Guggan verður alltaf gul.

Þarf ekki bara að gefa þessari elsku "GULA PJALDIÐ"?  Það ætti að kveikja í honum... eða þannig. 

Útilokar ekki lög á verkfall

Athugasemdir

[Jóhann Elíasson, 3.6.2015 kl. 22:47]

Var Guggan ekki máluð rauð?  Er ekki við hæfi að Stjáni Blái fái "RAUÐA SPJALDIÐ"????

[Ásthildur Cesil Þórðardóttir, 4.6.2015 kl. 08:33]

Man ekki hvaða lit hún fékk, en hún lenti í ótal hremmingum, strandi bruna og svo frammmvegis, gárungar sögðu að gamla konan væri að hefna sín.  Enda var hún kjarna kona.

[Jóhann Elíasson, 4.6.2015 kl. 11:52]

Jú hún var máluð rauð í litum Samherja.  Bekkjarbræður mínir úr Stýrimannaskólanum voru skipstjórar á henni til skiptis og annar þeirra var skipstjóri á henni þegar hún strandaði og strákur sem ég hafði kennt í Stýrimannaskólanum var háseti þar.  Árni, sem var skipstjóri á henni þegar hún strandaði, gat ekkert við strandinu gert en hann gat bjargað því að hægt var að draga hana út með því að setja akkeri út þannig að hún sneri stefninu út á móti hafi, þegar hún fór upp og stöðvaðist fyrr en ella hefði verið.  Þeir voru á veiðum uppi í "brotinu" og það var alveg vitað að ekkert mætti útaf bera, þá færi skipið upp, sem svo varð.  En það lýsir Mása ágætlega að Árni tók þátt í björgunaraðgerðunum og sigldi skipinu til Noregs, til viðgerða.  Og aftur heim að lokinni viðgerð en á bryggjunni beið Mási og afhenti honum uppsagnarbréfið um leið og komið var í "heimahöfn" á Akureyri.

[Snorri Hansson, 7.6.2015 kl. 18:52]

 Lítið útgerðarfyrirtæki eignast dírasta skip landssins, stolt Vestfjarða . Gerir út á iðnaðar rækju við strendur  Kanada og  reksturinn gengur ekki upp  eins og gengur.

 Útgerðin leggur skipið inn í Samherja  sem verður þessvegna hinn illi sjálfur.  Allur vestfjarðakjálkinn og fjölmiðlarnir fara á hvolf. „Helv.. Akureyringarnir að sölsa allt undir sig“ „Hann sagði að Guggan yrði alltaf gul“ „Þessir menn áttu að halda vinnuni“

Þegar Útgerðarfélag  Akureyrar  var yfirtekið „af sunnlendingum“  var ein dúsan: „ Prófessorsstaða við Háskólann á Akureyri og sælgætisgerðin Linda mun starfa um aldur og æfi“

Guggu málið er í raun mjög merkilegt.  Það var í raun enginn „vondur“.  En þetta var byrjunin á allri heiftinni sem lifir enn í dag.