Gleðilegt nýtt ár kæru vinir og vandamenn.

Virðing og traust eru afar þýðingarmikil í samskiptum manna, og verður að vera til staðar ef við viljum búa í góðu samfélagi.  

Sem betur fer eru þessi orð ofarlega hjá biskupnum og einnig forseta vorum.  Ég tók eftir að  hún minntist líka á kommentakerfi á bloggum og öðrum slíkum miðlum.

Ég held að við getum öll tekið undir þessi orð og reynt að vera jákvæðari og taka meira tillit til annars fólks og skoðana þeirra.  Allavega ætla ég mér að reyna það, hvernig svo sem það gengur.

 

 

 

 

 

 

 

 

 

 

 

Nú byrjum við nýtt ár, og við skulum láta það verða eins jákvætt og gleðiríkt og við getum.

Málið er að við getum ákveðið sjálf alveg heilmikið hvernig líf okkar er, við getum byrjað daginn með að hugsa hve allt er nú neikvætt og leiðinlegt, eða byrjað hann á að brosa og ákveða að þetta verði góður dagur.  Ef okkur tekst að framkalla gleði í huga okkar, þá líður okkur vel.  Ekki dvelja í skugganum af því sem gæti orðið.  Það er alltaf einhversstaðar ljós.

 

 

 

 

 

 

 

 

 

 

 

 

 

 

 

 

 

 

 

Og það er okkar sjálfra að ákveða hvort við látum það ljós lýsa okkur, eða hvort við höfum það slökkt.

 

 

 

 

 

 

 

 

 

 

 

 

Það er líka gott að eiga nána vini og fjölskyldu sem við getum treyst og elskað.  Enginn maður er eyland, og okkur nauðsyn að eiga einhverja að sem við getum leitað til.  Það má enginn hugsa að öllum sé sama um hann, því það er einfaldlega rangt.  Þá þarf að fara í naflaskoðun og leita eftir kærleikanum, og hann finnst jafnvel á ótrúlegustu stöðum, en þá verða menn að hleypa honum inn í líf sitt.

 

 

 

 

 

 

 

 

 

 

 

Það stendur einhversstaðar í bók sem margir trúa á og lesa, að betra sé að gefa en þiggja, og það er svo sannarlega rétt.  Stundum verður okkur á að muna ekki eftir þessu og jafnvel neitum að taka við því sem að okkur er rétt.  Yfirleitt gefur fólk af góðum hug, og verður sárt ef gjöfin er ekki þegin, við skulum muna það.

 

 

 

 

 

 

 

 

 

 

 

Það þarf líka að kunna að þakka fyrir allt það góða sem kemur til manns, því þakklætið stendur við hlið virðingar og trausts og með kærleikanum er þessis blanda fullkomin.

 

 

 

 

 

 

 

 

 

 

 

Ég tók þessar myndir út um dyrnar hjá mér í gærkveldi, þegar skotið var upp flugeldum við bálið sem alltaf er kynnt á þessum stað á þessum tíma, og allir hugsa til Sigurðar á Góustöðum, því það var hann sem byrjaði á þessu.

Kæru bloggvinir og aðrir vinir og vandamenn ég óska ykkur gleðilegs árs, og

megi gæfan fylgja ykkur alla leið.   

Virðing og traust

Athugasemdir

[Sigurður Þórðarson, 1.1.2014 kl. 22:25]

Sömuleiðis

[Ásthildur Cesil Þórðardóttir, 1.1.2014 kl. 22:41]

Takk minn kæri.

[Jósef Smári Ásmundsson, 2.1.2014 kl. 08:32]

Gleðilegt nýtt ár Ásthildur til þín og fjölskyldunnar og allra á blogginu" Exept Hómer".

[Axel Jóhann Hallgrímsson, 2.1.2014 kl. 10:17]

Gleðilegt ár til þín og þinna!

[Ásthildur Cesil Þórðardóttir, 2.1.2014 kl. 12:32]

Gleðilegt ár Jósef til þín og þinna. Hver er Hómer?

Gleðilegt ár Axel til þín og þinna.