Eftir hlátur kemur grátur.

Jamm það er svona notaleg tilbreytni að sjá stjórnmálamann gráta og reyna að útskýra af hverju hann stal frá þjóð sinni.  Tilbreyting frá hroka og munnherkju stjórnmálamanna, sem neita öllu og vonast til að komast upp með það.  Því enginn hefur nátturulega gert eitt eða neitt rangt þó allir viti betur.  

Annars datt mér í hug einn ágætur grátmaður frá Suður Afríku, sem reynir að telja fólki trú um að hann hafi ekki drepið konuna sína, þó allir viti að hann gerði það.    Hver segir svo sem að konur eigi einkarétt á því að gráta og góla?

Hefði samt vilja frá þetta textað svo ég vissi hvernig hann tæklaði málin.   

Sá hágrátandi segir af sér

Athugasemdir

[Ásthildur Cesil Þórðardóttir, 11.7.2014 kl. 16:48]

Reyndar heitir þetta oft kemur grátur eftir skellihlátur :)

[Sigurður K Hjaltested (IP-tala skráð) 11.7.2014 kl. 17:50]

Sæl Ásthildur.

Einn var það sem grét í aðdraganda kosninga og virkaði

svo vel, að fylgið jókst um mörg prósent.

Þettu voru "vafningalaus" og  "ísköld tár" sem

urðu þess valdandi, að landinn sá aumur á viðkomandi

og kaus hans flokk yfir sig aftur.

Já, það er varla tárum takandi, að hugsa sér hvað

Íslendingar eru þröngir í 4 flokka pólitíkinni..

[Ásthildur Cesil Þórðardóttir, 11.7.2014 kl. 18:04]

Sennilega er þetta nýjasta baráttuaðferðin, að gráta :)

[Brynjólfur Tómasson, 11.7.2014 kl. 20:17]

Varla er þetta það sem þessi var að reyna fyrst hann segir af sér en maður veit aldrei.

[Ásthildur Cesil Þórðardóttir, 11.7.2014 kl. 20:34]

Reyndar minnti hann mig á frekann krakka sem reynir að komast hjá refsingu. En það vantaði þýðingu á hvað hann var að segja.

[Bergljót Gunnarsdóttir, 12.7.2014 kl. 02:29]

Sæl Ásthildur mín!

Mikið væri óskandi að spilltir íslenskir stjórnmálamenn tækju sér þennan til fyrirmyndar, það yrði nú meiri táradalurinn.

Ekki væri verra ef eitthvað af öllum þeim sem eru fyrir dómi þessa dagana fyrir að hafa sett þjóðina á hausinn tækju sig til og virkilega hágrenjuðu á meðan þeir játuðu á sig sakir, það væri þá líklega eina leiðin til að þeir öðluðust smá vott af samúð, þ.e.a.s. ef þeir skiluðu einhverju af því sem hvarf þarna fyrir hrun.

Eins mætti kannski íhuga hvort eitthvað af þeim slyngu lögmönnum sem hafa forðað sumum þeirra aftur og aftur undan réttvísinni stofnuðu einn heljarmikinn grátkór, héldu síðan tónleika fyrir þá sem hafa tapað aleigunni, og sjá enga leið til að losna úr skuldasúpunni sem allt bendir til að sakborningarnir beri ábyrgð á. Það yrði nú aldeilis tilvalið að hafa þá í stórri holu og nýta síðan tjörnina sem myndaðist fyrir túrista til að "dást að" hversu "góðir og grandvarir" þeir væru.

Að vísu yrði það ekki til að bæta ástandið neitt, því þeir yrðu örugglega búnir að jafna sig aftur áður en næsta hrina af sökudólgum mætti í réttarsalinn.

En því miður virðist guð almáttugur sá eini sem grætur þessa dagana og það svo hressilega að engir vasaklútar duga. E.t.v. er hann svona ósáttur við að þeir skuli ekki bara skammast sín í einni kös og háorga allir sem einn..

[Ásthildur Cesil Þórðardóttir, 12.7.2014 kl. 09:53]

Sæl mín kæra, þetta er nú aldeilis frábær viðbót hjá þér. Já hvernig væri að allt þetta fólk tæki sig til og grenjaði svolítið, eða bara heilmikið, held samt að grátkórinn yrði svona frekar blautur fyrir blessað fólkið sem missti allt sitt. Ég held að það sé rétt hjá þér að eina leiðin til þess að þetta fólk fengi smá samúð hjá þjóðinni væri að grenja svolítið og játa á sig það sem það hefur gert.

Sammála þér með Guð, hann grætur mikið þessa dagana, enda ekki vanþörf á að reyna að hreinsa aðeins út ósómann.

[Pétur D. (IP-tala skráð) 12.7.2014 kl. 19:08]

Bergljót, íslenzku bankaræningjarnir grenja ekki af sjálfu sér, það þarf að stugga við þeim. Ég hef áður stungið upp á að Sigurjón Á. Þórðarson og Björgólfsfeðgar yrðu settir í gapastokk á Trafalgar Square og kaghýddir á bert fyrir að hafa stolið milljörðum punda frá Bretum og Hollendingum. Kaghýddir daglega svo að þeir hágrenji.

Og til að sýna sanngirni og jafnrétti ætti að gera það sama á Lækjartorgi við hina bankaræningjana Jón Ásgeir, Hreiðar Má og Sigurð Einarsson. Það gæti verið haldin hönnunarkeppni á nútíma tandem-gapastokkum, þar sem tekið yrði hliðsjón af hinum stórsniðugu Saw-myndum. Gapastokkarnir frá miðöldum voru jú allt of cosy.

[Ásthildur Cesil Þórðardóttir, 12.7.2014 kl. 19:55]

Að minnsta kosti fá þá til að gráta og iðrast. Það væri fyrsta skrefið, síðan að sækja peningana sína til Money heaven lesist Tortóla og borga skuldirnar sínar.

[Pétur D. (IP-tala skráð) 13.7.2014 kl. 16:30]

Ég hef því miður farið rangt með nafnið á einum af hinum óhýddu glæpamönnum. Hann heitir Sigurjón Þ. Árnason. Ég bið hann velvirðingar fyrir að hafa farið rangt með föðurnafn hans.

[Ásthildur Cesil Þórðardóttir, 13.7.2014 kl. 18:21]

Já hjúkket, ég var einmitt að hugsa hvort þú meintir góðan vin minn Sigurjón Þórðarson, sem er mætasti maður lol.