Hlutleysi RUV og nokkrar myndir.

Svona að gamni, ég var að hlusta á vikulokin sem er að mörgu leyti ágætis þáttur um dægurmálin, Hallgrímur THorsteinsson stýrir honum.

Og af því að verið var að mæla hlutdrægni fjölmiðla, þá fannst mér endinn á spjallinu sem var við Rögnu Árnadóttur, Birgi Ármansson og Jón Traysta Reynisson, vera ansi sérkennilegur.  

Undir blálokin kemur umræðan að ESB umræðunni og þjóðaratkvæðagreiðslunni, Hallgrímur spilar bút úr þingræðu Birgis.  Sem þarf svo að útskýra að þarna er hann að svara ákveðinni fyrirspurn en ekki að ræða málið frá eigin brjósti.  Það er svo dálítil umræða um þetta en svo í blálokin, grípur stjórnandinn frammí og spyr Jón Trausta um málið og hann fær að loka umræðunni um kosningasvik ríkisstjórnarinnar, og þátturinn búinn.

Þarna er greinilega verið að koma skilaboðum á framfæri.  Þegar verið er að kanna hlutdrægni/hlutleysi fjölmiðla, þá er bara ekki hægt að fletta upp í svona aðkomu að málinu.  

Þetta hefur marg oft gerst lengi, til dæmis í Speglinum þar sem Sigrún Davíðsdóttir hefur fengið ansi lausan taum, og fleiri dæmi.  Það er bara svo erfitt að benda á þetta, nema maður grípi það um leið.  

Eða finnst ykkur þetta vera í lagi í útvarpi "allra landamanna" og útvarpi "þjóðarinnar"

 Hér er hægt að hlusta og þetta er í blálokin: 

http://ruv.is/sarpurinn/vikulokin/22032014-0

Það er einmitt svona sem gerir að verkum að ég er að mestu hætt að hlusta á fréttir á RUV almennt.  Það var eiginlega tilviljun að ég heyrði þetta.  

Vonandi nær nýr útvarpsstjóri að breyta þessu þannig að hlutleysi og sanngirni sé gætt í hvívetna hjá þessari annars ágætu stofnun.

Ég ætla að setja inn myndir sem ég var að taka, eftir óveðrið í gær og fyrradag.

 

 

 

 

 

 

 

 

 

 

 

Dásamlegt að fá sólina eftir þetta dimma veður.

 

 

 

 

 

 

 

 

 

 

 

Eins og sjá má hefur snjóað töluvert.

 

 

 

 

 

 

 

 

 

 

 

 

 

 

 

 

En nú þarf ég að setja á mig snjóþrúgurnar og arka upp í gróðurhús til að sinna plöntunum mínum, og í kvöld ætla ég á bókamessu á Flateyri til að hitta góðan vin minn Bjarka Karlsson, sem ætlar að lesa upp úr frábærri ljóðabók sinni.  

Eigið góðan dag elskurnar.  

Athugasemdir

[Bjarni Gunnlaugur (IP-tala skráð) 22.3.2014 kl. 16:04]

Svipað var um daginn, þá var spilað af þingi í útvarpi, umsögn utanríkismálaráðherra um forsetann.  Þetta hljómaði eins og Gunnar Bragi væri að tala frá eigin brjósti um að forsetinn ætti ekki að reka eigin utanríkismálastefnu.  Í sjónvarpsfréttum kom svo fréttin öll og þá sást að Gunnar B. var að svara fyrirspurn frá Guðmundi Steingrímssyni.

                   Varðandi þáttinn vikulokinn þá var í síðasta þætti (eða þarsíðasta) rætti við 3 stuðningsmenn aðildar.  Þetta eru smáatriði sem maður hefur hnotið um nýlega. Mér fer eins og þér að ég er hættur að treysta ríkisútvarpinu.     Gagnrýnin umræða er svo varla finnanleg á þeim bæ.  Það er alveg líðilegt að smástöðin Útvarp Saga skuli mala ríkisútvarpið í upplýsandi og gagnrýnni umræðu um helstu stórmálin sem eru á baugi hverju sinni. 

[Ásthildur Cesil Þórðardóttir, 22.3.2014 kl. 16:38]

Já það er örugglega hægt að nefna mörg svona dæmi um lúmskan áróður sem erfitt er að henda reiður á. Vonandi breytist þetta með nýjum Útvarpsstjóra.

[Pétur D. (IP-tala skráð) 22.3.2014 kl. 17:14]

Áttu ekki við "nýjum dagskrárstjóra og fréttastjóra" ? Það er búið að ráða nýjan útvarpsstjóra.

[Ásthildur Cesil Þórðardóttir, 22.3.2014 kl. 18:15]

Nei eiginlega meinti ég hinn nýja Útvarpsstjóra, en auðvitað skiptir líka máli að vel takist til með nýjan dagskrárstjóra og fréttastjóra, allir þurfa að starfa vel saman og hafa sannleikann að vopni og hlutleysið.

[Gunnar Heiðarsson, 22.3.2014 kl. 20:40]

Sæl Ásthidur og takk fyrir skemmtilegar myndir.

Varðandi þá könnun sem fréttastjóri ruv (vonandi fráfarandi) felur sig bakvið, er líklegt að sú könnun hafi einungis verið gerðar um sjálfar fréttir fréttastofunnar og líklegt að einungis fyrirsagnir látnar ráða vali á því hvort fréttin var jákvæð eða neikvæð ESB.

Sjálfur bý ég við það í minni vinnu að heyra einungis útsendingar ruv2 og þar sem ég vinn vaktavinnu þarf ég að láta mér linda að hlusta á hvern einasta þátt þeirrar stöðvar. Þær fréttir sem fluttar eru í sjálfum fréttatímunum eru í flestum tilfellum nokkuð sakleysislegar, þó oft megi finna þar túlkun sem kannski ekki stenst frekari skoðun. En vel má vera að hægt sé að gera könnun um að ekki halli þar á annan vænginn.

Það eru aftur hinir ýmsu "fréttaskýringaþættir" þar sem trúverðugleikinn er enginn. Þar er markvisst unnið að áróðri fyrir ESB aðild og gegn ákveðnum stjórnmálaöflum. Þú nefnir pistla Sigrúnar Davíðsdóttur í þínum skrifum. Þeir eru ófáir pistlarnir sem hún sendir frá "London", hvar sem hún er stödd í heiminum. Það er gegnumgangandi að þessir pistlar hennar eru allir á einn veg, gagnrýni á öll þau stjórnmálaöfl sem andvíg eru ESB, hvort sem það er hér á landi eða erlendis. Þá má nefna gamla Silfrið hanns Egils, sem betur fer er hætt að framleiða. Fleiri þætti má nefna sem beinlínis eru nýttir í trúboði ESB.

Morgunútvarpið, síðdegisútvarpið og spegillinn eru þættir þar sem aldrei eru kallaðir til viðræðna andstæðingar ESB aðildar, nema þeim mæti þá fulltrúar aðildarsinna. Hins vegar fá aðildarsinnar veglegann tíma í þessum þáttum til einræðu. Daglega fá aðildarsinnar að halda sína áróðurspistla í þessum þáttum.

Það er vonandi að hinum unga útvarpsstjóra takist það ætlunnarverk sitt að gera útvarp allra landsmanna að útvarpi ALLRA landsmanna. En til þess þarf hann sennilega að sýna meiri festu en hann nokkurntímann áður hefur þurft að gera. Fyrri verk þessa manns gefa honum gott orð, þar sem honum tóklst að vinna tvö leikfélög upp úr eymd til velsældar.

Auðvitað munu vinstriöflin verða erfið, enda sjá þau þarna fram á að tapa valdi sínu yfir öðrum af stæðstu fjölmiðlum landsins. Að alsherjarvaldinu á þessu sviði verði hnekkt. Þarna mun verða hart ráðist gegn þessum unga manni og hann sakaður um pólitíska undanlátsemi. Sú umræða er þegar hafin.

Það má kannski segja að það sé einskonar pólitísk afskipti að afnema yfirráð eins stjórnmálaflokks yfir fréttaflutningi ríkisrekinar útvarpsstöðvar, svona út frá sjónarhóli þeirra sem þeim flokk fylgja. En frá sjónarhóli allra annara kallast slíkt tiltekt.

Markmið hins nýja útvarpsstjóra er einungis eitt, að efla þessa stofnun. Hann gerir sér fulla grein fyrir því að til að svo megi verða verður að slíta ÖLL pólitísk tengsl, að koma þeim frá völdum innan stofnunnarinnar sem eru ásakaðir fyrir slík tengsl. Hann þarf engar sannanir, orðrómur er nægur til að standa í vegi þess að hægt sé að efla stofnunina. 

Honum væri auðvelt að tína til sannanir um halla á starfsemi fréttastofu og tengsl við ákveðinn stjórnmálaflokk, en ég treysti því að hann sé svo skynsamur að fara ekki þá leið, heldur halda áfram á sinni braut. Honum ber engin skylda til að rökstiðja sínar gerðir á annan hátt en að hann sé að efla stofnunina. Að allt sem hann gerir sé gert í þeim tilgangi.

Það verður svo hægt að dæma hann af árangrinum, þegar hann kemur fram. Þá má skoða hvort allir njóti sannmælis í sínum viðskiptum við stofnunina.

[Ásthildur Cesil Þórðardóttir, 23.3.2014 kl. 01:05]

Takk fyrir þinn pistil Gunnar, ég er alveg sammála þér að það er algjör slagsíða til samfylkingarinnar á RUV í dag, þess vegna var það alveg hárrétt hjá honum að segja þeim upp. Við verðum svo að fylgjast með hvernig tekst til. Lýst vel á þetta, ef honum verður ekki svelt upp úr samfylkingar tjöru og fiðri, eins og þú segir það er þegar byrjaður söngurinn.

[Guðbjörg Snót Jónsdóttir (IP-tala skráð) 23.3.2014 kl. 10:56]

 Þakka þér góðan pistil og fallegar myndir. Ég segi það sama og þú. Ég var farin að hugsa: Guði sé lof, einn þáttur án þess að ESB sé aðalumræðuefni þáttarins. Loksins laus við það. - En nei, náttúrulega þurfti eitthvað varðandi þetta eilífðarmál að koma í bláendann. Þá spyr ég, hvort þetta verði svona það sem eftir er, eða hvort Magnúsi tekst að losa okkur alveg við þetta ESB-rugl úr fréttatímum og umræðuþáttum. Við skulum vona, að honum takist það, og nýr fréttastjóri komi með nýjar áherslur. Sá fréttastjóri verður samt helst að vera utan úr bæ og NEI-sinni, en ekki einn af innanhússliðinu. Ég var annars að hugsa til þess vegna umræðunnar um kratana og kommana í útvarpinu, að þetta er nú engin nýlunda, að slíkt fólk sé þarna innanbúðar á þeim bænum, því að Pétur Pétursson var krati, Jón Múli, Stefán Jónsson(þingmaður Abl.) og Margrét Indriðadóttir voru kommar, en þrátt fyrir það tókst þeim að viðhalda hlutleysi Ríkisútvarpsins og datt aldrei í hug að misnota það í pólitískum tilgangi, eins og þetta lið, sem nú er þarna innanbúðar, gerir. Ég skil þess vegna ekki, hvað hefur breyst í þessum efnum, þegar hlutleysi útvarpsins er svona þverbrotið allt í einu, eins og ekkert sé sjálfsagðara. Magnús þarf greinilega að hreinsa meira út úr fréttastofunni heldur en að henda Óðni út. Furðulegt líka, að hann skuli hafa lesið fréttina af eigin uppsögn. Það á ekki að gerast.

 Það er annars gaman að þessum myndum þínum og vekur góðar minningar hjá mér, en ég var þarna á Ísafirði í heimsókn hjá vinafólki mínu, sem býr skammt frá þér eða í Miðtúninu, árið 1996, og þá tók ég líka margar myndir af fallegu landslaginu þarna. Aldrei að vita nema ég komi þarna aftur.

[Ásthildur Cesil Þórðardóttir, 23.3.2014 kl. 12:19]

Takk fyrir innlitið Guðbjörg og hlý orð. Gaman að heyra að þú hafir verið hér. Já ég er sammála þér að það verður að laga þessa slagsíðu á útvarpi allra landsmanna. Man eftir Múlanum, Stefáni og Margréti, man að afi gamli sem var sjálfstæðismaður sagði alltaf " þeir vita hvar þeir eiga að troða sér þessir vinstri menn" ég brosti oft að þessu, en er það svo broslegt þegar fólk svíst enskis til að koma boðskap sínum á framfæri á kostnað hlutleysis.

[Sigurður Þorsteinsson, 23.3.2014 kl. 14:32]

Tek undir hvert orð. Það er alvega sama hvort ég er sammála eða ósammála viðkomandi áróðri, faglegur málflutningur er það sem skiptir máli. Þegar kemur að samfylkingu eða VG, þá þykir eðlilegt að þeirra lið fái að misnota fjölöðmiðanna, ekki bara þá sem Jón Ásgeir á, heldur ríkisfjölmiðlana líka.

[Ásthildur Cesil Þórðardóttir, 23.3.2014 kl. 14:39]

Sammála eins og svo oft áður Sigurður minn. Það er óþolandi að einhver "klíka" skuli hafa öll ráð í hendi sér um áróður beinan eða óbeinan í ríkisfjölmiðlum. Og sammála, það er alveg sama hver í hlut á, jafn slæmt fyrir því.

[Jón Valur Jensson, 23.3.2014 kl. 16:42]

Fallegar myndirnar þínar, Ásthildur!

Góður líka pistillinn.

En Hallgrímur Thorsteinsson er náttúrlega ESB-sinni fram í fingurgóma. Einhverjir mestu uppáhalds "álitsgjafar hans" -- eilífir augnakarlar í Vikulokunum rétt eins og Speglinum og síðdegisþáttum Rásar 2 og í fréttatímum Rúvsins -- voru Baldur Þórhallsson (varaþingmaður Samfylkingar) og Eiríkur Bergmann Einarsson. Báðir höfðu þeir þó verið styrkþegar ESB, Baldur upp á milljónir, en Eiríkur fyrst beinn starfsmaður ESB og síðan óbeinn styrkþegi þess (Bifrastarnámsleiðin á hans vegum styrkt af evrópskri stofnun sem vinnur að sameiningu Erópu og sjálf er styrkt af fé Evrópusambandsins!).

Já, hann kann að velja viðmælendur og stýra umræðunum hann HTh.!

Er hann ekki búinn að "þjóna" nógu lngi þarna? Eða á það að gefa honum rétt til að hafa fram á lífeyrisaldur áhrif á sannfæringu landsmanna? ab>Og á hann ekki að þjóna lýðveldinu Íslandi?

[Ásthildur Cesil Þórðardóttir, 23.3.2014 kl. 17:22]

Takk Jón Valur, já ég er sammála þér með þessa ESBsinna sem sjá ekki, eða þykjast ekki vita af áróðrinum sem þeir stunda. Eiríkur Bergmann er að kenna um evróprétt á Bifröst, þar sem hann telur fólki trú um að við þurfum ekki að óttast að missa réttinn til veiða í okkar lögsögu, því þar sé um að réða veiðirétt vegna sögu okkar í veiðum. Þetta er einfaldlega alrangt og löngu sannað. En hvar í heiminum fær svona maður að kenna þessi fölsku fræði óáreittur, og það á meðan verið er að banna kristilegan boðskap í skólum? Ekki að ég sé að andmæla því per se, heldur það virðist ekki vera sama hvað og hverjir eiga í hlut.

Og versta er að þessir menn eru kallaði inn til ráðgjafar sem ÓHÁÐIR AÐILAR.