Sóli skín á mig í dag.

Og alla hina ísfirðingana og nágranna.  Það er bara yndislegt þegar veðrið er svona gott.  Og við sem þekkjum sólarleysið yfir háveturinn fögnum sérstaklega, því við vitum hve grátt og leiðinlegt það getur verið að sjá sólina bara í hillingum og fjarlægð.

Svona veður eykur manni von og lífsþrótt.  Við verðum tilbúnari að berjast fyrir tilveru okkar.  Og við munum sigra.  Áfram Vestfirðir.

Athugasemdir

[Birna Mjöll Atladóttir, 13.3.2007 kl. 13:24]

Áfram Vestfirðir.
Ertu þá að tala um Vestfriði nær eða Vestfirði fjær?
Eða alla Vestfirði?

[Ásthildur Cesil Þórðardóttir, 13.3.2007 kl. 13:34]

Alla Vestfirði.

Gríp hér niður í tilvitnun í Guðjón Arnar sem er mér greinilega sammála um þetta;

Við þurfum að taka saman einhverjar áherslur til að fara með til ríkisstjórnarinnar, kannski ekki of marga málaflokka, heldur einbeita okkur að atvinnumálunum og því sem kæmi sér best fyrir svæðið. Mér finnst skipta miklu máli tengja saman norður- og suðurfirðina og að Vestfirðir verði settir á flýtiáætlun í samgöngumálum, því það verður að vera greiður aðgangur á milli fólks.“

[Jenný Anna Baldursdóttir, 13.3.2007 kl. 13:40]

Hér skín sólin ekki, en það er fínt að hún skíni á þá réttlátu fyrir vestan. Annars er sólin nöfnu minni 2ja ára töluvert hugleikin.  Hún segir: "Amma sólin elskar Jenny og Jenny elskar sólina" .  Er það nema von, það finna allir lífið streyma þegar þessi gula skín.

[Ásthildur Cesil Þórðardóttir, 13.3.2007 kl. 13:42]

Jú

Blessuðl sólin elskar allt

allt með kossi vekur

Haginn grænn og hjarnið kalt

hennar ástum tekur.  Og litlu Jenný svo sannarlega líka.

[Jón Steinar Ragnarsson, 13.3.2007 kl. 13:54]

Eigum við þá ekki að taka slagorð straumverja í fóstur og kalla baráttuna "Sól í Vestri." (annars minnir það á sólarlag, sem ekki fellur vel að fólki sem heldur hátíð til að fagna sólrisu). Afturelding í vestri væri nær.

[Ásthildur Cesil Þórðardóttir, 13.3.2007 kl. 14:41]

Afturelding í Vestri.  Jamm gott slagorð. 

[Greta Björg Úlfsdóttir, 13.3.2007 kl. 15:11]

Ég er svona að spá í að mæta í óbeisluðu keppnina, er nokkuð of seint að skrá sig? Ekki amalegt að sleikja sól á Vestfjörðunum....

[Ásthildur Cesil Þórðardóttir, 13.3.2007 kl. 15:27]

Nei það er hægt að skrá sig til 1 apríl mín kæra, þá er bara að drífa sig

[Kristín Katla Árnadóttir, 13.3.2007 kl. 16:59]

Það er alltaf gott þegar sólin skín ég vildi að það væri sól núna í RVK. 

[Hrönn Sigurðardóttir, 13.3.2007 kl. 17:01]

....soldið heitt að sleikja sól.......ætli það endi ekki með því að brenna sig á tungunni 

 Sorrý er íslenzkunörd

[Ásthildur Cesil Þórðardóttir, 13.3.2007 kl. 17:41]

ÉG skal bara senda þér smásólarbrot Krístín Katla mín.

Hef tekið eftir því Hrönn

[Birna Mjöll Atladóttir, 13.3.2007 kl. 20:08]

Veist það að gapið milli norður og suðursvæðið breikkar ár frá ári.  Þá er ég ekki að tala um samgöngur.
Ég er að tala um fólkið,  ég er að tala um að flestum sem ég er í sambandi við, finnst að Ísfirðingar sjái ekki út fyrir Ísafjörð.
Þessi rígur er að verða verri og verri.
Mín kæra, þetta er ekki vettvangur til að ræða ástandið milli svæða, en það skal ég segja þér það er slæmt.
Ef þú hefur áhuga á að ræða þetta frekar þá í gegnum [e-mail]

[Ásthildur Cesil Þórðardóttir, 13.3.2007 kl. 20:15]

Já, mér finnst sorglegt ef svo er.  Því mér finnst við öll tilheyra sama svæði og verðum að standa saman.  Það er okkur öllum fyrir bestu.  Og það lagast um leið og við fáum betri samgöngur.  Það er ótrúlegt hve langt er milli svæðanna á veturna.  Göng og aftur göng, það er málið. 

[Birna Mjöll Atladóttir, 13.3.2007 kl. 21:03]

Nei.

Þetta hefur ekkert með samgöngur að gera, ekki neitt, þetta er fólkið.

 Annars, fór ekki rafmagnið hjá þér??

[Ásthildur Cesil Þórðardóttir, 13.3.2007 kl. 21:52]

Jú það er nýkomið aftur.  Leiðinda veður hér.