Lítið er ungs manns gaman, gott veður og ljósir punktar í tilverunni.

Hér var dásemdar veður í dag, því miður hafði ég ekki myndavélina mína með í bæinn þegar ég fór á kosningaskrifstofuna.  En hér er bærinn alltaf fullur af fólki þegar veðrið er eins og það er í dag.  Fólk í stuttbuxum og sumarfötum, með ís að rölta niðrí bæ, eða sitja á tröppum Landsbankahússins, börnin klifra á steinkubbunum á torginu.  Allt svo vinalegt og svo eins og það er vant að vera.

Skíðagöngumennirnir hafa örugglega átt dásamlegan dag upp á Breiðadalsheiði, þvi hér er a.m.k. 15°hiti og sól.

En það voru þessir ungu menn sem áttu mína athygli, og það var gaman aðfylgjast með einlægum áhuga þeirra á vísindalegum tilraunum til að kveikja eld.

Áhuginn leynir sér ekki.

Eins og sjá má er þetta mjög áhugavert.

Sá stóri hjálpar þeim minni. 

Og hér sést svo punkturinn sem allt snýst um.  Og það tókst að kveikja eldinn, eins gott að amma var viðstödd.  Ekki í stéttinni heldur í þurrum blómstöngli.

Svona var veðrið í dag, dásamlegt og hlýtt.

Eins og þið sjáið þá er ekki mörg ský á himninum.  dýrðardrottins koppalogn eins og einn ágætur maður sagði, og það var ekki Jónas í hvalnum. 

Svo heyrði ég flott viðtal við Matthildi Helgadóttur um óbeislaða fegurð.  Matthildur er alveg sér á parti svo skemmtileg í svoleiðis viðtölum.

Og svo rétt í þessu hringdi einn sonur minn og spurði hvort við ætluðum að grilla, jamm sagði ég, megum við kaupa okkur grillmat og vera með ? Já auðvitað sagði mamma ánægð.  Og svo eru líka litlu ömmuenglarnir hér í nótt, svo það verður margt um manninn eins og venjulega. 

Athugasemdir

[Jenný Anna Baldursdóttir, 28.4.2007 kl. 19:40]

Yndislgar myndir Ásthildur.  Já vorið er svo sannarlega komið.  Held að ég hafi fengið "overdose" af súrefni úti á róló með Jenny í morgun.

[Kristín Katla Árnadóttir, 28.4.2007 kl. 19:42]

En þú og þið með frábært veður, við vorum aftur á móti bara með svona týbískt gluggaveður, sól og rok.

Gaman að börnin gátu notið þess Ásthildur mín

[Katrín Snæhólm Baldursdóttir, 28.4.2007 kl. 20:12]

Yndislegt...

Hvar er hægt að hlusta á viðtalið Við Matthildi???

[Karolina , 28.4.2007 kl. 21:02]

meiriháttar, vonandi verða margir svona dagar í sumar

[Ásthildur Cesil Þórðardóttir, 28.4.2007 kl. 21:17]

Já svo sannarlega var þetta yndislegt verður og gaman að grilla með fjölskyldunni svona í blálokin á góða veðrinu.  Nægilegt súrefni hér líka.  Takk elskurnar

Hér er slóðin á viðtalið við hana Möttu okkar http://dagskra.ruv.is/streaming/ras2/?file=4325941

Katrín mín. Já vonandi fáum við mikið af svona góðu veðri í sumar.

[Anna Benkovic Mikaelsdóttir, 29.4.2007 kl. 04:35]

Ég hef aldrei komið til Ísafjarðar...skömm að því.  Þetta er paradís

[Ásthildur Cesil Þórðardóttir, 29.4.2007 kl. 14:24]

Þú verður að bæta úr því fljótlega Anna mín.