Davíð Þór !

Davíð Þór!

 

Var að lesa viðtal við þig í Blaðinu í dag.  Veit ekki alveg hvar ég á að ná þér, þar sem ég reyndi á sínum tíma þegar þú úthúðaðir Frjálslyndum í Fréttablaðinu á baksíðu að fá að setja inn grein.  En nei það var ekki hægt, vegna þess að það var búið að svara þér, en það var samt sett inn á netmiðilinn. Þar bað ég um þína afsökunarbeiðni vegna rakalausra skrifa um meintan rasisma Frjálslynda flokksins og krafðist afsökunarbeiðni frá þér.

 Set þetta inn hér á Moggabloggið en geri mér grein fyrir að það mun ekki ná þínum augum, vegna þess að hér tróna mest einhverjir gæðingar sem eru stjórnendum þóknanlegir. Tróna þar burt séð frá hve innihaldsrík umræða þeirra er, eða hve mikið lesin.  En nóg um það. Mun sennilega líka setja þetta inn á Málefnin.com í þeirri von að þú getir lesið þetta.  Og bið þá sem kunna að sjá þetta bera það fyrir augu þín.

 

Þú ert í Blaðinu í viðtali að gagnrýna umfjöllun um klámiðnaðinnn, sem fyrrverandi ritstjóri Bleiks og Blás. Og ég er mjög svo sammála þér þar.  Þetta var svo sannarlega múgsefjun nokkurra aðila. 

En svo skriplaðir þú illilega á skötu með því að fara aftur að ræða um meintan rasisma Frjálslynda flokksins.  Þú talar um múgsefjun einstakra aðila sem hafa blásið upp lygi og óhróðri um klámiðnaðinn, og segir svo að það sé allt annað en þessi Le- Penis-mi frjálslyndra.  Ég verð að segja að því miður fyrir þig, þá hefurðu þarna alrangt fyrir þér.  Og þarna er um að ræða alveg sömu múgæsingu og meint umræða um klámið. Eða hvar finnur þú þessu stað í okkar málfluttningi eða í okkar stefnuskrá.  Það hefur margt komið fram sem sannar okkar málflutning, eins og ummæli Hildar Dungal við spurningunni hvað henni finnist um umræðuna um innflytjendamál.

"Margt af því sem Frjálslyndi flokkurinn hefur sagt er bara það sem almenningur er að hugsa. Ég er alltaf frekar á móti því að þegar fólk lýsir skoðunum sínum á þessum málum að því sé mætt með því að stimpla þær rasisma eða fordóma. Þá er verið að ýta umræðunni undir yfirborðið. Fullt af fólki er sammála þessu. Ef þú stimplar allt það fólk sem rasista eða sem fordómafulla þá klárast aldrei umræðan. Oft er hægt að mæta þessum með góðum rökum sem eru oftast heppilegri en notkun svona stimpla. Eða að það sé sannleikskorn í því sem haldið er fram og þá verður það ekki leyst með því að kalla það fordóma."

Og svo vil ég biðja þig um að segja okkur hvar þú finnur þessum rasisma stað í málefnahandbók flokksins eða ummælum málsvara flokksins.

Einnig vil ég benda á úttekt sem gerð var á málefnum erlends verkafólks á austurlandi þar sem fram kom að þau eru í algjörum ólestri. 

Meðan þú kemur ekki frem með nein fordæmi eða tilvitnanir í fullyrðingar þínar ertu sjálfum þér til skammar og maður að minni.  Og ég er ennþá að bíða eftir afsökunarbeiðni frá þér yfir tilhæfulausum fullyrðingum.  Og bendi þér áfram að lesa biblíuna þína,  og bendi þér á það sama og þú sagðir um Klámmúgsefjunina.  Sá yðar sem syndlaus er kasti fyrsta steininum.  Hvar er steinninn þinn? Ertu búin að reiða hann til höggs? Bíddu með að kasta honum þangað til þú hefur kynnt þér stefnu Frjálslynda flokksins og notaðu tímann til að skammast þín á meðan.

Athugasemdir

[Katrín, 3.3.2007 kl. 21:45]

Gott hjá þér!  Viðurkenni að ég nennti ekki að lesa viðtalið við Davíð.  Finnst hann ofmetnaðisti ,grínisti" Íslands með meiru.  

[Ásthildur Cesil Þórðardóttir, 3.3.2007 kl. 23:06]

Hrokafullur er hann allavega. 

[Sigríður Jósefsdóttir, 4.3.2007 kl. 00:28]

www.deetheejay.blogspot.com

[Ásthildur Cesil Þórðardóttir, 4.3.2007 kl. 12:05]

Takk fyrir þetta Sigríður frænka mín. 

þriðjudagur, febrúar 20, 2007Vont er þitt frjálslyndi Íslenskan er skemmtilega gegnsætt mál nema þegar kemur að pólitík. Sá flokkur sem harðast gengur fram í því að undirselja landið erlendu herveldi kennir sig við sjálfstæði, flokkurinn með úreltustu framtíðarhugmyndirnar kennir sig við framsókn og sá flokkur sem erfiðast er að tengja frjálslyndi í einhverri óbrjálaðri merkingu orðsins kallar sig Frjálslynda. Þar virðast allir velkomnir sem hrekjast úr öðrum flokkum vegna óvinsælda.

Einn þeirra, Valdimar L. Friðriksson, lýsti því nýlega yfir að hryðjuverkamenn hefðu verið handteknir hér. Þegar í ljós kom að þetta var bull réttlætti hann ummælin með því að fíkniefnasmyglarar væru í hans augum hryðjuverkamenn.

Refsigleði er ekki bara afar ógeðfelld heldur einnig fullkomlega gagnslaus. Reynslan hefur sýnt æ ofan í æ að refsiþyngd hefur engin áhrif á glæpatíðni. Hvergi í hinum siðaða heimi eru dómar þyngri en í Bandaríkjunum. Fyrir vikið er hvergi hærra hlutfall þjóðar á bak við lás og slá, en óvíða eru glæpir samt tíðari. Þar var dauðarefsing tekin upp að nýju í þeirri von að morðum myndi fækka. Sú von brást.

Reynslan hefur ennfremur sýnt að það sem best hefur gefist í baráttunni við fíkniefnavána er að meðhöndla hana sem heilbrigðisvandamál, að líta ekki á fíkla sem glæpamenn heldur sjúklinga og meðhöndla þá sem slíka. Enda eru þeir fyrst og fremst veikir. Þeir eru haldnir banvænum sjúkdómi sem lýsir sér í andfélagslegri hegðun og gerir þá hættulega sjálfum sér og umhverfi sínu. Sjúkdóminn má þó meðhöndla og sé einlæg löngun fyrir hendi er bati mögulegur. Langflestir smyglarar eru neytendur sem grípa til örþrifaráða til að fjármagna og viðhalda eigin neyslu. Þar á bak við er sjaldnast einbeittur vilji til að vera vondur og skaða aðra sér til ánægju og afþreyingar.

Í huga Frjálslyndra eru fíklar hins vegar ekki bara glæpamenn heldur beinlínis hryðjuverkamenn. Eina ráðið sem þeir kunna er að refsa fleirum þyngra, lengur og harðar. Væntanlega í þeirri trú að nýliðun í stétt smyglara sé engin, að fíkniefni hverfi af markaði bara ef nógu mörgum er stungið inn nógu lengi. Það hefur víða verið reynt og hvergi skilað öðru en hörmungum.

Fársjúkt fólk á rétt á skilningi og aðstoð. Frjálslyndir bjóða því Litla-Hraun. 

Sigurjón Þórðarson skrifar.Fréttablaðið, 02. mar. 2007 05:00



Ásakanir í garð Frjálslynda flokksinsFrjálslyndi flokkurinn hefur setið undir ótrúlegum ásökunum síðustu vikurnar vegna málefna innflytjenda. Okkur hefur verið borið ýmislegt á brýn. Mér er til efs að nokkur íslenskur stjórnmálaflokkur hafi legið undir eins ósanngjörnum og ósvífnum árásum og talsmenn Frjálslynda flokksins hafa mátt þola.



Stefna Frjálslyndra hefur verið sú rödd skynseminnar að vilja hafa stjórn á því hverjir koma til landsins. Kannað sé hvort um sé að ræða fólk sem hafi eitthvað misjafnt í pokahorninu, og síðan að taka ekki við fleirum en íslenskt velferðarsamfélag ræður við.



Sömuleiðis hefur það verið stefna Frjálslynda flokksins að taka þannig á móti gestum að þeir geti aðlagast íslensku samfélagi og að þeim sem taka þátt á vinnumarkaði bjóðist kjör í samræmi við kjarasamninga og að ekki séu ástunduð félagsleg undirboð.



Hver hafa viðbrögð samfélagsins verið? Almenningur hefur tekið undir með okkur í Frjálslynda flokknum og sagt þetta nauðsynlega umræðu sem verði að fara fram og að nauðsynlegt sé að bregðast við ástandinu.



Hver hafa viðbrögð pólitískra andstæðinga verið? Þau hafa verið allt önnur. Forsvarsmenn annarra flokka hafa oft látið hafa eftir sér hin ótrúlegustu ummæli. Þeir hafa haft hátt um meinta andúð Frjálslyndra í garð barna af erlendum uppruna og fleira í þeim dúr.



Lengst hafa Framsóknarmenn gengið í ósvífnum ásökunum. Sjálfur varð ég fyrir því að kona í ábyrgðarstöðu í Framsóknarflokknum laug upp á mig ummælum sem ég átti að hafa látið mér um munn fara á fundi í Menntaskólanum við Sund.



Í Ríkisútvarpinu fyrr í þessum mánuði flutti Sæunn Stefánsdóttir makalausan pistil, en hún er þingmaður Framsóknarflokksins og sömuleiðis formaður útlendingaráðs. Hún sakaði formann Frjálslynda flokksins um að ganga alla leið í andúð sinni gegn erlendu fólki og ala á ótta fólks í landinu við útlendinga. Nákvæmlega ekkert í ræðu Guðjóns Arnars gaf þingmanninum tilefni til að leggja út af ræðunni á þennan veg.

Þegar óskað var eftir því að hún fyndi þessum meiningum einhvern stað, og ef ekki - þá biðjast afsökunar, þráaðist hún við og hélt áfram að afflytja skynsamlega ræðu Guðjóns Arnars Kristjánssonar. Ekki var hún ein um það heldur tóku undir það bæði þingmenn og ráðherrar Framsóknarflokksins.



Fleiri í Framsókn hafa tekið þátt í þessum lygakór. Nefna má Marsibil Sæmundsdóttir sem er formaður mannréttindanefndar Reykjavíkurborgar. Hún leyfir sér á opinberum vettvangi á bloggsíðu sinni þann 26. þ. m., að láta þau skilaboð frá sér fara að það væru sérstaklega dapurleg tíðindi þegar spurðist út hverjir myndu leiða framboðslista flokksins í Reykjavík í vor. Útlit væri fyrir að Reykvíkingar þyrftu að hlusta á fordómafulla frambjóðendur halda á lofti stefnu fasista í innflytjendamálum!



Hvernig væri að formaður mannréttindanefndar Reykjavíkurborgar væri látin rökstyðja þessar ósönnu dylgjur með einhverjum hætti? Hvar eru fjölmiðlar landsins sem eiga að veita aðhald og spyrja gagnrýninna spurninga? Sérstaklega væri það viðeigandi eins og í þessu máli þegar formaður mannréttindanefndar á í hlut. Það gerist samt alls ekki, heldur virðist sem fjölmiðlar spili frekar undir vitleysunni en hitt, - að ég tala nú ekki um dálka- og leiðarahöfunda.



Nýlega tók einn blaðamaður Morgunblaðsins, Kristján Jónsson, þátt í þessu undirspili og sagði á sinni bloggsíðu að Frjálslyndi flokkurinn væri mælikvarði á grugg í þjóðarsálinni og að flokkurinn höfðaði til minnipokakenndar þar sem allt væri nothæft. Já, það gerði þessi umræddi blaðamaður erlendra frétta í Morgunblaðinu án þess að finna þessum skrifum sínum neinn stað í því sem einhver í Frjálslynda flokknum hefur sagt eða átt að hafa sagt. Þannig er nú um gagnrýna blaðamennsku á þeim bænum.



Höfundur er alþingismaður.  

Ásthildur Cesil Þórðardóttir skrifar.Fréttablaðið, 21. feb. 2007 05:00



Davíð svaraðÁ baksíðu Fréttablaðsins hinn 18. febrúar fer Davíð Þór mikinn, þar fer hann með rakalausan þvætting um Frjálslynda flokkinn: „Sá flokkur sem erfiðast er að tengja frjálslyndi í einhverri óbrjálaðri merkingu orðsins kallar sig Frjálslynda. Þar virðast allir velkomnir sem hrekjast úr öðrum flokkum vegna óvinsælda."



Hefurðu lesið málefnahandbók flokksins Davíð Þór? Ef ekki hvernig leyfir þú þér að tala svona?



Það virðist vera lenska í dag að tengja allt sem einstakir menn segja, sem skoðun flokksins. Í flokknum er fólk, fólk með misjafnar skoðanir.

Eða segja menn að Sjálfstæðisflokkurinn hafi þá skoðun að ef menn fá ekki sætustu stelpuna á ballinu, þá taki þeir bara þá næstsætustu með sér heim ?



Og hvað varðar Valdimar Leó, var hann ekki Samfylkingarmaður þangað til bara núna nýlega. Þannig að það sé þá líka skoðun Samfylkingarinnar sem hann boðar þarna. Varla hefur hann skipt um skoðun.



En það eru lokaorðin sem ég ætla að ræða hér. Og ég ætla að gera meira, ég ætla að fara fram á að þú Davíð Þór biðjir mig og samflokksmenn mína afsökunar á þessum orðum. Þetta eru staðlausir stafir og kjaftæði.

„Í huga frjálslyndra eru fíklar hins vegar ekki bara glæpamenn heldur beinlínis hryðjuverkamenn. Eina ráðið sem þeir kunna er að refsa fleirum þyngra, lengur og harðar. Væntanlega í þeirri trú að nýliðun í stétt smyglara sé engin, að fíkniefni hverfi af markaði bara ef nógu mörgum er stungið inn nógu lengi. Það hefur víða verið reynt og hvergi skilað öðru en hörmungum.



Fársjúkt fólk á rétt á skilningi og aðstoð. Frjálslyndir bjóða því Litla-Hraun."



Ég skal segja þér að ég hef yfir 20 ár þurft að berjast fyrir syni mínum. Og var lengi vel eina manneskjan sem trúði á hann og barðist fyrir því að hann ætti mannréttindi. Það virðist nefnilega vera svo að ógæfufólk er ekki álitið fólk sem á rétt á mannlegri reisn. Hefur ekkert með Frjálslynda flokkinn að gera. Þannig að það eru algjör öfugmæli sem þú setur fram þarna. Hræsni og lygi tróna hátt í þessum skrifum þínum. Margir þykjast vera þess umkomnir að dæma heilan flokk út frá einstaka mönnum, og jafnvel einni fyrirsögn.



Ég krefst þess hér með að þú biðjir mig afsökunar á þessum ummælum þínum. Og þú ættir ef til vill að lesa aftur í Biblíunni þinni. Þar stendur ýmislegt sem þú mátt alveg tileinka þér, eins og að „sá yðar sem syndlaus er kasti fyrsta steininum".



Höfundur er móðir og varamaður í miðstjórn Frjálslynda flokksins.

[Ásthildur Cesil Þórðardóttir, 4.3.2007 kl. 12:09]

Hér er svo blogg frá Jóni Vali Jenssyni sem er mjög skynsamlegt og gott til aflestrar.

http://jonvalurjensson.blog.is/blog/jonvalurjensson/entry/136314/

Föstudagur, 2. mars 2007

Ofurmæli Marsibilar um "fasisma" Frjálslyndra

Ég las furðublogg Marsibilar Sæmundsdóttur um daginn. Þar birti hún óvífna ásökun á hendur Frjálslynda flokknum, í tengslum við framboð Magnúsar Þórs Hafsteinssonar og Jóns Magnússonar í Reykjavík. Orðrétt sagði þessi Framsóknarstelpa: "það er greinilegt að F-listinn ætlar að halda fasísku stefnunni í innflytjendamálum til streitu......og leggja sérstaka áherslu á hana í Reykjavík." Yfirskrift þessa örbloggs hennar var: "Frjálslyndur" fasismi í Reykjavík?

Þetta er ljótur, tilhæfulaus óhróður um íslenzkan stjórnmálaflokk, en svo langt seilast nú sumir Framsóknarmenn (einkum óvönu konurnar) í ofurmælum sínum. Réttast væri að raska ró Marsibilar á landsþingi Framsóknar þessa dagana og lögsækja hana fyrir vikið.

Jón Magnússon hefur reyndar svarað fyrir sig með bréfi til Marsibilar, en hún virðist enn kjósa að sitja á fjósbitanum.

En í Fréttablaðinu í dag, aftast meðal greina (bls. 30), er Sigurjón Þórðarson alþingismaður með verðugan pistil, Ásakanir í garð Frjálslynda flokksins (sjá einnig HÉR), sem hrekur þessar yfirstemmdu árásir Marsibilar og annað í þá áttina, frá Sæunni Stefánsdóttur. (Reyndar hefur verið bent á, að Sæunn sú eigi óbeinna hagsmuna að gæta vegna óhefts innflutnings útlendinga, þar sem faðir hennar reki verktakamiðlun fyrir slíka; getur Sæunn þá talizt marktæk sem álitsgjafi um þessi mál? -- fyrir utan að hún getur í raun ekki staðið við orð sín!)

Kristinn H. Gunnarsson, hinn nýi þingmaður Frjálslynda flokksins, var með markverða grein á vefsetri sínu og á vef Frjálslyndra 27. febrúar. Þar bendir hann á athyglisvert viðtal við Hildi Dungal, forstjóra Útlendingastofnunar, í Viðskiptablaðinu s.l. föstudag. "Fram kemur í viðtalinu [í 1. lagi] nokkuð sem ekki hefur farið hátt í umræðunni að undanförnu, að nokkur hundruð flóttamenn hafa sótt um dvalarleyfi síðustu ár, en enginn fengið," og gerir Kristinn því máli viðeigandi skil í grein sinni (en ég kommentera ibidem). Og í 2. lagi segir Hildur þessa merkilegu hluti (og takið þið nú eftir, Marsibil og Sæunn!):

Margt af því sem Frjálslyndi flokkurinn hefur sagt er bara það sem almenningur er að hugsa. Ég er alltaf frekar á móti því, þegar fólk lýsir skoðunum sínum á þessum málum, að því sé mætt með því að stimpla þær rasisma eða fordóma. Þá er verið að ýta umræðunni undir yfirborðið. Fullt af fólki er sammála þessu. Ef þú stimplar allt það fólk sem rasista eða sem fordómafulla þá klárast aldrei umræðan. Oft er hægt að mæta þessum með góðum rökum sem eru oftast heppilegri en notkun svona stimpla. Eða að það sé sannleikskorn í því sem haldið er fram og þá verður það ekki leyst með því að kalla það fordóma.

Þetta botnar Kristinn H. með hæfilegum hætti: "Þessi skynsamlegu orð ættu menn að hafa til umhugsunar, og vonandi fara ekki ónefndir þingmenn Framsóknarflokksins að saka Hildi Dungal um það að daðra við rasisma."

Vafalítið á Framsókn afskaplega bágt um þessar mundir -- fylgið hrynur af því, sem eftir er af flokknum, enda er hann jafnvel farinn að vinna gegn sínum traustustu umbjóðendum, bændum. Jón Sigurðsson þyrfti að gera ærlega hallarbyltingu á þessu þingi, losa sig við evrópíska uppaliðið úr áhrifastöðum, slá um leið á öll áróðurs-ofurmæli Marsibilar og annað í sömu átt, en ítreka sjálfur sína heilbrigðu áherzlu á þjóðlega stefnu, sem stendur vörð um hagsmuni Íslands fyrir Íslendinga

[Anna Benkovic Mikaelsdóttir, 4.3.2007 kl. 14:24]

Bíðið nú hæg!!!Er Davíð Þór grínisti????  Af hverju var ég ekki látin vita?

[Ásthildur Cesil Þórðardóttir, 4.3.2007 kl. 15:37]

Ég held að það hafi gleymst í öllu þessu fári hehehehe..... Hann er meira að segja uppistandari, The standup man, the funny stand-up guy....... eða þannig. 

[Ásthildur Cesil Þórðardóttir, 4.3.2007 kl. 17:20]

Mín skoðun er sú að þarna hafi menn farið offari.  Ég fer ekki ofan af því.  Ekki að ég sé að mæla klámi bót.  Horfi aldrei á svoleiðis.  En mér er illa við forræðishyggju.  Og sérstaklega er ég hrædd við það þegar hópur ræðst fram með þessum framgöngumáta og týnir til hluti sem ekki eru til staðar eins og barnaklám og mansal.  Nógu hræðilegt er það mál allt saman þó ekki sé verið að bendla fólk þar við sem ekki stendur að slíku. 

Já ég held að blessaðir pólitikusarnir allir sem einn hafi látið plata sig þarna.  En þegar flottar konur eiga í hlut er það svo sem skiljanlegt.   en svona má maður alls ekki segja við virðulega femmu, sem jafnframt er frænka manns og manni þykir rooooooooooooooosalega vænt um.   

[Ásthildur Cesil Þórðardóttir, 4.3.2007 kl. 19:09]

Æ elskan mín, þetta er ógeðslegt sem þú ert að segja.  Ég ætla ekki að verja þetta neitt, enda er þetta ekki það sem ég vil verja á neinn hátt.   Hefði samt viljað að þessi slagkraftur væri nýttur til annars.  Það eru svo mörg þörf mál sem brenna á okkur, eins og þynging dóma fyrir barnaníð, nauðganir og heimilisofbeldi.  Einnig meðferðarheimili fyrir langt komna fíkniefnaneytendur, það er svo ótrúlega margt að í okkar litla samfélagi, og ég hefði viljað sjá slagkraftinn fara í þau mál frekar.  Sorrý elskan mín. En þið eigið ef til vill ennþá eftir einhvern slagkraft til að berjast með mér í þessum málum. 

Veistu að hún frænka þín Inga Bára brá sér til Kúpu bara svona óforvarendis og er núna að sleikja sólina þar ásamt Dóru systur sinni.  Eitthvað annað en við hér að ræða ogeðsleg mál á klakanum hehe.

[Ásthildur Cesil Þórðardóttir, 4.3.2007 kl. 20:17]

Æsirnir láti gott á vita Beta mín. 

Þessar systur mínar koma allavega sællegar frá Kúpu, þar sem báðar eru rauðhærðar verða þær sennilega ekki mjög brúnar .  Hmmm gáfaðri veit ég ekki, þær eru báðar fyrrverandi dúxar út úr skólum.  Svo ef þær ætla að slá þau met, þarf ég sennilega að fara að gera eitthvað í mínum málum

[Ásthildur Cesil Þórðardóttir, 4.3.2007 kl. 20:46]

Nei sennilega ekki.  Það er til eitthvað sem heitir brjósvit held ég hehehe....