Nafnlaus eða undir nafni hvað er málið.

Kastljósmaður fer hér mikinn og setur sig á háan hest aldeilis.  Samanber http://sigmarg.blog.is/blog/sigmarg/?nc=1#entry-141477

Þarna fellur karlinn sjálfur í þá sömu gryfju og hann er að saka málverja um, eða að bera gróusögur eða hvað hefur Sigmar fyrir sér í því að Satan, Krúttmoli, JonniIII Assmodeus eða Moran standi fyrir nafnlausa bréfinu?  Hann vill ef til vill gera grein fyrir því.  Eða er þetta dæmi um sannleiksgildi fréttamannsins.  Slúður og gróusögur. Þó þessir menn skrifi undir nafnleynd, þá eru persónur þarna á bak við.  Og það er ekki víst að þeir vilji að nafn þeirra sé bendlað við svona bréf. 

Annars get ég bent Sigmari á að það er fylgir ekki endilega nafnleysi að vera með heimsku og illgjörn skrif.  Má ég benda honum á nýleg skrif Guðbjargar Kolbeins hér á Moggabloggi og hvaðan skyldi eftirfarandi komment vera komið.  

Athugasemdir

1

Má ég benda þér á að þetta eru loforð Ríkisstjórnar sem er verið að uppfylla,það þarf 2 í tangó,ekki bara Sjálfstæðisflokkin þó þið haldið oft að svo sé.Ég þoli ekki þessa djöfulsins valdníðslu sem þessir helvítis Lögmenn Sjálfstæðisflokksins eru endalaust með á þjóð vorri,og fremstur er gungan og lygalaupurinn Davið aumingi Oddson,ég skal mæta honum hvenær sem er og hvar sem er og ég mundi brjóta hann eins og peð,því í mínum augum er hann minna en ekki neitt.

Sjálfur ertu lítill pappi sem flúðir Selfoss með allt í klessu,og ættir að hætta afskiptum af stjórnmálum,enda hefur þú ekkert fram að færa frekar en fyrridaginn.

Virðingafyllst Úlfar B Aspar.

Eftir palladóm Sigmars mætti hver málverji vera hreykinn af þessum skrifum.

Málið er að margir blaða og frétta menn hafa horn í síðu Málefnanna, alls ekki allir, en margir.  Ég held að þar sé einhverskonar öfund á ferðinni.  Eða allavega einhver vanmáttarkennd. 

Það eru margir góðir pennar sem skrifa undir nafnleynd á málefnunum, og halla aldrei máli á nokkurn mann á ósanngjarnan hátt, á sama hátt og fólk sem skrifar undir nafni getur misst sig þó það skrifi sem slíkir. 

Auðvitað er misjafn sauður í mörgu fé.  En þannig er það allstaðar, og er ekkert bundið við spjallvefi frekar en blogg eða annað sem manneskjur taka sér fyrir hendur. 

 

Fólk sem endalaust þarf að stæra sig og upphefja á annara kostnað segir mér bara að það vantar eitthvað upp á sjálfstraustið. 

 

Annars get ég sagt honum að það eru margir málverjar sem skrifa undir nafni, eða gefa upp hverjir þeir eru.  Og mér sýnist nú að hér skrifi sumir undir nafnleynd.  Það skyldi þó ekki vera að ástandið í þjóðfélaginu sé þannig háttað að sumir hreinlega þori ekki að láta í ljósi skoðanir sínar nema undir nafnleynd.  Það skyldi þó ekki vera að fólk ætti á hættu allskonar erfiðleika ef það hefur ekki réttar skoðanir.  Það skyldi þó aldrei vera.

Athugasemdir

[Matthildur Ágústa Helgadóttir Jónudóttir, 8.3.2007 kl. 21:53]

Kannski er Matthildur Helgadóttir ekki mitt raunverulega nafn.

[Anna Benkovic Mikaelsdóttir, 8.3.2007 kl. 21:54]

Nei frú Cesil, það gengur ekki í Lýðræðisþjóðfélagi að skrifa ekki undir nafni og ætlast til að vera tekinn alvarlega!  Þetta er hornsteinninn í okkar "opna" þjóðfélagi (láttu mig þekkja hitt...).

Það verður að skrifa undir nafni ...

[Ásthildur Cesil Þórðardóttir, 8.3.2007 kl. 21:59]

Jamm sem ég heiti Ásthildur Cesil. 

[Anna Benkovic Mikaelsdóttir, 8.3.2007 kl. 22:20]

hahahaha.....

[Ásthildur Cesil Þórðardóttir, 8.3.2007 kl. 22:25]

Já og ég er líka viss um að Matthildur Helgadóttir er ekki Helgadóttir og heitir ekki Matthildur

[Jens Guð, 8.3.2007 kl. 23:17]

  Ég átta mig ekki á því hvers vegna sumir skrifa undir dulnefni.  Hvað er svona erfitt við að standa fyrir skoðunum sínum?  Okkar þjóðfélag virkar - þrátt fyrir allt - þannig að skoðanaágreiningur er umborinn. 

  Sjálfur hef ég skrifað í blöð og talað í útvarp í 35 ár.  Verið yfirlýsingaglaður um menn og málefni,  einkum varðandi músík og pólitík.  Það hefur aldrei háð mér svo ég hafi tekið eftir.

  Varðandi nafnlausa bréfið í Baugsfarsanum þá er það skrifað af Sveini Andra Sveinssyni. 

[Kristín Katla Árnadóttir, 8.3.2007 kl. 23:53]

Ég er sammála þér Ásthildur mín.

[Ásthildur Cesil Þórðardóttir, 9.3.2007 kl. 00:35]

Takk fyrir það Kristín mín. 

Veistu þetta Jens minn ?

En ég verð að segja að það er bara þannig í okkar þjóðfélagi að sumum er ekki stætt á því að láta skoðanir sínar í ljósi undir nafni.  Því miður.  'Eg veit það, þekki á eigin skinni, af því að ég hef sjálf gagnrýnt menn og málefni hef ég verið látin gjalda þess.  'Eg get ekki sannað það svart á hvítu, en það er bara þannig.  Sýnir stöðu mína í dag til dæmis.  Og þetta veit fólk.

Ég veit líka að fólki hefur verið hótað atvinnumissi og allskonar slíku ef það vogar sér að láta skoðun sína í ljós.  Og ég veit að margsinnis hafa til dæmis atvinnurekendur í minni sveit hótað starfsfólki sínu, einkum þeim sem eru af erlendu bergi brotnir að þeir missi vinnuna ef þeir kjósa ekki rétt, eða eru með eitthvað múður.  þetta er heldur ekki hægt að sanna, því það getur enginn staðfest neitt... af ótta. Og ef þetta er lýðræðið margumrædda, þá er ég páfagaukur sem ekki er mark á takandi.

Mönnum hefur verið hótað að ef þeir taka sæti á listum ákveðinna flokka lesist F.  Þá missi þeir vinnuna.  Þetta fæst heldur ekki staðfest, þar sem enginn vill eða þorir að standa á þessu.  En þetta er samt sem áður bláköld staðreynd.  Svona er lýðræðið í dag í Bananalýðveldinu Kjánalandi.

Þessu þarf að breyta, og það þarf að ríkja virkt frelsi, þannig að hver sem er litli Jón Jónsson og líka séra Jón þori að koma fram undir nafni og tala hreint út.  Meðan svo er ekki, þá er fullt af fólki sem ræðir sín mál undir dulnefni, og margir eru skíthræddir um að þeir verði gefnir upp.

Við erum ekki í Kína, heldur ekki í Norður Kóreu, ekki einu sinni í Íran.  En ástandið er nú ekki betra en þetta.  Og af hverju ríkir þessi ótti ef engin ástæða er til ? Getur einhver svarað því?

þessi hræðsla er staðreynd og ég veit það og þekki vel.  Vill einhver útskýra af hverju ? Hér er ekki verið að ræða um skítkast eða slíkt heldur fólk sem þorir ekki að tjá sínar pólitísku skoðanir af ótta við að hljóta verra af.

[Ólafur Þórðarson, 9.3.2007 kl. 18:25]

Þeir sem skrifa undir nikki standa undir skoðunum sínum. Hvað er svona erfitt að skilja að það er ekkert skilyrði að skrifa undir nafni. Margir nefndir menn eru að skrifa hluti sem þeir mættu s.s. vel skrifa undir nikki, bara til að gera sig ekki að fíflum.

Hvernig er með fólk sem setur ekki mynd af sér við greinina sína. Er það ekki líka agalegt að fólk noti ekki eigin andlitsmynd, heldur bara eitthvað annað sem það býr til?

Kannski liggur svarið í að sumir eru að leita að innihaldsríkri umræðu, en ekki umræðu um það sjálft. Heyrst hefur að:

Stupid people talk about other people
Average people talk about events
Brilliant people talk about ideas.

Sem sagt þeir sem eru að væla yfir nafnleysum eru í efsta flokknum ef þetta er rétt.

[Ásthildur Cesil Þórðardóttir, 9.3.2007 kl. 22:23]

skynsamlega mælt Veffari minn.  Jamm ætli þetta sé ekki numero uno

[Minna (IP-tala skráð) 10.3.2007 kl. 19:56]

Skrif undir nafni um nafnleysingja á netinu eru ekki það sama og nafnlaus skrif um nafngreinda menn!

Þykir þessi pistill Sigmars nokkuð góður og í stað þess að "við" nafnleysingjarnir á málefnin dott kom hlaupum í vörn ættum við að hugsa okkar gang varðandi það sem við látum frá okkur, ábyrgðarlaust :)

[Ásthildur Cesil Þórðardóttir, 10.3.2007 kl. 20:29]

Auðvitað getur það aldrei orðið það sama Minna mín.  En það sem ég er að reyna að segja er, að það er ekki endilega undir nafni eða nafnlaust sem skiptir máli, heldur að menn beri ábyrgð á því sem þeir setja frá sér.  Dæmin sem ég tók sýna að það er ekki endilega allt gott sem kemur frá fólki þó það skrifi undir nafni, á sama hátt og menn eru oft málefnalegir og kurteisir undir dulnefni.  Þetta er fyrst og fremst undir mönnum sjálfum komið hvort þeir vilja sýna ábyrgð á sjálfum sér og öðrum.