Æ já Bjarni minn hvað lífið er óréttlátt núna.

Ef þessi frétt er rétt eftir höfð sýnist mér að hann og sjálfstæðisflokkurinn í heild sé að fara á taugum.  Sko lífið heldur áfram þó allar ítrustu kröfur gangi ekki upp.  Bjarni minn þú verður bara að bíða rólegur, þetta er ekki í þínum höndum, né sjálfstæðismanna, það var óvart Sigmundur Davíð sem fékk boltann, og meðan hann er með hann, þá er það bara almenn kurteisi og virðing við þjóðina að hann fái það svigrúm sem hann þarf til þess arna. 

Ég skil vel að þið iðið í skinninu sjálfstæðismenn að fá forræðið, því það skiptir öllu máli að flokkurinn fái sitt, ef hann á að halda áfram að vera sá stóri.  En svo er málið að í þessu tilfelli komst forsetinn að því að það yrði meiri sátt um fá framsóknarflokknum það verkefni.  Auðvitað er þetta rosalega óréttlátt að ykkar mati, því þið eruð vanir að hafa ykkar fram.  Nú eru vopnin aftur á móti ekki í ykkar höndum og það er gjörsamlega óþolandi að ykkar mati.

En því argari sem við verðið, og því ráðviltari, því meira  sem opinberið þið vanmátt ykkar, og því minni líkur eru á því að fólk vilji ykkur.  Það er nefnilega svo að flest af því fólki sem kýs Sjálfstæðisflokkinn er að kjósa sigurvegara, fylgja hinum glæsilegu fulltrúum, þeim er nokkuð sama um þjóðarvilja og að þjóðin hafi það sem best.  Númer eitt, tvö og þrjú er bara að Flokkurinn eini haldi sínum völdum.  Svona að græða á daginn og grilla á kvöldin dæmi.

Svo get ég sagt þér líka að það verður enginn sæla að vera í þeirri ríkisstjórn sem nú tekur við, því þjóðin mun fylgjast vel með hvað gert verður, og sérstaklega í lykilmálum eins og sjávarútvegsmálum, björgun heimilanna og virkjunarmálum.  Það verður því við ramman reip að draga ef þið ætlið að koma L.Í.Ú. til bjargar, eða virkja hverja sprænu nú eða heykjast á að leiðrétta skuldir heimilanna.  Það eru ennþá til pottar og pönnur til á hverju heimili. 

Ergó þjóðin er búin að fá upp í kok af yfirráðum elítunnar.  Og þó þið hafið unnið varnarsigur í þessum kosningum af því að það er alltaf til fólk sem kýs með sigurvegurum, þá er samt allt að breytast, þjóðin er að vakna sem betur fer, og vill vera þátttakandi í samfélaginu en ekki bara þjónustudýr hinna ríku. 

Þetta þurfið þið að fara að gera ykkur grein fyrir ekki seinna en núna.   

Framsókn ekki með „einkaleyfi“

Athugasemdir

[rhansen, 30.4.2013 kl. 21:23]

Já Sammála Ásthilur og nu liggur Sjálfstæðinu á aðsyna yfirvegun og skynsemi ...en það hefur verið frekar grunnt á henni i dag Eg er hreykin af minu formanni og treysti að hann finni bestu leiðina með þvi að ræða við alla ..þangað til  þá annað kemur i ljós ?..En leiði og öfund er ekki  góð byrjum að neinu samstarfi þvi auðvitað eru Sjálfstæðismenn fúlir að Bjarni fekk ekki umboðið ...en segi sem þu, vona þetta se byrjun á góðum breytingum þó auðveldar verði þær ekki ...

[Ásthildur Cesil Þórðardóttir, 30.4.2013 kl. 21:41]

Já RHansen mín, pirringur og ergelsi skila engu í þessu sambandi.  Sigmundur verður bara að fá þann tíma sem þarf, ég er sammála þér þetta verður ekki auðvelt. 

[sigurður (IP-tala skráð) 30.4.2013 kl. 21:50]

Það er nú bara þannig Ásthildur mín að þó svo að forsetinn feli einhverjum stjórnarmyndunarumboðið þá fær sá aðili og hefur aldrei fengið einkarétt á myndun stjórnar. Ef viðkomandi aðili er ekki að ræða af alvöru við aðra flokka með það að markmiði að mynda stjórn þá getur hann misst tökin á umræðunum þannig að aðrir flokkar komi sér saman um að mynda stjórn. Þegar það gerist þá fara fulltrúar þessara flokka á fund forseta og tilkynna honum um að þeir hafi orðið ásáttir um að mynda meirihlutastjórn. Í þessari stöðu getur forseti ekki neitað þeim um að klára dæmið, heldur verður að kalla þann sem hefur umboðið til sín og tilkynna honum að það sé kominn meirihluti og þar af leiðandi sé umboðið fallið niður.

Eins og staðan er í dag þá er Sigmundur bara að ræða við alla stjórnarformenn, nákvæmlega það sama og forsetinn gerði. Hann er sem sé bara að dúlla sér við að kanna aðstæður. Hann vildi ekkert gera á meðan umboðið var ekki komið fram. Hann hefur því ekki verið mjög árangursríkur í byrjun heldur frekar drepið tímann og á meðan eru fulltrúar fyrri stjórnar sem greinilega var hafnað af þjóðinni enn að stjórna. Hann er því að framlengja líftíma hennar. Í þessu sambandi má t.d. nefna að hann hefur meira að segja fundað með fulltrúa Pírata, sem þó hafa lýst því yfir að þeir séu stikkfrí og ætli ekki að taka þátt í ríkissjórn (maður veltir því nú bara fyrir sér til hvers þeir voru að bjóða sig fram til Alþingis ef þeir ætla síðan ekkert að gera annað en að vera fúll á móti og birta það á netinu).

Eins og þú nefnir þá eru mörg mál sem þarf að taka á og því fyrr því betra. Þar af leiðandi liggur nokkuð á að mynduð verði starfhæf ríkisstjórn þannig að hægt verði að fara að vinna öllum þeim málum sem liggja fyrir. Það þýðir því ekkert að dúlla sér við að ræða við menn út og suður heldur liggur á að taka ákvörðun um hvert stefnt skuli og fara að vinna að því. Manni dettur nú í hug hvort Sigmundur hafi bara alls ekkert hugsað hvert hann vill stefna eftir kosningar. Allavega veitti hann engin svör við því fyrir kosningarnar og hefur heldur ekki enn svarað því. Manni finnst þetta nú ekki vita á gott þar sem maður verður helst var við að hann viti ekkert hvað hann vill eða hvert hann vill stefna. Þarna kemur kannski fram reynsluleysi hans en eftir því sem mér skilst þá hefur hann afskaplega (svo ekki sé kveðið fastar að orði) litla reynslu af atvinnulífinu og menntun hans er öllum hulin (sjálfur verið a.m.k. fjórsaga um það hvað hann er metnntaður og hefur ekki leyft neinum að komast að hinu sanna í því máli).

[Jack Daniel's, 30.4.2013 kl. 21:51]

Þetta minnir helst á gargandi smákrakka í stórverslun sem fær ekki allt sem hann heimtar.

Það er ekki nokkur lifandis leið að bera virðingu fyrir svona erkifífli.

[Ásthildur Cesil Þórðardóttir, 30.4.2013 kl. 22:02]

Sigurður minn, málið er að hér er mikið í húfi, og þess vegna þarf að huga að málinu með yfirvegun og ró, það heitir ekki að dúlla sér, heldur að skoða málin til grundvallar.  Ég hef ekki og mun aldrei kjósa Sigmund eða Framsókn, en ég verð nú að segja það að af fjórflokknum samanlögðum hefur Sigmundur Davíð einmitt talað einum rómi, og vitað nákvæmlega hvað hann vill og ekki hvikað frá því. 

Eigum við ekki bara að slaka á og sjá hvað kemur út úr þessum viðræðum og hvað verður næst?

Mér virðist nefnilega að þetta sé rétt, og hann þarf að gæta þess að missa ekki kúlið sem hann vann sér inn í sjónvarpsviðtalinu.  Það gæti reynst afdrifaríkt. 

[axel (IP-tala skráð) 30.4.2013 kl. 22:31]

Á leikskóla er gaman......

[Margrét (IP-tala skráð) 30.4.2013 kl. 22:34]

Mér finnst þetta flott hjá Sigmundi að breyta til og tala við alla. Er það ekki þessi viðræðupólitík sem allir eru að kalla eftir? Ég segi eins og Jack Daniel's Bjarni er eins og krakki í frekjukasti hvar er grenjuleikritið núna? Satt hjá þér Ásthildur eins gott að hann klúðri þessu nú ekki með svona töktum því þá byrjar hinn armurinn í flokkum að heimta Hönnu Birnu ;-)

[Sigrún Guðmundsdóttir (IP-tala skráð) 30.4.2013 kl. 23:08]

Tek undir með Sigurði 21:50.

Eins og þú Ásthildur þá hef ég aldrei og mun aldrei kjósa Framsókn en finnst ekkert óeðlilegt að þeim hafi verið falin stjórnarmyndun.

Ég kaus Sjálfstæðisflokkinn og skammast mín ekki fyrir það. Jafnvel þó landar manns séu búnir að kalla mann öllum ónefnum síðustu daga, þ.á.m. heimskingja og masókista með Stokkhólmsheilkenni o.fl. o.fl. Þetta er náttúrulega ekki í lagi hjá siðmenntuðu fólki.

Og þessi rætni um að Sjálfstæðisflokkurinn sé að fara á taugum hentar greinilega andstæðingum hans vel og skotleyfið er greinlega enn í gildi - þó ósköp hjáróma núorðið og litast af því að sumir eru afar tapsárir.

Það er mál að linni. Því mikið er maður orðinn endalaust þreyttur á þessu hatri. Ótal margir bera von í brjósti um að þessu fari að linna. Við erum laus við verkleysi, fáránlega forgangsröðun og steytta hnefa Jóhönnu og Steingríms. - Hvar eru búsáhöldin annars búin að vera undanfarin 4 ár?

Það getur enginn neitað því að Sjálfstæðisflokkurinn fékk flest atkvæði í Alþingiskosningunum og þar með mest traust. Sættið ykkur við það.

- Svo kemur hitt í ljós. Sigmundur má ekki ofmetnast og setja á svið eitthvað leikrit. Við verðum fljót að sjá í gegnum það.

[Steingrímur Helgason, 30.4.2013 kl. 23:22]

'Zkáztur af zkrílnum' er betra en 'Werzdur af wondum'...

[Jens Guð, 30.4.2013 kl. 23:38]

  Greining þín,  Ásthildur Cesil,  á stöðu BB og Sjálfstæðisflokksins er góð.  Sigmundur Davíð hefur ýmis tromp á hendi.  Eitt það öflugasta er að mynda stjórn með 2 - 3 minni flokkum.  Þá er forsætisráðherraembættið í hendi Sigmundar Davíðs og hlutfallslega mörg önnur ráðherraembætti.  Sigmundur Davíð yrði þá "hinn mikli leiðtogi" nýrrar stjórnar með öll tögl og haldir.

  Til samanburðar er helmingastjórn D og B upp á gamla mátann.  Það er auðveldari leið upp á spillingu að gera.  Það er að segja að deila út kjötbitum í anda einkavinavæðingar.  Í þeirri stöðu er gott að SD er auðmaður og þarf sem slíkur ekki á helmingaskiptareglunni að halda.  Öfugt við marga aðra sem standa framarlega í Framsóknarflokknum.  Þeir munu þrýsta á um helmingaskiptaregluna.

  Annars segir mér svo hugur að SD kunni skák,  sé klókur, og muni halda fram báðum kostum þegar hann semur við endanlega samstarfsflokka.  Niðurstaðan verði þannig að hann standi eftir með pálmann í höndunum.   

[Jens Guð, 30.4.2013 kl. 23:44]

  Annað:  Mikið sem ég vona að Dögun haldi áfram og komi sterk til leiks í næstu kosningum.  Strax í sveitastjórnarkosningum.  Fjöldi annarra af þeim 15 framboðum sem buðu fram í þessum kosningum munu hverfa af vettvangi.  Þetta voru alltof mörg framboð til að eiga möguleika gegn 4-flokknum.  12% atkvæða dreifðust um of og ónýttust.  Það má ekki endurtaka sig.  Né heldur að 20% kjósenda hafi verið svo ráðvilt að þau mættu ekki á kjörstað. 

[Þráinn Jökull Elísson, 30.4.2013 kl. 23:53]

Það verður ekki bara ísl. þjóðin sem fylgist með Ásthildur. Augu alheimsins beinast að okkur. Þannig að sama hvort það verður Sjálfstæðisflokkurinn eða Framsókn...Það verður fylgst með.

[Þráinn Jökull Elísson, 30.4.2013 kl. 23:55]

Þar fyrir utan mega þeir kumpánar grenja ...á víxl. Það er og verður fylgst með þeim. Englendingar hneykslast mikið á þeim sem kusu hrunflokkana yfir sig aftur,

[Jörundur Þórðarson, 1.5.2013 kl. 02:19]

Ef til er skást fyrir SDG að semja við BF og Samfylkingu. Þeir flokkar vilja klára aðildarviðræðurnar og vilja nýja stjórnarskrá. Ef til vill eru þeir í staðinn tilbúnir að gefa Framsókn tækifæri til að afnema verðtrygginguna og finna leiðir til að losa skuldafjötra heimilanna.

[Jósef Smári Ásmundsson, 1.5.2013 kl. 06:31]

Hann þarna Jesús Kristur með Jónuna-Nei heyrðu,þetta er Jens Guð-kemur með nokkuð áhugavert um stöðu framsóknarflokksins" Sigmundur Davíð hefur ýmis tromp á hendi".Það er nú svo að lýðræðið á ekki að byggjast á Framsóknarvist.Í raun og veru átti Sjálfstæðisflokkurinn að fá umboðið þar sem hann hefur stærri hluta þjóðarinnar á bak við sig en Framsókn.Og það getur ekki verið eðlilegt að flokkur leiki sér með lýðræðið með því að mynda stjórn með nokkrum minni flokkum,láta þá fá Ráðherraembætti,sæti í nefndum umfram umboð frá þjóðinni með því skilyrði að Framsókn ráði síðan öllu í Stjórninni.Svona hrossakaup eiga að vera úr sögunni.Þetta er fylgifiskur þingbundinnar stjórnar.

[karl Birgis (IP-tala skráð) 1.5.2013 kl. 08:49]

Sigmundur ætlar að mynda minnihlutastjórn með engum nema sínu fólki og í skjóli allra sitt á hvað eftir því hvaða mál umræðir.

[Ásthildur Cesil Þórðardóttir, 1.5.2013 kl. 09:28]

Takk öll fyrir innlitið.

Margrét, já eins gott fyrir hann að reyna að halda rónni, en hann er greinilega farin að örvænta ef maður hlustar á hann. 

Sigrún hvers vegna ættir þú að skammast þín fyrir að kjósa Sjálfstæðismenn, ef það er þín meining að þeir hafi það sem þarf til að koma landinu á réttan kjöl, sem ég er reyndar ekki sammála, þá kýst þú þá auðvitað, verra væri ef þú hefði kosið þá af því bara... Sjálfstæðisflokkurinn hefur alveg sjálfur séð um að viðhalda því rykti sem hann hefur, sem flokkur peningaaflanna, E.Í.Ú, og banksteranna.  Meðan þeir hafa ekki hreinsað til í sínum ranni og gert hrunið upp, þá eru þeir ennþá á kafi í spillingu, þannig lítur það út í mínum augum allavega.

Gott spakmæli Steingrímur

Jens, manni heyrist á Birgittu að það sé einmitt það sem er í farvatninu, vinstri stjórn með Framsókn, Samfylkingu, BF með stuðningi Pírata. Ég held satt að segja að að það sé skársti kosturinn, ef þeir gleyma þessari ESB umsókn, sem er mesta váin í dag fyrir utan snjóhengjuna og skuldavanda heimilanna. 

Og veistu að ég held að það verði ofan á hjá Dögun að halda áfram, þetta er allt í umræðunni, og okkur finnst að við höfum þegar markað þau spor að eina rétta sé að halda áfram.  Viðbrögð fólks hafa komið á óvart, það hafa margir haft samband og beðið okkur um að halda áfram.

Einmitt Þráinn, það verður fylgst með okkur úr öllum áttum, sérstaklega ef D og B fara saman.

Jörundur eitt af loforðum Framsóknar er að hætta ESB umræðum, auðvitað gæti komið til greina að setja hana á ís í tvö ár, og síðan þjóðaratkvæðagreiðsla, það er möguleiki.  En þessi umsókn á ekki að þvælast fyrir íslenskum stjórnmálum eins og þau eru í dag.

Jósef Smári, mín skoðun er sú að forsetinn hafi brugðist hárrétt við.  Það er algjörlega víst að Framsókn vann stærsta kosningasigurinn og einnig það sem hann lagði til grundvallar að formenn bæði Samfylkingar og Pírata lögðu áherslu á að Sigmundur Davíð fengi keflið.  Málið er bara það að það er spurning um hvort er hægt að reiða sig á Bjarta Framtíð, fyrir mér eru þau ekki traustsins verð, og ef til vill auðvelt fyrir Sjálfstæðisflokkinn að "kaupa" þau eða einstaklinga þar innanborð til fylgilags við sig, þeir hafa svo sem gert það áður. 

Karl þetta er eiginlega ekki svaravert. 

[Sigrún Guðmundsdóttir (IP-tala skráð) 1.5.2013 kl. 11:33]

Skv. nýjustu fréttum kæmi ekki á óvart að út úr þessu kæmi Framsókn, VG og Björt framtíð með stuðningi Pírata.

Svei mér þá ef það yrði ekki hálfgerður léttir í ljósi þess að líklega yrði mestur friður um það í þjóðfélaginu. Og vinstri vængurinn getur þá lagt af heiftinni og hatrinu og haft búsáhöldin sín áfram í eldhúsinu sama hvað á gengur.

En það er þó ástæða til að vera hugsi yfir lausmælgi Birgittu og velta fyrir sér hvort hún er búin að skemma eitthvað fyrir ferlinu. Hún misskilur eitthvað orðið gegnsæi kjáninn sá.

[Ásthildur Cesil Þórðardóttir, 1.5.2013 kl. 13:11]

Sigrún ég var einmitt að hafa áhyggjur af þessu sama.  Vonandi verður það ekki þ.e. að lausmælgi hennar skemmi eitthvað .

[Haraldur Rafn Ingvason, 1.5.2013 kl. 13:15]

Þið verðið að halda áfram með Dögun

Annars er bara broslegt að lesa pirringinn í Bjarna og stuðningsmönnum þessa flokks sem hann veitir formennsku. Auðvitað á að gefa sér tíma og reyna að vanda sig. Ef frá eru taldir þeir sem kusu sjalla (og veittu honum næstverstu kosningu frá upphafi) eru sennilega fáir sem vilja sjá þá í stjórn.

[Ásthildur Cesil Þórðardóttir, 1.5.2013 kl. 13:21]

Takk Haraldur, það er í farvatninu að halda áfram, það verður fundur í framkvæmdastjórn næstu daga um framhald, mér sýnist á félögum mínum að það sé eindreginn vilji til að halda þessu samstarfi áfram.  Held að það sé rétt hjá þér að fólk hrylli við samstarfi D og B. Og það er broslegt að sjá hræðslu Sjálfstæðismanna og frekju þegar þeir fá ekki allt sem þeir vilja upp á borðið.  Þar sést best hvernig þeir hugsa. 

[Toti Sigfrids (IP-tala skráð) 1.5.2013 kl. 13:53]

Ný ríkisstjórn
Stjórnarsáttmáli = halda sjálfstæðisflokknum í burtu
Flokkar = Framsókn, BF, VG, Samfylking og Píratar
Ráðherrar:
Framsókn: Sigmundur, Eygló og Vigdís
BF: Guðmundur, Róbert og Óttarr
VG: Steingrímur, Björn Valur og Kata litla
Samfylking: Árni páll, Össur og Gutti
Píratar: Birgitta (af því að hinir nenna ekki)
Stefnuskrá Framsóknar næst ekki þar sem að hinir vilja það ekki
Stefnuskrá BF næst ekki af því? (sorrý gleymdi að þeir hafa ekki neina)
Stefnuskrá VG næst ekki af því að hinir vilja það ekki
Stefnuskrá Samfylkingar næst ekki af því að hinir vilja það ekki
Stefnuskrá Pírata skiptir ekki svo miklu máli af því að þau nenntu hvort eð er ekki í stjórn

Þetta verða flott 4 ár ;)

[Ásthildur Cesil Þórðardóttir, 1.5.2013 kl. 16:16]

Þú segir nokkur Tóti.  Ef þetta fer svona, sem ég veit ekkert um, og er reyndar frekar sama um að svo komnu máli, þá er það ljóst að Besti flokkurinn og Vinstri græn fengju ekki fleiri en einn ráðherra hvor.  Sennilega yrði þá Katrín áfram menntamálaráðherra, skilst að margir séu ánægðir með hana þar, og hún er að vinna að ýmsum málum eins og lánamálum og slíku sem fellur vel í fólk.  Guðmundur yrði auðvitað ráðherra fyrir BF, enda var það allan tímann óskin að ná sér í þægilega innivinnu.  Píratar fá örugglega ekki ráðherra, enda sækjast þau ekki eftir því.  Það væri erfitt að útiloka Árna Pál frá ráðherradómi, en ég er nokkuð viss um að Össur yrði ekki áfram utanríkisráðherra, þar sem Framsókn hefur lofað að hætta viðræðum við ESB.  Það yrði sennilega frekar leitað á kvennamið, Katrínu Júlíusdóttir væntanlega.  Samfylkingin fengi sennilega einn ráðherra í viðbót, hinir yrðu Framsóknarmenn.   Veit satt að segja ekki hvort þetta yrði neitt verra en með sjálfstæðisflokknum.  Málið er að með forystu Framsóknar yrði ekki þessi stöðnun sem ríkti hjá velferðarstjórninni, þar sem enginn hafði nein tök á neinu og ekkert var reynt til að sjatla málin.  Verklagið var þannig kolrangt.

En úr því sem komið er, þá væri þetta að mínu mati skásti kosturinn, þó ég sé með upp í kok af Bjartri Framtíð og Samfylkingunni.

[Ásthildur Cesil Þórðardóttir, 1.5.2013 kl. 16:17]

SOrrý Björt framtíð, er víst ekki alveg sama og Besti flokkurinn bara keimlík.

[Sólrún (IP-tala skráð) 1.5.2013 kl. 17:32]

Það yrði alveg einkennilega skrýtið ef Framsókn færi að taka saman vi ESB/Iceave flokkana.

Og Sigmundur Davíð mundi víst varla gera annað á meðan að hann væri að temja þær truntur og koma þeim niður á réttan gang.Og hætt við því að þá yrði langt liðið á kjörtímabilið ef að það þá einhverntíma tækist hjá honum

Vitandi það að flokksins gíða gengi í kosningunum var einmutt vegna ákveðinnar andstöðu hans í þeim málum.

En vissulega hafði líka vafalaust mikið að segja hvaða áhersla vr lögð á aðstoð við heimilin.

Og þar er nú við Sjálfsstæðismenn að eiga sem virðast ekki hafa hugmynd um að það eru heimilin í landinu sem eru undirstöðurnar í þjóðfélaginu.

Það er helst að sjá að peningamennirnir sjálfir viti ekki neitt um það hvaðan peningarnir koma og verðmætasöpunin

Og haldi að mjólkin komi bara úr búðinni...

Vinstri Grænir og Samfylking hafa ekki sýnt sinn margumtalaða vilja í verki við að leysa skuldavanda almennings.Þó mikið hafi þeir um það talað.

Þetta veit nú Sigmundur Davíð manna best og verla eftir miklum stuðningi að sæjkast úr þeirri áttinni frekar en frá Sjöllunum.

Kannski man einhver eftir Árna Páls lögunum svona sem dæmi..

Ásthildur mín eg vona að þú bjóðir þig bara fram ein og sjálf næst.Og þá ætla eg að flytja á vestfirði og kjósa þig.þú kemst alveg örugglega inn

Hvernig fór annars með framboð Sturlu Jónssonar var það metið löglegt ?.

[Ásthildur Cesil Þórðardóttir, 1.5.2013 kl. 17:45]

Haha Sólrún mín, já framboðið hans Sturlu var löglegt, hann þurfti samt að bjóða sig fram í öðru kjördæmi en sínu eigin, svo hann gat ekki kosið sjálfan sig. 

En hver veit nema gamla nornin geri nákvæmlega það að bjóða sig fram á eigin spýtur, þegar maður fær svona stuðning.  Takk mín kæra.  Við munum svo sannarlega vinna að betra samfélagi, þau okkar sem hugsa skýrt.

[Vilhjálmur Stefánsson, 1.5.2013 kl. 23:41]

Ömurlega fór fyrir þessari Dögun Ásthildur mín og betra hefði verið fyrir þig að okkur Sjallana.

[Jens Guð, 1.5.2013 kl. 23:54]

  Jósef Smári,  það er ekki sjálfgefið að BB hefði átt að hefja stjórnarmyndunarviðræður.  Forsetinn stóð rétt að málum með því að ræða við alla þingflokka.  Hafi þeir allir eða flestir lýst yfir vilja til að starfa frekar með Sigmundi Davíð en BB þá var rétt ákvörðun að gefa SD keflið.  Ekki síst ef SD óskaði til viðbótar sjálfur eftir því að kanna til þrautar möguleika á annarri ríkisstjórn en B+D.   

  Meira en 7 af hverjum 10 sem kusu völdu EKKI BB sem leiðtoga lífs síns.  Inn í þetta gæti spilað að SD þyki BB leiðinlegur og kaffið sem hann býður upp á vont.  Allt telur.  Það er alveg jafn lýðræðislegt að 3 flokkar sem hafa meirihluta kjósenda á bak við sig reyni stjórnarmyndun eins og ef 2 flokkar með svipað fylgi láti reyna á stjórnarmyndun.  

  Að þvi frátöldu tel ég hið versta mál að XB hafi fengið uppreista æru í þessum kosningum.  Ég hefði viljað að XB þurrkaðist út eins og í borgarstjórn.      

[Ásthildur Cesil Þórðardóttir, 2.5.2013 kl. 08:25]

Jamm Vilhjálmur minn, en við höfum markað okkar spor og erum komin til að vera.   Segjum eins og í spaugstofunni; gengur bara betur næst.