Fréttir af Ástu Lovísu.

Ég fór að tékka á Ástu Lovísu og hvar hún væri stödd í sínu ferli.  Það er sem betur fer góðar fréttir af henni samanber bloggið hennar.  Læt síðustu færslur hennar fylgja hér með.  Við skulum hugsa fallega til hennar.  Og annara sem eiga um sárt að binda.  Til dæmis aðstandendur sjómannsins sem drukknaði fyrir austan.

http://www.123.is/crazyfroggy/

 

Info

Ég heyrði í doksanum mínum í dag. Hún er búin að vera að reyna á fullu að ná í doksann þarna úti og náði svo loks í ritarann hans.
Læknirinn úti ætlar að gefa sér einhverja daga til að fara betur yfir myndirnar mínar með fleiri krabbameinslæknum.
Vonandi þarf ég ekki að bíða neitt rosa lengi eftir því.
Ætla rétt að vona að hann fari ekki að hætta við heldur sé frekar að meta hvaða meðferð henti mér best.
Í dag hef ég verið frekar róleg yfir þessu öllu.... sem betur fer.
Ég fer í lyfjameðferð hér á landi á morgun eða hinn .. Betra að gera það fyrst ég er að bíða.

Í dag skellti ég mér í heilun og í nudd.. Ohhh það var ekkert smá næs. Þurfti svooooo á þessu að halda til að halda geðheilsunni.
Líkaminn minn er víst allur í vöðvabólgu og hnútum þannig að það bíður mín mikil vinna og píning ... Jamm það kostar víst það ef ég ætla að komast í betra lag .
Núna er ég frekar aum eftir átökin ... hehehe... og búin að ná mér í sæng og kodda og ætla að skríða upp í sófa.

Þannig að ég kasta kveðju á alla línuna.........

Kv Ásta Lovísa

  

Góðar fréttir ... :)

Þá er doksinn þarna úti búinn að hafa samband. Ég fer annað hvort út á sunnudaginn næsta eða þar næsta. Það fer eftir því hvort öll pappírsvinnan náist fyrir sunnudag... Það þarf víst að fylla út af því ég er ekki frá USA.
Guuuð hvað mér er létt... Ég var farin að hafa áhyggjur af því að hann væri hættur við . Þannig að NY er það .

Þetta eru ekki einu góðu fréttirnar sem ég hef að færa. Ég bað læknirinn minn um að kíkja á myndirnar mínar sem að voru teknar á skírdag þegar ég veikstist síðast. Hún hafði ekki séð þær því hún var ekki læknirinn sem var á vaktinni á deildinni þegar ég kom. Ég einhvern veginn trúði ekki alveg þessari ótrúlegu stækkun á svona stuttum tíma og vildi fá að heyra það frá mínum lækni líka.
Hún kíkti á myndirnar mínar í dag... Hún staðfesti að það hefði verið stækkun til staðar á þessum stutta tíma en ekki svona svakaleg.
Úffff þessi dagur er bara búin að vera æðislegur og bara allt að gerast.
Loksins loksins loksins loksins fékk ég þannig dag . Ástan er ekkert smá glöð og ánægð í dag !!!

Hamingjuknús á línuna ........

Kv Ásta Lovísa

Athugasemdir

[Anna Ólafsdóttir (anno) (IP-tala skráð) 13.4.2007 kl. 10:23]

Takk Ásthildur fyrir að minna okkur á hana Ástu Lovísu. Hann er ótrúlegur krafturinn sem fólki er gefinn þegar það glímir við, að því er okkur hinum finnst stundum, óyfirstíganlegt mótlæti. Við getum lært svo mikið af henni Ástu og skulum svo sannarlega senda henni allar okkar fallegustu hugsanir og styrk. Og tek undir með þér - við skulum líka hugsa til Vopnfirðinga á erfiðri stund.

[Jón Steinar Ragnarsson, 13.4.2007 kl. 12:37]

Þetta eru góðar fréttir. Ég hef fylgst með þessari stelpu, frá því að hún hóf göngu sína og vona heitt og innilega að hún fái þá hjálp, sem ég veit að er til, svo vinna megi á þessu.  Svo ég vitni í einn mætan lækni: Incurable means curable from within.  Trú þessarar hetju og baráttuvilji er það sem mun reynast henni best. Ég hef engar áhyggjur af henni í því samhengi.

[Ásthildur Cesil Þórðardóttir, 13.4.2007 kl. 13:33]

Við skulum hugsa til hennar.  Ef einhver hefur áhuga á að gauka að henni smáræði þá er söfnunarnúmerið 0525-14-102510 Kt:09.08.76-5469

Takk vinir mínir.