Veðurfregnir á rás2.

Já það er nú svo að það er alltaf verið að tala um góðaveðrið fyrir norðan og austan, En þegar gott veður er á Vestfjörðum er sagt að það sé gott veður á vesturlandi, sjaldnast tekið til Vestfirðir hvað þá Ísafjörður eða aðrir veðursælir staðir. 

 

Þó tók steininn úr í mínum huga í morgun, þegar krakkarnir í morgunútvarpinu töluðu endalaust um að það væri alltaf svo gott veður fyrir austan og vildu helst bara flytja austur, en bættu svo við að það væri slæmt veður í Bolungarvík, rigning og það við hefðum haft svo vont veður í sumar.

 Þetta er einfaldlega rangt.  Það hefur rignt hér eins og annarsstaðar, en ekkert meira.  Og það er enginn rignin á Ísafirði í dag, og hefur ekki verið, um tvöleiti kom svo sólin og hitinn er ekki untir 15°.

 

 

 

 

 

 

 

 

 

 

 

Þetta er nú vonda veðrið á Ísafirði í dag.

 

 

 

 

 

 

 

 

 

 

 

 

Ekki er vindi fyrir að fara heldur.

 

 

 

 

 

 

 

 

 

 

 

 

 

Skuggar myndast ekki nema það sé sól ekki satt?

 

 

 

 

 

 

 

 

 

 

 

 

 

Þetta er nú ekki beint falleg selfie af mér, en ég er einmitt að fækka fötum vegna þess að ég fór upp á garðplöntustöðina mína í síðum buxum og T-skyrtu en var að drepast úr hita svo ég varð að skipta yfir í bol og stuttbuxur.

 

Ágæta morgunútvarpsfólk, gerið þið ykkur ekki grein fyrir þeim skaða sem þið getið valdið ferðamálasamtökum út um landið með þessum eilífa áróðri um besta veðrir þar og hér?  

Fólk hlustar og ákveður að fara þangað sem sólin er, það eru auðvitað gott mál, en þá verður að gæta þess að rétt sé með farið.  

 

Sem sagt það er alveg óhætt að koma á Ísafjörð, þar er hið besta veður nákvæmlega núna og hefur verið í allan dag, og verður örugglega á morgun líka.  Það eru margir sem segja að best geymda leyndarmálið sé veðurlag á Vestfjörðum.  Það er yfirleitt miklu betra en haldið er fram í útvarpi allra landsmanna.  

Athugasemdir

[Brynja Huld Óskarsdóttir (IP-tala skráð) 15.7.2014 kl. 16:40]

Sæl Ásthildur,

ég er þáttastjórnandi í Morgunútvarpi Rásar 2 og hef grun um að þú sért að rugla saman Morgunútvarpinu (frá kl. 6:45-9) og Virkum morgnum (nú Sumar morgnar, frá 9-12). Ég og meðstjórnandi minn, Bergsteinn Sigurðsson, tölum iðulega lítið um veðrið nema eitthvað meiriháttar gangi á. Í morgun fóru undir 30 sekúndur í að tala um veðrið og voru þá aðeins lesnar veðurhorfur næsta sólahringinn án nokkurra kommenta um hvar væri besta veðrið eða best að búa. Veðurspjall, ef spjall má kalla, hefst á mínútu 22

http://www.ruv.is/sarpurinn/morgunutvarpid/15072014

[Helga Kristjánsdóttir, 16.7.2014 kl. 00:01]

Kannast við það. ég fer oft í fýlu,þegar veðurþulir sletta hendi yfir Vestfirði og skilgreina vesturland,það stendur stutt við. Líklega er það svo einnig um Vestmannaeyjar. Mér er enn í fersku minni,ferð mín með ferjunni Baldri yfir í Brjánslæk. Tvær táningstelpur voru að ræða málin sem ég komst ekki hjá að heyra. Önnur sagði:”Ég hef aldrei komið á draslið sem stendur út úr Íslandi” Meðfætt skopskyn kitlaði hláturtaugar mínar.

[Ásthildur Cesil Þórðardóttir, 16.7.2014 kl. 10:14]

Það var hér fyrir nokkrum árum að ég kom út fyrir kl. 7 að morgni, til að fara í vinnuna, það var glampandi sól og blíðuveður Ísafjarðarlogn. Um leið og ég legg af stað í vinnuna heyri ég að það er frétt um að Ísafjarðarflugvöllug og Vestmanneyja væru lokaðir vegna þoku.

Ég hringdi inn á fréttastofuna og spurði hverju þetta sætti. Nú þetta eru upplýsingar sem eru á símsvara flugfélagsins, svaraði maðurinn.

Ég sagði þá að það væri meiri frétt ef ekki yrði flogið í dag, vegna þess að hér væri rjómablíða og sól.

Þú getur þá væntanleg staðfest að það verði flogið, svaraði fréttamaðurinn.

Nei sagði ég, ég ætla ekki að taka á mig þá ábyrgð að gefa út flugleyfi á Ísafjörð, en ítreka að það væri fréttaefni ef ekki væri flotið.

Við getum ekki annað en farið eftir því sem flugfélagið setur sjálft inn á símsvaran hjá sér, svaraði hann.

Og hvenær var þetta sett inn á símsvarann? spurði ég.

Ætli það hafi nú ekki verið í gærkvöldi. Þannig að ég held nú að betra væri að hafa samband áður en svona frétt er birt.

Annars verð ég að segja það að þið eruð ansi hlutdræg í veðurfréttaflutningi á veðurstofunni að mínu mati, bætti ég við.

Já þú heldur kannski að við sitjum á morgnana yfir kaffibolla og tölum niður veðrið á Ísafirði, sagði fréttamaðurinn með þjósti.

Já, svarað ég ég held það bara.

Lengra varð símtalið ekki, en í næstu fréttum kom sama rullan um að Ísafjarðarflugvöllur væri lokaður vegna þoku.

Þá hringdi ég á flugvöllinn enda voru þeir þá mættir til vinnu og benti þeim á fréttaflutninginn.

[Jens Guð, 16.7.2014 kl. 22:04]

Dagskrárgerðarmenn útvarpsstöðvanna á suð-vestur horninu eru almennt mjög sjálfmiðaðir. Ekki síst á þeim útvarpsstöðvum sem eiga að stíla inn á unga fólkið. Þeim er tíðrætt um veðrir og miða alfarið við veðrið á sínum bletti. Ef sólin skín þar og hreyfir ekki vind er hamrað á því. Einnig ef rignir eða er kalt. Samt getur á sama tíma verið allt öðruvísi veður fyrir austan fjall eða í Borgarfirði. Svo ekki sé lengra litið.

Ég sá um auglýsingar og markaðssetningu á Bindindismótinu í Galtalæk á gullaldarárum þess. Það var stöðugt streð að fá fjölmiðla til að segja rétt frá veðri í Galtalæk. Þar ríkir jafnan veðursæld við rætur Heklu. Sú er ástæðan fyrir því að þarna er myndarlegur Galtalækjarskógur.

Iðulega var leiðindaveður við ströndina og í Vestmannaeyjum; rok og rigning. Það veður náði ekki inn að Galtalæk. Í skóginum blakti ekki hár á höfði og sólin lék við mótsgesti. En veðurfréttamenn héldu sig við leiðindaveðrið og heimfærðu það ranglega á Galtalæk. Maður þurfti að standa fulla vakt við að fylgjast með fréttatímum og almennri dagskrá og hringja og hringja í þetta lið til að leiðrétta (þetta var fyrir daga internetsins).