Nóg að gera.

Fór á fund í morgun með Guðjóni Arnari og Kristni H. Gunnarssyni og fleira góðu fólki í Frjálslyndaflokknum.  Þar var margt skemmtilegt rætt og mikill hugur í okkar fólki.

Svo kl. 14.00 tvö var farið á fundinn í Hömrum, þar var húsfyllir og ljóst að það er þungt í ísfirðingum.  Ólína Þorvarðar stjórnaði fundinum af röggsemi og allir frummælendur fluttu magnþrungnar ræður.  Að öðrum ólöstuðum var Einar Hreinsson sjávarlíffræðingur flottastur.  En öll hin stóðu sig mjög vel.  Frábært fólk með frábærar lausnir. 

Það vakti mikla athygli að enginn af þingmönnum Sjálfstæðisflokks eða Framsóknar sáu sér fært að mæta á þennan baráttufund.  Magnús Stefánsson bað þó fyrir kveðju og tilkynnti veikindi.  Ekkert heyrðist frá hinum.  En þingmenn stjórnarandstöðunnar létu sig ekki vanta og tóku þátt í umræðum.  Ólína fól síðan Guðjóni Arnari að kalla saman fund þingmanna kjördæmisins, og að þeir myndu leggja fram sameiginlegar tillögur til úrbóta fyrir samfélagið hér.  Það verður fróðlegt að fylgjast með hvort slíkt lítur dagsins ljós. 

Ég er stollt af mínu fólki, og framgöngu um að halda þennan góða fund.  Hér er mannauður mikill, og ekkert að kvíða í því sambandi.  Málið er að ná vopnum okkar og fá frelsi til athafna, fá það sem okkur ber.  Við viljum ekki ölmusu, heldur tækifæri til að bjarga okkur með þær náttúruauðlyndir sem við höfum hér.  Ef það verður leiðrétt kvíði ég ekki framtíðinni.

Áfram Vestfirðir. 

Athugasemdir

[Jón Steinar Ragnarsson, 11.3.2007 kl. 20:17]

'Eg hef heimabæinn minn með í bænum mínum.  Það er góðs viti að umræðan um fiskveiðar og auðlindarétt er komin upp á yfirborðið. Ef það er einu sýnilegu áhrifin af þessu "oxymoron" af stjórnarskrárfrumvarpi, þá er tilgangnum náð.  Það væri þjóðráð fyrir flokkinn að setja þróun og eðli kvótamálsins fram í einfaldaðri, skírri og skilmerkilegri framsetningu, eins og ég var að bisa við á blogginu mínu um daginn.  Það skilja nefnilega fæstir hvað um er að ræða og á meðan svo er, þá er þetta bara leiðinleg tugga og stagl. Að gera þessi málefni skiljanlegri út frá sögulegu samhengi, eins og við myndum gera fyrir skólakrakka, mun afla ykkur fylgis.  Ég er ekki bundinn neinum flokki og vil ekki slást í hóp ykkar meðan Jón Magnússon er þar inni.  Hef mínar ástæður fyrir því.  

[Anna Benkovic Mikaelsdóttir, 11.3.2007 kl. 20:23]

Treysti á þig Ásthildur mín, aðdraga fram hið jákvæða um innflytjendur...en auðvitað erum við bara 300.000 Íslendingar og það skal ræða!  sbr bloggið mitt um pabba!

[Jenný Anna Baldursdóttir, 11.3.2007 kl. 21:12]

Þið eruð flott í baráttunni fyrir framtíðinni þarna fyrir vestan.  Amk stjórnarandstöðuflokkarnir.  Áfram, áfram

[Ásthildur Cesil Þórðardóttir, 11.3.2007 kl. 21:14]

Einmitt Arna mín.  Það skiptir máli að láta sig málið varða.

Jón Streinar mikið rétt.  Það þarf að setja þetta skilmerkilega fram.  Hvað varðar Jón Magnússon, þá er eitthvað karma í gangi með þann mann og meirihluta þjóðarinnar.  Á eftir að fara betur ofan í þá sauma.  Þar er eitthvað sem vert er að kafa ofan í. 

En þú ert samt alltaf velkominn en ég virði ákvörðun þína.

Anna mín, ég mun gera mitt til þess að draga það besta fram.  Í raun og veru er fullur vilji hjá mínum félögum að gera allt það besta fyrir fólk sem hér hefur sest að, til að vernda hagsmuni þeirra, og þeirra sem hingað vilja koma. 

En veistu að landið hefur verið lokað fyrir flóttamönnum nú um margra ára skeið.  Því miður.  Og því þarf að breyta. Við eigum að geta tekið sómasamlega á móti fólki sem þarf að flýja heimkynni sín.  Og reyndar allra sem hingað vilja koma og eiga heima.  Við eigum að sjá til þess að þeim sé sýnd virðing og traust.  Og búa sem best í haginn.  Þannig á að taka á móti fólki. 

[Matthildur Ágústa Helgadóttir Jónudóttir, 11.3.2007 kl. 21:24]

Hvernig eigum við að túlka fjarveru og þögn þessara manna öðru vísi en svo að þeir vilji stimpla sig út úr pólitík á Vestfjörðum.  Á minni síðu skora ég á fólk að kjósa ekki þessa menn. 

[Ásthildur Cesil Þórðardóttir, 11.3.2007 kl. 21:37]

Takk Jenný mín  Einmitt Matthildur, það er bara hægt að túlka það á einn veg.  Þeim er hreint alveg sama um hvað verður.  Ég tek undir þá áskorun. 

[Anna Benkovic Mikaelsdóttir, 11.3.2007 kl. 22:02]

já Ásthildur, kannski ertu "opnari" en ég, en ég er svo hrædd um að hér skapist gjá, ef ekki er löggð áhersla á tungumál og menningu!

...bjó 6 ár í Danmörk og vil ekki gera sömu mistök og þar voru gerð...eins og að neita innflytjendum um dönskunám...vegna þess að þeir myndu flytja til baka!..og margt fleira. EN ÞETTA VORU INNFLYTJENDUR FRÁ UTAN EVRÓPU!

Um það er varla að ræða á Íslandi...og þar með eru líkurnar á því að innflytjendur flytja til baka meiri!

Aðal orsakavaldurinn er "ör hagvöxtur"...með atvinnuleysi væri þessi vandi ekki á Íslandi!

Flóttamenn, (eins og pabbi minn eru ekki til ). 

[Kristín Katla Árnadóttir, 11.3.2007 kl. 22:44]

Þú ert alveg frábær kona Ásthildur mín.

[Katrín, 11.3.2007 kl. 23:42]

Ef ég man það rétt hafa um 120 flóttamenn óskað eftir hælisvist á Íslandi...ennþá ekkert verið gert í þeirra málum.  

Fundurinn ágætur fram að framboðsræðum Samfylkingarmanna

[Jón Steinar Ragnarsson, 12.3.2007 kl. 00:59]

Ómar Ragnarsson er ógisslega abbó út af því að fiskveiðimálin eru að stela senunni að virkjanaandstæðingum.  Ótrúlegur pistill á blogginu hans.

[Jóhannes Ragnarsson, 12.3.2007 kl. 07:17]

Það er aðeins eitt sem vestfirðingar geta gert varðandi fyrirlitlega fjarveru þingmanna Sjálfstæðis- Framsóknarflokks og það er að ljá þeim ekki atkvæði sitt í kosningunum i vor. Ég hef svosem lengi haft mínar efasemdir um þessa háttvirtu og hæstvirtu þingmenn og ráðherra, en að þeir væru eins auðvirðilegir og fjarvera þeirra á Ísafjarðarfundinum ber vitni, hafði mér aldrei dottið í hug.

Áfram vestfirðingar, fylgið nú ykkar mikla baráttufundi eftir af fullri einurð. 

[Ásthildur Cesil Þórðardóttir, 12.3.2007 kl. 10:20]

Anna mín vegna þess að Frjálslyndi flokkurinn opnaði þessa umræðu var strax gripið til þess að leggja aukið fjármagn í tungumálakennslu.  Það er alveg hárrétt hjá þér, málið er mjög nauðsynlegt til að fólk geti staðið á réttindum sínum, og bara allt personulegt.  Farið til læknis með veikindi, án þess að þurfa að hafa túlk jafnvel með viðkvæm mál sem fólk vill ræða í einrúmi við lækninn sinn en getur ekki vegna tungumálsins.  Ég hef þurft að fara með einni úr minni fjölskyldu til læknis til að túlka, það er erfitt fyrir fólk.

Jamm hehehe framboðsræðurnar, Einar tók á því máli ansi harkalega.

Takk Kristín Katla mín.

Þarf að lesa þetta eftir Ómar.  Jamm ætli sjávarútvegsmálin verði ekki ofarlega í vor.  Hugsa það.  Við munum allavega leggja mikla áherslu á það okkar fólk.

Takk fyrir brýningu Jóhannes minn og ég tek undir þetta.  Munum það í vor hve áhugalausir stjórnarþingmenn voru þegar lagt var í baráttufund af fullum þunga og einurð. 

[Hrönn Sigurðardóttir, 12.3.2007 kl. 11:52]

flott mynd, falleg birta á henni. Hvað er það sem ég sé þar?

[Ásthildur Cesil Þórðardóttir, 12.3.2007 kl. 12:49]

Já það var eitt af því sem rætt var um að loforð um þjónustukjarna væru efndar. En það vill brenna við að menn muni ekki það semþeir lofa, sérstaklega ef það er í aðdraganda kosninga. 

Hrönn mín, þetta er útsýnið frá mínum bæjardyrum, þarna sérðu Kirkjubólshlíðina og Kubbann.  Inn í Engidalinn öðru megin við Kubban og Seljalandsdalinn hinumegin. Birtan er mjög sérkennileg og falleg.  Vildi festa hana á filmu.  Finnst líka gaman að skýjunum.  Þau eru breytileg og óendanlegt myndefni.  Takk.

[Hrönn Sigurðardóttir, 12.3.2007 kl. 12:51]

heppin ertu!

[Ásthildur Cesil Þórðardóttir, 12.3.2007 kl. 19:50]

Já ég er sko Heppin Hrönn mín. 

[Birna Mjöll Atladóttir, 13.3.2007 kl. 13:03]

Áfram Vestfirðir.
Ertu þá að meina Vestfirðir nær eða Vestfirðir fjær?  Eða ertu að meina allir Vestfirðir???

[Ásthildur Cesil Þórðardóttir, 13.3.2007 kl. 13:22]

Allir Vestfirðir, við verðum að gera þá kröfu að við getum ferðast milli staða hér á öllum Vestfjörðum.   Einungis þannig getum við orðið sameinuð og unnið saman að uppbyggingu.  Við öll sem erum á þessum kjálka.