Ennþá meira um gott veður á Ísafirði.

Morguninn var mjög fagur, og afi og félagar ákváðu að fara á kajak, og það var líka krakkatími. En þau hafa góða aðstöðu til að sigla hér á Ísó.

 Stubburinn komin að landi.

 svo er að koma bátnum aftur í hús.

 en aðrir grallarar vildu heldur klifra í gömlum bátum.

 Allir um borð !

 Kasta steinum í sjóinn og þessi drumbur átti að fara á flot. Ég veit ráð sagði einn, við setjum steina undir hann og svo rúllum við honum niður.  Það gekk að vísu ekki alveg eftir, svo það var hætt við þær framkvæmdir.

 Á meðan hinir bisuðu við drumbinn og að klifra í bátum, sátu þessir og slökuðu á eftir róðurinn í heitum potti.

 Svo komu stóru strákarnir og stelpurnar að landi.

 Þar reyndist vera á ferð, snillingurinn okkar íslandsmeistarinn og myndatökumaðurinn Halldór Sveinbjarnar með erlenda gesti.

 enda svo á mynd af strákunum, hér á gamalli frystivél.   En dagurinn er rétt að byrja. Nú þarf maður að fara út í góðaveðrið.  Eigið þið góðan dag.

Athugasemdir

[Saumakonan, 29.4.2007 kl. 15:09]

hér fór að kula um leið og sólin hvarf bak við ský en samt alveg ágætis veður til að fara í göngutúr á eftir. Er að fara að sækja dótturina og ömmudrenginn minn á flugvöllinn og mikið verður gott að fá þau "heim" aftur   Eigðu góðan dag í blíðunni ljúfan

[Ásthildur Cesil Þórðardóttir, 29.4.2007 kl. 18:52]

Takk Saumakonan mín, hér er ennþá blíða nú klukkan að verða átta,

[Jenný Anna Baldursdóttir, 29.4.2007 kl. 19:11]

Sjórinn spegilsléttur, unaður.  Hann stubbur er megadúlla

[Jón Steinar Ragnarsson, 29.4.2007 kl. 19:18]

Það flugu gamlir æskudagar gegnum vitundina svo ég fann fjöruilminn.  Það er paradís á jörðu fyrir litla púka að alast upp á Ísó.  Vonandi eflist byggð, svo fleiri geti fengið þess notið og landið fengið heilbrigða og uppfyndningasama prakkara í lið sitt.  Þetta eru hin raunverulegu verðmæti lífsins, sem um ræðir.  Ekki þrátt um krónur og aura heldur hinn andlega og skapandi arð.

[Ásthildur Cesil Þórðardóttir, 29.4.2007 kl. 19:31]

Takk Jenný mín hann er algjör dúlla.

Já Jón Steinar minn, þetta er bara yndislegt, ég ætlaði aldrei að fá strákana heim, ekki fyrr en þeir voru orðnir svangir, því eins og allir vita þurfa strákalingar sem eru að vaxa að borða mikið.  Hungrið hrakti þá heim í kúlu þessar elskur.

[Heiða Þórðar, 29.4.2007 kl. 19:49]

Já sko! Var að koma úr sólinni á Akureyri rétt í þessu. Hefði allt eins getað endað á Ísafirði...knús á þig og þína

[Ásthildur Cesil Þórðardóttir, 29.4.2007 kl. 20:21]

Takk Heiða mín. Þú kíkir við þegar þú kemur