Fegurðarsamkeppnin óbeisluð fegurð 2007.

Já þetta var yndislegt kvöld.  Mig langar til að deila því með ykkur.  Ég fór í greiðslu og förðun og svo tók minn ekta maki af mér mynd í garðskálanum.

 Svona flott var ég þá.

Síðan fór þetta alveg rosalega vel fram allt saman.  Halldór Jónsson lífskúnstner, ísfirðingur par exelense var veislustjóri og stýrði með glæsibrag.  Hann er fyndinn og flottur.  Svo voru skemmtiatriði, Einleikur Ársæls Níelssonar, skemmtilegt uppistand Elísabetar um hvernig er að verða magur aldeilis frábær performance.  Vestfirskar Valkyrjur sungu sumarsöngva, og kvartet frískra karlmanna söng minni kvenna og fleiri góð lög.  síðan sáu keppendur sjálfir um ýmis skemmtiatriði.  Það var svo gaman að fylgjast með hvað allir keppendurnir hreinlega skinu á sviðinu og nutu sín í botn. 

Matthildur, Íris, Gréta og Eygló voru eins og stormsveipir um allt, stjórnuðu öllu og voru í uppvarti og uppvaski og bara allt í öllu.  Krafturinn í þessum konum er eiginlega ótrúlegur. 

Þarna voru a.m.k.  Þrír aðilar með myndatökuvélar, og fleiri með myndavélar, og það var myndað í gríð og erg.  Alveg eins og á öðrum stórviðburðum.  Því vissulega var þetta stórviðburður.

Loks kom að því sem beðið var eftir afhendingu titla og borða.  Og það var spenningur í loftinu.  ég er viss um að ég fékk flottasta titilinn, ég vann nefnilega ÁRUNA 2007.   Hvað getur hreinlega verið flottara en það.  Segi nú ekki margt. 

En svo kom að aðalspurningunni hver fær titilinn óbeisluð fegurð 2007 ?  Það hefur nefnilega komið í ljós tilkynnti Matthildur, sem við reyndar vissum, að það er ekki hægt að keppa í fegurð.  Svo það verður að draga meðal keppenda um hver hlýtur titilinn.  Þetta var svo flott sem mest gat verið.  Og eiginlega alveg tilgangurinn sem helgaði meðalið. Ásta Dóra þessi elska sem var líka kosin "Uppáhalds" dróst svo upp úr hattinum sem óbeisluð fegurð 2007.  Og allt ætlaði um koll að keyra.

Þetta var bara eitthvað svo fallegt og mannlegt að það einhvernveginn snart hvern einasta mann í salnum.  Það var mikil ánægja með kvöldið og maður fann að fólk var jafnvel klökkt.  Ein ung stúlka sem uppvartaði á staðnum sagði við mig; veistu að þetta kvöld var meira spennandi og skemmtilegt heldur en miss Vestfirðir um daginn.  Einn keppandinn sagði; ég er orðin dofin í kinnunum af hlátri.  Þetta var bara svona.  Og ég held að í kvöld hafi verið brotið blað í sögu fegrunarsamkeppna. 

 Þessar tók minn elskulegi eiginmaður eftir heimkomuna.  En þetta var eini titilinn sem ég óskaði mér.  Og finnst alveg frábært að fá hann.  Þegar ég fór til að þakka norninni Björk fyrir mig, sagði hún; það var aldrei nein spurning þú skeinst eins og stjarna á sviðinu allann tímann. Hversu mikið fallegra er hægt að segja við neina manneskju? Ég bara spyr.  Svo fékk ég allskonar gjafir, nudd hjá Stebba Dan, bænabréf frá Séra Valdimar og kerti.  Er hægt að fá andlegri gjafir ? ég bara spyr.

Ég held að í kvöld hafi verið brotið blað. Ég tek undir orð veislustjóra frá og með þessu kvöldi verður fegurðarsamkeppni aldrei söm og áður.  Og ég held líka að þetta muni hafa ruðningsáhrif. Og ég er alveg viss um að hetjurnar þessar fjórar geri sér ekki grein fyrir því hve miklu þær hafa breytt.  Þær voru bara að gera eitthvað sem þeim fannst skipta máli.  Þær óttuðust að það kæmu alltof fáir, og engir myndu taka þátt.  Reyndin var að það var fullskipuð sveit þátttakenda, og það var uppselt og fengu ekki allir miða.  Fréttamiðlar allstaðar að fylgdust með, og síðast en ekki síst þá varð svo margt að þessi frábæra gúllashsúpa varð uppurinn og þurfti að elda meira, en það gerði bara ekkert til, þeir sem voru svangir átu bara brauð meðan þeir biðu eftir að Maggi Hauks og Ranka elduðu meiri súpu, hlustuðu á veislustjórann segja brandara og alla hina skemmta.  Þetta var allt svo heimilislegt og kósí, elskulegt og aldeilis frábært. 

Þetta verður endurtekið, að mér heilli og lifandi sem ég heiti Ásthildur Cesil.  Þær skulu ekki fá að hætta hér og nú. Hér verður framhald á.  Ég er uppnumin og heilluð af dásamlegu kvöldi og vissu um að hér hefur eitthvað stórkostlegt skeð.  Eitthvað sem ekki verður hönd á fest nákvæmlega núna, en það hefur gerst og það mun breyta heilmiklu.  Og það eru þessar fjórar frábæru konur með Matthildi, með Mál Matthildar í fararbroddi auk Guðmundar Hjaltasonar sem hafa breytt heiminum núna.  Það er flott að upplifa svoleiðis örstutt... en samt risaskref. 

Segi bara enn og aftur TAKK FYRIR MIG.

Athugasemdir

[Guðrún María Óskarsdóttir., 19.4.2007 kl. 03:00]

Ó til hamingju það er sannarlega vel að sjá þig mín elskulega á verðlaunapalli, því það áttu skilið.

kv.gmaria.

[Ásthildur Cesil Þórðardóttir, 19.4.2007 kl. 03:09]

Takk Gmaría mín.  Hjartanlega.  Ég er reyndar rosalega glöð með þennan titil nákvæmlega.

[Unnur (IP-tala skráð) 19.4.2007 kl. 03:12]

Hjartanlegar hamingjuóskir. 

Þú ert vel að "Árunni" komin.  Ára þín geislar hér um allan veraldarvefinn.  Það hefur verið stoltur eiginmaður sem myndaði frú sína. 

Góð kona er gulli betri.

[Ásthildur Cesil Þórðardóttir, 19.4.2007 kl. 03:22]

Takk Unnur mín  Ég er reyndar mjög hrærð yfir öllum þeim fallegu orðum og knúsum sem ég fékk í kvöld.  Og Elli minn já hann var mjög stoltur af konunni sinni.  Reyndar er hann alltaf svo stoltur af öllu sem ég geri.  Og gleymir aldrei að hrósa mér og láta mig vita hvað honum þykir vænt um mig. 

[Jón Steinar Ragnarsson, 19.4.2007 kl. 04:15]

Æ elsku Ásthildur til hamingju með titilinn. Það gat enginn annar unnið þennan titil.  Ég finn fallegu áruna þína alla leið á Siglufjörð. Svo ert þú svo falleg og ungleg að ég er alveg hissa á þessu.  Elli verður að gæta sín á keppinautum.  Annars held ég að hann sé ekki smeikur við neitt, því ástin ykkar er svo heil og falleg.  Guð blessi ykkur bæði.

[Jón Steinar Ragnarsson, 19.4.2007 kl. 04:18]

Æ elsku Ásthildur til hamingju með titilinn. Það gat enginn annar unnið þennan titil.  Ég finn fallegu áruna þína alla leið á Siglufjörð. Svo ert þú svo falleg og ungleg að ég er alveg hissa á þessu.  Elli verður að gæta sín á keppinautum.  Annars held ég að hann sé ekki smeikur við neitt, því ástin ykkar er svo heil og falleg.  Guð blessi ykkur bæði.

[Rannveig H, 19.4.2007 kl. 08:59]

Ef þetta er ekki frábært þá er ekkert það,til hamingju 'Ia mín og þú ert sannalega flott.Mér finnst þið öll vera sigurvegarar sem tóku þátt og stóðu að þessu,

[IGG , 19.4.2007 kl. 09:10]

HÚRRA! HÚRRA!   Dásamlegt!  Hjartanlega til hamingju kæra Ásthildur.  Vel að titlinum komin veit ég og sammála ekki hægt að hugsa sér betra en slíkan tittil, Áran 2007. Frásögn þín hér af þessu kvöldi er yndisleg.  Ég á bara ekki orð yfir hvað mér finnst þessi, ,keppni" stórkostlegt framtak.   Snilldarhugmynd að draga um titilinn Óbeisluð fegurð 2007 og enn sniðugra að Ásta Dóra skyldi hafa hlotið hann í ljósi ummæla hennar í sjónvarpsfréttunum.  En svona er lífið dásamlegt þegar fólk nálgast hlutina af hjartans einlægni og kátínu. Þú mátt gjarnan skila áðdáunarkveðjum til upphafsmanna og aðstandenda keppninnar frá mér.  Elli má vera stoltur af sinni fínu frú. Heppin að eiga svona góðan lífsförunaut en er það ekki m.a. það sem góða ára dregur til sín, gott fólk?

[Vestfirðir, 19.4.2007 kl. 09:14]

Þú stóðst þig mjög vel sem og allir keppendur. Til hamingju með titilinn, sem gat eiginlega ekkert farið neitt annað en til þín, þar sem þú áttir hann svo sannarlega skilið. Takk fyrir frábært kveld í dalnum.

PS: Ég tók "aðeins" 357 myndir. Þær koma á Óbeisluðu vefsíðuna eins fjótt og auðið er. 

[Anna Benkovic Mikaelsdóttir, 19.4.2007 kl. 09:49]

Þú ert æðisleg!   INNILEGAR HAMINGJUÓSKIR!

[Haukur Nikulásson, 19.4.2007 kl. 09:54]

Til hamingju Ásthildur. Þú átt þennan titil örugglega skilinn. Það þarf ekki að lesa mikið eftir þig til að finna það út!

Þetta hefur örugglega verið skemmtileg upplifun og gott dæmi um hvernig fólk á að skemmta sér. Ég get vel skilið að þú sért ánægð með þetta. 

[Ásthildur Cesil Þórðardóttir, 19.4.2007 kl. 09:59]

Innilega takk öll sömul.  Já ég er alveg óskaplega stolt og glöð með þennan titil.  Og ekki síður er ég ánægð með viðtökurnar.  Þið eruð æðisleg.  Ég hlakka til að skoða myndirnar Ágúst minn. Einhversstaðar hef ég allavega gert eitthvað rétt. 

[IGG , 19.4.2007 kl. 10:47]

Gleymdi einu.  Gleðilegt sumar!   Þetta verður gott sumar, þau frusu saman, veturinn og sumarið!

[Júlíus Garðar Júlíusson, 19.4.2007 kl. 11:02]

Til lukku með afar góðan titil - Mikið hefði ég viljað vera áhorfandi þarna þetta hefur verið virkilega skemmtilegt - Gleðilegt sumar - Áskorun HÉR í tilefni Sumardagsins fyrsta

[Jenný Anna Baldursdóttir, 19.4.2007 kl. 11:14]

Til hamingju fröken bjútífúl.is.  Mikið rosalega hefur þú tekið þig vel út.  Mér finnst þið þarna fyrir vestan, bæði þeir sem sjá um óbeisluðu, tóku þátt og voru áhorfendur, öll algjör megabeib. Gleðilegt sumar.

[Anna Ólafsdóttir (anno) (IP-tala skráð) 19.4.2007 kl. 11:27]

Þessi keppni er fullkomin snilld og að fá verðlaun fyrir útgeislun - er hægt að ímynda sér eitthvað betra. Til hamingju þúsund sinnum Ásthildur. Þú berð nafnið með rentu

[Ásthildur Cesil Þórðardóttir, 19.4.2007 kl. 13:11]

Takk öll sömul, ég er eiginlega hrærð af að finna svona góða strauma og hlýhug.  Ég held að ég svífi á skýjum í dag allavega.    Risaknús til ykkar allra. 

[Hrönn Sigurðardóttir, 19.4.2007 kl. 13:19]

Innilega til HAMINGJU Cecil mín. Vel að titlinum komin og glæsileg kona þarna á ferð.

[Steinunn Helga Sigurðardóttir, 19.4.2007 kl. 13:22]

alveg ertu yndislega falleg á myndunum, og vel að titlinum komin, megi ljósið skína áfram á þig ig áruna þína fallegur.

l jós og friður til þín

steina

[Steinunn Helga Sigurðardóttir, 19.4.2007 kl. 13:23]

alveg ertu yndislega falleg á myndunum, og vel að titlinum komin, megi ljósið skína áfram á þig ig áruna þína fallegur.

l jós og friður til þín

steina

[Steinunn Helga Sigurðardóttir, 19.4.2007 kl. 13:23]

alveg ertu yndislega falleg á myndunum, og vel að titlinum komin, megi ljósið skína áfram á þig ig áruna þína fallegur.

l jós og friður til þín

steina

[Steinunn Helga Sigurðardóttir, 19.4.2007 kl. 13:23]

alveg ertu yndislega falleg á myndunum, og vel að titlinum komin, megi ljósið skína áfram á þig ig áruna þína fallegur.

l jós og friður til þín

steina

[Steinunn Helga Sigurðardóttir, 19.4.2007 kl. 13:23]

alveg ertu yndislega falleg á myndunum, og vel að titlinum komin, megi ljósið skína áfram á þig ig áruna þína fallegur.

l jós og friður til þín

steina 

[Kristín Katla Árnadóttir, 19.4.2007 kl. 13:25]

Innilega til Hamingju þú hefur mikla útgeislun.

[Fylkir Ágústsson (IP-tala skráð) 19.4.2007 kl. 13:29]

Ásthildur og aðrir keppendur

Vissulega er ástæða til að óska öllum sem stóðu að þessari uppákomu ( ekki keppni ) þar sem allir vinna, jafn þeir sem taka þátt og hinir sem stóðu að þessu.   Þetta varð víst lítið eitt stærra en Matta hafðu áætlað.  

Haldið áfram að vera með slíka uppákomu -  hvar annars staðar en á Ísafirði skyldu menn vera með slíkar uppákomur eins og þessa  og að maður tali ekki um  Mýrarboltakeppni -  þar sem mörkin sem skoruð eru - eru aukaatriði.

[Ásthildur Cesil Þórðardóttir, 19.4.2007 kl. 13:57]

Takk öll sömul.  Takk fyrir mig. Fylkir einmitt hvar annarsstaðar en á Ísafirði.  Það býr í okkur frumkraftur sem verður ekki þaggaður niður. 

[Ísdrottningin, 19.4.2007 kl. 16:30]

Ásthildur, innilega til hamingju með titilinn, já og keppnina sjálfa 

Hér var greinilega vel að verki staðið og óska ég öllum fyrir vestan til hamingju með frábæra hugmynd og framkvæmd hennar.

Gleðilegt sumar kæru bloggfélagar

[Ásthildur Cesil Þórðardóttir, 19.4.2007 kl. 18:16]

Takk kæra Ísdrottning.  Og ég veit að skilaboð allra eru komin til skila til hetjanna okkar.  Hitti Matthildi áðan sæla en dauðþreytta.  Hún vill koma kveðju til ykkar allra og þakka fyrir hlý orð og góðar óskir.