Páskalamb og orka.

Þá er maður komin heim úr páskaveislu hjá vinafólki okkar Birgit og Stefan frá Þýskalandi.  Þar var boðið upp á holusteik.  Páskalamb.  Þau komu með fjölskylduna yfir páskana.  En þau eiga sumarhús hér í Hnífsdal.  Við kynntumst þeim fyrir nærri 20 árum, þegar þau komu hingað til að gifta sig, og ætluðu i brúðkaupsferðalag til Hornstranda.  Þau höfðu tekið alla fjölskylduna með sér í giftinguna, en fóru svo norður.  Síðan höfum við verið mjög góðir vinir, og þau hafa komið hér á hverju ári.  Og helst alltaf farið norður í óbyggðir.  Hann er sólarorkusérfræðingur og vinnur við slíkt en hún arkitekt, þau hafa bæði saman fengið a.m.k. tvenn verðlaun frá Evrópusambandinu fyrir hönnun á orkusparandi húsum.  Hún skrifaði lika bók um íslenskan arkitektur.  Sem er mjög góð bók.  Fór um allt landið og skoðaði byggingar og tók myndir.  Þau eru sannkallaðir íslandsvinir í fegurstu meiningu þess orðs. Og þegar þeim bauðst að kaupa fokhelt hús sem átti að rífa, þá var enginn efi í þeirra huga, þau keyptu það og gerðu upp.  Þetta fallega hús er nú aðsetur þeirra á hverju sumri og núna um páska, stundum jafnvel um jólin.  Sjálf byggðu þau sér hús sem á engan sinn líka, hringlaga hús sem byggt er inn í hlíðina í þorpinu þeirra, Dietlingen.  Húsið safnar orku frá sólinni, og skiptir þá um lit, myndar rafmagn sem nýtist til alls í húsinu, og vara orkan fer svo inn á kerfi bæjarins.  Þau þurfa aðeins að kaupa orku í desember, og stundum ekki heldur þá. 

En hér bulla ég bara.  Frábært kvöld að baki.

 Steikin tekinn upp úr holunni.

 Og komin á borðið.

 Elli leikur við börnin. 

Góð vinátta er gulli betri. 

Athugasemdir

[Jenný Anna Baldursdóttir, 8.4.2007 kl. 22:27]

Vináttan er svo sannarlega ómetanleg.  Rosalega er þetta huggulegt þarna.  Ég er alltaf að fá það meira og meira á tilfinninguna að ég sé búin að vera að missa af heilmiklu af því ég er ekki fyrir vestan.  Góða áframhaldspáska

[Ásthildur Cesil Þórðardóttir, 8.4.2007 kl. 22:35]

Já maður missir alltaf af einhverju Jenný mín.   Þau hafar gert þetta virkilega skemmtilega upp.  Þegar búið var að rífa allt betrekkið og strigan og Guð má vita hvað innan úr húsinu, kom þessi líka flotti panill í ljós.  Upprunalegur og alles.  Elli minn vann við að gera húsið upp, þetta er með elstu steyptu húsum hér frá 1012, það var skipstjóri sem byggði húsið og gerði það mjög vel.  Allt dýrasta og besta.  Og þau hafa heldur ekkert til sparað að gera þetta vel úr garði. 

[Ásthildur Cesil Þórðardóttir, 8.4.2007 kl. 22:35]

1912 auðvitað

[Rannveig H, 8.4.2007 kl. 23:56]

Gleðilega páska 'Ija mín,og takk fyrir allt bloggið,hef svo gaman að því að lesa það.Hvaða hús er það sem hjónin fengu sér í Hnífsdal ?

[Ásthildur Cesil Þórðardóttir, 9.4.2007 kl. 01:21]

Það er Niðri á bökkunum, Ekki steinhúsið, og ekki rækjuverksmiðjan og ekki næsta hús þar við, og ekki það þar á eftir, það var rifið, en þar næsta hús, við hliðina á Ellu. Ásgeirs.  Stekkjagata 26 minnir mig. 

[Ásthildur Cesil Þórðardóttir, 9.4.2007 kl. 10:25]

Já einmitt.  Þau ætla að vera hér í tvær vikur.  Það er nefnilega svoleiðis í Þýskalandi að börnin fá tveggja vikna frí á páskum, jólum að hausti og svo 6 vikur yfir sumarið.  Þannig að strangt til tekið eru þýsk börn jafnlengi frá námi og hér heima.  Það bara nær yfir lengri tíma.  Það er líka merkilegt að 10 ára, þurfa þau að ákveða hvað þau ætla að læra.  Þá eru þau ekki lengur í grunnskóla.  Getum við ímyndað okkur 10 ára barn taka upplýsta ákvörðun um að verða múrari, læknir eða viðskiptafræðingur ?

[Kristín Katla Árnadóttir, 9.4.2007 kl. 12:32]

Það er gott að eiga góða vini  mín kæra

[Heiða Þórðar, 9.4.2007 kl. 14:30]

Gleðilega páska. Gott að eiga góða vini.

[Ásthildur Cesil Þórðardóttir, 9.4.2007 kl. 16:00]

Takk sömuleiðis Heiða Bergþóra mín, og það er alveg rétt Kristín Katla mín, góðir vinir eru ómetanlegir.