Er ekki alveg komið nóg af Degi og stjórn Reykjavíkurborgar?

Andskotans lygasaga til að fría sjálfan sig ábyrgð.  Það er EKKERT sem afaskar þetta mál, EKKERT, og nú er búið að væla og æla í nokkrar vikur og biðja um þolinmæði og slíkt.  Þetta er komið út fyrir allt sem hægt er að þola.  Þessi mál virðast hafa verið í góðu lagi áður en borgaryfirvöld akváðu að SPARA og greinilega á kostnað þeirra sem minnst mega sín. Og ég segi nú bara þið ættuð að skammast ykkar meirihluti borgarstjórnar Reykjavíkurborgar fyrir þessi mál og reyndar fleiri. Þið sem þykist vera svo mikið í velferðarmálum og með áherslur á þau mál, eru reyndar algjörlega búin að skíta upp á bak hvað varðar flest velferðarmál í borginni, bæði hvað varðar öryrkja, útigangsfólk og aðra sem eru minnimáttar í borginni.  Þið hafið þar með afsannað ykkar eigin tilgang og ættu-ð eiginlega bara að segja af ykkur og hætta.  Þið eruð greinilega ekki að meika það að stjórna borginni. Eða þannig lít ég á málið. 

Kann hvorki að festa belti né losa

Athugasemdir

[Óskar, 5.2.2015 kl. 00:04]

Var Dagur að keyra bílinn??

[Ásthildur Cesil Þórðardóttir, 5.2.2015 kl. 00:08]

Nei held ekki en er hann ekki sá sem á að hafa þessi mál í lagi?

[Óskar, 5.2.2015 kl. 00:19]

er það þá Sigmundi Davíð að kenna ef einhver ríkisstarfsmaður brýtur af sér í starfi ?  +

[Guðmundur Ásgeirsson, 5.2.2015 kl. 00:30]

Sleppum pólitíkinni.

Þetta er einfaldlega mannrétinndabrot sem á ekki að líðast á Íslandi.

[Sigurður Oddgeirsson (IP-tala skráð) 5.2.2015 kl. 00:56]

Öll pólitík fjallar um mannréttindi. En kannski má sleppa flokkapólitíkinni. Enda gengur hún langt út í öfgar hér á landi.

[Guðmundur Ásgeirsson, 5.2.2015 kl. 01:03]

Það var í rauninni það sem ég meinti. :)

[Jóhann Elíasson, 5.2.2015 kl. 02:11]

Það er ekki bara þetta mál, þar sem Dagur hefur ekkert aðhafst.  Hann virðist ekki hafa BEIN Í NEFINU og tekur ekki almennilega á einu einasta máli.  Það var ekki ljóst í gær að ferðamál fatlaðra voru í ólestri.............

[Óskar, 5.2.2015 kl. 02:32]

Afskaplega vitið þið lítið um þetta mál.  Í fyrsta lagi eru flest ef ekki öll bæjarfélögin á höfuðborgarsvæðinu í þessum pakka, ekki bara Reykjavík.  Þið getið alveg eins hjólað í bæjarstjórann í Mosó útaf þessu, hann er sjalli.

Í öðru lagi var þetta klúður á vegum undirverktaka strætó.  Reyndar óskiljanlegt hvernig Strætó datt í hug að semja við það fyrirtæki.  Dagur hefur ekkert með þetta að gera þó baunaheilar eins og Jóhann noti hvert tækifæri til að hjakkast á vinstri flokkunum.  Jóhann röflaðu í bæjarstjóranum í Mosó, þetta er alveg jafnmikið honum að kenna eins og Degi.

[Jóhann Elíasson, 5.2.2015 kl. 08:48]

Óskar, er eitthvað meira en lítið að hjá þér og þarftu endilega að taka það út hérna á blogginu??????

[Elín Sigurðardóttir (IP-tala skráð) 5.2.2015 kl. 09:03]

Mannréttindabrot eða ekki mannréttindabrot?  Hvað segir fulltrúi mannréttindaráðs borgarinnar um málið?  Maður sem á virkum degi slær um sig með frösum á borð við:  "Hér tala tveir karlar fullir af skít.  Fáfræðin lekur af þeim - og slatti af fordómum í leiðinni."  Hefur hann virkilega ekkert að segja núna?  

[Agla (IP-tala skráð) 5.2.2015 kl. 10:47]

Hvernig væri að sleppa órökstuddum persónulegum og pólitískum  árásum  og reyna, í staðinn, að spá í hvaða "starfsreglur"  væri hægt að setja til að forðast ámóta"mistök" í framtíðinni?                                                                                                                                                Byrja þá kannski á greiningu á lágmarks skyldum bílstjóra sem flytja fatlaða á milli húsa og beinnra yfirmanna þeirra?

[Elín Sigurðardóttir (IP-tala skráð) 5.2.2015 kl. 11:11]

Til hvers var verið að breyta því sem var í góðu lagi Agla?  Væri ekki einfaldast að vinda ofan af þessari vitleysu og viðurkenna mistök sín?

http://ruv.is/frett/utbod-leggst-illa-i-fatlada

[Guðbjörg Snót Jónsdóttir (IP-tala skráð) 5.2.2015 kl. 11:15]

 Talandi um þessa borgarstjórnarnefnu eina og sér burtséð frá þessum vandræðagangi og vitleysu með þjónustu strætó við fatlaða, sem er reginhneyksli út af fyrir sig, þá er löngu kominn tími til að fara að losna við Dag og kompaní eins og það leggur sig, áður en þau verða búin að eyðileggja alveg borgina. Þau sjá ekkert nema hjól og aftur hjól. Þess utan á fólk að ganga, nema þeim detti í hug að fá þarfasta þjóninn, blessaðan hestinn, til þess að verða fararskjóti fólks í framtíðinni, því að bíla virðast þau hata, fyrst þau eru að þrengja að bílaumferðinni, þrengja götur og annað í þeim dúr, með ófyrirséðum afleiðingum. Þjónustulundin er á núlli, slakur snjómokstur og um tíma sorphirða í ólestri, svo að sé nú ekki minnst á herferðina gegn Reykjavíkurflugvelli, sem er nú kapítuli út af fyrir sig. Þó er Dagur að segja, að læknirinn sé að sækja sífellt á í sér. Hann athugar samt ekki, að starf læknisins og borgarstjórans er um margt líkt, bæði þjónustustörf. Borgarstjóri er í þjónustu fólksins í sveitafélaginu, læknirinn í þjónustu þeirra sjúklinga, sem til hans leita. Þetta virðast vera letihaugar upp til hópa og fólk, sem skilur ekki hlutverk sitt þarna hjá borginni, nenna ekki að hugsa, og virðist kappkosta að fá fólk upp á móti sér frekar en hitt. Þó er verið að kjósa þetta til að stjórna borginni. Það er það óskiljanlegasta í þessu öllu. Það er löngu kominn tími til að losna við þetta lið úr stjórn borgarinnar, og fá eitthvað viti bornara lið til að stjórna borginni. Það er nóg komið af þessum vitleysisgangi í ráðhúsinu.

[Ásthildur Cesil Þórðardóttir, 5.2.2015 kl. 11:43]

Takk öll fyrir innlitið.  Ekki Degi að kenna?  Hann er jú borgarstjórinn og þar með yfirmaður starfsmanna borgarinnar, maður sem að sjá um að borgurum sé óhætt að ferðast með þeim farartækjum sem borgin hefur yfirumsjón með.  Það káfar ekkert upp á mig að koma með úrbætur því ég hef ekkert um þær að segja, er ekki einu sinni búsett í Reykjavik.

En mér ofbýður þessi endalausi vandræðagangur í borginni, sem er búin að vera síðan um áramót.  Og ekkert hefur lagast, ég þori að veðja ef þetta hefði verið ferðaþjónusta alþingismanna, hefði þetta verið lagað tafarlaust.  Og ég bara verð svo reið þegar ég horfi upp á svona hraksmánarlegt kæruleysi við okkar minnstu bræður.  Það er bara óþolandi og hefði átt að kippa í lag ekki seinna en strax.  Hætta við að semja við fyrirtæki sem klúðrar öllu sem klúðrast getur og taka upp samninga við fyrirtækið sem sinnti þessu áður skammarlaust. 

[Halldór (IP-tala skráð) 5.2.2015 kl. 14:24]

Ásthildur, þú gleymir því að velferðarmál hjá borginni eru bara fyrir fólk á hjóli, listafólk, fólk sem stundar kaffihús og fólk sem ekki nennir að vinna, það tengist ekkert þeim sem virkilega þurfa á hjálpinni að halda.

[Hilmar Hafsteinsson (IP-tala skráð) 5.2.2015 kl. 14:30]

Þakkir fyrir þarft blogg Ásthildur.

Það er nákvæmlega sama hvernig stuðningsmenn núverandi borgarstjórnarmeirihluta snúa sér - ábyrgðin á þessu klúðri liggur hjá borgarstjóranum.

Í rauninni hefur meirihlutinn í borginni viðurkennt vanmátt sinn með því að skipa sérstaka neyðarstjórn um málefni ferðaþjónustu fatlaðra.

Spurningin er bara sú hvort ekki sé rétt að víkka út starfssvið neyðarstjórnarinnar þannig að það nái yfir alla þætti í rekstri borgarinnar og jafnframt að Stefán Eiríksson verði settur yfir borgarstjóra?

[Elín Sigurðardóttir (IP-tala skráð) 5.2.2015 kl. 14:50]

Þetta virðist vera ákveðin taktík hjá borgarstjórnarmeirihlutanum.  Í stað þess að bakka með óvinsælar ákvarðanir eins og flutning flugvallarins og útboð á ferðaþjónustu fatlaðra þá er skipuð sérstök Rögnu-nefnd og Neyðarstjórn-Stefáns til að lægja öldurnar.  Þetta mun engu skila í raun því stefnan er eftir sem áður sú sama.  Leiðinlegt að sjá Stefán Eiríksson leyfa borgarstjórnarmeirihlutanum að misnota sitt mjög svo góða nafn svona.  

[Ásthildur Cesil Þórðardóttir, 5.2.2015 kl. 16:14]

Takk öll, já það er einmitt málið ábyrgðin hlýtur alltaf að liggja hjá yfirvöldum og í þessu tilfelli borgarstjórans í Reykjavík.  Það er bara óþolandi ástand að lesa og horfa upp á skipulagsleysi og kæruleysi ráðamanna vegna þessara mála, sérstaklega vegna þess að þetta er fólk sem er ekki tilbúið til að arka niður á Austurvöll og berjast fyrir réttindum sínum.  

[Sólrún (IP-tala skráð) 7.2.2015 kl. 23:28]

Það  er  sorglegt að það skuli  hafa þurft  þetta óhugnanlega atvik til þess að  róta  við  borgarstjóra og  velferðarbatterí hans.

Sem var bíð að vera í því í margar  vikur að sjóða niður sata og súrsa 

endalausar kvartanir ur öllum áttum  sumar jafn alvarlegar og það að  mikið fatlaðir einstaklingar voru  skildir einir eftir fyrir utan læstar dyr

niðri í Pósthússtræti í skammdegiskulda og myrkri áður en  vinnustaður  þeirra  opnaði.  OFTAR  EN  EINU  SINNI

EF AÐ  ÞAÐ  HEFÐI  ÞURFT AÐ  SETJA  Reglur  FYRIR STARFSMENN  TIL AÐ  KOMA Í  VEG FYRIR ÞVÍLÍKT OG ANNAÐ  EINS.

þÁ  GET EG EKKI SKILIÐ HVERNIG  VIÐKOMANDI  HEFÐU ÁTT AÐ  GETA FENGIÐ  ÖKUSKÍRTEINI.

Það átti  greinilega að hafa sömu taktík eins og þegar að  heimsendingarþjónusta á mat til eldri borgara var tekin með sama hætti og  keyrð í gegn ofan í allar kvartanir.

Þjónusta  sem versnaði  mikið við  breytinguna

EN  VARÐ SAMT EKKI ÓDÝRARI FYRIR  BORGINA.

Sama taktík greinilega hér á ferðinni.Verið að hygla gæðingum pólitískt.

Og hent í burtu öllu því fólki sem hafði kunnátu og vilja til að vinna  þessi  störf af alúð.sVO ER EFTIR AÐ VITA HVAÐ VERÐUR TEKIÐ FYRIR NÆST.

[Erla Magna Alexandersdóttir, 8.2.2015 kl. 19:17]

Hvernig eiga svona snobbarar að hafa tima fyrir öryrkja ? Þeir eru að láta byggja hótel við götur sem eru svo þröngar að bara er hægt að komast með barnavagn þar og bílastæði tekin undir öldurhús og hótel. Ferðamenn geta svo komist á hótel- þau dyrustu í Evrópu með dót sitt í innkaupa kerru frá Bónus !!

[Ásthildur Cesil Þórðardóttir, 14.2.2015 kl. 08:49]

Sólrún virkilega ljótt að heyra þetta.  Jú þeir hafa HÆKKAÐ GJALDIÐ.  

Erla þetta er alveg með ólíkindum, eins og hótelin séu ekki orðin nógu mörg þarna niður í miðbænum.