Smá hringsól í boði Framsóknar.

Stundum getur maður ekki annað en hlegið að stjórnsýslunni. Fyrsta sem ég las í morgun var að Gústaf nokkur Níelsson hafi verið beðin um að taka sæti varamanns í mannréttindaráði Reykjavikurborgar.  Hef svo sem aldrei heyrt á manninn minnst fyrr, en meðfram þessari frétt var birt grein frá honum um skoðun hans á samkynhneigð og innflytjendum. Sú lesning var hvorki falleg né fáguð. 

 

Svo nú keppast allir ráðherrar og ráðamenn flokksins við að lýsa yfir andstyggð sinni á þessari ráðningu og árétta áherslur flokksins á mannréttindi og frelsi. 

Málið er bara hver réð manninn. 

Svo til að kóróna þetta allt þá er þessi Gústaf ekki einu sinni framsóknarmaður heldur sjálfstæðismaður og það svona frekar "vel liðinn" í flokknum og hefur fengið þar allskonar trúnaðarstörf ef satt og rétt er greint frá. 

 

"Gúst­af Ad­olf Ní­els­son, sagn­fræðing­ur og fyrr­ver­andi fram­kvæmda­stjóri þing­flokks Sjálf­stæðis­flokks­ins, var í gær­kvöldi kjör­inn varamaður Fram­sókn­ar og flug­vall­ar­vina í mann­rétt­indaráði Reykja­vík­ur­borg­ar. Gúst­af Ad­olf Ní­els­son. Hlaut Gúst­af Ad­olf 10 greidd at­kvæði.

 Takið eftir 10 atkvæði ekki bara tvö eða þannig. 

„Odd­viti flokks­ins hafði sam­band við mig [í des­em­ber sl.] og spurði hvort ég treysti mér til þess að taka þetta að mér. Þetta kom mér svo­lítið í opna skjöldu því ég er ekki í Fram­sókn­ar­flokkn­um held­ur Sjálf­stæðis­flokkn­um,“ seg­ir Gúst­af Ad­olf og bæt­ir við að odd­vit­an­um hafi hins veg­ar þótt mikið koma til skrifa hans í Morg­un­blaðinu að und­an­förnu og því sett sig í sam­band við hann".

 

 

 

 

 

 

 

 

 

 

 

 

 

 

 

 

 

 

 

 

 

Maðurinn sjálfur kotroskinn og drjúgur með sig. Kveðst vera orðin vinsælasti maðurinn í dag.

 

Á von á að halda sætinu. Gunnar Bragi sagðist ekki vita til þess að Gústaf væri skráður í Framsóknarflokkinn og segist Gústaf alls ekki vera í honum. Ertu í Sjálfstæðisflokknum? „Auðvitað,“ svarar Gústaf en tekur fram að hann sé flugvallarvinur. Hann segist ekki eiga von á öðru en að halda sæti sínu sem varamaður þrátt fyrir þessa ólgu innan Framsóknarflokksins vegna skipan hans. „Ég geri alveg ráð fyrir því að borgarfulltrúarfulltrúar Framsóknarflokksins hafi fullt umboð. Ég veit ekki annað.“

 

En Adam var ekki lengi í Paradís því í hádegisfréttunum bara rétt í þessu kom fram að skipanin hafi verið dregin til baka.  

Sem sagt ein hringferð á borði Framsóknar og kastað út. Ekki sá ég að heyrst hefði neitt í forsætisráðherranum um málið, enda er hann alltaf undarlega langt fjarri þegar krýsumál koma upp í flokknum eða ríkisstjórninni.  Þá liggur hann sennilega undir feldi og hugsar málið djúpt og vel, eða er við hringborð allra aðstoðarmannanna til að leita að sannleikanum.  

 

En ekki veitir okkur almennum borgurum af að fá svona smá farsa í lífið, svona í skammdeginu.  

Athugasemdir

[Bjarni Gunnlaugur (IP-tala skráð) 21.1.2015 kl. 14:04]

Rétt er það að þetta er klúðurslegt ferli.

Annað er hitt að enn sannast á Gústaf þessum að í umræðum vill barnið fara með baðvatninu. Hann er á móti því að kirkjan gefi saman fólk af sama kyni. Látum vera með gagnrýni á slíkt og segjum að þetta sé óþolandi skoðun í nútímanum.  

En hvað þá með annað sem hann nefnir?

Verður kirkjan ekki að gefa eftir og samþykkja fjölkvæni.

Hvað með rétt barna til að vita um báða kynforeldra sína, er hann tryggður burt séð frá því hverjir eða hvaða kyns kjörforeldrarnir eru?

Þetta eru áhugaverðar hugmyndir sem hann setur fram.

http://timarit.is/view_page_init.jsp?issId=263013&pageId=3688454&lang=is&q=G%FAstaf+N%EDelsson

Persónulega finnst mér mannréttindaumræða stundum ansi mistæk. Hvar liggja mannréttindi ófædds barns á móti meintum mannréttindum móður til að fara í fóstureyðingu?

Pössum okkur á skoðannarétttrúnaðinum!

[Ásthildur Cesil Þórðardóttir, 21.1.2015 kl. 15:47]

Fóstureyðing er ekki framkvæmd eftir vissa lengd meðgöngu, auðvitað má deila um það, en oftast er það neyð sem rekur konu út í slíka aðgerð og aldrei auðveldlega tekinn.  

Hitt er svo annað mál að það er enginn mælikvarði á ástúð og kærleika manneskju til barns hvort sem er karl eða kona.  Ég þekki feður sem eru nær börnum sínum en móðirin.  Og það er alveg sannað mál að börn sem alast upp hjá samkynhneigðu pari hvort sem eru lesbíur eða hommar að barnið verður sjálfstæður einstaklingur og fær eflaust meiri kærleika og ástúð en hjá venjulegu fólki þar sem barneignir eru sjálfsagður hlutur.  Því vissulega hafa samkynhneigð pör þurft að hafa einbeittan vilja til að eignast sín börn og þess vegna búin að fara í gegnum allt það ferli. 

[Ásthildur Cesil Þórðardóttir, 21.1.2015 kl. 16:07]

Og áfram heldur brandarinn. Eg sagði í pistlinum mínum að Gústaf hefði fengið 10 atkvæði ekki bara tvö, hér er ástæðan. :

Samfylkingin og Björt framtíð kusu Gústaf sem varamann

Borgarfulltrúar Samfylkingarinnar og Bjartrar framtíðar kusu Gústafs Níelssonar, sem varamann í mannréttindaráð Reykjavíkurborgar.

 

[Ásthildur Cesil Þórðardóttir, 21.1.2015 kl. 16:14]

Sem sagt Framsókn, Samfylking, Björt framtíð og Sálfstæðismenn hafa þá greitt honum atkvæði sitt.  Eru það þá bara þessar tvær framsóknarkonur sem eru rasistar?  Bara spyr. 

[G. Tómas Gunnarsson, 21.1.2015 kl. 16:49]

Ég held að ég sé varla sammála Gústaf um nokkurn hlut. En hann á þó líklega jafnan rétt til að tjá skoðanir sínar og hver annar, eða nær sá réttur aðeins til skopblaða í París?

Hvað varð um að ég fyrirlít skoðanir þínar, en myndi gefa lífið til að verja rétt þinn til að tjá þær?

Gildir það ekki í borgarstjórn?

P.S.  Ég sé að í upphaflega pistilinum notar þú orðið "sjálfsæðismaður", Ásthildur.  Er það maður sem er á móti "gervifrjóvgunum", eða hvað?  

[Ásthildur Cesil Þórðardóttir, 21.1.2015 kl. 17:06]

"Svo til að kóróna þetta allt þá er þessi Gústaf ekki einu sinni framsóknarmaður heldur sjálfsæðismaður og það svona frekar "vel liðinn" í flokknum og hefur fengið þar allskonar trúnaðarstörf ef satt og rétt er greint frá".  Er þessi málsgrein eitthvað illskiljanleg G.Tómas?

Maðurinn er sjálfstæðismaður sem sagt í Sjálfstæðisflokknum en ekki framsókn.  Svo var ég ekki að gagnrýna manninn heldur skopast að þróun mála í þessu ferli.  Ég segi hvergi að hann megi ekki tjá sig eða hvar sérðu það?

Það er svo sem ágætt að LESA það sem fólk skrifar og hvað það er að segja áður en farið er út í vandlætingar.  Hvergi segi ég heldur að ég fyrirlíti skoðanir þessa manns, segi einungis að það hafi verið pistill sem fylgdi með fréttinni þar sem hann skrifar um samkynhneigða og innflytendur og það hafi hvorki verið falleg né fágað.  við það stend ég. 

[G. Tómas Gunnarsson, 21.1.2015 kl. 17:41]

@Ásthildur Ég held að þú hafir aðeins miskilið mig.

En það tek ég aldrei nærri mér. 

Ég var nú aðallega að reyna að búa til frekar sakleysislegan brandara (eftir mínu skopskyni) vegna þess að þú hafðir gert innsláttarmistök og eitt "t" hafði fallið niður í orðinu "sjálfstæðismaður", sem þannig breyttist í "sjálfsæðismaður".  Ég spurði hvort að það væri þá maður sem væri á móti "gervifrjóvgunum".

Hitt sem ég skrifaði um tjáningarfrelsið, var ekki hugsað sem andsvar við þínum pistil.  Frekar sem mínar almennu hugleiðingar um málefnið.

Ef þú hefur tekið sem svo að ég væri að ásaka þig um að ráðast á málfrelsið, er það miskilningur, en jafnfram sjálfsagt að biðjast afsökunar á því af minni hálfu.

Það var ekki meiningin, heldur aðeins að tjá í stuttu máli mínar skoðanir á upphlaupinu.

[Ásthildur Cesil Þórðardóttir, 21.1.2015 kl. 17:47]

Fyrirgefðu, ég var ekki búin að sjá þessa misritun, er frekar fljótfær 

Já þetta er allt saman hið furðulegasta mál og alltaf batnar það, nú segir Brynjar bróðir hans að faðir hans hefði sennilega fundið hann á itölskum ruslahaug.  Þetta mál allt saman er eiginlega orði drepfyndið. 

[Kolbrún Hilmars, 21.1.2015 kl. 18:40]

Farsi vissulega, en er hann í boði Framsóknar?  Það hentar meirihlutanum í borginni að þyrla upp ryki þótt málefnið skipti litlu sem engu máli, því það skyggir þá á gagnrýnina á þjónustuna.  Sjálf er ég farin að hugsa mér til hreyfings eftir rúmlega 30 ára búsetu hér í borg, því þótt hér sé innheimt hámarks útsvar er þjónustan orðin lágmarks og óljós "mannréttindamál" njóta forgangs. 
Ennþá eru jú sveitarfélög hér í grennd þar sem íbúarnir "fá eitthvað fyrir peninginn". 

[Bjarni Gunnlaugur (IP-tala skráð) 21.1.2015 kl. 20:05]

Ekki dettur mér í hug að halda því fram að samkynhneigð pör séu eitthvað verri uppalendur eða betri en gagnkynhneigð.  Pör sem eignast barn með tæknifrjófgun (Lessur eða gagnkynhneigt par) nú eða pör sem taka barn í fóstur, verða að virða þau mannréttindi barnsins að vita um kynforeldra sína. Það er allavega mitt álit að slíkt séu mannréttindi barnsins. Vel má vera að aðrir hafi aðra skoðun og ekki myndi þá skaða að menn reyndu að rökræða til einhverrar niðurstöðu. 

Komi slík hugmynd frá einhverjum sem er að einhverju öðru leiti með ómögulega hugmynd (að mati almenningsálits) t.d. að vera á móti giftingu samkynhneigðra þá þarf hugmynd viðkomandi um mannréttindi barna ekki að vera neitt verri. Alveg eins og var með Ásmund Friðriksson sem sló fram vanhugsaðri hugmynd um að rannsaka alla múslimi á Íslandi sem taldist ómöguleg hugmynd en kom um leið með hugmyndir um að fylgjast með hvort einhverjir múslimir hefður farið héðan til þjálfunar í hryðjuverkabúðum.  Hugmynd sem er mjög svo sambærileg við það sem er í umræðunni í Danmörku og Þýskalandi. Þar er jafnvel gengið enn lengra, Danir velta því upp að lýsa útrásarvígamenn landráðamenn, Þjóðverjar velta fyrir sér að láta þá hafa sérstök vegabréf.

Í báðum tilfellum tilfelli Gústafs og tilfelli Ásmunds, virðist rísa upp einhver hneykslunarkend taugaveiklunarbylgja sem krefst algerrar þögnunar á það sem þeir hafa fram að færa, sprottin af hræðslu við umræðuna sjálfa.  Miklu eðlilegra væri að ræða það, opna Pandóruboxið.

Lengi vel lá umræða um barnaníð niðri í Pandóruboxinu, í dag held ég að flestir sjái hvílík ógæfa slíkt var.

Nákvæmlega það sama átti sér stað með Sveinbjörgu Birnu og enn fyrr Magnús Þór Hafsteinsson. Svona þöggunarárátta hins "móralska meirihluta" er frjálsri gagnrýnni og uppbyggilegri umræðu hættuleg. 

[Ásthildur Cesil Þórðardóttir, 21.1.2015 kl. 21:36]

Kolbrún nei ekki eingöngu í boði Framsóknar, málið er að það er ógeðslegt hvernig fólk eins og Sóley Tómasdóttir tækla þessi mál.  Þessi manneskja er sko ekkert betri.  Man til dæmis ekki betur en að hún lofaði gjaldfríum leikskólum í sínu framboði, þar er ef til vill stigsmunur en ekki eðlismunur, því henni hlaut að vera kunnugt um að henni myndi aldrei auðnast að lofa slíku.  

Ég get alveg verið sammála um að það má ekki þagga niður skoðanir sem eru exsteam. Þær þurfa að heyrast og svo þarf að skoða málin á hlutlausan hátt.  En það þarf að gera með varúð til þess að vernda minnihlutahópa sem virkilega eiga í vök að verjast fyrir neikvæðri umræðu, meðan öfgafólk er tilbúið til að senda haturspósta, leggja fólk í einelti eða á annan hátt niðurlægja fólk sem er friðsamt og hefur aldrei gert neitt af sér annað en að vera til. 

[Bjarni Gunnlaugur (IP-tala skráð) 21.1.2015 kl. 22:38]

Innanríkisráðherra sendi Snorra Óskarssyni bréf um mitt ár 2014 þar sem fram kom að uppsögn hans á grundvelli skoðanna hafi verið ólögmæt.  

   Ekki er annað að sjá en að þetta sé sambærilegt við að afturkalla skipan Gústafs í mannréttindaráð á grundvelli skoðanna hans. http://eirikurjonsson.is/snorri-i-betel-faer-uppreisn-aeru/

Þarna er semsagt komin upp spurning um samkvæmni.

Sigmundur Davíð lá undir ámæli manna sem vildu að hann færi í göngu til að taka undir rétt franskra blaðamanna til að teikna og birta myndir þótt þær særðu múslimi. Getur verið að einhverjir þeir hinna sömu vilji að Gústaf sé útilokaður vegna skoðanna sem særi samkynhneigða?

[Halldór Egill Guðnason, 22.1.2015 kl. 03:14]

Að vera opinn í báða enda, er annað hvort að vera beggja endaskorið brauð, sem að sjálfsögðu hugsar ekkert, enda bakað við 200 gráður, eða framsóknarmaður. Endalaust, ekki satt?. Nema framsóknarmenn séu allir bakaðir við 200 gráður?. Umræðan um klúðrið við ráðningu "varamanns" í mannréttindaráð höfuðstaðarins, er hins vegar enn ein "endaleysan" og finnst varla nokkurt brauð í veröldinni sem vildi láta bendla sig við svona klúður. Meira að segja framsóknarmenn sverja af sér vitleysuna, enda varamaðurinn tilnefndi, sem framsóknarmenn tilnefndu, Sjálfstæðismaður að nafninu til, en miðaldamaður í raun. Hugsa fyrst og skjóta svo, eða framkvæma, ef menn hafa efni á því. Hrærðan, ekki hristan, takk fyrir, hefur góðvinur minn af hvíta tjaldinu sagt á ótal börum og hótelum, vitt um veröld víða. Hvort á að hrista eða hræra svona bull, læt ég öðrum eftir að dæma. Að kasta grjóti, án nokkurrar hugsunar og fara síðan í sameiningargöngu gegn grjótkasti er hræsni. Sorglegt á að horfa, en sagnfræðingum framtíðarinnar óendanleg og jafnvel óleysanleg ráðgáta og  uppspretta, endalausra ritgerða og kannana um orðstað og illmælgi hjá núlifandi bjálfum, sem flestallir hafa það svo gott, að undrum sætir, en fá aldrei nóg. Ekki einu sinni hægt að ræða málin lengur. 

Það er stutt í fasismann, því miður.

Góðar stundir, með kveðju að sunnan.

[Ásthildur Cesil Þórðardóttir, 22.1.2015 kl. 10:50]

Bjarni ég er ein af þeim sem telja að Snorri eigi hvergi að koma nálægt unglingum með sitt fornaldarraus, vegna þess að krakkar á þessum aldrei sem oftar en ekki eru að upplifa kynhneigð sína eiga alveg nógu erfitt þó það séu ekki einhverjir fornaldarbðéusar að fordæma þá.  Sum þeirra meira að segja taka sitt eigið líf vegna þessa.

Takk fyrir innilitið Halldór og já þetta er svo sannarlega alveg makalaust rugl sem búið er að eiga sér stað með ráðninguna á þessum manni, það vill til að hann tekur þessu frekar létt, á yfirborðinu allavega.  Enda er klúðrir ekki frá honum komið, hann hefur aldrei falið sig bak við aðrar skoðanir heldur talar hreint út með sinn boðskap, og það hefði ekki átt að koma nokkrum manni á óvart.