Við viljum samninga og ekker vesen. Segi og skrifa.

12.6.2015 | 00:23

Við viljum samninga og ekker vesen. Segi og skrifa.

Málið er frú Þórunn Sveinbjarnadóttir er að við almúginn,alla vega ég treysti þér engan veginn til að var hlutlaus í þessu máli. Einhvern veginn finnst mér að allt sem þú kemur nálægt sé einvernveginn smurt af veseni. Svo ég segi það hreint út þá máttu vita að þarna úti ef fullt af örvæntingafullu fólki sem þarf á meðhöndlun fræðimanna að halda. Það hefur sáralítið með Samfylkinguna að gera eða framgang hennar. Þannig að ef þú á einhvern hátt ert að gera að því skóna að hygla þínu fólki með þessu sem þú ert að gera þá mun það koma nákvæmlega fram í það sem það er. Þú og þitt lið eruð að dansa á línunni, og ég er ekki að afsaka samningsskort stjórnvalda á neinn hátt,við eitt dauðsfall af völdum verkfalls mun svo sannarlega verða til þess að öll samúð fólks mun hverfa. Gerið ykkur bara grein fyrir því að hér eru mannslíf í hættu og helvítis pólitíkinn hefur ekkert með það að gera. Bara það að ég skuli hugsa svona segir ákveðna hluti um hvað fólk eins og ég er að hugsa um flokkinn þinn, sem er nánast kominn ofan í ruslakörfuna hjá mér.

	„Reyna að svelta okkur til hlýðni“
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Sammála þér Ásthildur, pólitík á enga samleið með samningagerð launafólks.

Ég mundi mikið frekar vilja að launþegar semdu við sitt fyrirtæki, en ekki setja alla í sömu samningakörfuna.

Kveðja frá Houston

Jóhann Kristinsson, 12.6.2015 kl. 02:13

Undirlægjuháttur þinn við vinnuveitandann er til skammar, en kemur ekki á óvart. Það er ekki við Þórunni Sveinbjarnadóttur eða samfylkinguna að sakast ef dauðsfall verður vegna nísku stjórnvalda og pólitískrar launastefnu stjórnarherrana. Launastefna ríkisins undanfarna áratugi hefur orðið til þess að stöðugt fækkar þeim sem leggja nám í þessum fögum fyrir sig. Og stöðugt fjölgar þeim sem kjósa að starfa ekki í opinbera heilbrigðiskerfinu. það er fyrirsjáanlegur alvarlegur skortur innan fárra ára. Nú þegar eru aðeins um 7 af hverjum 10 stöðum mannaðar. Þriðjungur er að fara á eftirlaun og nýliðun þarf að tvöfaldast til að fylla þær stöður sem losna. Kjarabaráttan í dag snýst um það hvort hér verði starfhæft heilbrigðiskerfi fyrir almenning eða eins og pólitísk stefna stjórnarherrana boðar; einkarekstur fyrir þá sem geta borgað.

Ufsi (IP-tala skráð) 12.6.2015 kl. 02:28

Hvað heldur Ufsinn að hann greiði fyrir sína heilbrigðisþjónustu í sköttum? Ég get ganterað það að heilbrigðisþjónustan er ekki frí.

Ég er með það á hreinu að það mundi kosta minna fyrir skattgreiðandan ef að hann/hún væri með sjúkratryggingar sem greiddu fyrir sjúkraþjónustu á einkasjúkrahúsum.

En ef fólk endilega vill að 40% eða jafnvel meira af þeim sköttum sem ætlaðir eru fyrir sjúkraþjónustu fara í Ríkismöppuddýr, þá auðvitað eiga þeir sem starfa í heilbrigðisgeiranum ásamt öðrum Ríkisstarfsmönnum ekki að hafa verkfallsrétt.

Kveðja frá Houston

Jóhann Kristinsson, 12.6.2015 kl. 02:41

Auðvitað hefði verið lang best ef samningar hefðu náðst. En ég held, að það hafi einfaldlega ekki verið NEINN vilji til þess innan raða BHM og þá sérstaklega hjá Þórunni Sveinbjarnardóttur og Páli Halldórssyni. Orð Páls við fréttamann þess efnis að ekki væri hægt að semja við ofbeldismenn, vekja þær spurningar hvort ofbeldismennirnir séu ekki einmitt innan BHM og séu í pólitískri baráttu. Ég hef bloggað um þetta og held að úr því sem komið er sé þetta besta lausnin, http://johanneliasson.blog.is/blog/johanneliasson/entry/1790550/.

Jóhann Elíasson, 12.6.2015 kl. 07:10

Það virðist allt vera í hörðum hnút og ekkert gefið eftir því miður. Ufsi hverjir eru vinnuveitendur mínir sem ég skríð svona alvarlega fyrir? Þú hlýtur að geta upplýst mig og aðra um það.

Ásthildur Cesil Þórðardóttir, 12.6.2015 kl. 10:43

Ekki þinn vinnuveitandi heldur BHM manna. Þú virðist sammála honum í að leggja ábyrgðina eingöngu á launamanninn og hans talsmenn. Það er allavega ekki að sjá neina gagnrýni eða óánægju með framkomu vinnuveitandans hjá þér. Og heimtar að talsmaður launamanna sé hlutlaus í baráttunni við pólitíska stefnu stjórnvalda. Ráðherrar og þingmenn úr flestum flokkum hafa verið í forustusætum innan stéttarfélaga og staðið í kjarabaráttu fyrir sitt fólk. Enginn þeirra hefur verið hlutlaus.

Það virðist sama hvort fjölmiðlar skrifa um lögbrot í ráðuneyti eða talsmaður launþega lætur ekki að stjórn, pólitík er kennt um. Allt sé í góðu lagi og hér væri friður og ró ef ekki væri fyrir pólitík og samfylkinguna. Samfylkingin stjórnar fjölmiðlum þegar stjórnvöld eru gripin með buxurnar á hælunum. Og ofstækið er svo mikið að halda mætti að samfylkingin réði öllu nema veðrinu. 32 manna formannaráð aðildarfélaga, 8 manna stjórn og 9 manna yfirstjórn BHM er máttlaus með einn samfylkingarmann sem sagt er að öllu ráði. Máttur samfylkingarinnar sé svo mikill að sjálfkrafa stjórni samfylkingarmaður öllu í 100 kílómetra radíus og stjórnvöld megi hafa sig alla við að verjast áhrifum þessara ofurstjórnenda.

Lífið er trú og pólitík. Og fátt er pólitískara en kjör fólks.

Ufsi (IP-tala skráð) 12.6.2015 kl. 16:40

Máttur Samfylkingar er mikill þegar þau eru búin að troða sér allstaðar inn í lykilstöður. Það er bara þannig. Ég hef svo sem enga sérstaka trú á Þeirri ríkisstjórn sem nú situr, en ég er í þeirri stöðu að hafa ennþá minni trú á ríkisstjórn sem Samfylking og Vinstri grænir myndu ráða, það fer einfaldlega um mig hrollur langt niður eftir baki eftir reynsluna af þeirri ríkisstjórn sem sat hér síðast og raunar líka þeirri sem var. Og frammistaða Árna Páls undanfarið og einnig Steingríms Joð hafa ekki verið þannig að þeir séu traustvekjandi fyrir fimm aura. Og þó ég sé algjörlega á móti mörgu sem þessi ríkisstjórn er að gera svo sem eins og trú þeirra L.Í.Ú um það hver á fiskinn í sjónum, virkjanamálum og einkavæðingu heilbrigðiskerfisins að einhverju leyti, þá skil ég að þeir eru að reyna að verja kaupmátt fólks með því að reyna að halda sig innann rammans með launahækkanir. Már Guðmundsson hefur nú þegar hækkað vexti vegna kjarasamninga og á það til að hækka þá ennþá meira ef trúverðugir samningar nást ekki við viðsemjendur. Því virkar Þórunn eins og fíll í postulínsbúð fyrir mér, og ég verð að segja að mínu mati hefur þessi kona alltaf verið til vandræða eða bara hoppað upp í rassgatið á sjálfri sér ef svo ber undir.

Fólkið sem á við erfiða sjúkdóma og jafnvel lífshættulega á allt sitt undir því að um semjist um laun heilbrigðisfólks, ég segi bara eins og er fyrir mér eru þetta hversdagshetjur landsins öll sem eitt að þurfa að bíða og vonast eftir meðferðarúrræðum meðan Samfylkingin otar sínum eigin tota til að ná sér í persónulegu stríði við stjórnvöld, og ég verð að segja að mér þykir það ógeðslegt algjörlega.

Ásthildur Cesil Þórðardóttir, 12.6.2015 kl. 19:14