Í dag var varpað kjarnorkusprengju á hafnarborgina Hiroshima....

Þetta var yfirlýsing frá Eisenhower.   Svo heyrði ég endurtekið tvisvar í dag, lesið af Pétri Péturssyni heitnum.  Fyrirgefið en er þetta ekki þjóðin sem taldi sig hafa rétt til að ráðast inn í Írak, og jafnvel fleiri lönd vegna hættu á innrás af völdum kjarnorku ? Öxulveldi hins illa.

Pétur heitinn sagðist hafa titrað og það hafi verið skelfilegt að lesa þetta.  Hvað þá að upplifa það.  Þetta rifjar upp að helsta hryðjuverkaríki heims er nefnilega Bandaríki norður Ameríku.  Það er eina ríkið sem hefur lagst svo lágt að sprengja ekki bara eina heldur tvær borgir í tætlur með kjarnorkusprengjum.  Konur, börn menn, dýr allt sem lifir.  Er þeim refsað ? eru þeir fordæmdir? Ónei, við leyfum þessum morðingjum að gera sjálfa sig að heimslöggu, sem telur sig þess umkomna að ráðast inn í önnur ríki til að stemma stigu við því sem þeir kalla hættu á árárum með kjarnorku. 

Hvenær kemur sá tími að Bandaríkjamenn verði dregnir til ábyrgðar fyrir glæpi gegn mannkyni.  Hér þýðir ekki að segja að þetta sé fyrnt.  Það hefur ennþá ekki fyrnst glæpir nasista.  Og það ríkir enn þögn um hvað gerðist í Helförinni.  Nema sú söguskýring sem okkar er gefinn.  Ekki ætla ég að réttlæta þann hrylling.  En mér finnst bara að það eigi jafnt yfir alla að ganga.  Þetta er búið að ólga í mér í dag, síðan ég heyrði gamla góða fréttaþulinn okkar fara með þessa frétt.  Hann kallar til okkar að handan og sendir okkur þessi skilaboð yfir móðuna miklu.  Ætli það sé tilviljun ?

Athugasemdir

[IGG , 24.4.2007 kl. 21:25]

Og aftur lýsi ég mig þér sammála. Tilviljun?  Alla vega sterk skilaboð.

[Jenný Anna Baldursdóttir, 24.4.2007 kl. 21:30]

Varð sorgmædd vegna andláts Péturs þó hann hafi verið orðin aldraður.  Goðsögn í lifanda lífi og töff karl.  Ég fór nærri því að gráta þegar ég heyrði hann segja frá sprengjunni.  Enn í dag eru vansköpuð börn að fæðast í bæði Hiroskima og Nakasaki af völdum bombunnar miklu.  Hreint skelfilegt.  Já það er spurning um hverjir hafa rétt til voðaverka og hverjir ekki.  Þar erum við sammála.

[Ásthildur Cesil Þórðardóttir, 24.4.2007 kl. 22:28]

Já ég er svo reið yfir þessu að mig langar til að öskra.  Og sagan er alltaf að endurtaka sig, meðan óþjóðalýður kemst upp með að ráða of miklu. 

[Skafti Elíasson, 24.4.2007 kl. 23:12]

Já það virðist vera erfitt að draga kanann til ábyrðar vegna þessa, þá mætti skoða talsvert fleiri staði sem þeir hafa murkað líf úr fólki td. eitruðu þeir fyrir hundruðu þúsunda eða milljónum manna í stríði við kókaín í suðuameríku með því að dreifa eitri úr flugvélum yfir akra og fólk, hafa svo sem ekki einu sinni beðist afsökunar á því.  En þetta er "the american way"

[Ásthildur Cesil Þórðardóttir, 24.4.2007 kl. 23:35]

Já einmitt, það er sagt að það sé margt líkt með Víetnam og Írak, svona með tilliti til sóldátana úr Westri. 

[Kristín Katla Árnadóttir, 24.4.2007 kl. 23:53]

Ég er sorgmædd yfir því að Pétur sé farinn. Hann var mjög góður fréttamaður, hann talaði skýrt mál. Ég er sammála þér með þessu ógeðslegu stríð sem eru búin að tíðgast alla ævi.'Eg hata dráp.

[Ásdís Sigurðardóttir, 25.4.2007 kl. 00:43]

Ég hef oft hugsað um hersetuna, hefði ekki verið betra ef Bretar hefðu verið hér áfram og við þá fengið Evrópska menningu til okkar, allavega er ég hrifnari af Evrópubúum en Könum.  Kær kveðja

[Ásthildur Cesil Þórðardóttir, 25.4.2007 kl. 08:10]

Eðlismunur þessara tveggja þjóða kristallast ef til vill í sögu sem ungur maður sagði mér um daginn.  Amma hans fór í "ástandið" sem svo var kallað.  Hún eignaðist tvö börn með dátum fyrst breta, en síðan ameríkana.  Bretinn gekkst við sínu barni og er það faðerni skráð í kirkjubækur.  Ameríkanin lét sig hverfa og hefur ekki sést síðan, svo enginn veit í dag hver sá ættfaðir er. 

[Jakob Falur Kristinsson, 25.4.2007 kl. 10:02]

Kaninn skipaði sig sjálfur sem einskonar alheimslögreglu og Halldór og Davíð voru í hópi þeirra sem kvittuðu undir skipunarbréfið okkur öllu til skammar.  En munurinn á Könum og Evrópubúum er sá að þeir hafa mikla minnimáttarkennd gagnvart Evrópu vegna þess að þei eiga svo stutta sögu á meðan flest lönd Evrópu geta rakið sína sögu margar aldir og jafnvel þúsundir alda, er saga Ameríku ekki nema tvö til þrjú hundruð ár.  Svo er hitt stóra vandamálið að á svokölluðum friðartímum er ekki almenn herskylda í Bandaríkjunum og þeir sem ganga í herinn er fólk sem ekki hefur menntað sig og einhverra vegna orðið undir í þjóðfélaginu.  Svo eru þessi mannagrey sendir til að siða aðrar þjóðir til og halda uppi lögum og reglum í öðrum löndum sem þeir gátu ekki farið eftir heima hjá sér.  End hafa komið upp ótal dæmi þar sem Bandaríkinn hafa brotið alþjóðalög og verið upplýst um að nýðast svo á fólki að með ólíkindum er.  Ég syrgi ekkert Sadam Hussein, hann var bölvaður óþverri og allt var gert í nafni trúarinnar. Georg W Bush er ekkert skárri hvað það varðar hann kemur fram í sjónvarpi í USA og segist vera hvattur áfram af Guði til þeirra verka sem hann er að láta herinn vinna í öðrum löndum þ.e. uppræta hið illa hvað sem það kostara allt í nafni trúarinnar en hann áttar bara sig ekki á því að hann er eitt af hinu illa.  Hefur nú framganga Bandaríkjanna í Írak verið slík að hinn venjulegi borgari sem Hussein var búinn að nýðast á í fjölda ára er farinn að sakna hans.  Þetta eru nú öll afrekin í Íran og við skulum ekki gleyma því að þegar Írak átti í stríði við Íran voru það Bandaríkin sem studdu vel við bakið á Hussein með vopnum, peningum og þjálfun hermanna.  Sem betur fer eru kjósendur í Bandaríkjunum farnir að sjá að Bush er bjáni nema nokkrir öfgvatrúarmenn.

[Ásthildur Cesil Þórðardóttir, 25.4.2007 kl. 11:39]

Það er mjög sterkur punktur hjá þér Jakob þetta með ómenntað eða lítið menntað undirmálsfólk sem er uppistaðan í her BNA.  Þó ekki eigi að draga í dilka fólk eftir menntun og stöðu.  Þá verður að ætla að slíkt fólk sé verr undirbúið að takast á við þann vanda sem það glímir við í stríði eins og í Írak.  Enda hafa, eins og þú segir komið upp ljótir atburðir sem eru stríðsherrunum til háborinnar skammar. 

[Anna Benkovic Mikaelsdóttir, 25.4.2007 kl. 17:57]

Ég sakna Péturs ekki mikið...en hann setti svip á landslagið.  

Er það rétt að geislunin hafi farið í genin eftir Hiroshima?   Var einmitt að heyra hið gagnstæða!

Georg W. Runni er hinsvegar glæpamaður af verstu gerð!