðver.  Hann spilar hér F. Chopin; Prelúdíu op. 28 nr. 4.

Svo var endað á þrusu trommusólói.  Ég vildi að ég hefði getað sýnt fleiri  myndir, þau voru öll frábær.  Og Ísafjörður er ríkari með þessa frábæru krakka að læra músik og þjálfa tóneyrað og umgengni við tónlistina.  Og svo auðvitað kennarana þeirra.

Þeir tóku reyndar Down on the corner, með CCR. 

Ég segi bara takk fyrir mig.

Athugasemdir

[Jenný Anna Baldursdóttir, 19.5.2007 kl. 19:55]

Allur skalinn á þessum tónleikum.  Þarna hefði ég viljað vera.  Til hamingju með allt þetta frábæra unga fólk.  Vestfirðir eru svo sannarlega á lífi.

[Rannveig Þorvaldsdóttir, 19.5.2007 kl. 20:34]

Tónlistarskólinn okkar er frábær! Þar er unnið mikið og gott starf með ungum sem öldnum. Hann byggir á gömlum grunni og aðsóknin er mikil á hverju ári. Já, við erum heppin með margt.

[Ásthildur Cesil Þórðardóttir, 19.5.2007 kl. 21:15]

Já einmitt.  Bæði það að við erum heppinn og Ísafjörður er á lífi.  Ennþá þrátt fyrir óvinveittstjórnvöld.  En svo er líka annar skóli sem ég vil minnast á og það er Listaskóli Rögnvaldar.  Þar sem er meira alhliða listsköpun eins og músik, dans og myndlist og margt fleira. 

[Kristín Katla Árnadóttir, 19.5.2007 kl. 21:16]

flottir tónleikar, til hamingju með þetta fallega unga fólk.

[Ásthildur Cesil Þórðardóttir, 19.5.2007 kl. 22:11]

Skil þig Guðmundur minn.  Það er gott að safna kröftum hér á þessu svæði. 

[Anna Ólafsdóttir (anno) (IP-tala skráð) 19.5.2007 kl. 23:57]

Nú fæ ég eitt nostalgíukastið enn. Var tónlistarskólastjóri í 3 ár hér í den og vortónleikarnir voru uppskeruhátiðin þar sem maður fylltist þvílíku stolti að það hálfa væri nóg. Þarna komu þau fram hvert af öðru, svo fín og flott og svo þegar þau voru búin komu þessar elskur aftur baksviðs og ljómuðu eins og sól í heiði. Toppurinn

[Ásthildur Cesil Þórðardóttir, 20.5.2007 kl. 00:08]

Í dag sitja þau í salnum og læra að bíða róleg og stillt. Og svo hlaupa þau til mömmu og pabba þegar þau eru búin, þ.e. þessi minnstu.

[Ásthildur Cesil Þórðardóttir, 20.5.2007 kl. 11:39]

Einmitt það er þroskandi fyrir þau.  Hér fá þau að velja eitt hljóðfæri sem þau fá að taka í frjálsum tíma í skólanum.  En svo geta þau farið í tónlistarnám.  Næsta ár má hann læra á tvö hljóðfæri, hann er ákveðin í að læra áfram á trommur, og svo á rafgítar.  Því eins og hann sagði, það er svo gott, því þú átt nefnilega svoleiðis gítar í geymslunni amma. 

[Jakob Falur Kristinsson, 20.5.2007 kl. 16:31]

Þið eruð ríkir Ísfirðingar af öllu ykkar tón- og öðru listafólki, ég efast um að hægt sé að finna hliðstæðu hér á landi eins og ykkar menningarlíf er.  Í minningunni er Ísafjörður mér alltaf hugleikinn enda ólst ég þar upp að hluta var þar flest sumur til 14 ára aldurs og þar var alveg eins og á Bíldudal alltaf sól og blíða og pollurinn eins og spegill öll kvöld.  Ekki get ég státað af miklum hæfileikum er bæði lag- og vitlaus.

[Ásthildur Cesil Þórðardóttir, 20.5.2007 kl. 16:36]

Nei það ertu ekki Jakob minn ekki vitlaus.  Og það er sagt að enginn sé laglaus, bara mismunandi lagviss.