Elsku Hagbarður minn, börn og fjölskylda.

Sorgin er stór, lífið er óvænt og getur verið okkur kjaftshögg þegar minnst varir.

Ég er með hjartað barmafullt af kærleik til þín og þinna á þessum erfiðu tímamótum.  Ég þekki sorgina, og veit hve hún er erfiður félagi. 

Ég vil senda þér og þínum mínar allra bestu kærleikskveðjur og samúðarhugsanir á þessum erfiðu tímum.  Guðrún Sigurðardóttir konan þín var yndislega manneskja, jákvæð og brosandi alltaf tilbúin til að gera það sem gera þurfti.  Hún var þinn ævifélagi og barnsmóðir.  Elsku Rakel María stóra stelpa, Róbert, Regína Rós og litla barn Rósa Jóna megi algóður Guð og allir góðir vættir vaka með ykkur öllum og vernda.  Elsku Úlla mín og Hjörleifur og þið öll sem standið hér í sorginni, ég vil senda ykkur allar mínar bestu hugsanir og kærleika. Sumt er bara svo sárt að það er eiginlega ekki hægt að segja neitt meira en, megi allur kærleikur vaka með ykkur og ljósið bjarta vernda ykkur á allann hátt.

Elsku litla barn Jóna Rósa,  sem aldrei fær að hitta móður sína, megi allar góðar vættir vaka með þér og vernda, svo og með fjölskyldunni.  Sendi ykkur öllum mínar dýpstu samúðarkveðjur og allt sem ég get til að styrkja ykkur.   

 

 

 

 

 

 

 

 

 

 

 

 

 

 Litla Jóna Rósa.

 

 

 

 

 

 

 

 

 

 Föðurást heitir þessi mynd

 

 

 

 

 

Athugasemdir

[Ásdís Sigurðardóttir, 16.6.2013 kl. 12:01]

Hef ekkert verið á blogginu, en vildi bara líta inn því ég vissi að þú mundir skrifa eitthvað fallegt, þetta er svo óumræðanlega sorglegt allt samana að ég bara skil þetta ekki, sendi þér kærleik og öllum vinum mínum, fólki Guðrúnar heitinnar, þau eru sterk og standa saman, en svona nokkuð er varla hægt að sætta sig við.

[Ásthildur Cesil Þórðardóttir, 16.6.2013 kl. 16:03]

mikið rétt Ásdís mín, þetta er bara óskaplega sorglegt fyrir alla sem að Guðrúnu standa, hún var einstök stúlka alltaf ljúf og góð.