Góð Birgitta.

Birgitta alltaf jafn skynsöm, þetta er alveg hárrétt hjá henni, til hvers að vera eins og naut með rauða dulu að andskotast í ríkisstjórninni að halda þessu ferli áfram, þegar hún hefur margítrekað og einnig flokkarnir sjálfir að þeir vilji ekki fara þessa leið.  

Eins og Birgitta segir nær væri að eyða tímanum í annað og þarfara eins og aðstoð við heimili, og vaxtamálin.  Það skyldi þó aldrei vera að hefnigirni réði för, frekar en umhyggja fyrir landsmönnum? 

„Þetta er bara skrípaleikur“

Athugasemdir

[hilmar jónsson, 20.2.2014 kl. 12:22]

Já segðu. Skítt með þjóðina.

[hilmar jónsson, 20.2.2014 kl. 12:22]

Og hennar vilja...

[Ásthildur Cesil Þórðardóttir, 20.2.2014 kl. 12:26]

Var spurt um okkar vilja þegar sótt var um? Nei Hilmar, þannig að þetta er svikamilla frá A til Ö, sem þið verðið að sætta ykkur við að er komin í þrot.

[Axel Jóhann Hallgrímsson, 20.2.2014 kl. 12:31]

Stjórnarflokkarnir geta eða vilja ekki taka af skarið og slíta aðildarviðræðunum við ESB, sem ætti að liggja beinast við. Hvað veldur, var engin innistæða fyrir öllum yfirlýsingunum, voru þær bara taldar atkvæðavænar? Stjórnarflokkunum er andskotans sama um þjóðarvilja, að koma aftur á helmingaskiptum stjórnkerfisins er það eina sem kemst að.

[Ásthildur Cesil Þórðardóttir, 20.2.2014 kl. 12:43]

Vonandi hefur þú rangt fyrir þér, en aldrei að vita. Það sem ég var að tala um er afstaða Birgittu sem er þroskuð og ábyrgðarfull. Ég vil fá fleiri svona aðila inn á þing og fleiri gamla útjaskaða karla af báðum kynjum og öllum flokkum út.

[ls (IP-tala skráð) 20.2.2014 kl. 13:17]

Það skelfilega við þetta er að uppgötva að það er hægt að vera sammála Birgittu um eitthvað! Man ekki til að það hafi gerst áður, en það eru líka til menn sem fylgjast betur með þinginu og öðrum stjórmálum meira en ég.

Með þessu áframhaldi á jafnvel Hilmar eftir að segja eitthvað sem maður getur tekið undir...

ls.

[Sigurður (IP-tala skráð) 20.2.2014 kl. 13:32]

Sammála.

Það að tala um ESB fyrir Ísland er álíka heimskulegt og öllu púðrinu sem var eytt í Icesave á sínum tíma. Hættum í alvörunni að tala um esb. Afhverju segi ég það? Því handan við hornið bendir margt til líklegast annarar niðursveiflu enda margt að gerast. Kannski helst er að kínverjar eru hættir að kaupa skuldir bandaríkjamanna. Þjóðverjar,Frakkar munu aldrei taka á sig aðra niðursveiflu í skattpeningum frá þeim löndum ESB með að halda Grikklandi og öðrum hagkerfum uppi með styrkjum eða lánum. Grikkland á heldur á ekki eftir að vilja vera í ESB því grikkir eru ósamkeppnishæfir þegar þeir geta ekki lækkað gjaldmiðil sinn(aka evruna) og geta ekki keppt við stæðari lönd með evruna því evran er með taglhnýtingu vöru og þjónustu milli landa innann ESB og því verður framleiðslukostnaður alltaf nr.1 og launin samkvæmt því. Þeir vilja og má þegar sjá fréttir að það gæti gerst í vor að þeir taki upp annann gjaldmiðil sem þeir geta fellt.

Ég spái að þá muni Írar og Bretland jafnvel allt fara úr sambandinu m.a. vegna þess að Bretar vilja herta innflytjendalöggjöf líkt og þeir sáu Sviss taka upp um daginn. Þegar þessi lönd segja skilið við ESB og þegar ESB segir skilið við þau þá mun Evrópusambandið líklegast einbeita sér að því að styrkja kjarna sambandsins. Þá munum við líklega sjá Þýskaland-Frakkland-Spánn og Ítalíu bindast meira. Kerfið verður endurhugsað og fleiri lönd inn í sambandið og allt þannig fer allt í pásu. Þannig þið kannski sjáið að allt tal um „Ísland í esb“ núna er algjör tímasóun ef ég á að segja einsog er. Munum bara hvað heimurinn hefur breyst mikið á seinustu árum. Það á bara eftir að halda áfram.

[Ásthildur Cesil Þórðardóttir, 20.2.2014 kl. 16:09]

Takk fyrir þitt fróðlega innlegg Sigurður, ég hugsa að þú sért ekki langt frá sannleikanum.

Is hahaha... ég hef stundum verið sammála Hilmari, því við eigum sumt sameiginlegt. Ég er alltaf sammála öllum góðum málum sem samviska mér segir að sér sönn og rétt. Sama hvaðan gott kemur.