Meðvirkni, hræsni eða gunguskapur.

Daglega berast okkur hrottalegar fréttir af níðingsverkum ísraelsku stjórnarinnar á Gasa, og þeir eru heldur að bæta í en að minnka árásirnar á varnarlaust fólk.  Og allt Hamas að kenna...... eða þannig afsaka þeir árásir á leikvelli, barnaskóla, sjúkrahús og bænahús, jafnvel þar sem þeim hefur verið tilkynnt að saklaust flóttafólk haldi sig.  

 Nú hafa nokkrar þjóðir mið Ameríku skipað heim sendiherrum sínum í Ísrael, til að láta álit sitt í ljós vanþóknun sína á atferli þeirra.  En "lýðræðisríkin" á vesturlöndum horfa upp og niður, eða loka augunum, það má ekki styggja níðingana.  Ég get rétt ímyndað mér hvernig þeir hefðu brugðist við ef þetta væru múslimar að ráðast á Ísrael, þá væri löngu búið að grípa inn í.

En nei, það má ekki slíta stjórnmálasambandi, það má ekki senda harðorðar ályktanir og það má yfirleitt ekki hrófla við þessu krabbameini sem ísraelsríki er þarna.  Krabbamein er yfirleitt aðskotahlutur sem treðst inn þar sem hann á ekkert erindi og yfirtekur svo þann sem ráðist hefur verið á.  Þeim var á sínum tíma sópað þarna undir teppið af vesturveldunum, án þess að hugsa það til enda. 

En hversu lengi ætla ráðamenn í svokölluðum líðræðisríkjum, og sjálfskipaðar heimslöggur, þegar ráðist er inn í önnur lönd svo sem Írak, Afganistan og fleiri, að láta þetta viðgangast?    

Það er eiginlega mál að linni, og að heimurinn fordæmi þessi dráp.  Bandaríkjaforseti hefur lagt blessun sína yfir þessi ósköp og þar með tapað ærunni gagnvart fólki með samvisku.

 Ætla aðrir forystumenn vestursins að gera það sama?

Núna strax á að taka í taumana og stöðva þetta stríð, ég veit að það er hægt, en þið þorið því ekki.  

 

 Það sem einkennir ráðamenn eru annað hvort gunguskapur, þora ekki að koma sér illa við herveldið Ísrael, sem ræður líka öllu meira og minna í Bandaríkjunum, hræsni með að fordæma verknaðinn svona til heimabrúks,  og meðvirkni af því gyðingar áttu svo bágt meðan Adolf var og hét.  

 

En nóg um það af því að veðrið er svo gott hér núna og friðurinn ríkir, ætla ég að setja inn nokkrar myndir út eigin garði, þið getið svo notið þeirra meðan murkað er lífið úr enn fleiti börnum og konum á Gaza... eða þannig.  meina þetta auðvitað ekki, en þetta er mótallinn í ráðamönnum heimsins.  

   

 

 

 

 

 

 

 

 

 

 

 

Er að planta út blómunum sem ekki seldust.  Og fegra minn eigin garð með þeim.  

 

 

 

 

 

 

 

 

 

 

 

 

 

 

 

 

 

Alejandra mín í heimsókn.

 

 

 

 

 

 

 

 

 

 

 

 

Það er sól núna dag eftir dag, sem betur fer, en eftir rigninguna er gróðurinn í góðu standi.

 

 

 

 

 

 

 

 

 

 

 

 

 

 

 

 

 

 

Blóm eru alltaf til yndisauka.

 

 

 

 

 

 

 

 

 

 

 

 

Þetta fyrirbæri hef ég ekki séð fyrr hér, bara í Noregi og svo í Austurrísku ölpunum, það er eins og skyjahula fossi niður dalinn.  mjög sérkennilegt.

Hér fyrir neðan eru svo tvær myndir sem ég ræð ekki við að setja inn á réttan stað, það er stundum eins og ekki sé hægt að stýra wordinu hér, ég verð stundum ansi pirruð á því.

En auðvitað meinti ég ekki þessi ljótu orð til ykkar hér að ofan, ég var bara að gefa smá kinnhest, til að undirstrika hryllingin sem er að eiga sér stað í þessum rituðu orðum.  

Eigið svo góðan dag, og við skulum öll senda hljóða bæn til barnanna á Gaza, Í suður Súdan og ættingja niðurskotnu flugvélarinnar frá Malasíu   

 

Athugasemdir

[Jóhann Elíasson, 31.7.2014 kl. 14:30]

Blómin þín gleðja alltaf.  Bestu kveðjur í kúlu............

[Guðbjörg Snót Jónsdóttir (IP-tala skráð) 31.7.2014 kl. 16:52]

Fallegar og skemmtilegar myndir að vestan, enda alltaf fallegt þarna í góðu veðri. En varðandi þessi ósköp suður við Miðjarðarhaf, þá er ekki gott að segja, hvað er helst til ráða. Þarna hefur verið púðurtunna allt frá Biblíutímum, enda sjáum við það, ef við lesum Gamla testamenntið og hið nýja líka, að það hefur verið barist á banaspjótum út af öllu mögulegu sem ómögulegu þarna suðurfrá. Það hefur aldrei verið friður þar nokkurn tíma og greinilega ærið herskáar og blóðheitar þjóðir, sem byggja þessi lönd. Það er erfitt að eiga við svoleiðis fólk. Það er eins og þessir ísraelsku herrar þarna fari sínar eigin leiðir og hirði ekkert um álit heimsins á sér, eitt eða neitt. Það kemur svo sem ekki á óvart, að Bandaríkin skuli draga svona taum Ísraelsmanna, eins og þeir hafa alltaf gert, þar sem svo margir Gyðingar eru búsettir í Bandaríkjunum, sem má ekki stuða. Það er svo sem engin ný bóla í dag, að megi ekki stuða þennan eða hinn. Þetta hefur alltaf viðgengist. Þó að við höfum viðurkennt Palestínu sem sjálfstætt ríki - í óþökk annarra ríkja, - þá er það gallinn í þessarri deilu, að Palestína er ekki viðurkennd sem slíkt, og Ísraelsmenn þykjast eiga þetta landssvæði með réttu og mega haga sér eins og þeim sýnist þar, jafnvel fremja stríðsglæpi þess vegna, í vissu þess, að fáir mundu kæra þá. Það virðist svo vera sem þeir haldi sig svo örugga og ósnertanlega, að þeir geti komist upp með allt. Þetta er nú líka einu sinni Landið helga. Hins vegar virðist mér sem Ísrael líti nokkuð svipuðum augum á Palestínu og Kínverjar líta á Tíbet, og finnist öðrum ekki koma það neitt við, hvað þeir eru að bardúsa þarna suðurfrá til landvinninga, jafnvel fremja þjóðarmorð þess vegna. Þeir þykjast mega það, þar sem þeir virðast líta á sig sem ósnertanlega, því að þeir eiga vin og bandamann, þar sem Bandaríkin eru, og þá getur enginn sagt eða gert neitt, án þess að fá Sám frænda yfir sig. Þetta virðist mér vera hugsun þeirra. Það er samt alveg rétt, að það er kominn tími til, að þjóðir heims geri bæði þeim og Bandaríkjunum grein fyrir því, að það verður ekki allt liðið af þeirra hálfu, og Palestínumenn eru fólk eins og þeir og allir aðrir. Að ráðast líka á stofnanir SÞ á þessu landssvæði, hefði ég haldið að væri nógu alvarlegt mál til að þjóðir heims vakni og sendi Bandaríkjunum tóninn og reyni að vekja þá til umhugsunar a.m.k. um alvöru málsins, og sömuleiðis ættu SÞ sjálf að ýta við Bandaríkjaforseta og hans nótum, og senda Ísraelsmönnum tóninn og fordæma það, sem þeir eru að gera, því að jafnvel í stríðsrekstri verður að virða friðhelgi SÞ og annarra slíkra aðila, og ætti vissulega að draga Ísraelsmenn til ábyrgðar fyrir dómstóla fyrir slík brot, því að það er það alvarlegasta í þessu máli, finnst mér. Það verður að gera Ísraelsmönnum grein fyrir, að þeir hafa þar farið langt yfir strikið og út fyrir sín mörk. Það myndi líka verða Bandaríkjunum víti til varnaðar, ef Ísraelher yrði kærður fyrir slíkt brot og stríðsglæpi gegn mannkyni. Vandamálið er bara, að enginn virðist þora að ganga svo langt, og þar við situr.

[Anna Sigríður Guðmundsdóttir, 31.7.2014 kl. 17:51]

Obama lét í ljósi áhyggjur af blóðsúthellingum á Gasa í yfirlýsingu á sunnudag og krafðist þess að komið yrði á ,,skilyrðislausu vopnahléi án tafar". Fréttaskýrendur sögðu að Obama hefði í raun sett stjórn Ísraels úrslitakosti og nokkrir þeirra sökuðu jafnvel stjórn hans um að hafa snúið baki við Ísraelum.

Það er í raun fáránlegt að trúa því að Obama einn og sér geti breytt og bætt stjórnsýslu BNA og heimsins.

Það er ekki allt sem sýnist í þessu útrýmingarleikriti heimsveldis-kauphallar-fjölmiðlanna.

Ég stend með Amnesty, og þeirra kröfu um að stoppa hergagnastuðning!

M.b.kv.

[Helga Kristjánsdóttir, 31.7.2014 kl. 18:23]

Hver kemst ekki við í þessu brjálæði,ég er elst ykkar og byrjaði kornung að lesa fréttir um aftökur gasklefa og flugrán,án þess að alheimselitan gerði nokkuð. Þar til hryðjuverkaböðullinn Arafat hafði afrekað svo mikið að hann fékk friðarverðlaun. Mín lokaorð um það að svo stöddu,margt um manninn erlendir gestir ofl.

[Guðbjörg Snót Jónsdóttir (IP-tala skráð) 31.7.2014 kl. 18:30]

Að sjálfsögðu stend ég sem félagi í AI hér á Íslandi allt frá stofnun líka, að hergagnaflutningur til Ísraelsmanna verði stöðvaður þegar í stað. Það er samt ekki nóg að lýsa yfir áhyggjum, ef framkvæmdir fylgja ekki á eftir, og þessi hergagnaflutningur heldur áfram. Ég mundi fyrst treysta og trúa orðum Obama, ef hann reyndist maður til að stöðva það og taka þátt í að sækja þá til saka, sem fremja þessa stríðsglæpi. Ég hef aldrei trúað því, að Obama geti stjórnað einu eða neinu einn eða breytt einu eða neinu einn og sér. Það er misskilningur hjá Önnu Sigríði, ef hún hefur lesið slíkt út úr orðum mínum og fáránlegt af henni að halda því fram. Bandaríkjaforsetar hafa aldrei getað gert eitt eða neitt til að efla heimsfrið einir og sér í gegnum tíðina, hvorki Obama né aðrir. Ég er búin að fylgjast það mikið með forsetum Bandaríkjanna gegnum árin, að ég hef enga trú á því, að þeir geti gert nokkuð skapaðan hlut til eins eða neitt í þeim efnum. Annars veit maður ekkert, hvað er rétt og ekki rétt í fréttaflutningi af þessum málum í fjölmiðlum. Hins vegar sýna allar fréttamyndir frá þessu svæði, að málið er grafalvarlegt, svo ekki sé fastara að orði kveðið. Það sama má segja um ástandið í Úkraínu.

[Ásthildur Cesil Þórðardóttir, 31.7.2014 kl. 19:52]

þá er það gallinn í þessarri deilu, að Palestína er ekki viðurkennd sem slíkt, og Ísraelsmenn þykjast eiga þetta landssvæði með réttu og mega haga sér eins og þeim sýnist þar, jafnvel fremja stríðsglæpi þess vegna,

Guðbjörg og þið hin takk fyrir ykkar innlegg, en Guðbjörg Snót, ég verð að spyrja um þetta atriði, að ísraelsmenn eigi þetta landsvæði með réttu? það er bara alrangt, þetta var í mörg hundruð ár svæði Palestínu, og gyðingum var plantað þarna af alþjóðasamfélaginu til að gefa þeim landsvæði aftur, sem var í raun búið af Palesktínsku þjóðinni. Það er því alrang að þeir hafi "átt þetta land".

[Anna Sigríður Guðmundsdóttir, 31.7.2014 kl. 20:16]

Guðbjörg Snót. Skrif mín voru á engan hátt beind til þín, og bið ég þig að fyrirgefa mér, ef hægt var að lesa það út úr skrifum mínum. 

Ég bara skrifaði beint frá hjartanu og huganum eins og ég gera alltaf, og núna til stuðnings friðarumleitana Amnesti International. Ég mun ekki stilla mér upp með eða á móti einhverjum flokkum, hverju nafni sem þeir nefnast, heldur einungis styðja mannúð, kærleika og frið.

Friður kemur ekki úr byssuhlaupi. Það er margsannað.

M.b.kv.

[Jens Guð, 31.7.2014 kl. 22:05]

Pistillinn er góður hjá þér, að venju. Ég kvitta undir hvert orð.

[Jens Guð, 31.7.2014 kl. 22:15]

Örfá orð vegna innleggs Guðbjargar Snótar.

Það var nokkuð friðsamt í Palestínu fyrir stofnun Ísraelsríkis.

Gyðingar eru innan við 2% íbúa Bandaríkjanna. Þeir ráða hinsvegar yfir 70% fjármagns og svo gott sem algjörlega yfir helstu fjölmiðlum þar. Bandarískir fjölmiðlar eru rosalega hlutdrægir í þágu Ísraels. Venjulegur Bandaríkjamaður verður ekki var við annað en áróður í þágu Ísraels.

Meira að segja dagblað eins og Washington Post - sem er að öllu jöfnu vandað að virðingu sinni - sló upp fyrirsögn, lýsandi fyrir stemmninguna í USA, á fyrstu dögum helfarar Palestínumanna á Gaza: Fyrirsögnin var: "2 Ísraelar myrtir á Gaza". Á sama tíma voru yfir 300 Palestínumenn drepnir.

[Ásthildur Cesil Þórðardóttir, 31.7.2014 kl. 22:25]

Já Jens og það voru konur og börn í meirihluta þeirra sem drepnir voru á Gaza af völdum Ísraela.

[Egill Þór Sigurgeirsson (IP-tala skráð) 1.8.2014 kl. 01:17]

... " Ég get rétt ímyndað mér hvernig þeir hefðu brugðist við ef þetta væru múslimar að ráðast á Ísrael, þá væri löngu búið að grípa inn í"...... Hvað þýðir þessi setning, Ásthildur?

Eina sem Palestínumenn standa fyrir, og reyndar meirihluta múslima, er eyðing Ísraelsríkis ! Þeir eru búnir að skjóta eldflaugum á Ísrael stanslaust EFTIR að þeir gáfu þeim eftir, endurgjaldslaust, Gaza 2005!

[Guðbjörg Snót Jónsdóttir (IP-tala skráð) 1.8.2014 kl. 10:44]

 Eins og þú bendir réttilega á og tekur upp eftir mér, Ásthildur, þá eiga Ísraelsmenn ekki þetta landssvæði, en þeir þykjast gera það og haga sér líkt og þeir eigi það eða hluta þess a.m.k., einkum og sér í lagi, vegna þess að Gyðingar eru á þessum svokölluðu landnámssvæðum, sem þeir þykjast vilja verja. Það er meinið. Annars er ómögulegt að ráða í það, hvern fjárann þeir eru að hugsa, ef þeir hugsa þá nokkuð. Ég las inni á vef Jótlandspóstsins áðan, að hvor kenni öðrum um að hafa nú rofið friðinn, sem átti að standa. - Þarna var friður lengi framan af síðustu öld eftir samkomulagið, sem var gert á sjöunda áratugnum eftir stríðið þá, þegar Ísrael skilaði einhverju landssvæði þar. Það er rétt. Það virðist samt enginn hafa raunverulegan vilja til að semja um eitt eða neitt í dag, bara berjast til síðasta blóðdropa. En þá var það líka skynsamt fólk, sem réði ríkjum í löndunum, sem kunni að semja frið og lagði sig í lima við að ná samkomulagi sem dugði og halda friðinn. Nú er það svo, að Ísraelsmönnum sé meinilla við Hamassamtökin, og hafa löngum gert það, en nú virðist það hafa versnað, enda engin stjórn á neinu þar. Ég er sammála Páli Vilhjálmssyni, sem sagði á bloggsíðu sinni, að Hamas væri stofnað til þess eins að halda uppi ófriði. Hins vegar verð ég að segja, að þessar árásir Ísraelsmanna eru orðnar svo ómarkvissar. Þeir þykjast vera að berjast við Hamas og reyna að tortíma þeim, en þetta lendir allt viljandi eða óviljandi á saklausum borgurum, mest börnum, sem er óverjandi. Að bombandera stofnanir SÞ er líka óverjandi. Mér virðist þetta orðið algerlega stjórnlaust, miðað við það, sem áður var, t.d. í stríðunum þarna á síðustu öld, enda þá uppi menn, sem höfðu stjórn á hlutunum, eins og Arafat og Golda Meir. Það virðist ekki vera hægt að sansa neinn einasta mann þarna núna. Manni er nær að spyrja, hvernig heimurinn sé orðinn eiginlega. - Af því að var verið að tala um Amnesti International, þá bendi ég á, að inni á netsíðu samtakanna er nú í gangi undirskriftarsöfnun á þeirra vegum um að Bandaríkin stöðvi hergagnaflutninga til Ísrael. Ég var að fá fréttabréf frá þeim um þetta í morgun. Það er hægt að nálgast þetta og skrifa undir á netsíðu þeirra: Amnesti á Íslandi.

[Ásthildur Cesil Þórðardóttir, 1.8.2014 kl. 10:46]

Gáfu þeim eftir eftirgjaldslaust? Ísraelsríki var stofnað til að gefa gyðingum griðarstað. Þeir voru fluttir að þarna, og hafa valtað yfir heimamenn. Reyndar leit út í upphafi að þeir gætu lifað saman í friði, en það er því miður löngu liðin tíð, og yfirgangur ísraelsmanna, þ.e. ráðamanna er orðin þjóðarmein. Það sést núna að þeir svífast enskis til að murka lífið úr heilli þjóð. Þeir gætu auðveldlega lagt áherslu á að drepa ráðamenn Hamas, þeir hafa sýnt það áður að leyniþjónusta þeirra drepur þá sem þeir vilja losna við. Núna eru þeir að láta reyna á hvað þeir geta gengið langt áður en heimsbyggðinni tekur til sinna ráða.

Þeir skjóta á barnaskóla, griðarstaði flóttamanna sem þeir sjálfir hafa varað við, börn að leik og bænastaði. Ég held að enginn þjóð hafi gengið jafn langt í níðingsskap, nema einhverjir villimenn, sem engu eira, en þessir telja sig til siðmenntaðra þjóða, þó þeir eigi engann rétt á því lengur.

[Ásthildur Cesil Þórðardóttir, 1.8.2014 kl. 10:49]

Einmitt tek undir með þér Guðbjörg, takk fyrir þín góðu innlegg.

[Sigurður Rósant, 1.8.2014 kl. 13:36]

Má ekki bjóða þér í göngutúr í ein göngin sem Ísraelsmenn hafa styrkt Palestínumenn í að byggja? Fréttamaður CNN segir hér frá ferð sinni í ein slík, sem eru 45 fet eða 13,7 metra undir yfirborðinu og eru um 3 km löng. Palestínumenn sögðust vera að byggja skóla, sjúkrahús og fleira með þeim efnivið sem Ísraelsmenn sköffuðu þeim í mörg ár. Á meðan Ísraelsmenn voru að hamast við að byggja múr sinn til að draga úr árásarhættu frá Palestínu, byggðu Palestínumenn fjöldann allan af göngum undir múrinn í árásarskyni.

Heldur þú Cesil að Palestínumenn hafi hannað þau fyrir skemmtigöngur vegna hitans á Gaza ströndinni? Sjá hér.

[Ásthildur Cesil Þórðardóttir, 1.8.2014 kl. 15:17]

Nei það held ég ekki Sigurður. En mér virðist fólk líta fram hjá aðalatriðinu, af hverju varð þetta hatur í upphafi? Það skyldi þó ekki hafa verið vegna framgöngu Ísraels í að eyðileggja lifibrauð Palestínu? Þeir hafa farið með stórvirk tæki á akra þeirra, til að eyðileggja afurðir þeirra. Hér í upphafi voru appelsínur og ólífur fluttar út frá Palestínu, þeir voru mestu útflutningsaðilar á appelsínum. Núna eru Ísraelsmenn búnir að gjörrústa þessum ökrum og sjá til þess að þessi þjóð er orðin þurfalingar, þeir skammta þeim rafmagn, skammta þeim vatn.

Hvernig heldur þú að við myndum bregðast við að vera svipt frelsi okkar á þennan hrottalega hátt?

Ef forráðamenn Ísraels hefðu hagað sér eins og siðaðir menn og leyft Palestínum að vera efnahagslega sjálfstæðir og virt þeirra tilveru, væri annað þarna. Hatrið byrjar þegar Ísrael byrjar með sína yfirráðastefnu.

Þeir bera því langstærstu ábyrgð á hvernig komið er, og ég er hissa á að nokkur maður skuli geta réttlætt þessa slátrun. Það er bara með ólíkindum.