Leit að orðum. Til gamans.

Eg dundaði mér einhverntímann að gera svona vísur þar sem allar ljóðlínur vísa á sama orðið í mismunandi merkingu.Þetta er ef til vill alveg óhæft og ef til vill of erfitt, því mörg orðin eru ekki notuð lengur, eða gleymd.  Ég á nokkur fleiri erindi.  En það væri gaman ef einhver gæti fundi út hvað hér er átt við.  Ef menn hafa ekkert annað við tímann að gera þ.e.a.s. 

Víst er notað um vitlausan mann.

Með varpi segir sögu trega. 

Með snúningi ég sigur vann.

Svo má hlusta á notalega.

0   

 

Aldinni á irpunafn.

Að vera á er mikils virði.

Er sem algjört fenjasafn.

Og afskaplega þung er byrði.

 0

Hérna hanga fiskar tveir.

Hákarls- líka beitu veiðin.

Þar í æðstu sælu komsat þeir.

Og þunn er matarsneiðin.

0.

Bæti hér við einni léttari.

0

Á því eflaust fórstu flatt.

Fá henni drukkið getur.

Flís úr timbri fínu datt.

Í ferð á sjó ei gengur betur.

 Einhver ?

Athugasemdir

[Ester Sveinbjarnardóttir, 14.4.2007 kl. 11:44]

Fyrsta vísan gæti verið um orðið "lag"

[Ester Sveinbjarnardóttir, 14.4.2007 kl. 12:05]

Irpa heitir andlitsljót
einkadóttir hjóna
risar tólf með hrekkjahót
hellisbúum þjóna.

Úr Fertramsrímum og Plató

[Ester Sveinbjarnardóttir, 14.4.2007 kl. 12:07]

Vísa tvö "OK" ?

[Ásthildur Cesil Þórðardóttir, 14.4.2007 kl. 12:10]

Ég er að leita að einu orði í hverri vísu.  Hver lína vísar í þetta eina orð.   Þetta er frekar þungt held ég.  Lag gæti átt við Ester mín, en ég er að leita að öðru orði.

[Ester Sveinbjarnardóttir, 14.4.2007 kl. 12:15]

humm.. vísa 2 trölladyngja?

[Ester Sveinbjarnardóttir, 14.4.2007 kl. 12:16]

númer 3 er það skata?

[Ester Sveinbjarnardóttir, 14.4.2007 kl. 12:17]

Giska aftur á fyrstu vísuna "Kapall"

[Ester Sveinbjarnardóttir, 14.4.2007 kl. 12:19]

Úps.. ég ætlaði að giska á útvarpa í fyrstu vísunni

[Ásthildur Cesil Þórðardóttir, 14.4.2007 kl. 12:38]

Nei ef til vill er þetta of erfitt.  Ég skal gefa upp fyrstu vísuna.

Svona hugsa ég þetta:

Víst er notað um vitlausan mann.Snælduvitlaus.Með varpi segir sögu trega.Snælduvarp, að gefa upp andann.Með snúningi ég sigur vann Að snúa snældu sinni, koma sér út úr vandræðum. Svo má hlusta á notalega. Svo er það kasettan.

Jamm ég sagði að þetta væri erfitt.  En gaman að áhuga þínum Ester mín.  Ég ætti ef til vill að prófa að gera eitthvað léttara.

[Ásthildur Cesil Þórðardóttir, 14.4.2007 kl. 12:43]

Kasetta var hér áður stundum líka kölluð snælda.

[Jens Guð, 14.4.2007 kl. 21:37]

Gáturnar eru dáldið þungar.  Að minnsta kosti fyrir mig.  Ég næ ekki að leysa neina þeirra.  En þetta er bráðsniðugt með snælduna. 

[Ásthildur Cesil Þórðardóttir, 15.4.2007 kl. 02:17]

Númer tvö er orðið Skuld.

[IGG , 16.4.2007 kl. 11:00]

Skemmtilegar pælingar.  Eru vísurnar þínar?  Doldið þungt en gaman að glíma við að maður tali ekki um að fá svo að vita lausnina.  Mér hefur ekki lánast að finna neina ennþá.

[Ásthildur Cesil Þórðardóttir, 16.4.2007 kl. 12:28]

Takk fyrir það Ingibjörg mín.  Hér er lausnin á þeirri þriðju.  En það er Para.

Hérna hangar fiskar tveir. Para - pörur, tveir fiskar hendir til reykingar eða þurrkunar.

Hákarls- líka beitu veiðin. Getur líka verið hákarlsbeita.Þar í  æðstu sælu komast þeir. Para-dís

Og þunn er matarsneiðin.  Getur þýtt þunn matarsneið.