Bara að láta vita...

Botti litli dó í dag.  Hann átti að fara í þriðju meðferðina, en var látinn áður en til þess kom.  Prakkarinn fer samt í aðra meðferð á morgun til öryggis, annars er hann miklu frískari. 

Og til aðforðast allan misskilning þá er hér átt við fiska Koj en ekki spendýr. 

Blóm og kransar vinsamlegast afþakkaðir en þeir sem vildu minnast hans, vinsamlegar gefið öllum í kring um ykkur knús og bros.  Það  myndi hafa glatt Botta litla. 

Athugasemdir

[Ásthildur Cesil Þórðardóttir, 9.3.2007 kl. 22:33]

Jamm sorglegt, en sennilega var þetta bara best.  Vonandi tekst mér að bjarga Prakkaranum. Keypti annan skammt af Epsomsalti ídag. 

[Anna Benkovic Mikaelsdóttir, 9.3.2007 kl. 22:33]

samúðarkveðja kæra vinkona!

[Jenný Anna Baldursdóttir, 9.3.2007 kl. 22:40]

Ég samhryggist þér kæra bloggvinkona.  Vonandi gengur betur með Prakkarann.

[Ásthildur Cesil Þórðardóttir, 9.3.2007 kl. 22:52]

Takk elskulegu mínar.  Jamm Prakkarinn er miklu sprækari og á morgun fer hann í svona varnar meðferð.  En allir hinir eru frískir sem betur fer. 

[Katrín Snæhólm Baldursdóttir, 9.3.2007 kl. 23:28]

Held að Botti litli hafi átt yndislega síðustu daga svona á hvolfi og virkilega notið þess að sjá veröldin frá öðru sjónarhorni. Og dáið sæll og glaður í litla fiskahjartanu sínu eftir gott líf og gleðilegt í umsjá Cesiljar sinnar.

[Katrín, 9.3.2007 kl. 23:41]

Nú syndir hann í fiskaríki..blessaður karlinn..

[Ásthildur Cesil Þórðardóttir, 10.3.2007 kl. 01:04]

Æ takk elskurnar vonadi er hann í fiskahimnaríki þar sem lífið er allt á hvolfi.  Up side down

[Jón Steinar Ragnarsson, 10.3.2007 kl. 03:49]

Guð tekur vel á móti honum og hann fær ríkulega greitt fyrir gleðina sem hann gaf hér í jarðvistinni. Það er spurning um að kryfja hann til að komast að hvað plagaði hann. Hvort hann var með stíflu eða hvort han var með bólgur og sýkingu. Það er náttúrlega mikilvægt fyrir Prakkarann. Ekki vil ég sjá á eftir honum.  Guð blessi minningu Botta. Hann var fiskur góður.

[Ásthildur Cesil Þórðardóttir, 10.3.2007 kl. 10:23]

Já ætli ég láti ekki hana Siggu mína fá hann til krufningar.  Það þarf að vita hvað þetta var.  Takk Jón Steinar minn. 

[Ragnar Bjarnason, 10.3.2007 kl. 10:34]

Leiðinlegt að heyra en hann hlýtur að hafa það ágætt núna.

[Ásthildur Cesil Þórðardóttir, 10.3.2007 kl. 11:33]

Já greyið vona það.  Hann er komin í plastpoka og á eftir að fara í uppskurð til að athuga banameinið. Ég hef grun um að fóðrið sem ég er með sé of fitandi.  Þarf að ræða við sérfræðingana þarna á Akureyri.  Ég keypti fóðrið hjá þeim. 

[Ásthildur Cesil Þórðardóttir, 10.3.2007 kl. 17:04]

Botti hefur verið krufinn og það kom í ljóst að þessi elska var uppfullur af fitu.  Þannig að það er greinilegt að hinir þurfa að fara í megrun.  Sum sé fóðrið er of fituríkt.  Tengdadóttir mín dýralæknirinn ætlar að hafa samband við sérfræðinga á Keldum og spyrjast fyrir hvað hægt er að gera.  Prakkarinn fer í aðra meðferð í dag, laxeringu.  Hann lagaðist mikið við fyrstu meðferð, en þarf greinilega að fara aftur.  Það er allt tilbúið bara eftir að ná kauða upp úr tjörninni og setja hann í löginn. 

[Þórunn (IP-tala skráð) 10.3.2007 kl. 17:52]

Samúðarkveðja og vonandi tekst þér að bjarga Prakaranum

[Ásthildur Cesil Þórðardóttir, 10.3.2007 kl. 19:10]

Takk Þórunn mín. Vonandi.  Hann er allavega ágætlega sprækur ennþá. 

[Birna Mjöll Atladóttir, 10.3.2007 kl. 22:08]

Æ´, þetta er ,leiðinlegt að heyra.  Ég votta þér samúð mín.
En ég er svolítið hugsi yfir því sem hrjáði hann,(uppfullur af fitu) ég segi nú ekki annað en að ég þakka Guði fyrir að heiti potturinn minn frost sprakk í vetur.
Ef hann hefði  ekki gert það, þá væri ég líklegast núna hjá Botta.  Ég hefði örugglega ekki þolað að vera lengi á hvolfi í pottinum.

En segðu mér annað, er Sigga dýra tengdatóttir þín?

[Ásthildur Cesil Þórðardóttir, 10.3.2007 kl. 22:43]

Já svona eiginlega hún er allavega í fjölskyldunni og börnin hennar ömmubörn, ég á annað þeirra með húð og hári litla Sigurjón Dag, Ólöf Dagmar tók ég bara traustataki og hún er ömmukrúsin mín ásamt hinum 16.