Vestfirski Bjargvætturinn.

Einar Oddur er krútt.  Hann er í baráttusæti Sjálfstæðismanna hér í Norð Vesturkjördæmi.  Hann hefur ekkert skafið utan af hlutunum í gegnum tíðina.  En hann hefur nú ekki alltaf staðið vil stóru orðin.  'Eg man að bæði hann og Einar Kristinn lofuðu, í íþróttahúsinu hér um árið að þeir skyldu sjá til þess að aldrei yrðu smábátarnir settir í kvóta.  En það var mjög svo varað við því kring um landið. Þeir fóstbræður fóru svo um bryggjur og bæi og ræddu við sjómennina og lofuðu að þetta myndi ekki gerast.  Svo var haldið til aðþingis, góða kosningu fengu þeir bræður m.a. út á þessi orð sín.  Mig minnir að afgreiðsla Einars Odds hafi verið einhvernveginn á þann veg, að hann væri nú ekki hrifinn af kvótasetningunni, en af sérstakri tillitssemi við vin sinn Sjávarútvegsráðherrann, þá segði hann já.

Svo má hafa í huga núna, þegar menn hafa í 12 (16) ár ætlað að hlú að öllu því sem minna má sín, að nægir aurar hafa verið til þess að efna allt það fyrr en núna í ræðu sem formaður frjárlaganefndar Einar Oddu hélt um fjáraukalög á þingi 2005, sagði kappinn þetta;

Það sem er gagnrýnisvert, virðulegi forseti, við ríkisfjármál Íslands hentar ekki stjórnarandstöðunni að tala um. Það sem er gagnrýnisvert er nákvæmlega eitt, þ.e. að stjórnsýslan á Íslandi hefur of mikla peninga. Þar erum við aldrei nógu vakin yfir málunum, að passa peningana. Stjórnsýslan hefur of mikla peninga. Við verðum að gæta að því hvenær sem er og alltaf að reyna að passa þá. Allt of miklir peningar. Það þarf sterk bein til að þola góða daga, segir máltækið. Við þurfum að passa okkur á þeim. Það er mikið góðæri á Íslandi í dag. Þess vegna er það alltaf og á alltaf að vera til skoðunar hvort við notum of mikla peninga í stjórnsýsluna. Ég svara því, virðulegur forseti, afdráttarlaust: Já, of mikla peninga. Því er það hið versta mál þegar menn halda að leiðin sé að hækka skatta. Leiðin er að lækka skatta. Á þeirri vegferð erum við og á þeirri vegferð ætlum við að halda áfram, að lækka skatta, vegna þess að við þurfum ekki á skatttekjunum að halda. Það er hægt að komast af með minni peninga, á að vera hægt og yfir því skulum við vaka.

Þetta er niðurstaða mín. Yfir þetta skulum við fara og þessu skulum við gera grein fyrir. Við erum að ljúka hér einhverju besta ári í sögu íslenskra ríkisfjármála, árinu 2005. Það hefur aldrei komið annað eins ár og mér er til efs að það komi nokkurn tíma aftur, a.m.k. ekki á næstunni, því að vonandi, eins og ég hef sagt áður, dregur úr einkaneyslunni strax á næsta ári. Vonandi lækka tekjur ríkisins á næsta ári. Það yrði okkur til gæfu vegna þess að sú skuldasöfnun sem einstaklingarnir standa fyrir erlendis mun hefna sín. Því fyrr sem því linnir, þeim mun betra.

Þetta vakti auðvitað athygli á sínum tíma;

Og hér.

Já svo mörg voru þau orð hjá bjargvættinum. Of mikla peninga átti ríkið þá.  Og af hverju var ekki farið í öll góðu málin ?

 Hér er minn karl áhugasamur á umræðufundi í gær.

Við vorum einu sinni ágætis vinir hann og ég.  Hann kom alltaf upp í garðplöntustöð, hvað áttu núna nýtt og spennandi spurði hann hressilega.  En ekki lengur.  Ég álpaðist í að fara að vinna með Frjálslynda flokknum.  Svoleiðis er nú það.

Annars var þetta góður fundur í gær.  Menn stóðu sig yfirleitt vel.  En best stóðu sig ungir og skeleggir stjórnendur enda þjálfaðir í JC.  Það komst enginn upp með neitt múður, og þeir höfðu fulla stjórn á málglöðum frambjóðendum. Meira að segja Jóni Bjarnasyni. 

Hér má sjá okkar mann í ræðustól Kristinn H. Gunnarsson.

 Margt var um manninn og greinilegt að menn eru mikið að spá og spekulegra.  Ætli loforðin dugin nú eina ferðina enn ? það verður að koma í ljós. 

 

En svo eru hér myndir sem ég tók í dag.

 

Þið sjáið að sólin skín og það er bjart yfir Ísafirði í dag. 

 

Athugasemdir

[Jenný Anna Baldursdóttir, 4.5.2007 kl. 10:25]

Ég er sammála þér Einar Oddur er megakrútt og mikill hugsjónamaður af gamla skólanum.  Mér finnst hins vegar leiðinlegt að heyra að hann skuli ekki tala við þig þó að þú skiptir um flokk.  Það er líka af gamla skólanum.  Rosalega er götumyndin frá Ísafirði falleg.  Ég játa að ég á eftir að koma í heimsókn til ykkar og ég bæti vonandi úr í sumar.

Lofjú!

[Hrönn Sigurðardóttir, 4.5.2007 kl. 10:42]

Ferlega flott mynd af Ísafirði og skýjum

[Ásthildur Cesil Þórðardóttir, 4.5.2007 kl. 10:42]

Það hvílir nú ekki mjög þungt á mér menn hafa val um hverja þeir umgangast. 

[Ásthildur Cesil Þórðardóttir, 4.5.2007 kl. 10:42]

Takk Hrönn mín og þið báðar.

[Bjarni Kjartansson, 4.5.2007 kl. 10:44]

Mín kæra!

Þú ættir að vita, að hann Einar okkar er einn hinn mesti grænfingrungur í Ísafjarasýslunum.

Öngvir eru eins vakandi og sofandi yfir plöntutítlunum og hann.  ÞEgar við hittumst he´r syðra berst talið oft að einhverjum einstaklingum, sem hann hefur verið að prófa ,,hima" á Flateyri.

Þið verðið nú að fá ykkur kaffi saman og endilega nálgast hvert annað pólitískt svona í gróandanum.

Ég finn í andanum ilminn af lyngbrumunum, sólvermdum steinum, blandað með fjöruilminum.  Iss, þeg veit, að þið njótið ákveðinna forréttinda þarna ,,heima".

Einar Oddur er heill maður og gott fólk.  Hann rembist mjg fyrir ykkar hagsmuni og ann sínum heimahögum alls hins besta.  Enginn má við margnum og frekar en festast í einhverju skúmaskoti, áhrifalaus með öllu, hefur hann stundum þurft að gera fleirra en honum hefur gott þótt og margt ógott, svona eins og gengur.  Sama átti við han Matta minn Bjarna.

Ekki og ég endurtek EKKI tala um ,,Sleggjuna" sem þinn mann.  Ástæðurnar vitum við bæði.

Sakna margs að Vestan.

Bið að heilsa á Málefnin, hver eru orðin nánast steindauð.

Miðbæjaríhaldið

[Ásthildur Cesil Þórðardóttir, 4.5.2007 kl. 10:53]

Skila því elskulegur, en nei þau lifa góðu lífi.  Þetta er bara það venjulega vorið sem tælir fólk út í góða veðrið.  En varðandi Einar Odd þá er það rétt að við eigum sameiginlega græna putta.  En mér þótti nú ekki  mjög sniðugt af honum að telja sig ekki þurfa að mæta á baráttufund fyrir byggðina, sem haldinn var í Hömrum.  Fjarvera hans var æpandi.  Hann sagðist ekki þurfa að hlusta, hann vissi þetta allt.

[Kristín Katla Árnadóttir, 4.5.2007 kl. 11:19]

Fallegar myndir frá Ísafirði ég hef aldrei komið  til Ísafjarðar það væri gaman að  koma.

[Ásthildur Cesil Þórðardóttir, 4.5.2007 kl. 11:44]

Það er alveg komin tími til að taka Vestfjarðarhringinn Kristín Katla mín.

[Guðsteinn Haukur Barkarson, 4.5.2007 kl. 12:29]

Þú býrð á yndislegum stað Ásthildur. Fegnastur er ég að vita til þess að slík sómakona sem þú, stendur vörð um náttúruperluna Vestfirði. Ég hef ferðast þó nokkuð á þessum slóðum, og jafn fögur náttúra fyrirfinnst varla í heiminum.

[Jenný Anna Baldursdóttir, 4.5.2007 kl. 12:35]

Úff ég er greinilega búin að vera að missa af miklu.  Dem!

[Ásthildur Cesil Þórðardóttir, 4.5.2007 kl. 13:11]

Takk fyrir þetta Guðsteinn minn.   OG Jenný auðvitað hefurðu misst af miklu