Óbeisluð enn og aftur.

Kvöldið var frábærlega skemmtilegt.  Við erum búin að hlæja fyrir heilan mánuð.  Og þið sem ætlið á góða skemmtun á morgun, vinsamlegast athugið að það fer hver að verða síðastur að fá sér miða.  Þarna verða mörg skemmtiatriði, ég mun meira að segja stíga á stokk og syngja Óðinn til eiginmanns.  Aðrir keppendur munu líka láta ljósið sitt skína, og þar fyrir utan eru mörg frábær skemmtiatriði. 

En það sem kom mér mest á óvart, er að þarna voru tvær konur sem eru að gera heimildarmynd um uppákomuna.  Hrafnhildur heitir önnur og er íslensk, hin er bresk, en þær voru í Líbanon, þar voru þær að vaska upp leirtau, þegar þær heyrðu útvarpsþátt frá BBC international um þessa keppni og fóru strax af stað.  Þær verða þarna líka annað kvöld.  Þær hafa boðað mig í viðtal á morgun, svona áður en ég fer í hárgreiðslu og make up.  Maður er nú aldeilis orðin alþjóðleg stjarna.

En hér koma nokkrar myndir.

 Hér er verið að æfa sig.

 Já ég skal greiða þér, segir Sunneva hárgreiðslumeistari.

 Svona hef ég einþáttunginn segir Ársæl við Odd fegurðarkeppanda. 

 Við erum flottustu gellurnar segja þessar.

 Fremst til vinstri er einn dómarinn og breska kvikmyndakonan. Hin dáðst að atriði sem verður þarna bráðskemmtileg saga frá Betu sem var 500 kg. einu sinni en er núna eins og Gulli í bókhlöðunni.

 

 Og hér er allt tekið upp.

Þetta er búið að vera aldeilis frábært.  Og það tapar enginn, því allir vinna eitthvað.  Það er náttúrulega það besta. 

 Náttúrulega ef ég vil endilega vinna, þá kem ég auðvitað svona fram hehehehehe....

Athugasemdir

[Anna Ólafsdóttir (anno) (IP-tala skráð) 18.4.2007 kl. 00:33]

Ég held þú vinnir  

[Jenný Anna Baldursdóttir, 18.4.2007 kl. 00:34]

Hehe Ásthildur þú ert töffari með húmorinn í lagi. Gangi þér best

[IGG , 18.4.2007 kl. 01:05]

Glæsileg pía á flottri mynd!  Ég held líka að þú vinnir þó Ásta Dóra hafi í sjónvarpinu í kvöld sagt að hún myndi vinna.  En það verður örugglega hörð keppni.  Ég vildi að ég hefði hundskast til að vera á staðnum.  Það er þó huggun harmi gegn að vita að verið sé að kvikmynda atburðinn.  Vonandi segir sjónvarpið almennilega frá keppninni.  Hlakka rosalega til að frétta meira.  Godd luck to you my dear!

[Ásthildur Cesil Þórðardóttir, 18.4.2007 kl. 01:12]

Takk stelpur mínar, ég fer algjörlega hjá mér.  Jamm Ingibjörg Guðmundsdóttir þú hefðir bara átt að hunskast til að vera hérna. 

[Jón Steinar Ragnarsson, 18.4.2007 kl. 01:29]

Úllalla!  Þú slærð nú berrassaða stráknum á fjallinu við og þá er nú mikið sagt.   Það er nánast ljóst hver vinnur þetta.

[Ásthildur Cesil Þórðardóttir, 18.4.2007 kl. 01:30]

Hehehehe mér var einmitt hugsað til hans,  En ég var í heitum potti þarna á undan þessari snjósetu.

[Ásthildur Cesil Þórðardóttir, 18.4.2007 kl. 09:18]

Takk Hanna Birna mín.  Það er kominn smá skjálfti í mann, þau eru öll svo flott og skemmtileg, að maður verður nú að leggja sig alla fram til að láta ekki sitt eftir liggja.  Eitt er alveg víst, þetta verður ekki síður spennandi keppni en hver önnur, því get ég lofað. 

[matthildur mær (IP-tala skráð) 18.4.2007 kl. 13:12]

þú ert bara frábær ótrúlega falleg mynd af gellunni þarna neðst hahahahaha....

hlakka til að sjá þig á sviðinu í kvöld :)

kv matta tengdó

[Katrín Snæhólm Baldursdóttir, 18.4.2007 kl. 17:37]

Þú ert nú meiri  hetjan...Ásthildur. Eins spurning..ekkert kalt á endanum? Flott kona!!!