Föstudagur til fjár !

Þá er komin föstudagur, enginn skóli í dag, þar sem það var starfsdagur kennara, stubburinn farin út að leika sér í góða veðrinu sem betur fer.  Og helgin framundan.  Veðrið er gott og létt í öllum hér fyrir vestan.  Nú er keppnin að baki og þá er bara að hella sér út í pólitíkina.  Þá skrýtnu tík.  Þetta verður spennandi tími fram að kosningum.  Margt sem þarf að gera og takast á við.  Ég vil óska þess að við getum haldið okkur málefnalegum og á vitrænum nótum.  Það þýðir ekki að menn megi ekki benda á það sem betur má fara, eða skammast út í einn og annan.  Heldur að sýna öðrum þá virðingu sem við viljum að aðrir sýni okkur. 

Það er líka leiðinlegt að sjá hve reynt er að þagga niður Frjálslynda flokkinn.  Við erum svo sem vön því gegnum tíðina, en það er samt alltaf jafnleiðinlegt.  Óskiljanlegt eiginlega, nema að það eigi að reyna að þagga flokkinn í hel.  Einnig er snúið út úr helstu baráttumálum hans og reynd að gera málflutning manna tortryggilegan.  Þessu þarf að breyta. 

Það sem mér finnst flottast við flokkinn er einmitt að menn þora að tala tæpitungu laust um það sem brennur á þeim.  Og það er ekki hrokkið í bakgír og hætt við málefnin þó þau séu óvinsæl, eða rökkuð niður.  Þá er frekar farið í málefnavinnslu og dregnar fram ástæður og viðmið.

Þetta er lítill flokkur þar sem samheldnin er mikill meðal þeirra sem að honum standa.  Það ríkir góður andi meðal fólksins, og við erum ákveðin að standa af okkur allt það leiðinlega sem á okkur hefur dunið.  Menn stappa í hvor aðra stáli og standa með sínum mönnum.  En þar fer líka fram heilbrigð skoðanaskipti, og ekki eru allir sammála öllu.  Sem betur fer.  Þá væri enginn framþróun.  Að geta rætt málin og komið með sín sjónarmið er lykillinn að velferð og góðri málefnastöðu.  Flokkurinn er reyndar opin öllum sem hafa áhuga á að vinna með okkur og setja sitt mark á hann.  Það er pláss fyrir allar hendur.  Það er bara að hafa samband. 

Jæja þetta er nóg í bili.  Ég óska ykkur baða góðs dags og vona að allir hafi það sem best.  Og svo er helgin framundan. Það er það notalegasta við föstudaga að mínu mati. 

 Verum einlæg eins og börnin.  Verum opin og víðsýn og tökum á móti þeim upplýsingum sem við fáum með opum en gagnrýnum huga.  En leyfum skynseminni að ráða.  Við erum öll að stefna í sömu átt. Okkur greinir bara á um aðferðir.

Athugasemdir

[Anna Benkovic Mikaelsdóttir, 20.4.2007 kl. 13:37]

Sömuleiðis góða helgi. Þið eruð glæsileg á bls 44 í Frettablaðinu!

[Ásthildur Cesil Þórðardóttir, 20.4.2007 kl. 13:39]

Takk Anna mín. 

[Jenný Anna Baldursdóttir, 20.4.2007 kl. 14:54]

Dem, það er föstudagur. Takk fyrir að minna mig á það.  Þar sem SF var í gær þá er mánudagur í mér.  Hehe.

Nú taka spennandi tímar við og ég vona bara að allir sem vinn að og við kosningar komi fram á málefnalegan og einlægan hátt.

Flott húa á Stubb.

[Ásthildur Cesil Þórðardóttir, 20.4.2007 kl. 15:11]

Já finnst þér ekki hehehe.... Hann var að leika Tiger Woods. 

Ég lít á bæði Samfylkingu og Vinstri græna sem samherja í þessum slag.  Sameinuð stöndum við miklu sterkari og skýrara val fyrir kjósendur. 

[Kristín Katla Árnadóttir, 20.4.2007 kl. 17:47]

Þú ert alltaf jafn skynsöm Ásthildur mín.  Ég var að reyna að gefa þér komment í morgun enn ég var með útlenskt lyklaborð. En ég gat það ekki nú er ég komin heim þannig nú er ég glöð.

[Jón Magnússon, 20.4.2007 kl. 18:49]

Þú átt auðvelt með að hitta naglann á höfuðið. Góður pistill.

[Kristín Katla Árnadóttir, 20.4.2007 kl. 18:49]

Flottar myndir af þér.

[Ásthildur Cesil Þórðardóttir, 20.4.2007 kl. 19:33]

Takk bæði tvö.  Gott að þú ert komin með rétt lyklaborð Kristín Katla mín.  Ég þakka þér Jón fyrir kommentið.

[G.Helga Ingadóttir, 20.4.2007 kl. 19:56]

Já - ég er sammála þér með að það er nánast eins og einelti, hvernig menn snúa út úr málflutningi Frjálslynda flokksins. Ég hef ekki kosið frjálslynda hingað til, en ég á mjög bágt með að þola, þegar menn setja upp englasvip og geislabaug, á kostnað annara. Þannig finnst mér allflestir hinna flokkana haga sér, þegar kemur að því að ræða málefni innflytjenda. Ber að minnast að ef Frjálslyndir hefðu ekki hafið þessa umræðu, þá hefðu þeirra mál ekki komist á oddinn, svona rétt fyrir kosningar og hefur það einungis orðið til heilla fyrir innflutta, sem og þá sem telja sig vera íslendinga. Það er kominn tími lil að einhvað gerist í þessum málum.

[Anna Benkovic Mikaelsdóttir, 20.4.2007 kl. 20:25]

er sammála g Helgu nú engan englasvip...verðum að geta rætt þetta og ég hef (eins og *Geir Harde) föður sem innflytjenta, en örugglega af ólíkum forsendum

[Ásthildur Cesil Þórðardóttir, 20.4.2007 kl. 21:10]

Einmitt stelpur mínar, þetta mál hefði legið í þagnargildi ef Frjálslyndir hefðu ekki opnað umræðuna.  Svo má deila um orðalagið.  En ég held að hinir flokkarnir sjái svolítið eftir því núna að hafa alfarið hafnað umræðunni.  Nú vilja allir lilju kveðið hafa.  En þetta er bráðnauðsynleg umræða.  Á allan hátt og til góðs fyrir alla sem hér eru.  Líka þá sem eru að koma. 

Eða eins og ein ágæt kona sagði ef við viljum halda upp á afmælið okkar, þá bjóðum við fullt af fólki, og veitum þeim vel.  En við bjóðum ekki öllu bæjarfélaginu og getum ekki boðið öllum upp á veitingarnar. 

[Anna Benkovic Mikaelsdóttir, 20.4.2007 kl. 21:50]

Ásthildur LILJA

[Ásdís Sigurðardóttir, 21.4.2007 kl. 00:56]

Göngum hreinskipt til kosninga og verum heiðarleg, það ætla ég að gera eins og þú, góða helgi.

[Ásthildur Cesil Þórðardóttir, 21.4.2007 kl. 01:13]

Anna mín heheheh góð

Já Ásdís mín nákvæmlega.  Það verður bara að vera þannig að okkar sjónarmið ráða, og svo er hinna að viðurkenna okkur sem manneskjur á hvorn veginn sem fólki líkar. Þannig er nú það.

[Ásthildur Cesil Þórðardóttir, 21.4.2007 kl. 10:50]

Einmitt þetta var líka svona síðast.  Ætli þeir sirki ekki bara upp á Júróið til að losa um spennuna.