Sérsveitin?

Ha!  hver segir satt. 

"Konan var leidd út úr íbúðinni í handjárnum um klukkan eitt, samkvæmt sjónarvotti. Samkvæmt upplýsingum Vísis er konan fædd 1963 og því á sextugsaldri. Gaf sig sjálf fram Oddur Árnason, yfirlögregluþjónn á Selfossi, segir í samtali við fréttastofu að lögreglan hafi sett sjónpóst á húsið á meðan beðið var eftir sérsveit ríkislögreglustjórans. „Eftir skamma stund kom viðkomandi út og gaf sig á vald lögreglu,“ segir hann. Oddur segir að ekki sé hægt að fullyrða um að alvöru skotvopn hafi verið að ræða".

Var löggann annars í Rambóleik?

Man annars sögu af manni hér fyrir vestan sem var að byggja hús með félaga sínum, þeir voru hlið við hlið.  Einn daginn þegar maðurinn er að vinna í húsinu sínu kemur félagi hans inn í svörtum síðum jakka, hann talar ekki en byrjar á því að draga upp byssuparta og setja þá saman fyrir framan félagan.  Hann horfir á svolitla stund hissa, en segir svo; Hvað ertu að gera.

Ég ætla að skjóta þig, segir hinn, og miðar.  Félaginn stökk þá út um dyrnar og um leið smullu haglaskot á hurðinni fyrir aftan hann sem var raunar bara fleki því húsið var hálf byggt.  Það var hringt á lögregluna og þar koma að tveir lögregluþjónar, annar þeirra gengur strax inn í húsið og að byggumanninum, hvað ertu eiginlega að gera maður, segir hann og tekur af honum byssuna.  Svona var tíðin, hefði ef til vill mátt fara varlegar, en eru við ekki komin ansi langt í fóbíunni með skotvopn í dag?  Og þekkist ekki munur á leikfangabyssu og alvöru?

Sérsveitin yfirbugaði konuna

Athugasemdir

[ls (IP-tala skráð) 3.3.2015 kl. 15:18]

Býður þú fram sjálfa þig til að labba á móti þess vegna kolvitlausri manneskju með bysssu og bara taka hana af henni?  manninn þinn?  börnin þín?

Ef ég ætti skyldmenni í löggunni þætti mér ósköp vænt um að hann færi varlega.

[Ásthildur Cesil Þórðardóttir, 3.3.2015 kl. 15:35]

Her er frásögn sjónarvotts: http://jack-daniels.is/index.php/rangfaerslur-ykjur-og-lygar-mbl-vegna-logregluadgerda-a-selfossi/

[Jack Daniel's, 3.3.2015 kl. 15:45]

Takk, þetta gerðist þar sem ég bý og þessi kona á við andleg vanheilindi að stríða í mörg ár.
Nánar um þetta á blogginu mínu hér á mbl, bloggað við tvær fréttir sem hafa komið í dag á mbl og svo skrifa ég aðeins um æsifréttamennskuna, bullið og rangfærslur blaðamanns mbl um þetta mál enda svona vinnubrögð til háborinar skammar fyrir bæði blaðamanninn og fjölmiðilinn.

http://jack-daniels.is/index.php/rangfaerslur-ykjur-og-lygar-mbl-vegna-logregluadgerda-a-selfossi/

[Ásthildur Cesil Þórðardóttir, 3.3.2015 kl. 16:20]

Held að þetta geti flokkast undir hræðsluáróður, svona til að hnykkja á því að lögreglan þurfi að vígbúast og forvirkar rannsóknarheimilir liggi fyrir.  Áróðurinn er nefnilega ekki alltaf ljós, né hvaðan hann kemur.  Það er nú ein af ástæðunum fyrir dvínandi trausti á ráðamönnum. 

[Jack Daniel's, 3.3.2015 kl. 16:29]

Satt er það og mér persónulega finnst svona vinnubrögð ómerkileg.

Lesið um tólf merki fasistastjórnunar á blogginu mínu, http://jack-daniels.is
Sláið bara orðið tólf í leitina, þetta er í þrem hlutum.

[Erla Magna Alexandersdóttir, 4.3.2015 kl. 20:36]

HVAÐ MARGAR KONUR TELJIÐ ÞIÐ LESENDUR AÐ HAFI ÞURFT AÐ HORFA UPPÍ BYSSUHLAUP OG KREPPTA HNEFA- Án AÐSTOÐAR OFURSVEITAR LÖGREGLU- SEM vildi ekki haf afskifti af heimiliserjum ???

[Ásthildur Cesil Þórðardóttir, 4.3.2015 kl. 23:44]

Hreinlega veit það ekki Erla mín.  En í þessu tilfelli tel ég að fólk hefði átt að átta sig á því að hér var á ferð sjúkur einstaklingur sem þurfti frekar hjálp en ofursveit löreglunnar.  ÞUrfa menn ekki aðeins að meta aðstæður í tíma og rúmi, áður en ráðist í svona aðgerðir?

[Jens Guð, 6.3.2015 kl. 00:40]

  Lögregluembætti nota hvert tækifæri til að minna á og vekja athygli á nauðsýnlegu hlutverki sínu.  Það er þekkt af dæmum út um allan heim.  Lögregluembættin eru í góðri stöðu við það.  Fjölmiðlar eru háðir fréttatilkynningum frá þeim.  Allt æsilegt sem ber til tíðinda er "góð" frétt. Það er að segja söluvænleg frétt.

  Fólk sækir í vinnu sem lögregluþjónar af ýmsum hvötum.  Vonandi sem flestir af einhverskonar réttlætiskennd.  Inn á milli slæðast með einhverjir undir áhrifum frá Hollywood myndum.  Sjá starfið í ævintýraljóma átaka og hasars.  

  Ég veit ekki hvernig eða hvort að hvatir nemenda í Lögregluskólanum eru kannaðar.  

  Um nokkurra ára skeið vann ég við Bindindismótið í Galtalækjarskógi.  Eitt sinn mætti þar til leiks ungur maður nýútskrifaður úr lögregluskóla í Noregi.  Hann óskaði eftir og fékk vinnu við hliðargæslu mótsins.  Í hliðinu voru gestir áminntir um að þetta væri Bindindismót.  Spurt var hvort að áfengi væri í bílnum.  Í sumum tilfellum var leitað í bílnum eftir áfengi.  Flestir í hliði voru fljótir að læra inn á tiltekna takta fólks sem reyndi að smygla áfengi inn á svæðið.

  Allt gekk lipurlega fyrir sig samt sem áður. Nema að í tvígang í upphafi móts var sá nýútskrifaði skyndilega kominn í áflog við bílstjóra í hliðinu.  Hann snéri þá snöfurlega úr sæti og út á götu (þetta var fyrir daga bílbelta).  Þar skorðaði hann þá þannig að þeir voru óvígir.

  Aðrir í hliðinu gengu í málið.  Við athugun reyndust bílstjórarnir saklausir af smygli.  Nýliðinn var settur úr starfi.

  Frændi hans,  sá sem reddaði honum vinnunni þarna,  náði að koma honum í vinnu hjá Tollpóststofunni.  Fyrsta vinnudaginn þar fékk fékk frændinn upphringingu frá verkstjóra Tollpóststofunnar.  Sá sagðist ekki vilja hafa nýútskrifaða lögreglumanninn í vinnu.  Hann væri mættur til vinnu með handjárn og kylfu dinglandi í beltinu!   

[Ásthildur Cesil Þórðardóttir, 6.3.2015 kl. 11:31]

Vá þvílíkur auli. Gott hjá tollinum að afneita fíflinu strax.  Það er alveg ljóst að innan um og saman við góðu löggurnar eru menn sem hafa nákvæmlega ekkert að gera í þetta starf, sumir eru í Rambóleik ég hef horft upp á svoleiðis.  Alltaf jafn skammarlegt, og það er vegna þessara örfáu ofbeldismanna sem lögreglan nýtur ekki meira trausts.