Farið það grábölvað á hreinni íslensku.

Þvílík andskotans vitleysa og draumórar.  Eigum við ekki fyrst að byggja sjúkrahúsið, hækka laun til aldraðra og öryrkja og útrýma heimilislausum og fátækt áður en við förum í svona prjál?

Höfum við ekkert lært?  Alltaf sama snobbið og bruðlið hjá þjóðinni.  Verð að segja að ég á ekki orð, og hvað svo um fjandans stöðugleikann þar sem ekki má hrófla við launum fólks, til að viðhalda stöðugleika? Halda menn virkilega að það þurfi ekki að borga þessa vitleysu?

Nú er mér algjörlega nóg boðið.  

Já vitleysan ríður ekki við einteyming.  Ég skora á stjórnvöld að hunsa þessa vitleysu og hugsa um "stöðugleikan" og gera betur við heimilislausa, öryrkja og aldraðra og minnka biðlistana inn á sjúkrastofnanir áður en hafist er handa við svona bruðl.  ÉG verð bara reið þegar ég les svona andskotans vitleysu. 

Þjóðarleikvangur vel á veg kominn

Athugasemdir

[Óskar Helgi Helgason (IP-tala skráð) 11.9.2015 kl. 21:44]

Sæl sem jafnan Ásthildur Cesil - sem og aðrir gestir, þínir !

Ásthildur !

Draugurinn: og átrúnaðargoð ýmissa samlanda okkar - Ólafur Ragnar Grímsson, OFURLAUNA AFÆTAN suður á Bessastöðum elur á þeim innihalds lausa þjóðrembingi, sem að baki þessum heimskupörum standa.

Og - vel studdur líklegast, af þorra embættis- og stjórnmála genginu, suður í Reykjavík, sem allt of víðar um land, líkast til.

Það var - einhver mesta ólukka Íslendinga: að fá fullveldisréttinn 1918 / sem og atburðarásin, sem leiddi til óhappsins, 17. Júní árið 1944 ekki síður, Ásthildur mín.

Landsmenn eru: og hafa lengi síðan, verið að uppskera - í samræmi við það.

Að lokum. Þakka þér fyrir: verðskuldaða ádrepuna, til handa oflátungunum, Ásthildur mín.

Og - heillakveðjur vestur: í tilefni Kúlu endurreisnar ykkar hjóna og fjölskyldu ykkar, ennfremur.

  

[Ásthildur Cesil Þórðardóttir, 11.9.2015 kl. 22:50]

Takk fyrir það Óskar minn, já mér er algjörlega ofboðið yfir þessari vitleysu. 

[Einar Örn Gissurarson, 11.9.2015 kl. 23:41]

Í guðs bænum slappiði af. Þetta var skólaverkefni fyrir verkfræðinema. Í fyrra áttuð þeir að hanna leikvang fyrir Eurovision keppnina.

[Gunnar Heiðarsson, 12.9.2015 kl. 09:45]

Tek undir hvert orð þitt Ásthildur. Þjóðarleikvangur er eitthvað sem vissulega má bíða betri tíma. Væri verðugt verkefni ef hér kæmi upp atvinnuleysi. Þá mætti nýta það til að skaffa fólki vinnu.

Hins vegar EF einhver vill byggja þennan leikvang fyrir eigin pening og fá hann greiddan með hlut af aðgangseyri inn á herlegheitin, þá sé ég ekkert því til fyrirstöðu. En það verður þá alfarið að vera á ábyrgð þess aðila. Ríki og sveitarfélög mega ekki koma að því verkefni nú, hvorki með beinum peningaútlátum né ábyrgðum á neinn hátt.

Ekki er víst að nokkur sé tilbúinn til slíkra verka, enda háttur stórverktaka að koma ábyrgðinni yfir á aðra, helst ríkisjóð.

Til hamingju með að vera komin með garðskálann í lag. Þetta leit ekki vel út í vor.

Kveðja

[Gunnar Heiðarsson, 12.9.2015 kl. 09:53]

Einar, það er mikill munur á hugmyndinni með leikvang fyrir Eurovision og hugmynd um þjóðarleikvang.

Hugmyndin um leikvang fyrir Eurovision var verkefni fyrir skólanemendur. Enginn hugsandi maður í þjóðfélaginu talaði fyrir slíkum leikvangi. Þetta var grín.

Hins vegar eru háværar raddir uppi um byggingu þjóðarleikvangs í Laugardal. Þær raddir koma jafnt frá fávísum sem og hinum sem vilja láta taka sig alvarlega. Það mál er dauðans alvara.

Eina sem þessi tvö verkefni eiga sameiginlegt er að teikningar eru búnar til á sama stað.

[Ásthildur Cesil Þórðardóttir, 12.9.2015 kl. 10:30]

Einar Örn það er vissulega meiri þungi í umræðunum um nýjan þjóðarleikvang en var með júróvion eins og Gunnar bendir á. Og nákvæmlega núna þegar okkar menn stóðu sig vel í HM, þá munu arkitektar og aðrir forkólfar reyna að nýta allt til þess að fá að byggja slíka höll.  Meðal annars hefur bæjrstjóri Kópavogs ámálgað að hún verði byggð í Kópavogi.  En ég er alveg handviss um að Kópavogur ætlar ekki að standa sjáfur undir þeim kostnaði. 

Takk fyrir þitt innlegg Gunnar og góðar óskir.  Ég er bara ansi hrædd um að þetta verði svona annað Hörpudæmid, þvíngað upp á þjóðina og byrjarð þangað til ríkið neyðist til að taka þátt í þessu, eins og með Vaðlaheiðagöng sem eru skandall.  Og alltaf er ætlast til þess að þjóðin fari dýpra í vasana til að borga svona vitleysu.  Þó Harpa hafi vissulega aukið komur listamanna sem er af hinu góða, þá dugar það ekki til að borga af henni það sem þarf.  Hún mun sennilega um aldur og ævi vera baggi á okkur öllum í þjóðfélaginu, þó margir komi ekki til með að stíga þar fæti.  

Perlan var eitt dæmið og ráðhúsið við Tjörnina.  Ég er ekki að segja að þessar byggingar séu ekki prýði í dag, en meðan ekki er hægt að reka heilbrigðiskerfið sómasamlega, og fólk þarf að borga allt að 50.000 kr. fyrir að fara í rannsóknir þó það sé lagt inn á sjúkrahús, og fólk er svo fátækt að sumir eiga ekki fyrir mat.  Aldraðir spara við sig nauðsynleg lyf vegna fátæktar og svo framvegis, og þetta eru blákaldar staðreyndir, þá höfum við ekkert með þjóðarleikvang að gera.  Það eiga nefnilega allir að hafa sinn rétt og stjórnvöld hafa einfaldlega ekki leyfi til að hugsa bara um einhver gæluverkefni meðan þau geta ekki lagað þessa ljótu bletti á annars ríku samfélagi. 

[Jens Guð, 12.9.2015 kl. 10:58]

Ég tek 100% undir hvert orð í færslunni.

[Ásthildur Cesil Þórðardóttir, 12.9.2015 kl. 11:23]

Takk fyrir það Jens minn. 

[Hrólfur Þ Hraundal, 12.9.2015 kl. 17:11]

Sammála síðuhafa og lýsi óánægju minni með að ekki einu sinni er hægt að fá frið fyrir þessum tuðruleikjum á frétta tíma.  Dóttir mín ágæt benti mér á að líklega væru fréttirnar á plús rásinni og mikið rétt, en það voru fótbolta fréttir.    

[Ásthildur Cesil Þórðardóttir, 12.9.2015 kl. 17:58]

Nákvæmlega Hrólfur við sem ekki nennum boltaleikjum verðum að sætta okkur við endalausa leiki og fréttir færðar til meira að segja barnatími fluttur til að þjóna þessum háværu en ef til vill ekki svo mörgu íþróttaáhugamönnum.  Það ætti fyrir löngu að vera kominn sérrás fyrir íþróttir svo við hin getum fengið frið. 

[Hrólfur Þ Hraundal, 13.9.2015 kl. 04:17]

Auðvita er ánægjulegt að verða þess áskynja er Íslendingum gengur vel. Fátt er þó af því að frétta er snillingar hæglátir leysa dagleg mál og hreykja sér hvergi.

En að þessum velgöngurum bolta sparkandi, skuli ekki hafa auðnast meira vit en svo, að hafa endilega þurft að hrekja frá sér umburðalyndasta fólkið, er einfaldlega bara sorglegt. 

Skilji ég rétt þá er tuðruspark til þess gert að skora mark, þá ættu mörk ekki endilega að vera stærri frétt en að mamma gefur börnum sínum að borða.   

En frétta miðlarnir eiga hér ekki litla sök, því þeir smíða baðkarið og sólina.

[Ásthildur Cesil Þórðardóttir, 13.9.2015 kl. 10:53]

Hrólfur þar mælir þú satt og rétt.  Þetta er fyrst og fremst fjölmiðlafár, sem er svo rekið áfram af fólki sem ekkert hugsar nema um eigin rass.