Að skjóta sendiboðann.

Að skjóta sendiboðann. 

Stjórnarflokkarnir eru orðnir uggandi yfir umræðunni í samfélaginu. Þeim finnst að sér vegið, en í stað þess að líta í eigin barm finna þeir sér sökudólg "Ríkisútvarpið".  

Ég skal alveg viðurkenna að á stundum meðan norræna velferðarstjórnin réði ríkjum fannst mér fjölmiðillinn draga of mikið taum hennar í sumum málum, eins og til dæmis í ESB málinu og ýmsum öðrum málum.  Sem segir að til að fjölmiðill virki þarf áherslan að vera til hægri í vinstri stjórn og til vinstri þegar hægristjórn ríkir.  Þegar ég er að tala um hægri og vinstri er ég að vísa í fjórflokkinn, hann er að vísu hvorki hægri né vinstri og áherslurnar frekar líkar ef út í það er farið.  En þetta var útúrdúr. 

 

 

 

 

 

 

 

 

 

 

Sem sagt í stað þess að líta í eigin barm og skoða hvort ástæður séu fyrir fréttaflutningum er ríkisútvarpið gert að blórabögli og nú skal höggva í þann knérunn svo eftir er tekið. 

En þetta var raunar byrjað fyrr, eru menn nokkuð búnir að gleyma hótun Vigdísar Hauksdóttur við síðust fjárlagagerð, þegar hún ræddi um vinstri slagsíðuna á ríkisútvarpinu og óbilgirni þeirra í garð stjórnvalda og hótaði þeim, erum við búin að gleyma þessum orðum hennar; " Ég er náttúrulega í þessum hagræðingarhópi".

Auðvitað tóku menn þessu ekki alvarlega þá en annað hefur komið á daginn. Nú á að lækka gjöldin til Rúv á þessu ári og því næsta.  Guðlaugur Þór er alharðastur í þessu með Vigdísi, enda hefur hann átt í útistöðum við stofnunina.  Þau vita bara ekki að flestu fólki leiðist hefnigjarnir, reiðir pólitíkusar.  

En hvað er það sem fer svona fyrir brjóstið á ríkisstjórninni?

Jú það sem kallað er aðför að forsætisráðherranum. Hann hefur ítrekað lýst sig fórnarlamb í umræðunni.  Og vissulega hefur umræðan verið óvæginn á köflum en mest í kommentakerfum blaðanna en ekki á RUV.  Hann hefur reyndar gefið oft færi á sér svo almenningur undrast, eins og að láta sér detta í hug að skrópa í vinnunni þegar alvarlegar umræður eru um fjárlagafrumvarpið á alþingi.  Og tilefni jú konan átti fertugsafmæli.  

Í hugum flestra eru fjörutíu árin bara ekkert svo merkilegur atburður í lífi manna, hvað þá að það sé tilefni til að laumast burtu í utanlandsferð.  laumast segi ég því það hefur komið fram að hvorki stjórnarandstöðumenn né þingforseti vissu af þessu, þó stendur skýrt í reglum um setu á alþingi að það þurfi að fá leyfi til að fara í frí og þá þurfi eitthvað mikilvægt að liggja að baki.  

En það er fleira sem vefst fyrir fólki, til dæmis að honum skyldi detta í hug að það yrði ekki frétt að hann hefði á síðasta starfsdegi sínum ráðstafað embætti lögreglunnar frá Suðurkjördæmi í sitt eigið kjördæmi, þó unnið hafi verið að því um tíma að embættið yrði í Suðurkjördæmi, bæta síðan gráu ofan í svart með því að segja að þar gæti misskilnings í fréttamennskunni.

Eða þegar upplýsingafulltrúi hans reyndi að hafa áhrif á fréttaflutning Grapewine.   

http://www.visir.is/upplysingafulltrui-rikisstjornarinnar-vildi-ad-grapevine-breytti-frett-/article/2014141219589

Það er ýmislegt fleira frá þeim bænum, en þetta er bara svona mest áberandi og von að fólk opni augu og eyru. 

 

 

 

 

 

 

 

 

 

 

 

 

 

 

En sennilega verður þetta ástand ekki viðvarandi, því Björn Ingi er sveittur við að kaupa upp alla fjölmiðla "án hirðis" eins og einn ágætur þingmaður kallaði sparisjóðina á sínum tíma. Mér er sem ég sjái það að ritstjóri DV láti bjóða sér að vera múlbundinn og með allar tennur úrdregnar lengi.  Núningurinn er byrjaður nú þegar, eða tóku menn ekki eftir að blaðamenn DV sem áttu undir högg að sækja við fréttamennsku í "lekamálinu" vildu láta mál þeirra og Þóreyjar fara í dóm en eigandinn ekki.  Ritstjórinn sagði líka opinberlega að hann hefði vilja ljúka málinu fyrir dómi.  'Eg giska á að fljótlega eftir áramótinn verði DV orðið eitt í rullunni Eyjan.Pressan.DV.is. Og þá hefur skapast rúm fyrir nýtt málgagn.  Það er nefnilega ekki hægt að stjórna umræðunni eða svínbeygja hana í því samfélagi sem við lifum í dag, með alla þá upplýsingatækni eins og internetið.  Risaeðlurnar verða að fara að skilja að það er einfaldlega ekki hægt þá er betra að líta í eigin barm og skoða hvort ekki sé rétt að friðmælast við almenning og gleyma hrokanum og innleiða auðmýkt gagnvart þjóðinni. 

 

 

 

 

 

 

 

 

 

 

Að skoða sinn eigin hug er dyggð sem við ættum að temja okkur.

En það eru fleiri sem hafa látið frá sér fara orð sem ekki hafa fallið í kramið.  Illugi sagði til dæmis að Stjórnarskrármálið hefði verið tóm vitleysa.  

 

http://www.dv.is/frettir/2014/12/11/illugi-stjornarskrarmalid-tom-vitleysa-sem-kostadi-mikid/

Þetta er blaut tuska framan í fólk sem lagði mikið upp úr því að fá fram nýja stjórnarskrá, með allir þeirri óeigingjörnu vinnu og fagmennsku sem þar var.  Svona segja menn einfaldlega ekki, það má hugsa svona en ekki segja upphátt ef menn vilja ekki lenda milli tannanna á fjölmiðlum. 

 

Það þarf ekki að ræða Lekamálið, sem var upplýst fyrir þrautsegju tvegga blaðamanna á DV, ætli þeir verði ekki látnir taka pokann sinn nú þegar blaðið er orðið að málgagni Framsóknarflokksins?

Kristján Þór lætur hafa eftir sér að hann "trúi því ekki að læknar fari að segja upp".

 http://www.dv.is/frettir/2014/12/12/eg-trui-thvi-ekki-ad-thad-komi-til-thess-ad-laeknar-muni-segja-upp/

Ég veit ekki hvort hann er svona naív eða þetta bara hafi sloppið út áður en hann hugsaði.  En þetta er heilbrigðisráðherrann okkar en ekki einhver "dude" út í bæ.  Þetta kallar auðvitað á viðbrögð.  Hann virðist ekki gera sér grein fyrir því að allann tímann er ríkisstjórninn búin að strjúka þessum starfshópi öfugt, bæði með áhugaleysi á að leysa deiluna og með yfirlýsingum um að þeir hafi sko nógu há laun.  Þeir virðast ekki gera sér neina grein fyrir því að einmitt þessi hópur er einn af þeim sem getur allstaðar í heiminum gengið inn í vellaunuð störf vegna menntunnar sinnar.  

Hvers vegna í ósköpunum ættu þeir þá að húka hér yfirkeyrðir af vinnu með fleiri hundruð næturvinnutíma, þegar þeir geta haft það miklu betra annarsstaðar.  Á að höfða til þjóðerniskenndar?  Það virkar ekki þegar þessir menn eiga sína eigin þjóð, þ.e. fjölskylduna börnin sem sjá ekki pabba sinn svo vikum og mánuðum skiptir.  Ráðamenn virðast ekki sjá fram úr sínum eigin hugarheimi, og virðast telja að allt eigi bara að vera eins og þeir vilja.

 

Flutningur fiskistofu til Akureyrar er eitt dæmið um óbilgirni stjórnvalda, þar er ekki hlustað á eitt eða neitt en af hverju ekki fara alla leið og færa fiskistofuna í Skagafjörðin þar sem húsbóndinn býr?

 

 

 

 

 

 

 

 

 

 

 

 

 

 

 

Hallalaus fjárlög segir fjármálaráðherrann.  Alveg sama þó landið og miðin fari á hliðina þá skulu fjárlögin verða hallalaus.  Þó fólk flýji land, heilbrigðiskerfið sé komið út fyrir síðasta söludag og auðnin ein blasi við, þá skal áfram harkað á hallalausum fjárlögum.  Fyrir mér er það að verða svona eins og Skjaldborgin hennar Jóhönnu og Ekkert ESB, ekki AGS og Ekkert Icesave hjá Steingrími.  

Ekki tók betra við þegar Vilhjálmur Bjarnason gaf það út að það væri til hagsbóta fyrir alla að afnema vörugjöld á heimilistæki, þá gætu hinir "fátæku" keypt gamla dótið af fyrirmönnunum.http://eyjan.pressan.is/frettir/2014/12/12/ollum-til-hagsbota-ad-hinir-efnaminni-kaupi-notud-heimilistaeki-af-hinum-efnameiri/?fb_comment_id=fbc_868195403243915_868221469907975_868221469907975#f339241df8  

 

 

 

 

 

 

 

 

 

 

 

 

 

 

Og allt þetta eftir að stjórnvöld lækkuðu veiðigjöldin og ráðgera að færa sægreifunum auðlindina í að minnsta kosti 20 ár eða meira.  Nær væri að innkalla allann kvóta og leigja síðan út kvóta eftir veiðigetu.  Það má finna réttláta leið til að þeir sem sannanlega keyptu kvóta fái ívilnun á leigu þangað til þeir hafa endurheimt það sem þeir lögðu í kaup.  Þá myndi skapast svigrúm til að auka strandveiðikvóta, jafnvel setja fasta kvóta á sjávarbyggðirnar sem aftur á móti myndi auka hagvöxt í þeim sem myndi síðan flæða um allt Ísland.  

Allar milljarða afskriftirnar hjá ríka fólkinu, meðan lítið er hægt að gera fyrir almenning í landinu, er svo ekki heldur til að auka hróður stjórnarinnar. 

Ég held að þó þessari ríkisstjórn með Vigdísi Hauksdóttur og Guðlaug Þór í fararbroddi takist að lama ríkisútvarpið að einhverju leyti tímabundið, þá verði það þeim sjálfum að fótakefli, vegna þess að það vill nú svo til að það er alveg sama hvar menn eru í sveit settir í samfélaginu og hverjum sem þeir hugnast þá vilja flestir hafa sterkt og öflug ríkisútvarp og frekar bæta í en hitt.  Ég sakna til dæmis ennþá RuvVest og landsbyggðastöðvanna um allt land, þar sem hlúð var að því sem er í nærumhverfinu.  Eins og er snýst þetta meira um Reykjavík og höfuðborgarsvæðið.  Því þarf að breyta. 

 

 

 

 

 

 

 

 

 

 

 

 

 

 

 

Eigið góðan dag elskurnar, ég er farin inn í kirkjugarð með ljósakross fyrir drenginn minn, áður en óveðrið skellur aftur á.

Athugasemdir

[Ómar Geirsson, 13.12.2014 kl. 15:06]

Góð grein Ásthildur.

Takk fyrir hana.

Kveðja að austan.

[Ásthildur Cesil Þórðardóttir, 13.12.2014 kl. 15:40]

Takk fyrir innlitið Ómar.  

[Torfi Agnars Jónsson (IP-tala skráð) 13.12.2014 kl. 17:34]

Þakka fyrir góða grein.

[Ásthildur Cesil Þórðardóttir, 13.12.2014 kl. 17:54]

Takk fyrir innlitið Torfi, mín er ánægjan. 

[Gunnar Skúli Ármannsson, 13.12.2014 kl. 18:44]

Mjög góð grein Ásthildur. Takk fyrir.

[Ásthildur Cesil Þórðardóttir, 13.12.2014 kl. 19:45]

Og svo er nýjasti brandarinn um tillögur um flutning ríkisfyrirtækja út á land: 

http://eyjan.pressan.is/frettir/2014/12/13/tillogur-um-flutning-stofnana-nordur-a-land-radherrar-sjalfstaedisflokks-sagdir-litt-hrifnir/?fb_comment_id=fbc_670388733077716_670391909744065_670391909744065#f2e6c0dd44

Í kvöldfréttum RÚV var greint frá því að ríkisstjórnin hafi með skömmum fyrirvara verið kölluð til fundar síðdegis í gær til að ræða tillögur hópsins. Segir að tillögurnar séu „nokkuð róttækar“ og fela meðal annars í sér flutning skipareksturs Landhelgisgæslunnar í Skagafjörð, flutning Rarik á Sauðárkrók, eflingu Vinnumálastofnunar á Skagaströnd, eflingu menntastofnana á svæðinu og byggingu gagnavers á Blönduósi.

Herma heimildir fréttastofunnar jafnframt að tillögurnar, sem ekki hafa verið gerðar opinberar, hafi fallið í grýttan jarðveg hjá ráðherrum Sjálfstæðisflokksins. Kostnaður við tillögurnar er sagður hlaupa á  mörg hundruð milljónum króna.

Formaður nefndarinnar er Stefán Vagn Stefánsson, oddviti Framsóknarflokksins í Skagafirði. Ásmundur Einar Daðason, þingmaður Framsóknarflokksins í Norðvesturkjördæmi og aðstoðarmaður forsætisráðherra, er einnig starfsmaður nefndarinnar.

Þetta er í raun og veru óborganlega fyndið.  

Má ekki allt eins flytja forsætisráðuneytið á Borgarfjörð eystri, eða Skattrannsóknarstjóra til Súðavíkur?  

 

Æ ég er eiginlega farin að fá magaverk af hlátri yfir þessu, svo og vandræðagangi sjálfstæðismanna, því þeim lýst ekkert á þetta eftir viðtökunum að dæma, en samt létu þeir sig hafa það að skipa þessa nefnd með eintómum framsóknarmönnum fyrir stórfé.  Við hverju bjuggust þeir?

[Ásthildur Cesil Þórðardóttir, 14.12.2014 kl. 01:46]

Við vorum að ræða saman í kvöld hjónin yfir góðu rauðvínsglasi eftir góða steit "lambalæri" að við mundum hvorugt eftir fjörutíu ára afmælinu, hins vegar mundum við vel eftir 50 ára afmæli okkar og síðan 60 ára sem við héldum sameiginlega þó fjórir mánuðir skilji að héldum við upp á 120 ára afmæli, og nú í sumar hvort í sínu lagi upp á sjötugsafmæli svo sannarlega var eftir tekið.  En sorrý fjörutíu ára afmælið bara var ekki í minningunni, svo sennilega höfum við bara alls ekki haldið upp á þann veigamikla atburð. Held meira að segja að við höfum haft partý þegar við urðum þrítug.

Hverslagt vitleysa er þetta eiginlega, ef eitthvað er hallærislegt þá er það að sjálfur forsætisráðherra þjóðarinnar skrópi í vinnunni, þegar verið er að ræða málefni sem skipta miklu máli fyrir þjóðina, vegna þess að hann þarf að halda upp á fjörutíu ára afmæli eiginkonunnar.  Lítið í eigin barm félagar og hugsði um það hvor þetta sé í alvörunni í lagi? 

[Snorri Hansson, 14.12.2014 kl. 02:42]

Ásthildur, ég  get ekki séð neitt  skelfilegt við það að Ruv endurskoði sinn rekstur , frekar en öll alvöru fyrirtæki. Það er ekkert heilagt í rekstri. Það þarf stöðugt að athuga hvort yfirmenn og aðstoðarmenn þeirra séu orðnir of margir. Ríkisútvarpið er framleiðslu fyrirtæki sem þarf stöðugt að endurskoða framleiðslu sína  og verklag.

[Ásthildur Cesil Þórðardóttir, 14.12.2014 kl. 10:58]

Við erum ekki að tala um að endurskoða rekstur til að hagræða í rekstri, eftir því sem sagt er þá er um að ræða að bæði rás1 og 2 verði skert svo verulega að þær verða nánast lagðar niður.  

Auðvitað þurfa allar stofnanir að spara, en finnst þér það sparnaður til dæmis þegar forsætisráðherrann er búinn að raða í kring um sig sjö manneskjum sem eru að vinna undir honum?  Á þá ekki að gera þær sparnaðarkröfur á öllum stöðum í ríkisrekstrinum.  Nú er verið að gera áægtum um flutning a.m.k. þriggja stofnana norður í land, og sagt að það kosti milljarða, einnig flutningur fiskistofu norður, heldurðu að þessir flutningar séu forgangsmál?

[Jens Guð, 15.12.2014 kl. 00:05]

  Þetta er snilldar samantekt hjá þér,  Ásthildur Cesil.  Ég kvitta undir hvert orð.  

[Ásthildur Cesil Þórðardóttir, 15.12.2014 kl. 10:18]

Takk fyrir það Jens minn.