Göngum hægt um gleðinnar dyr.

 Gott gengi Íslandshreyfingarinnar er forsenda fyrir því að hægt sé að velta stóriðjuflokkunum þremur (xD, xB og xF) úr sessi. Segir Margrét Sverrisdóttir.  Sama Margrét og var lengi innsti koppur í búri Frjálslynda flokksins, og var með í að sema stefnuskrá flokksins.  Hvað segir þar um stóriðju?  Hefur stefnu flokksins verið breytt ? Ekki hef ég orðið vör við það, en þar stendur:  Umhverfismál. Óbyggðir.Óbyggðir Íslands þar með talið miðhálendið, eru sameign íslensku þjóðarinnar. Virðing fyrir þeirri eign er grundvöllur umhverfisstefnu Frjálslyndaflokksins. Viðhorf þjóðarinnar til óbyggðanna hafa breyst mjög á liðnum árum.  Það sem áður var álitið ónýtanlegt land og óarðbært er nú talið til helstu eigna þjóðarinnar. Framkvæmdir á hálendinu.Framkvæmdum á hálendinu ber að halda í lágmarki, því öll röskun dregur úr gildi þess. Vanhugsaðar framkvæmdir nú geta reynst óbætanlegur skaði síðar.  Leggja ber aukna áherslu á virkjun háhitasvæða í framtíðinni. Friðlýsa skal fleiri svæði og stærri á hálendinu.Ástæða er til að móta hugmyndir um friðlýsingu fleiri og stærri náttúruverndar- og útivistarsvæði á hálendinu.  Íslendingar gætu eignast stærsta friðlýsta þjóðgarð Evrópu með slíkri friðun. Endurskoða skal áætlanir og hugmyndir um virkjanr fallvatna.Endurskoða þarf hugmyndir um virkjanir fallvatna í samræmi við breytt sjónarmið í umhverfismálum.  Ekki er lengur sjálfgefið að raforkuframleiðsla með slíkum virkjunum sé hagkvæmast kosturinn til lengri tíma litið, enda mælir þjóðin hagkvæmni slíkra framkvæmda ekki lengur í krónum einum.  Náttúran verður að fá að njóta vafans. Virkjanaleyfi skulu háð umhverfismati.Geri áætlanir um vatnsaflsvirkjanir ráð fyrir að stór landsvæði fari undir uppistsöðulón, fossar hverfi o.s.v.f. skal ekki veita leyfi fyrir framkvæmdum nema að undangengfu lögformlegu umhverfismati Sjónarmið umhverfisnefndar höfð að leiðar ljósi.Sjónarmið umhverfisverndar skulu höfð að leiðarljósi við uppbyggingu atvinnuvega sem tengjast nýtingu óbyggðanna.   Ferðaþjónustan er vaxandi atvinnugrein sem sækir sífellt meira í ósnortna náttúru landsins.   Vistvæn umhverfisstefna.Móta þarf stefnu um umhverfisvernd í þéttbýli.Taka þarf á sorpmálum, útblæstri og hávaðamengun.  Flokkurinn leggur áherslu á að umbuna fólki fyrir það sem það leggur af mörkum og gera því auðvelt fyrir að breyta í samræmi við nýtt hugarfar umhverfisverndar. Hafið.Fátt er íslendingum mikilvægara í umhverfismálum en verndun hafsinsUmgengni um hafsvæði hefur breyst til batnaðar á liðnum árum, en brottkast afla í hafið felur í sér umhverfisspjöll og öllum mislíkar slík umgengni við fiskistofna.  Einnig er nauðsynlegt að koma í veg fyrir skemmdir á hafsbotni og botngróðri af völdum veiðarfæra og vísast þar til stefnu flokksins í sjávarútvegsmálum, sem felur í sér stuðning við vistvænar veiðar. Þá er nauðsynlegt að fylgst verði grannt með förgun spilliefna í skipum bæði hér við land og á alþjóðavettvangi. Flokkurinn mótmælir kjarnorkuendurvinnslustöðvum vegna mengunaráhrifa þeirra í heimshöfum. Breyting veðurkerfa, hafstrauma og sjávarhita við landið og ísbráðnun á Norðurhvelinu eru allt hættumerki vegna breytinga á verðurkerfum veraldar. Lofthjúpurinn.Ísland verði öðrum þjóðum gott fordæmi.I kjölfar breyttra viðhorfa þjóðarinnar til umhverfisverndar fylgir samstarf hennar við aðrar þjóðir, sem bera hag náttúru jarðar og mannkyns fyrir brjósti. 
Liðin er sú tíð að þjóðin einblíni á stóriðju, hvað sem það kostar.  Íslensk stjórnvöld virði alþjóðasamninga um varnir gegn loftmengun. Í umhverfismálum eru Íslendingar huti af heiminum öllum. Ísland styðji eindregið aðgerðir ti að draga úr loftlagsbreytingum.Enginn ástæða er til að íslensk stjórnvöld veigri sér við að gangast undir sömu skilyrði og aðrar þjóðir hvað varðar aðgerðir til að draga úr loftlagsbreytingum. Landvernd.Frjálslyndi flokkurinn vill hafa sjálfbæra landnýtingu, landvernd og landgræðslu að leiðarljósi.Sjálfbær landnýting felur það í sér að við nýtum landið þannir að það mæti þörfum okkar, án þess að stefna í voða möguleikum komandi kynslóða til að mæta sínum þörfum í framtíðinni.  Íslendingar eiga enn langt í land hvað varðar sjálfbæra landnýtingu og það er sérlega mikilvæt að tryggja sjálfbæra nýtingu afrétta. Landeyðing er eitt mesta umhverfisvandamál okkar í dag.  Mikilsverður árangur hefurnáðst í landgræðslu, en betur má ef duga skal. Leggja ber áherslu á verndun birkiskóga landsins.  Taka ber sérstakt tillit til birkiskóga varðandi beitarálag, því 60% birkiskóga í landinu eru beittir, en þeir þekja nú einungis um 1% landsins. Menningarlandslag nær til þeirra svæða sem bera með sérstökum hætti vott um athafnir mannsins á ýmsum tímabilum við mismunandi aðstæður.  Menningarlandslag hefur því menningarsögulegt gildi, í því felst sögulegt umhverfi okkar og ber okkur því að gera áætlanir varðandi verndun þess. Ferðaþjónusta,Ferðajónusta er vaxandi atvinnugrein á Íslandi og hefur ferðamönnum fjölgað um tugi þúsunda árlega síðastliðin ár.  Ásókn í ósnortna náttúru eykst stöðugt og sífellt fleiri ferðamenn hafa efni á ferðum til framandi staða.  Mikilvægt er að varðveita óspillta náttúru lalndsins því náttúran er fjöregg íslenskrar ferðaþjónustu. Frjálslyndi flokkurinn vill efla ferðajónustu með verndun og varðveislu menningarminja.  Vinna þarf að ferðamannaleiðum, vegagerð, bryggjugerð, stígagerð og fleiru sem lítil fyrirtæki í ferðaþjónustu geeta ekki sinnt.  Auk þess þarf að styðja sérstaklega veið ferðaþljónustufyrirtæki vegna þess að stuttur ferðamannatími hér á landi skapar erfið rekstrarskilyrði.  Mikil nauðsyn er á að dreifa auknum fjölda ferðamanna sem víðast um landið. Gefa þarf ferðamönnum kost á auknum ferðum í náttúruskoun við strendur Íslands oglífríki sjávarspendýra, sjófugla, fiska og annarra lífvera á grunnsvæðinu. Ø      Óbyggðir Íslands eru sameign íslensku þjóðarinnar.Ø      Ráðstsöfunarréttur óbyggðanna verði ekki tekinn af þjóðinn.Ø      Stærri náttúruverndar – og útivistarsvæði.Ø      Sjálfbær landnýting.   

                                              000

 

Hvað er það hérna sem fer fyrir brjóstið á Margréti ? Núna allt í einu erum við orðin stóriðjuflokkur að hennar mati hvenær breyttist það?  Man ekki til að hún hafi álitið flokkinn stóriðjuflokk áður.

Ég hef ekki séð neina stefnu ennþá frá hinu nýja afli Íslandshreyfingunni.  Og enginn verið kynntur til sögunnar nema Ómar, Margrét, Jakob Frímann og ung geðþekk kona sem ég man því miður ekki nafnið á.  En er þetta nóg til að mynda sér skoðun á hvort maður vill fylgja hreyfingu eða er þetta leit fólks að einhverju öðru ?

Það hefur aldrei gefist vel að hlaupa til, af því bara.  Það þarf að kynna sér vel, hvað ný öfl ætla að gera, fram yfir þau sem fyrir eru.  Því annars er hætt við að illa geti farið, að menn festist í sömu sporum.

 

Margrét hefur reynt að gera sig að fórnalambi í samskiptum sínum við Frjálslynda flokkinn, en hefur ekki tekist að sanna að henni hafi verið hafnað.  Enda viðurkenndi hún í viðtali á rás 2 um daginn að hún hefði yfirgefið flokkinn.  En hefur hingað til sagt að flokkurinn hafi yfirgefið hana.

Hún hlaut góða kosningu í varaformann, en hefur nú upplýst að hún hefði hvort sem er farið, þó hún hefði unnið varaformannsslaginn.  Til hvers var þá leikurinn gerður.  Er það trúverðug manneskja sem leikur þennan leik ?

 

Það er bullandi óánægja í þjóðfélagi voru.  Og það kemur berlega í ljós núna.  En ég held nú að fólk ætti að skoða vel hvað er í boði, áður en rokið er af stað með eitthvað jafn óljóst og hér hefur verið boðið upp á.  Bíða að m.k. þangað til þetta ágæta fólk hefur sett fram skýrt og vel, hverju það hyggst breyta, og hvernig. Það er nefnilega ekki nóg að tala hátt eða vera með fagurgala.  Menn þurfa að hafa eitthvað að segja.

Nýr og ferskur flokkur segir Ómar Ragnarsson, hvar er þessi ferskleiki ? Það hefur ekki komið neitt nýtt í ljós.  Eða ekki fæ ég séð það.  Keisarinn er ef til vill nakinn í því tilliti.

 

Tíminn fram að kosningum verður sá tími, sem mun leiða í ljós hvort eitthvað stendur á bak við risastórar fullyrðingar og sigurgleði. 

Sá tími verður spennandi og það verður vel tekist á.  Ég vona að hann verði notaður til málefnalegrar umræðu og til að sýna fólki fram á hvað flokkar ætla að gera, og hvað þeir ætli að leggja áherslur á.  Slík vinna er í gangi hjá Frjálslynda flokknum.  Þar hafa verið góðar og ganglegar umræður við fólkið í landinu, um það sem því finnst brenna á sér og sínum. 

Að mínu mati er það það sem skiptir mestu máli.  Hvað það er sem jafnar lífskjör fólks, og gefur því sem besta afkomu.  Leiðréttingar fyrir það fólk sem minna má sín í samfélaginu.  Og þá er ég að tala um bæði það fólk sem er fætt hér á landi, og þá sem hafa hingað komið til að setjast að, annarsstaðar frá.  Einnig aldraða og öryrkja og fátækt fólk sem hefur af einhverjum ástæðum orðið undir í lífsbaráttunni.  Hagur þessa fólks verður ekki leiðréttur nema skipt verði um ríkisstjórn.  Það er nokkuð ljóst eftir 12 ára þrautarsetu núverandi valdhafa.  Það er svo margt sem þarf að gera.  Og ég vona að Kaffibandalagið nái því að tengja saman þá þrjá flokka sem að því standa, svo fólk fái sterka velferðarstjórn í vor.  Það er minn draumur allaveg.

 Þessar tvær myndir eru frá Ísafirði þessa stundina, megi birta og góðar hugsanir fylgja okkur öllum. 

 

 

Athugasemdir

[Ragnar Bjarnason, 26.3.2007 kl. 12:02]

Það tekur menn mislangan tíma að breytast

[Ásthildur Cesil Þórðardóttir, 26.3.2007 kl. 12:12]

Já sennilega Ragnar minn, sennilega.   Bara spurning líka hversu vel svona skyndiskiptingar endast. 

[Jóhannes Ragnarsson, 26.3.2007 kl. 12:15]

Margrét Sverrisdóttir hefur komið mörgum á óvart með pólitískri framgöngu sinni, sem virkar á mann eins og þar fari einhverskonar framagosi, tækifærissinnaður og ekki beinlínis þjakaður af heiðarleika.

[Kristín Katla Árnadóttir, 26.3.2007 kl. 12:20]

Ég er samála  Jóhannesi

[Ásthildur Cesil Þórðardóttir, 26.3.2007 kl. 12:43]

Sumir segja að vika sé langur tími í pólitík.  Ég vona bara að fólk skoði málin vel áður en það fellir dóma.  Hér er ef til vill ekki allt eins og sýnist.  Glansmyndir eiga það til að fölna með tímanum.  En fyrst og fermst þarf að hafa áhyggjur af framtíð margra hér og er kominn tími á breytingar.  Þess vegna verðum við sem erum í stjórnarandstöðu að snúa bökum saman. 

[Rannveig (IP-tala skráð) 26.3.2007 kl. 13:06]

Gott er að hafa tungur tvær og tala sitt með hvorri,eða skyfta um skoðun þegar hentar.

Allavega ekki trúverðug pólitík. Kveðja Rannveig

[Jenný Anna Baldursdóttir, 26.3.2007 kl. 13:10]

Gott innlegg í umræðuna Ásthildur.  Ég er reyndar sammála þér um að Margréti fannst ekkert að stjóriðjupólitík Frjálslyndra er hún var þar, amk man ég ekki eftir því.

Ég held að fólk eigi að bíða með að fagna.  Það virðast allir gleyma því að skoðanakannanir eru ekki kosningar.  Þegar upp úr kössunum er talið vitum við hvað er á borðinu, fyrr ekki.

[Anna Ólafsdóttir (anno) (IP-tala skráð) 26.3.2007 kl. 13:17]

Ég hef lýst þeirri skoðun minni að Íslandshreyfingin var ekki það sem okkur vantaði. Mér finnst þetta bara vera einhver óánægjuhræringur í potti. Það er Ómar, hugsjónamaðurinn í umhverfismálum með stóra H-inu. Svo er það Margrét, sári pólitíkusinn hvers flokkur yfirgaf hana en hún ekki hann (alveg mögnuð söguskýring), svo er það Jakob Frímann, sem yfirgaf flokkinn sinn eftir enn eitt slakt gengið í prófkjöri og reynir eina ferðina enn, og svo er það Ósk, kona úr Framtíðarlandinu sem væntanlega hefur verið óhress með að Framtíðarlandið skyldi ekki verða stjórnmálaflokkur. Og útkoman úr þessum hræringi verður svo líklega sú að stóriðjuflokkarnir festast í sessi. Það finnst mér vont mál!

[Ásthildur Cesil Þórðardóttir, 26.3.2007 kl. 13:37]

Það er það versta sem gerist einmitt núna, þegar aldrei hefur verið meiri þörf á að grípa í taumana.  Hér þarf alvöru aðgerðir og fólk sem hefur verið að hrærast í stjórnmálum, þekkir alla þræði og hefur verið að móta framtíðina.  Ekki eitthvað glamour eða það er mín skoðun.  En ég er mjög hissa á fólk sem fagnar þessari hreyfingu, áður en það veit hvað þau ætla að gera, og hverjir eiga að framfylgja stefnunni.  Það kalla ég í besta falli barnalegt. 

Ég veit að forystumenn stjórnaranstöðunnar hafa verið að ræða þau mál sem þau vilja leggja áherslu á, og það sem þau eiga sameiginlegt.  Það hlýtur að vera betur ígrundað og líklegra til árangurs, en fólk sem kemur bara inn svona rétt fyrir kosningar og hefur ákveðnar hugsjónir í farteskinu eins og Ómar.  Sem er er reyndar góður maður, en ekki endilega ákveðin og skipulagður stjórnmálamaður. 

[Ásdís Sigurðardóttir, 26.3.2007 kl. 14:32]

Þetta er vel skrifað hjá þér Ásthildur og tek ég undir orð þín að miklu leiti. Þó svo við styðjum sitthvorn flokkin, gerir það okkur ekki endilega svo ólíkar, við erum allavega ekki að hlaupast undan merkjum og stofna "sér fýluframboð" eins og mér finnst að sé verið að gera núna. Það er ekki góð reynsla af svona útbrots framboðum á síðustu metrunum og hefur aldrei skilað neinu góðu til fólksins í landinu. Mér finns ekki heiðarlega barist þegar svona hlutir gerast, þú breytir ekki öllu á einni viku, skoðunum og öðru, bara af því þú fékkst ekki það sem þú vildir, það eru ekki góðar tvíbökur.  Flokkur sem samanstendur (eins og er) af skemmtikröftum og óánægðum frambjóðanda er ekki líklegur til að gera það gott.

[IGG , 26.3.2007 kl. 15:05]

Æ. æ heyri ég/les ég ótta hér og/eða fordóma? EInhvern tíma byrjuðu nú allir flokkar sem náð hafa sætum á Alþingi og sumir meira að segja sem klofnings/óánægju framboð ekki satt? Er ekki betra að vera jákvæður og bjartsýnn og stefna bara ótrauður að því sem maður vill sjálfur. Láta verjin tala.

Ingibjörg G.G.

[IGG , 26.3.2007 kl. 15:06]

Afsakið átti auðvitað að vera verkin en ekki verjin.

[Ásthildur Cesil Þórðardóttir, 26.3.2007 kl. 18:16]

Jú Ásdís, við kjósum sitt hvort flokkinn, en það skiptir engu máli fyrir vináttu ef hún er byggð á því sem sameinar fólk.

Ingibjörg mín, jú við verðum að standa á því sem við ætlum að gera.  En stundum þarf líka aðeins að benda á það sem manni finnst vera misfellur ekki satt.  Takk Arna mín, svona leit Ísafjörður út í morgun, og hann er ennþá svona sólbaðaður og fagur.  Ég var reyndar að koma af ráðstefnu um útlendinga, þar voru margir erlendir framsögumenn, frá Skotlandi, Englandi og Nova Skotia í Canada, og svo sjávarútvegsráðherran okkar.  Fróðleg ráðstefna sem stendur tvo næstu daga líka.