Nafnið mitt, gott veður og fiskur á hvolfi.

Já það er sól og blíða hér á Ísafirði, en ekkert rosalega mikil mengun sem betur fer.  Hér ættu allir að geta labbað heim úr vinnunni án þess að eiga á hættu að detta niður dauðir. 

En ég notaði tækifærið og tók mynd af legsteininum hans afa míns, liður í að reyna að fá nafnið mitt leiðrétt.  Með þessari mynd ætla ég að senda Hagtofunni bréf og fá leiðréttingu á þessari fáránlegu stafsetningu. 

'Eg er með heilmiklar áhyggjur af einum fiskinum mínum, hann er búin að vera veikur lengi.  Ég setti hann í bala og læt hann hafa heitt vatn a.m.k. tvisvar á dag.  Honum finnst gott að fara í hlýjuna og syndir alltaf þangað sem ég helli heita vatninu niður í balan hans.  En þessi elska syndir á hvolfi.  Ég veit ekki hvað ég á að gera.  Þetta er Koj hann er með sár á síðunni, en hann var orðin veikur áður en hann fékk sárið.  Slasaðist þegar verið var að ná honum upp úr fiskatjörninni.  Er einhver hér sem getur ráðlagt mér hvað er best að gera.  Þeir hafa dáið nokkrir í vetur.  Sumir segja að þeir séu einfaldlega of gamlir, en aðrir segja mér að koj geti orðið nokkra tugi ára gamlir.  Þeir eru sennilega um 10 ára þessir.  Þá datt mér í hug að af einhverjum orsökum hefði Permasect komist í vatnið, en þá hefðu þeir allir átt að deyja.  

 

Skrár tengdar þessari bloggfærslu:

• hér er nafnið hans afa míns.
• c_documents_and_settings_owner_my_documents_my_pictures_landslag_sjukraflutningar_fiskur_a_hvolfi.jpg
• Mynd tekin í morgun.

Athugasemdir

[Ásthildur Cesil Þórðardóttir, 26.2.2007 kl. 19:37]

Jamm vona það Arna mín hehehe.

Cesilíus er náttúrulega alflottast sko frænka mín.

Ég ætla að fá hvort hann er með kamb fiskurinn.  En annars gæti hann líka verið hippi, en ég vona að honum batni.  Ætla allavega að vera honum góð, meðan hann er veikur. 

[Katrín Snæhólm Baldursdóttir, 26.2.2007 kl. 21:39]

Æ litli fiskur fer með fiskabænina fyrir hann!

Já Cesilíus er rosalega flott nafn. Séra Cesil prestur er hann úr ættinni ykkar?

[Ásthildur Cesil Þórðardóttir, 26.2.2007 kl. 23:01]

Held ekki mín elskuleg, enda held ég að hann heiti Cecil. En endilega farðu með fiskabænina fyrir mig og fiskinn.  Ég þarf sennilega að skíra hann skemmri skírn.  Er einhver með nafn við hæfi.   Óska eftir nafni á gripinn.  Það þarf náttúrulega helst að vera öfugt eins og hann hehehe...

[Hrönn Sigurðardóttir, 27.2.2007 kl. 11:23]

Fín vetrarmyndin þín, skýin koma svo fallega út.

Vona að fiskinum þínum batni en væri ekki fínt að kalla hann botnfisk?

[Ásthildur Cesil Þórðardóttir, 27.2.2007 kl. 11:39]

Takk ég er rosalega hrifin af skýjamyndum.  Tek slíkar í grið og erg, líka svona litabrigði eins og á myndinni hér við hliðina.

En Jamm Botnfiskur er bara gott nafn.  Og svo get ég bara kallað hann Botta.  Takk

[Sigríður Jósefsdóttir, 27.2.2007 kl. 14:25]

Ásthildur, hefur þú athugað að afi þinn er skrifaður Sesselíus í Íslendingabók?  Veit ekki til að sr. Cecil sé neitt mikið skyldur okkur, áttunda/níunda lið eitthvað svoleiðis.  Kveðjur vestur,

[Ásthildur Cesil Þórðardóttir, 27.2.2007 kl. 15:54]

Á legsteininum hans stendur Cesilíus, ef þú skoðar myndina.  Þannig að ég trúi því frekar að hans nánustu hafi vitað hvernig nafnið hans er skrifað.  Ef þú skoðar myndina hér að ofan. 

[Ásthildur Cesil Þórðardóttir, 27.2.2007 kl. 15:55]

Takk fyrir kveðjurnar mín kæra. 

[Anna Benkovic Mikaelsdóttir, 27.2.2007 kl. 19:33]

Skemmtileg færsla Ásthildur!

[Ásthildur Cesil Þórðardóttir, 27.2.2007 kl. 20:43]

Takk Anna mín.