Stórkostlegt ævintýri Húnamanna.

Ég hef verið að fylgjast með ferð Húna II þessa dagana.  Og ég er ekki viss um að allir geri sér grein fyrir því hve merkilegt þetta ævintýri þeirra Húnamanna er. 

 

 

 

 

 

 

 

  

 

 

 

Það er ekki bara að listamennirnir séu fallegt og gott fólk, heldur er þetta framtak alveg einstakt.

Þarna nota þau sumarfríið sitt til að gleðja fullt af fólki, og styrkja björgunarsveitirnar um allt land.

Orkan og lífsgleðin skín af þeim. En svo er líka annað og það er að vekja athygli á þeim skipum sem nú eru að hverfa af sjónarsviðinu hvert af öðru vegna hugsunarleysis um gamlar arfleifðir.

Ég held að það sé alveg einstakt að geta lyft upp svona mikilli stemningu um allt land, þúsundir íslendinga þyrpast niður á hafnir strandbæja landsins og verða einhvernveginn miðpunktur.

Þið eigi miklar þakkir skyldar Húnamenn og eigendur. Svona getur ekki gerst nema með samheldni, kærleika og gleði.

Innilega takk fyrir mig.  Ég öðlast aftur smátrú á gott samfélag og yndislegt fólk.

 

 

 

 

 

 

 

 

 

 

  

Tók þessar flottu myndir af Facebooksíðunni þeirra.

Athugasemdir

[Úrsúla Jünemann, 19.7.2013 kl. 13:47]

Já, þetta er flott framtak og gaman að fylgjast með þessu.

[Ásthildur Cesil Þórðardóttir, 19.7.2013 kl. 17:04]

Einmitt Úrsúla, og afar metnaðarfullt hjá þeim og mikil gleði um landið.

[erla sv (IP-tala skráð) 19.7.2013 kl. 22:46]

Er einmitt að koma frá því að hlusta á þessa snillinga á Hafnarbryggjunni hér á Sigló.

Þetta var yndislegt þarna voru börn og fullorðnir og Húnabörnin hoppuðu hamingju dansinn

Þegar Jónas Sig söng um hamingjuna .Músikin og "sándið"var svo flott.

Kveðja Erla Sv.

[Ásthildur Cesil Þórðardóttir, 19.7.2013 kl. 23:56]

Takk Erla mín, já það er eintóm gleði í kring um þetta fólk, segi og skrifa. 

[Karl Tómasson, 21.7.2013 kl. 23:12]

Kæra Ásthildur.

Þetta er sennilega ein flottasta tónlistaruppákoma og um leið styrktarsamkoma á Íslandi um margra ára skeið.

Það er allt fallegt við þetta og einmitt ekki síst það sem þú talar um að vekja athygli á einstaklega fallegum báti.

Það hefur verið hrein unun að sjá þetta ævintýri allt.

Bestu kveðjur til þín kæra vinkona frá Kalla Tomm úr Mosó.

[Ásthildur Cesil Þórðardóttir, 21.7.2013 kl. 23:21]

Takk minn kæri Kalli, já það er eins og þú segir allt fallegt við þetta, bæði tónlistarmennina, bátinn og skipshöfnina og svo fólkið sem kom og fagnaði, því eins og okkar ágæti Rúnar Júl sagði; það þarf fólk eins og þig fyrir fólk eins og mig.... það er einhver dýpsta setning sem sett hefur verið á blað í lagatexta.  Bestu kveðjur til þín líka.