Svo hvíslar litli maðurinn á götunni.

Útgerðarmaðurinn gekk glaðlega inn í beitingaskúrina.  Jæja piltar mínir ég er að hugsa um að segja ykkur öllum upp vinnunni.

Þeir störðu á hann í forundran. 

Já ég þið eruð búnir að starfa lengi hjá mér, sagði hann.  En nú býðst mér að fá jafnmarga pólverja, nema ég fæ bara tvo útlendinga fyrir einn.  Hann glotti.

Það sást skelfingarsvipur á beitningamönnunum, þegar það rann upp fyrir þeim hvað hann var að segja.

Auðvitað geri ég ekkert slíkt, sagði hann svo.  En málið er að stjórnvöld eru búin að færa mér þessi völd.  Ég get gert þetta og það er löglegt. 

Enda er lagaumhverfið hér paradís atvinnurekandans. 

 

Ég var að hringja út fyrir Guðjón Arnar og Kristinn H. um daginn, spyrja hvort þeir mættu líta við á vinnustöðum og slíkt.  Í það var allstaðar vel tekið, nema á einum stað.  Hraðfrystihúsinu Gunnvöru.

"Ég hleypi engum að fólkinu mínu, " sagði forstjórinn.  "Engum, ekki sjálfstæðisflokknum né ykkur."

Gott og vel hugsaði ég.  Það var nefnilega svoleiðis í síðustu kosningum, að það kom á skrifstofuna okkar ung kona og spurði.  "Er það löglegt að forstjórar fyrirtækja geti hótað starfsfólkinu á vinnustaðnum ?" 

Ég veit ekki sagði ég, en hvað ertu að meina ?

Forstjórinn í frystihúsinu Gunnvöru kallaði alla starfsmenn saman á kaffistofunni og tilkynnti þeim að ef þeir kysu ekki rétt, myndu þeir horfa á atvinnutækin sigla út fjörðin og aldrei koma til baka. 

Það er von að maðurinn vilji ekki fá heimsóknir af óæskilegum stjórnmálaflokkum til að ræða við fólkið sitt.  Það er miklu betra bara að ræða alvarlega við þau sjálfur, best að flækja ekki málin mikið.  Þetta er jú manns eiginn mannskapur, eða hvað ?

Heyrði reyndar svipaðar sögur bæði frá Flateyri og Suðureyri.  Ég get svo sem alveg trúað því að þær séu sannar.  En fólk segir ekki margt ekki opinberlega, því maður gæti misst vinnuna, atvinnutækinn gætu siglt út fjörðinn og aldrei komið til baka.

En við búum nú í lýðræðisríki, svo þetta hlýtur að vera ósatt allt saman, eða HVAÐ HALDIÐ ÞIÐ ?

Athugasemdir

[Jenný Anna Baldursdóttir, 8.5.2007 kl. 08:38]

Þessi hjá Gunnvöru ætti að komast í fréttirnar.  Honum til ævarandi skammar!

[Saumakonan, 8.5.2007 kl. 08:58]

Hvað eru margir pólverjar í vinnu þar??????  Úfff manni verður nú bara illt af að lesa svona... djös RUGL og VITLEYSA!  Já... hringja í kastljós eða kompás eða eitthvað og láta klemma aðeins að manninum! 

En annars... eigðu góðan dag ljúfan

[Ásthildur Cesil Þórðardóttir, 8.5.2007 kl. 09:18]

Ég tók nú bara svona til pólverja.  Ég vil taka það fram að hér hafa erlendir aðilar lifað í sátt og samlyndi við heimafólk.  Þeir eru á sama báti og aðrir, hvað varðar þeir hafa áunnið sér réttindi og skyldur eins og við.  Það er fólki sem er flutt inn í dag óheft sem er um að ræða.  Og vandamálið eru atvinnurekendur en ekki fólkið sjálft.  Það kemur af því að því er boðin vinna.  En þau fá greitt eftir strípuðum töxtum, sem öðru fólki  er ekki boðið upp á.  Þar liggur mismunurinn.  

[Benedikt Halldórsson, 8.5.2007 kl. 09:48]

Ég er með spurningu sem kemur eins og skrattinn úr sauðaleggnum og kemur ekki kvótamálinu við á nokkurn hátt og þó! En þannig er, að ég á ættir að rekja til Hornstranda, ég er einn af þúsundum afkomenda Finns Gestssonar sem er fæddur árið 1823 og nefndur er Galdra-Finnur. Mér datt í hug, að þar sem margir vestfirðingar lesa þína góðu og skemmtilegu síðu, hvort þeir kynnu ekki einhver deili á téðum Finni? Ef einhver lumar á sögu eða munnmælum af honum og samferðamönnum hans, væri það mikill heiður fyrir mig, ef einhver færi inn á gestabókina á mínu bloggi eða kæmi "upplýsingum" á einhvern annan hátt á framfæri.

Með fyrirfram þökk. 

Afsakaðu Ásthildur að troðast hérna inn með alls óskylt mál!

[Ásthildur Cesil Þórðardóttir, 8.5.2007 kl. 10:00]

Þér er það alveg velkomið Benedikt minn.  Besta mál.  Vona að einhver viti deili á forföður þínum.  Leyfðu okkur að fylgjast með.

[Ragnheiður , 8.5.2007 kl. 17:45]

Þetta er bráðmerkileg frásögn og ég get vel trúað því að hún sé rétt. Það er vont að lesa þetta.

[Ásthildur Cesil Þórðardóttir, 8.5.2007 kl. 18:13]

Já það er vont.  Og það versta er að þetta er litla Ísland landið okkar. 

[Árni Gunnarsson, 8.5.2007 kl. 23:22]

Pétur Pálsson þríhross á víða skyldmenni í dag í sjávarplássunum. Og það skulu menn vita að það verður fylgst með því í Sviðinsvík ef einhver kýs á móti stassjóninni.

[Guðsteinn Haukur Barkarson, 9.5.2007 kl. 10:01]

Bendikt Halldórsson, ég bendi þér á Jón Val, hann er forstöðumaður ættfræðiþjónustunar og getur sennilega hjálpað þér.

En Ásthildur, er ástandið virkilega svona? Vill forstjóri Gunnvarar sem sé eiga frjálsar hendur í að heilaþvo starfsmenn sína?? Þetta er ólögleg mismunun, alveg eins og það er ólöglegt að ráða í starf eftir stjórnmálaskoðunun eða kynferði! Hann spyr sennilega fólk hvaða flokk það styður áður en hann ræður það til starfa!! Almáttugur, svona bull tíðkaðist á miðöldum og á ekki heima á því herrans ári 2007!

[Ásthildur Cesil Þórðardóttir, 9.5.2007 kl. 11:32]

Ég veit ekki hversu hart hann gengur fram Guðsteinn minn, en það sem ég veit og eru staðreyndir málsins er; að hann í fyrsta lagi harðneitaði að aþingismennirnir kæmu í fyrirtækið, tók fram að hann leyfði engum pólitískum flokkum að koma þangað með sitt fólk.  Og svo í öðru lagi, það sem ung kona sagði við mig í síðustu kosningum.  Hun kom beint úr vinnunni og var sleginn yfir þessari ræðu framkvæmdastjórans. 

Já það er víða pottur brotinn á því herrans ári 2007.  Ég get líka sagt frá fólki sem hefur verið hótað brottrekstri ef það fari á lista hjá Frjálslyndaflokknum.  Og ég talaði við mann í gær, sem er á listanum okkar, og fékk húðarskammir frá a.m.k. tveimur aðilum vegna veru sinnar þar.  Sá maður lætur ekki hræða sig.  En það er fullt af fólki sem gerir það. 

Og ég er sannfærð um að þöguli hópurinn sem ekki vill gefa sig upp í skoðanakönnunum, kýs ekki stjórnarflokkana.  Vill þess vegna ekki gefa sig upp. 

Nákvæmlega Árni.  Nema að þú ert einn í kjörklefanum.  Þar er þitt eigið kóngsríki, þar sem þú ræður hvað þú gerir.  Sem betur fer eru ennþá leynilegar kosningar, og blandað saman atkvæðum úr öllu kjördæminu.  Það hefur ekki verið afnumið .............................................. ennþá.