Ég held að DV sé búið að vera, bara eftir að auglýsa jarðarförina.

Þetta er merkilegt mál, allir eru ánægðir með Reynir og "virða" hans störf, og svo framvegis.  Hvers vegna þá allur þessi stormur?

Ég er viss um og hef reyndar frétt að Reynir hafi gert vonda hluti, sem ekki eru til eftirbreytni.  En það eru til allt aðrar leiðir til að leysa svona mál en að koma svona fram.  

Sérstaklega var klaufalegt að koma fram með offorsi eins og Leifur World Class gerði með yfirlýsingum um að þetta væri allt gert til að koma Reyni frá.

Bréfið sem hann fékk sent var líka afskaplega andstyggilegt og mannskemmandi.  Og síðast en ekki síst að loka hann úti, en klára ekki málið og segja honum upp.

Þetta lýtur allt að því að einhver hefndaraðgerð sé í gang gegn honum.  

Svo þýðir afskaplega lítið fyrir nýráðin ritstjóra að vera með eitthvað mærðarhjal um ritstjórann fyrrverandi það lítur út eins og eitthvað til að smyrja súkkulaði á hnífsblaðið fyrir kaupendur en ekki að hann "virði" hann svo mikið.

Það byrjar ekki vel, ef menn geta ekki komið hreint fram í upphafi.

Það er ekki sama orð og gjörðir, og reyndi núverandi ritstjóri til dæmis að gefa Reyni tækifæri til að hætta með reisn?  Held ekki, hef ekki séð það, eða er hatrið svona mikið hjá ritstjórninni að þeim nægir ekki sigurinn, heldur þurfi líka að snúa hnífnum í sárinu.  Ja miklir menn eruð þið.  Og svo sannarlega ekki gott inn í framtíðina.  

 Málið er að hver og einn almennilegur maður sættir sig ekki við svona aðfarir, ég geri það allavega ekki, með fullri virðingu.  Ég mun því ekki kaupa þetta blað framvegis.  Þessi ritstjórn og ritstjóri hafa sýnt að þeir eru illa innrættir og hafa ekki í sér þá virðingu fyrir öðru fólki sem ætti að vera frumskilyrði þess að geta rifið blaðið upp úr þessari vitleysu.  Það sýna fyrstu viðbrögð.

Í upphafi skal endinn skoða, þannig verður allt affarasælast, að mínu mati hefur þess ekki verið gætt í þessu ferli, og aðalmálið að niðurlægja fyrrverandi ritstjóra sem allra allra mest.   

 

 

Hallgrímur virðir störf Reynis

Athugasemdir

[Sigurður K Hjaltested (IP-tala skráð) 9.9.2014 kl. 21:01]

Alveg sammála þér.

Þetta er vísbending um það sem koma skal með fjölmiðla

á Íslandi.

Eigendur fjölmiðla á Íslagdi, ætla eins og fyrir hrun, að mata

almenning á þægindafréttum, sem hentar þeim í það og það skiptið.

Er ekki að bera blak af Reyni.

Hann hefði átt að Reyna betur.

M.b.kv.

[Ásthildur Cesil Þórðardóttir, 9.9.2014 kl. 21:52]

Í sjálfu sér hefur þetta ekkert með Reyni sjálfan að gera, heldur þá aðferðarfræði sem notuð er til að bola honum burt, það er bæði ósmekklegt og ruddalegt. Og það þýðir ekkert að koma fram og segja að hann sé virðingarverður og bla bla.... þegar verkin sýna merkin.

[Ásthildur Cesil Þórðardóttir, 9.9.2014 kl. 21:54]

Það hefði verið miklu trúverðuglegra að segja bara satt, að þeim líkaði ekki við hann og hans starfsaðferðir. Heldur en að reyna að telja okkur trú um að þeir ætli að halda áfram með blaðið eins og ekkert hafi ískorist. Af hverju þá allt þetta kjaftæði?

[Jóhann Elíasson, 10.9.2014 kl. 13:06]

Ég er sammála því að þetta sé bara upphafið að endalokunum hjá DV.  Svo er ég nokkuð sannfærður um það að Reynir Traustason og fleiri sem koma frá DV og víðar, séu að undirbúa að koma nýju blaði á koppinn, sem verður ekki til að auka hróður DV.....

[Ásthildur Cesil Þórðardóttir, 10.9.2014 kl. 17:12]

Reynir Traustason hringdi í mig áðan. Hann vildi vita af hverju ég talaði um að hann hefði gert vonda hluti. Ég sagði honum sem var að ágætur kunningi minn haft samband við mig og sagt mér fá umfjöllun um konu, sem var bolað burt úr starfi fyrir vestan, af ráðamönnum þar, og hefði ekki borið sitt barr síðan. Kenndi hann fréttaflutningi DV af málinu eiga þar sök.

Ætla grípa aðeins niður í samtal okkar" Í baráttusætinu var læknirinn á staðnum xxxxxx hjá Sjálfstæðismönnum, en Guðrún Gunnarsdóttir hjá vinstri og miðjuhópnum. Meirihlutinn féll í þessum kosningum. Læknirinn tók því mjög ílla og sagði Guðrun mér að læknirinn hafi sagst ætla að hrekja hana af staðnum. (þetta var í kosningabaráttu) Nú hófst pönkið: Ekki veit ég fjölda níðgreinanna um málið í DV en Guðrún var jú hrakin úr vinnu sinni og rekin úr sveitarstjórn, sem mörgum finnst nú ekkert tilökumál þar sem hún var jú bara kona. Í þessari baráttu glataði hún hins vegar heilsunni og ofnæmiskerfið hrundi. Guðrún þessi átti þrjú systkyni á Vestfjörðum þau Kristinn Gunnarsson, Katrínu Gunnarsdóttur og Karl Ágúst Gunnarsson".

Ég vona að þessi kunningi minn verði mér ekki sár fyrir að setja þetta inn, en það er ekki hægt að neita því að þetta er ljós aðkoma, en hversu mikið hún er DV að kenna veit ég ekki. Enda þekkjum við flest mætavel hvernig fólk hagar sér bak við tjöldin í stjórnsýslunni, þar er af nógu að taka.

Reynir vildi koma því á framfæri að hann hefði aldrei gert neitt rangt, og stigi stoltur frá DV borði.

Það er nokkuð ljóst af viðræðunum við hann að honum var bolað burt, og það gert á ljótan hátt eins og fólki er kunnugt um af fréttum.

Hann vill meina að fólk innan úr Framsóknarflokknum sé þarna framarlega í aðförinni.

Svo er bara að sjá til hvernig blaðinu reiðir af í framtíðinni. En það virðist vera að ekki sé hér um að ræða veglyndi eða óskir um betra blað, heldur þykir mér ljóst að hér er valdabarátta á fullu.

[Jens Guð, 11.9.2014 kl. 00:38]

Burt séð frá öllu öðru í framvindu málsins þykir mér vera verst að Björn Leifsson í World Class hafi lýst því yfir að hann - í krafti fjármagns - hafi það eitt að leiðarljósi að reka ritstjóra fjölmiðils. Kaupa sig frá fréttaflutningi um sig og sína. En ég samfagna honum að aka um á 30 milljón króna jeppa og að hafa haft svigrúm til að gefa dóttur sinn jeppa. Nú er verið að lækka gjöld á þessa fínu jeppa - og flatskjái - um leið og komugjöld sjúklinga eru hækkuð og lyfjakostnaður ásamt matarkostnaði. Afskriftir skulda auðmanna eru á góðu róli. World Class kóngurinn telur brýnt að kaupa sig frá fréttaflutningi. Ég sagði upp áskrift á DV í dag.

[Jóhann Elíasson, 11.9.2014 kl. 08:02]

Burtséð frá öllu írafárinu í kringum DV. TIL HAMINGJU MEÐ DAGINN MÍN KÆRA OG MEGI GÆFAN FYLGJA ÞÉR ALLA TÍÐ.  Bestu árnaðaróskir í "Kúlu".......

[Ásthildur Cesil Þórðardóttir, 11.9.2014 kl. 09:32]

Takk kæri Jóhann.

[Ásthildur Cesil Þórðardóttir, 11.9.2014 kl. 09:32]

Mikið rétt Jens minn. Þetta er allt á svo yndislega góðu róli.... eða þannig.