Veður.

Datt þetta í hug í morgun.

Napur vindur næðir,

nístir merg og bein.

Yfir gróður æðir,

og ísakaldan stein.

Hafið blágrænt bærist

báran rísa má.

Á toppum fuglinn færist

á ferð um úfin sjá.

Fjöllin ill'um farinn

fögur tignarleg,

björt og snævibarinn,

banvæn flóð um veg.

 

Allt ég þetta eygi

út um gluggann minn.

Á þessum dramadegi

dýrð samt innra finn.

Æðurinn hann elskar

úfið sjávarfans

Kúrir undir kröppum

köldum öldudans.

Mávur ofar mari

mjög svo svífur hátt,

frjáls um loftið fari

fugl með geðið kátt.

 

Þó úti allt áfram æði

og ýfi manna þel.

Þá inni gefst nokk næði

sem nýtist býsna vel.

 

 000

 

Enn syrtir aftur

og ísingin fer,

á gluggann minn góða

grámylan ber.

Grár vindur með vetrarins hríðir.

 

Suðvestan sinningur

sest nú að mér.

grípur mitt geðslag og

glottir með sér

gamnar og, tryllir og stríðir.

     

Vonandi eigið þið góðan dag. 

 

 

 

Athugasemdir

[Jenný Anna Baldursdóttir, 21.3.2007 kl. 13:28]

Úff ískaldar myndir og í stíl við þennan hrollkalda dag. Myndir af þér Ásthildur með blóumunum reddar þó heilmiklu.  Æðislega er hugglegt þarna hjá þér í kúluhúsinu

[Ásthildur Cesil Þórðardóttir, 21.3.2007 kl. 13:31]

Takk mín kæra.  Já það er notalegt. Og vindurinn hvín úti.

[Hrönn Sigurðardóttir, 21.3.2007 kl. 13:32]

Kuldalegt - en fallegt. Allt nema þú - sem ert BARA falleg

Eigðu góðan dag

[Hrönn Sigurðardóttir, 21.3.2007 kl. 13:33]

....áttu mynd af húsinu þínu?

[Anna Ólafsdóttir (anno) (IP-tala skráð) 21.3.2007 kl. 14:18]

Þegar ég heyri um svona veður þarna fyrir vestan verð ég dálítið sjálflæg (þegar ég er búin að fyllast samúð með ykkur;) og óttast mest að hálfkaraða vinnuskúrsbyggingin sem byrjað var á að Nesi í sumar sé fokin á haf út. Mér skilst að Nesbærinn standi þannig að þar komi mjög snarpar vindhviður í ákveðnum eða ákveðinni átt og þær eiri engu. Jónas í Æðey og Sigfús föðurbróðir voru eitthvað búnir að fræða mig um hvaða átt er verst en það er þetta með skammtímaminnið, það bregst á ögurstund :(. Ef þú þekkir einhvern sjómann sem siglir reglulega þarna hjá væri vel þegið að fá fréttir.

[Ásthildur Cesil Þórðardóttir, 21.3.2007 kl. 14:45]

Ég skal setja inn mynd af húsinu mínu Hrönn mín.

Anna það er ekkert mál að fá upplýsingar Nes hvar er það nákvæmlega ?

[Ásthildur Cesil Þórðardóttir, 21.3.2007 kl. 14:48]

Jæja hér er komin nýleg mynd af húsinu.  En ég skal seinna setja fleiri myndir á sérstökum þræði. 

[Hrönn Sigurðardóttir, 21.3.2007 kl. 15:02]

hehehehehhe skemmtileg mynd, skemmtilegt hús

takk

[Ásdís Sigurðardóttir, 21.3.2007 kl. 16:50]

ég á afskaplega fallegt ljóð eftir þig sem ég klippti út úr lesbókinni  það er  "Hugvekja til sonar"

[Jón Steinar Ragnarsson, 21.3.2007 kl. 17:40]

Ja, hérna hér. Þú átt þér svei mér leyndar hliðar.  Dýrt kveðið og þjóðlegt. Takk fyrir.

[Ásthildur Cesil Þórðardóttir, 21.3.2007 kl. 17:41]

Já Ásdís mín, þar var ég að semja mig frá sársaukanum yfir honum.  Sem betur fer hefur hann náð sér á strik 7 9 13, eins og er allavega. 

[Ásthildur Cesil Þórðardóttir, 21.3.2007 kl. 17:44]

Takk Jón Steinar minn  ég sat í morgun og horfði á úfin sjóinn of hvítfrissandi öldur, æðarfuglana sem flutu ofan á bárunum og mávana sveimandi hátt yfir.  Fjallið handann fjarðarins lokað vegna snjóflóða, en allt samt einhvernveginn svo í harmoní við veðrið.  Og þá kom þetta svona upp í kollinn á mér.

Hrönn mín ég er ákveðin í að sýna meira af húsinu mínu hér seinna.

[Kristín Katla Árnadóttir, 21.3.2007 kl. 18:33]

Já manni verður kalt úff.

[Anna Benkovic Mikaelsdóttir, 21.3.2007 kl. 20:13]

Þú ert túlipanaflott....ég er á leiðinni...alltaf á leiðinni....Til þess að setjast að á vestfirðum!

[Ásthildur Cesil Þórðardóttir, 21.3.2007 kl. 20:25]

Jamm Elena mín, nú situr maður og vonar að rafmagnið haldist inni.

Komdu bara Anna mín.  Það væri gaman ef þú kæmir. 

[Rannveig Höskuldsdóttir (IP-tala skráð) 21.3.2007 kl. 20:40]

Mikil kveðskapur og góður.'Eg verð að senda Brynju systir slóðina þína hún verður bara að sjá þessar myndir.

kveðja

[Ásthildur Cesil Þórðardóttir, 21.3.2007 kl. 21:37]

Skilaðu góðri kveðju til fyrrverandi nágrannakonu minnar.

[Anna Benkovic Mikaelsdóttir, 21.3.2007 kl. 23:15]

...er á leiðinni ...alltaf á leiðinnini....til þess að segja þér....hve heitt..ég elska þig...

alltaf á leiðinni...

Anna 

[Loon, 23.3.2007 kl. 23:01]

Kæra Cesil.

Takk fyrir þessar fínu myndir og fallegu orð. Þú ert alltaf söm.

[Ásthildur Cesil Þórðardóttir, 24.3.2007 kl. 00:33]

Takk Lómur minn, eigum við að taka smá rúnt og hreinsa klóið